السلام عليكم اليوم حبيت نطرح موضوع مهم جدا نعايشه في حياتنا بشكل يومي ونلقاوه في كل منزل الا وهما المشاكل الزوجية وخلينا من المشاكل الي تكون مابين المرا والراجل يعني نقصد ليبروبلام الي تكون مع لعجوزة ولعروسة الحرب الي ماتخلاصش **** كاين شي عرايس كي يتزوجوا ميحبوش يخدمو على لعجوزة خاصة كي يكون في دار وحدا اي مطبخ واحد لعروسة متنوضش حتى للعشرة يعني لعجوزة تكون كملت شغلها ومبعد كيتشوف مرت وليدها جات تتزعبل ترميها في قائمة التجاهل ولى تبدا تمعنيي عليها انا نقول هنا بلي لعجوزة عندها الحق وفي اسرة اخر تلق لعروسة طيب تغسل حتى تنسى روحا في لخر اجي يمات راجلها وتقوللها هدا ماشي شغل وتعاودو مراها اوكي يجي راجلها تحكيلو عليها بلي فنيونت او ترجع لكلام او بزاف حوايج ........نعرف واحد لحكاية على وحا هي شابة بزاف وكانت داير شيكورا في دارهم ليغاط يخلص تزوجت هدي الفتات وكي راحت لدار راجلها صارت خداما يعني فام دوميناش بمعنى الكلمة تسيقى تغسل لماعن تنضف وتفرش برك والماكلا عجوزتها لطيب عندها ربع سنين زواج عمرها ما طيبت ميخلوهاش حاكرينها بزاف صوتها مترفعوش مسكين تربات على السمع والطاعة حتى راجلها يبات في غرفة وهي في غرفة وحدها وحتى وليدها الصغير نحاتهولها عجوزتها قالتلها هدا انا نربيه وهي سااااااكت وصابرة يعني انا كي نشوفها نبكي عليها تغيضني بزاف لوكان انا يديرولي هكا ناس داري نطرطك فيهم حاجة المهيم كاينا انسانة اخرى نعرفها شخصيا تزوجت عن حب وداوها بلقدر ومبعد صرا فيها لعجب وش من معاير وش من ضرب وزادوا لاحوها في لكوري تربي لبكر وتحلب رغم انها بنت العاصيمة المهيم انا مارانيش ضد فكرة تحلب البكرة ولكن هوما دايرينها خديما حتى كي مرضت مقلقوش روحم وداوها لطبيب عيطو لباباها اداها وحتى كي كانت في المستشفى ماجاوش ليها يعني هادي كع حكرة ولى وشنو وعلاه لعجوزة متحملش مرت وليدها وتانيك وعلاه لعروسة متحاولش تساير الحياة الجديدة وتتعايش معاها انا اطرحت عليكم الموضوع او نستنى منكم ردود او امثلة