حسينة + حسين و encore تحوس على التقلاش الزين و النهاية....

الحالة
مغلق ولا يسمح بالمزيد من الردود.

♥SaMoù Là MoDèsTe♥

:: عضو شرفي ::
إنضم
24 جويلية 2008
المشاركات
1,585
النقاط
43
مسآ/آلخير عليكم أعضآء منتدى اللمة
كيراكم دايرين ؟؟؟
إن شـآء الله بخير
واللي ماهوش مليح(ة) ربي يجيبلو سآعة الخير

ليوم بغينآ نطرحوا عليكم موضوع ادينا الفكرة تاعو من قلب مجتمعنا الجزائري
الموضوع طبعا ثنائي من طرف العضوتين :shay:

SàMoù Là MoDèsTe
و
ما بقاش بزاف -dz


الموضوع أو القضية اللي حبينا نتكلموا عليها هي

:

إصرار الفتيات على الزواج
رغم عدم معرفتهن بأدنى شروطهـ !!


احنا ما ناش نحكوا على الشروط الي يعرفوها قاع الناس ، إنما رانا نحكوا على أهم الشروط وهي شطارة الفتاة و قدرتها على تحمل المسؤولية بأنواعها ، و للتعمق في الموضوع أكثر رآيحين نطرحوا قصة مستوحاة من الواقع اللي رانا عايشينو...

قصة فتاة تدعى حسينة
وفتى أحلامها : حسين احم احم
حسينة المقلشة الي يدلعوها في دارهم "سوسو"

عندها 21 سنة تقرا في الجامعة و هي الصغيرة في دارهم
الحاجة اللي تطلبها تجيها يعني مدللة و مدلعة بزاااااااااف وكآنت شآبة بزآآف ،المهم الطفلة هدي تبغي واحد سموه (حسين) وهو يقرا معاها فالجامعة ، تعلقت بيه بزاف و خلاتو يحبها
ممبعد هو خرج معاها راجل جا خطبها من والديها،
وتفاهمو لما يكملو قرايتهم يديروا العرس بعدما والديها قبلوا بيه و كلش ، فعلا كي كملوا قرايتهم...لقى حسين خدمة بدافع أنو كان متفوق و بذلك تحقق حلم المقلشة( سوسو) حيث تزوجت بحسين فتى الاحلام و داروا عرس شباب اللي الناس الكل هدرت عليهـ و فوتوا شهر عسل و لا في الاحلام
رجع حسين لأهلو مرفوقا بـ حسينته ههههههه وبدأت المعانآة:scared:
*
*
حسينة المقلشة في الشهر الأول كل يوم تضرب فيها حطة
والشي الي تغير واحد ما يعيطلها سوسو و لا يدلعها ،( حسينة بدات تكره)و كانت ما تدخلش
لل[FONT=&quot]la cuisine و إذآ دخلت فأكيـد (المقلشة)راح تدير [/FONT]les frites و لا أحد أخواتها...
فاتو شهرين على زواجهم وحسينة غير هي هي
الرقاد حتى ل 9 ، جامي فرحت راجلها بقاطو و العشا أو الغدا غير المقلي×المقلي
في واحد النهار جا حسين المغبون من الخدمة و هو عيان
و لقاتو (حسونتو) بوجهها المقلش كي العاد, و دار بيناتهم هاد الحوار:

-حسينة : اهلا بيك حسين
-حسين : واش من اهلا هاتي العشاء راني عيان اليوم

قاتلو حسينة : واش بيك تقولي هكدا:closedeyes: (احم احم تالمون مقلشة بزاف مقبل) اذا حبيت تتعشا روح اقلي البيض راهو قدامك علاش تعيي فيا؟
و طلعت لفوق تجري غاظتها روحها:schmoll:
ايا حسين طلع موراها و هو زعفان و حاول انو يكتم الغضب
قالها ’ صايي ما تحيريش فيا
و رقد المسكين بلا عشا ...........
و كي ينوض الصباح لا فطور لا والو ،لالة تقول توجور مازال الحال و يروح للخدمة هكداك:cra_zy:​
و هو فالخدمة تعيطلو و تقولو [FONT=&quot]papa جا يديني و تصر عليه ايا تروح دراع و ما على المسكين الا ان يوافق
[/FONT]​
و زيادة على المشاكل الي تديرهم مع اهلو و غيرها و هي في دارهم جاتها ورقة الطلاق
و انتهت القصة و ولات حسينة المقلشة تبكي على زهرها هههههههههه
------------
-----------
هكذآ كآنت نهآية حسينة ، اللي تقول ما عنديش الزهر ، أنا نقوللكم ماشي ما عندهاش الزهر ! حسينة ماعندهاش اليدين واللسان ... رغم مظهرها اللآئق...

إذن أنتي يا اختي إذا حابة تتزوجي ، لآزملك تتعلمي كلشي ، إيهـ كلشي لأنو كيما عرفتي تتزوجي لازم تعرفي بلي الزواج ماهوش لبسة وحطة وتصديرة ، هو ثاني شطارة ولسان و ضرافة فالهدرة ...
عن التقلاش
...
صح اتقلشي على زوجك ، مي انتي ثاني قلشيه و ديري في بالك بلي قدما الراجل يهتم بالمظهر يهتم ثاني بـ ماكلتو ويحب المرأة اللي توجور تنوع لو وتخلعو بالجديد سواء بالطبخ أو الديكور وخاصة النظآفة ......و من جهـــــة البنات تاع درك ماشي الكل يحوسوا على التقلاش و التبياش هدا ماكان و بعد الزواج لازم ينساوا شوية الدلع الي كانوا عايشين فيهم في ديارهم

ايا بزايد عليكم خلاصوا دراهمكم المرة الجاية ان شاء الله
طولنا عليكم بزاف الآن اليكم الخط للنقاش و الادلاء بالآراء

سلام الله عليكم
تم بيوم 21/12/2011
من طرف
ما بقاش بزاف-DZ
SàMoù Là MoDèsTe

 

hayet bicho

:: عضو مُشارك ::
إنضم
4 أفريل 2010
المشاركات
235
النقاط
7
إيـــــــه هذه قصة حسينة راهي كيما قصة أغلبية لبنات اللي دايرين الزواج فشوش وحطة وتقلاش كيما قلتي انت وناسيين أهم حاجة وهي يتحملو المسؤولية تاع الزواج psq تتزوجي تتحملي مسؤولية راجلك من كل ناحية وخاصة الطبخ مي مساكن يكونو دايريين هذيك الفكرة في راسهم نهار اللي يتزوجو يصطدمو بالواقع وتكون نهايتهم كيما نهاية حسينة
يعطيك الصحة على الموضوع وبارك الله فيك
 

nawal 88

:: عضو فعّال ::
إنضم
20 أوت 2008
المشاركات
2,536
النقاط
157
اه ياحسينة يا مكسرة اليدين خليتي الراجل في مصاريف هكاك هههههههههههه
والله القصص تاع لعرايس كامل تتشابه انا عندي ختي محامية والله كي نكون نقرا في لورق تاوعها نموت بالضحك تاع طلاقات سورتو كي تكتب لاليست تاع حوايجها تكتب تكتب وتختمها ب قرعة ونص شامبوا ههههههههههه
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
يعطيك الصحة على الموضوع الباهي
عندي بزااااااااااااااااف ماقريتش موضوع مليح كيما هذا
وراحت حياة سوسو فزوج عضمات ههههه
قليل وين تلقاي طفلة تقرا وتعرف أطيب قليل
وخاصة بنت لمدينة، مسكينة راهي مدايرة في يديها الفازلين وراهي مدايرة الغوزيزونقل ووو
وكتاش اطيب
ايه والجافال مايساعدهاش فيديها ولخزم يجرحها
وطيباب لعشا يفوتلها الموسلسل ...
 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
السلام عليكم ورحمة الله
يعطيكم الصحة سامو وما بقاش بزاف
موضوع هايل الله يبارك ويلامس الواقع.
فعلاً لي رانا نشوفوه الآن برأيي سيء جدًا، بنت مازالت ما تعرف والو في هاذ الحياة ومن بعد تروح تتزوج، والله يحسابو في الزواج لعبة، وحاطينو برك هذاك الشهر الأول لي يسموه شهر العسل وفرات.
متوقعين الزواج لبسة وحطة وخلاص. الزواج أكبر من هاااااااذ الشيء بياااااااسر. الزواج مسؤولية الله أعلم بخبرها. والله يا أختي رانا كبار وكل ما الواحد يفكر في مسؤولية الزواج غير النوم يطير لأن الحالة مش ساهلة خلاااااص.
لهذا نقول للبنات، ما تفرحيش للزينة والحطة، خممي لبعيد، رح تعيشي مع راجل ومع عائلة طبايعهم مختلفة على طبايعكم وبعد عام ولا عامين رح تصبحي أم ورح تكون عندك مسؤوليات كبيرة.
تأهلي مليح في بيت أهلك وتعلمي أصول الحياة وتربي مليييييييييييييح قبل ما تفكري في الزواج.
وربي يقدر الخير.
تستاهلو تقييم


 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
نسيت
تستاهلو تقييم بصح مالقيتش لمن نمدو ؟؟؟ ههههه
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
إيـــــــه هذه قصة حسينة راهي كيما قصة أغلبية لبنات اللي دايرين الزواج فشوش وحطة وتقلاش كيما قلتي انت وناسيين أهم حاجة وهي يتحملو المسؤولية تاع الزواج psq تتزوجي تتحملي مسؤولية راجلك من كل ناحية وخاصة الطبخ مي مساكن يكونو دايريين هذيك الفكرة في راسهم نهار اللي يتزوجو يصطدمو بالواقع وتكون نهايتهم كيما نهاية حسينة
يعطيك الصحة على الموضوع وبارك الله فيك
اهلا بيك حياة
و جات قصـــة حسينة المغبونة كمتال عن كل البنات تاع درك هههه
عندك حق ختيتو ياك لازم يتحملوا المسؤولية تاع الزواج و الا علاش يتزوجوا اصلا كي ما يكونوش على قدر كاف من تحمل كل الاعباء
مشكورة على الرد الزينون
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
اه ياحسينة يا مكسرة اليدين خليتي الراجل في مصاريف هكاك هههههههههههه


والله القصص تاع لعرايس كامل تتشابه انا عندي ختي محامية والله كي نكون نقرا في لورق تاوعها نموت بالضحك تاع طلاقات سورتو كي تكتب لاليست تاع حوايجها تكتب تكتب وتختمها ب قرعة ونص شامبوا ههههههههههه
اهلا بيك نوالـ
ههههه حقيقة ردك ظريف
المشكل ماشي غير فالمصاريف و انما فالحياة الي تولي لا تطاق مع وحده كيما حسينة
و اغلب قصص الزواج مهاد النوع تنتهي بطلاق
ههه يكتبوا حتى الحوايج الي ما يتكتبوش ههههه اول مرة نسمع بيها و رب يوفق اختك فالخدمة
مشكورة
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
السلام عليكم ورحمة الله
و عليكم السلام

يعطيكم الصحة سامو وما بقاش بزاف
الله يسلمك خيتو اهلا بيك
موضوع هايل الله يبارك ويلامس الواقع.
فعلاً لي رانا نشوفوه الآن برأيي سيء جدًا، بنت مازالت ما تعرف والو في هاذ الحياة ومن بعد تروح تتزوج، والله يحسابو في الزواج لعبة، وحاطينو برك هذاك الشهر الأول لي يسموه شهر العسل وفرات.
نعم ما يقدروش و ما يحسبوش واش كاين ممبعد من مسؤوليات كبيرة
متوقعين الزواج لبسة وحطة وخلاص.
ايه زعما غير كي يبشوا و يحطوا الحطة ما خلا ربي ما عطا
الزواج أكبر من هاااااااذ الشيء بياااااااسر. الزواج مسؤولية الله أعلم بخبرها. والله يا أختي رانا كبار وكل ما الواحد يفكر في مسؤولية الزواج غير النوم يطير لأن الحالة مش ساهلة خلاااااص.
نعم معكي حق اختي الفاضلة لازم الانسان يفكر في كل واش راح يكون ممبعد يعني يخمم لبعيد و خاصة البنات
لهذا نقول للبنات، ما تفرحيش للزينة والحطة، خممي لبعيد، رح تعيشي مع راجل ومع عائلة طبايعهم مختلفة على طبايعكم وبعد عام ولا عامين رح تصبحي أم ورح تكون عندك مسؤوليات كبيرة.
عندك حق و مشكورة على هاد الكلام ان شاء الله الكل يستوعبوا واش معناه تحمل امسؤولية فهاد الجانب
تأهلي مليح في بيت أهلك وتعلمي أصول الحياة وتربي مليييييييييييييح قبل ما تفكري في الزواج.
وربي يقدر الخير.
تستاهلو تقييم
يعطيك الصحة انسانة ما على الرد المميز انتي تاني تستاهلي تقييم
مي راهو ما وصلنيش تقييمك هههههه
 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
يعطيك الصحة على الموضوع الباهي

عندي بزااااااااااااااااف ماقريتش موضوع مليح كيما هذا
وراحت حياة سوسو فزوج عضمات ههههه
قليل وين تلقاي طفلة تقرا وتعرف أطيب قليل
وخاصة بنت لمدينة، مسكينة راهي مدايرة في يديها الفازلين وراهي مدايرة الغوزيزونقل ووو
وكتاش اطيب
ايه والجافال مايساعدهاش فيديها ولخزم يجرحها
وطيباب لعشا يفوتلها الموسلسل ...
اهلا بيك ماكانش
اكيد البنات الي يتلهاوا بالقراية صح ما يعرفوش مليح فالطياب و لا امور تاع الدار
هههههه و عندك حق في كلامك لانو الاغلبية هكدا ماشي قاعدين لامور الدار الا من رحم ربي
يعيطك الصحة
اما عن التقييم فاعطيه لسامو لاموداست
سلامو
 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
يعطيك الصحة انسانة ما على الرد المميز انتي تاني تستاهلي تقييم
مي راهو ما وصلنيش تقييمك هههههه

ربي يحفظك أختي
هذاك النهار عطيتلك تقييم على الموضوع لاخر وذرك ما سمحوليش نعطيلك تقييم
لأنِّي من جديد عطيتك تقييم
بصح تقييم مازال محفوظ، وين يسمحولي نبعثهولك بإذن الله

 

مابقاش بزاف.Dz

:: عضو متألق ::
إنضم
6 جويلية 2011
المشاركات
3,242
النقاط
191
محل الإقامة
Algeries
الجنس
أنثى
ربي يحفظك أختي
هذاك النهار عطيتلك تقييم على الموضوع لاخر وذرك ما سمحوليش نعطيلك تقييم
لأنِّي من جديد عطيتك تقييم
بصح تقييم مازال محفوظ، وين يسمحولي نبعثهولك بإذن الله
معليش
ميرسي ختيتو
و عموما مشكورين على المرور
 

كبرياء دمعة

:: عضو مُتميز ::
إنضم
16 أكتوبر 2009
المشاركات
650
النقاط
37
الزواج ماشى غير لاروب بلونش الزواج مسؤولية
مى لقراية ما عندها حتى علاقة بمعرفة و شطارة الطفلة فى الكوزينة اللى تحب تشتاطر و تتعلم ياو لوكان ملقراية ما تخرجش و اللى ما تحبش لوكان تقعد حياتها كامل فى الدار ما تتعلم والو
ميييييييرسى يعطيكم الصحة
 

hiba14

:: عضو مُتميز ::
إنضم
3 نوفمبر 2010
المشاركات
1,479
النقاط
37
اهلا بيك ماكانش
اكيد البنات الي يتلهاوا بالقراية صح ما يعرفوش مليح فالطياب و لا امور تاع الدار
هههههه و عندك حق في كلامك لانو الاغلبية هكدا ماشي قاعدين لامور الدار الا من رحم ربي
يعيطك الصحة
اما عن التقييم فاعطيه لسامو لاموداست
سلامو
اااااااااحم
 

hiba14

:: عضو مُتميز ::
إنضم
3 نوفمبر 2010
المشاركات
1,479
النقاط
37
صح اتقلشي على زوجك ، مي انتي ثاني قلشيه
عجبتني هاد النصيحة بزاف
 

═♥.ЈŪšť_ màn.♥═

:: عضو بارز ::
إنضم
3 ماي 2009
المشاركات
5,377
النقاط
317
العمر
27
..
وااااااااااو مسكينـــــــــــة
بالمختصر .. الزيــــــن يفيد في الصغر مااشي في لكبر
امممممم .
تحياااتي موضوعــ مشوقــ اسومــ
ان شااااااء الله يديو العبرة كااااااامل
:shay:
 
الحالة
مغلق ولا يسمح بالمزيد من الردود.
Top