قالي المشكل كيفاش نلقى الطفلة ؟؟؟ انا و bachboucha

الحالة
مغلق ولا يسمح بالمزيد من الردود.

ماكانش

:: عضو بارز ::
أحباب اللمة
إنضم
15 جوان 2010
المشاركات
7,712
نقاط التفاعل
2,463
النقاط
351
السلام عليكم ورحمة الله وبركاته
واش راكم خاوتي لاباس بخير الحمد لله
أيا قبل بيومين جاني السلفي ولاجودان كي العادة نسهرو شوي
أيا والسلافي مسكين ماكانش مليح ؟؟؟ وعلاه قالك بنت خالتو خطبوها ههههههه
أيا نقصرو هكذاك قتلو أنا (زعما نصبر فيه ههههه) قتلو ماتكسرش راسك مازال الخير وتلقى ...
قالي يا سفيان المشكل ماهوش في الطفلة ونلقى ومانلقاش المشكل كيفاش نلقاها ؟؟؟
قالي نتبعها، نحبسها، نهدر معاها كيفاش ؟؟
قتلو أنا صح مشكل وخاصة مع ألي مايفهموش ؟؟؟
قتلو حكاية أتبعها ماهيش حكاية، قادر تشوف وحدة تعجبك كيفاش راح
أتبعها وهيا هذاك وين خرجت من دارهم ؟؟؟ ههههههه يعني راح تحوس معاها ولا كيفاش ؟؟؟
ولا تكون مزروب وشفت وحدة عجباتك كيفاش راح أتبعها ؟؟؟ تخلي قضياتك ؟؟ ماتصلحش
قتلو تحبسها ثاني ماتصلحشن تولي تبالها راك تتمسخر وفي حقها ماتحبسلكش ؟؟؟

خاصة يحبسها واحد بولحية ههههههه
ثم ثم تهز التيليفون وتعيط لصاحبتها فلانة أسمعي أسمعي علابالك واش صرالي اليوم ؟؟؟ هذا وين حبسني خوانجي حاب يتعارف هههه
تقلها صاحبتها يووووووووووون قالتلنا عليهم فيروز بلي منافقين ؟؟ :eek:_o: هههههههه
قتلو كاشما تخطبلك يماك ونتا فريتها ههه ولا تخطب وحدة تعرفها بكري وخلاص ههههههه
أنا حرت وبعثت الموضوع لبشبوشة كاشما تعطيني رايها وهاهي ليكم بشبوشة تحكي شوي في هذ الموضوع

السلام عليكم معاكم دوكا انا كالعادة بشبوشة الوقابة و صاحبة الحلول السريعة مباشرة من الميدان مع اخر التطورات في المجال
منين رح نبدا
انا نشجع الراجل اللي يكون ناوي لحلال أنو مايسكتش إذا عجباتو الطفلة و نواها لحلالو يقرب ليها و مايودرش الفرصة قالك سقسي مجرب و ماتسقسيش طبيب الحشمة راهي خلات شي ناس تسربي الماكلة و الفاكية في عرس اللي كانو يحبوهم بقلب محروق و عينين ملياننين دموع و كلمة يا ريت
علاه حتى يطيح الفاس فالراس باه نحسو ؟؟؟؟
هدرت بزاف مي ماعليش قلبي و قلب سفيان ف 2 معمريييييييييين
_ اذا راك ناوي وحدة مهدلها انت الاول من بعيد ... أبعتلها مع واحد قريب ليك ولا ليها يشوف ساع رايها باه الطفلة ما تتصدمش
_ بالاك تتفكر واحدة كانت تقرا معاك بكري و تعرف عقليتك مليح يعني ماتخلعش من لحيتك تعرف تخاف ربي ماشي حاجة أخرى
_ بزاف يعجبوهم بنات العايلة بنات الخالة و العمة علاه تخافو تقربولهم و هوما يعرفو عقلياتكم ويرضاو دينكم و خلقكم مع اني ضد زواج الأقارب مي الله غالب القلب و مايريد
_ اللي ناوي يخطب نصيحة أول مرة باه يشاور الطفلة من بعيد مايبعثش يماه بلاك الطفلة تحشم من مرا كبيرة يبعث وحدة قريبه فالعمر لسن الطفلة مي تكون راكزة فراسها و عقلها مجمول
_ المهم انو جامي هاد السيد ينحي اللحية باه تقتنع بيه مرا باسك هكذا يولي يبان للطفلة منافق ولا لعوب
الهدرة دوكا للبنات اللي يخافو من السلفيين
والله العظيم الراجل اللي يخاف عليك هو اللي ماراحش يخليك تخدمي و تخرجي بلباس فاضح باسك يخاف عليك من عينين الناس اللي ماتخافش ربي يخاف عليك من البلا و من العين من الحسد لانو انتي أجمل جوهرة ملكها هاد السيد و خاف عليك
ايا خممو معايا شوي المشكل راهو فالعقلية ماش فاللحية
السيد السلفي كان ينحي اللحية راه تتبدل عقليتو و لا أفكارو و لا تخمامو ؟؟؟ أبدا ما يتبدلوش
الأفكار و القناعات راهم فراسو ماش فلحيتوا و لا فقميصوا و لا فالسروال
الأفكار و القناعات ماراهمش فاللحية راهم فالراس
هدرت بزاف الكلمة و التعليق للأخ سفيان :


يعطيك الصحة بشبوشة
نخليو الستيلو للأعضاء تاعنا ...


ملاحظة:
واقيلا لبنات مشكلهم الدراهم برك، لا لحية لا شورط ؟؟؟ ...
ثانيا:
موقفك يا طفلة لوكان يحبسك واحد يقلك ماعليهش تعطيني العنوان تاع داركم ؟؟؟
ولا كيفاش تتصرفي كي تحسي بلي واحد راهو يتبع فيك حاب يعرف الدار ولا وين تخدمي ولا حاجة هكذا ؟؟؟؟؟



 
السلام عليكم
واقيلا لبنات مشكلهم الدراهم برك، لا لحية لا شورط ؟؟؟ ...
ماشي قاع و الله ماشي قاع كيما انا ما نكبش عليك و اسمحولي مشكيلتي اللحية
ثانيا:
موقفك يا طفلة لوكان يحبسك واحد يقلك ماعليهش تعطيني العنوان تاع داركم ؟؟؟
نخزر فيه و عينيا كبار يبطل تم هههههههههههههههه
ولا كيفاش تتصرفي كي تحسي بلي واحد راهو يتبع فيك حاب يعرف الدار ولا وين تخدمي ولا حاجة هكذا ؟؟؟؟؟
تيارت قنت و دورة كاين وسائل اخرى باش يعرف الدار
 
السلام عليكم و رحمة الله
يعطيكم الصحة يا السي ماكانش و بشبوشة موضوع مليـــح مي طويل شوية من ناحية بشبوشة الوقابة هههههه
المهم ....كيما قلتوا واحد ادا نوى طفلة فالحلال و بغاها صـــح اكيد راح يتمسك بيها كيما قالت الست بشبوشة في تحليلها المنطقي حتى انو كان هاد الشاب سلفي متلا و صاحب لحية و ملتزم فماهوش عيب انو يطلب وحده و لا حاجة و من ناحية عندنا نظرة فالمجمتمع غالطة انو اي سلفي راهو ما يدورش قع بالبنات هدي صحيحة مي ماشي انو يقعد ما يشوف حتى وحده
و برايي الشاب الملتزم افضـــــل لانو ناوي فالحلال عاده و ماشي لازم يقلع عليه واش راهو مداير من قبل باه تقبل بيه و لا لا و انما مليح انو يبقى محافظـــــ على دينو
المهم خلطت بزاف فالرد
ايا سلامو و تستاهلوا في زوج تقييم على الموضوع القيم و الهادف
يعطيكم الصحـــــــــــــــــــــــــــــة
ما بقاش بزاف
 
السلام عليكم
موضوع شباب بزااف و مضمونه قيم و مفيد و اللي يعكس معاناة كتير من الشباب الجزائري الله يحفظهم
يا اخي السفي وكل ربي و ادعي لانو ربي اذا عرف حسن نيتك راح يعطيك احسن طفلة ان شاء الله و انت سعى باه تلقاها في الحلال
و السلفي حاجة تشرف و اللحية ايضا اذا كان معاها الدين و الاخلاق
واقيلا لبنات مشكلهم الدراهم برك، لا لحية لا شورط ؟؟؟ ...
ما تقدرش تعرف مشكل كل البنات كل بنت تختلف عن الاخرى كاين اللي مشكلها الدراهم كاين اللي مشكلها النسب و كاين و كاين انا عن نفسي مشكلتي هي الخدمة لازم يكون الراجل خدام يعني لوكان ادنى خدمة مهم خدمة اللي تعيش.
موقفك يا طفلة لوكان يحبسك واحد يقلك ماعليهش تعطيني العنوان تاع داركم ؟؟؟
نشوف فيه مليح لا راه من نيته( بلاك يكون سراق ههههههههههه)

ولا كيفاش تتصرفي كي تحسي بلي واحد راهو يتبع فيك حاب يعرف الدار ولا وين تخدمي ولا حاجة هكذا ؟؟؟؟؟
لا كان يحوس عليا في الحلال نورمال بصاح لاكان يحوس على نيميرو وهداك الشي ياكل كلمة مليحة مني
 
واقيلا لبنات مشكلهم الدراهم برك، لا لحية لا شورط ؟؟؟ ...

انا همي لاول ندي واحد متدين الدراهم آخر همي

ثانيا:
موقفك يا طفلة لوكان يحبسك واحد يقلك ماعليهش تعطيني العنوان تاع داركم ؟؟؟

مانمدلوش وانا وين علابالي بلاك سراق وهذي طريقة باش يسرقني ههههههه

ولا كيفاش تتصرفي كي تحسي بلي واحد راهو يتبع فيك حاب يعرف الدار ولا وين تخدمي ولا حاجة هكذا ؟؟؟؟؟

نولي انا تاني نعس فيه باش نعرف واش راهو ناوي لول
 

واقيلا لبنات مشكلهم الدراهم برك، لا لحية لا شورط ؟؟؟ ...
والله والو انا بور موا الصح كاملـ في الدينـ والاخلاقـ ويخافـ ربيـ وقادر باه يحلـ دار "عندو روحـ المسؤولية+عندو دخلـ"

موقفك يا طفلة لوكان يحبسك واحد يقلك ماعليهش تعطيني العنوان تاع داركم ؟؟؟
ممممـ مانيش عارفة واش راحـ يكونـ موقفيـ كيـ نسييـ نقولكمـ
ولا كيفاش تتصرفي كي تحسي بلي واحد راهو يتبع فيك حاب يعرف الدار ولا وين تخدمي ولا حاجة هكذا
مانتصرفـ والو نسنى ماذا ستبديـ ليـ الايامـ وخلاصـ

ونرجعـ للموضوعـ واحد اذا كانـ يبغي واحدة يدير المستحيلـ ويدير الكوراجـ مايحشمـ ماوالو واللحية ههههـ ماهيشـ سببـ للرفضـ المهمـ والله مانيـ عارفة مانقدرشـ نفيدكمـ هذا موضوعـ يختلفـ على حسابـ العقلياتـ وشكرا وان شاء الله ربيـ يفرجـ عليكمـ وتعرسو ونتهاناو منكمـ ههههـ"نتمسخر"

 
يغلق الموضوع بطلب من صاحبه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top