قالنا نديرو ليكور في لبلاصة الفلانية ..؟؟؟؟؟؟؟

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
بســــــــــــــــــم الله الرحم الرحيم
نبداوها قبل مانقولو واش راكم حطو رد لاشتا قولو او ماعجبناش الموضوع ...ايا نقولكم يخي راكم لاباس نحمدو ربي على كلشي ربي يرزقنا من رحمتو وخيرو يارب .......
وانا زعمة داخلة فيها غير فضح شوفو واش صرا معايا وهاتو رايكم
امالا في بداية العام انا وريمي (القطة الجزائرية) نسقسيو لبنات على ليكور وين درتو وعندمن اكم علابالكم ....امالا قاعدين نحكيو مع واحد يقرا معانا قالنا او كاين واحد فور في المات يرجعك قنبلة قلنالو بالبراكة ياسيدي هيه وين جا هاد الاستاذ قصدنا وين يقري قالنا في بلاصة الفلانية ...هو راح وقعدت انا وريمي نشوفو مع بعضانا انا ماحملتش قتلها لاه كاينة هاد لبلاصة في شلغوم بدينا نضحكو قتلها والله نسقسي ونشوف :eek:i-o::eek:i-o:.....رحنا عند وحدة تقرا معانا قلنالها اسمعي رحتي للبلاصة هدي قاتلنا والله البارح برك وانا فيها نسقسي على ليكور :eek:_o::eek:_o:....سكتنا :shay:قلنا بلاك هدي تسكن في هدوك لجوايه تعرفها رحنا لوحدة اخرى سقسيناها تسكن قدامنا باه النحيو الشك ...قاتلنا والله كرهت من هذيك لبلاصة من كثرت مارحتلها ديجا غدوة حنروح ندير ليكور عند تاع المات :scared::scared::eek:_o::eek:_o:شفت انا وريمي مع بعضانا وقلنا غير نحصلو فيها تدينا معاها مناه مانعرفوش لبلاصة خلاص :eek:i-o::eek:i-o::showoff::sheer:امالا للغدوة رحنا معاها لليكور .......بيبييييب :eek:_o::eek:_o:قاتلنا في نص الطريق اسمحولي انا نخليكم اهنا ماما راهي بعثتني لعند خالتي لازم نروحلها بالزربة اسمحولي نخليكم تكملو وحدكم :eek:_o::eek:_o:في قلبي قلت انا آآآآآآآآآآآآآآآآه ...طليت على ريمي رايحة تبكي ههههه راحت الطفلة وخلاتنا كي الاطرش في الزفة ياو حتى من شلغوم صغيرة كون جات في قسنطينة ولا سطيف غيير ابداو حوسو علينا في كل شيء ممكن حتى من هذيك الحصة او راحت خسارة والله كنت نحبها ............المهم قاتلي ريمي كوراج امشي برك منين خرجتي خرجتي على الاقل نوليو نعرفو بلايص مانعرفوهومش من قبل ومنبعد لقينا ناس وحد اخرين رايحيين يقراو تبعناهم وين يمشيو نمشيو حتى قريب شكو هدوك الذكورة ههههه خافو منا ههههههههههه بصح سلامات لطف بينا ربي وكانو رايحين لليكور في نفس لبلاصة الي رايحين ليها ........خلاصة القول حبيت نقوللكم بلي حنا الدار كلاتنا من المدرسة للدار ومن الدار للمدرسة مانعرفو والو يحطونا نتودرو غير شوي مع السنين الاخيرة كي عدنا نديرو ليكور عدنا نعرفو شوي بلايس المهم واش رايكم في هاد العقلية تاع الطفلة ماتعرف والو على بلادها وهل هي في مصلاحتها ولا العكس وتاني يجي نهار وين تلقا مشكل بسبب الجهل هدا .........في انتظار آراءكم سلالالامو
 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
السلام عليكم
أهلا بيك يا القطة، أولاً سلامة راسكم كيما صرالكم والو.
بالنسبة لسؤالك، مش لازم لمرا تعرف لبلايص كامل، تقعد في دارها وتهني على روحها وإذا حبت تروح لبلاصة بعيدة ولا ما تعرفهاش تدي معاها خوها والا باباها على الأقل تكون محمية معاهم لأن ما تعلمش وش ممكن يصرالها في الطريق.
المهم ربي ينجحكم ويوفقكم وإذا حبيتي لي كور في المات قوليلي أنا نديرلك وبلاش :shiny:
+
كاين حاجة لاحظتها في كلامك وحبيت نفهم معناها :shay: دايما تقولي: مناه، وش معناها؟؟؟
ربي يحفظك

 

nina bonoise

:: عضو متألق ::
إنضم
8 أوت 2009
المشاركات
3,357
النقاط
157
ههههههههه
شبعتيني ضحك
يا وخدي اخرجي حوسي شوية في بلادك
امك تخرجك ول اختك
اوموان تعودي تعرفي لبلايص
باه مديريس السمير لروحك كيما رحتي تسقسي
و مشكورة على الموضوع الطريف
كنت مديقوتيا ضحكت شوية
 

zagane

:: عضو بارز ::
إنضم
2 جويلية 2007
المشاركات
5,339
النقاط
1,401
محل الإقامة
معسكر
الجنس
ذكر
السلام عليكم


بما أنكم قطط لازم تصيد و الفئران في بيوتكم هههههههههه يسرا ليكم كيمأ توم و جيري كي راح للمدينه ههههههههههه

لوكان سرقوكم شكون لي جيب ليكم خبر
البنت ما عليك تخرج و لكن يكون معها خوها ولا أبوها يورو ليها الطرق

أنا نظن ما تعرفش حتى بلادها أحسن باش إذا تزوجت ما تهربش لي دارهم هههههههههههههه أمزح
 

iman la brune

:: عضو مُشارك ::
إنضم
13 أكتوبر 2011
المشاركات
426
النقاط
7
واش راهم ناس شلغوم عندي 15 يوم برك كنت فيها وعجبتني بزاف

المهم بخصوص الموضوع انا نظن انو المرا كي تكون تعرف بلادها خير

انا عندي بنت عمي مكانتش تخرج غير من المدرسة للدار وجات مرة اضطرت فيها تجي من مكان هي ووحدة اخرى خارج المدينة معرفوش كيفاش يروحو

انا نظن مليح كي تعودي تعرفي بلايص في مدينتك والحمد لله انا نعرف مدينتي مليح

سلام
 

أم نعمة

:: عضو مُشارك ::
إنضم
19 ماي 2009
المشاركات
107
النقاط
7
ماكنش كيما الطفلة لي تكون عازة روحها و تخرج بالوقت و الله نعم الطفلة مشي عايشة راجل قاع النهار و هي برا مشي مشروط تكوني تعرفي قاع البلايص المهم تعرفي لا باز (طريق الدار )ههههههههههههههههههههههه
 

حكاية احاسيس

:: عضو مُشارك ::
إنضم
2 ديسمبر 2011
المشاركات
357
النقاط
7
العمر
25
ههههههههه و الله غير ضحكتيني مسكينة
خسارة عليك حنونة انا ولايتي نعرف فيها غير دارنا و الليكول ههههههه الجوارين نتاعنا و ما نعرفهمش
البنت لازم تعرف البلايض مليح en si jamais تتودر خخخخ
و انا اذا تودرت ما تخافوش علي يا نبعثلكم مساج يا نبعثلكم مساج مكانش قاع كيفاه ههههه
و اذا سرقوني روعة نضربوها شوي اكشن حنونة خصني في حياتي شوي اكشن يلعب في الدوامة هههههه
و اذا تلخبطت كاين وحد العفسة في يدي يعرفوني منها انا بنت ....فلان .... هههههه
و نزيدلك انا رايي من راي ام نعمة ويا لوكان ظلي برا المهم لاباز تعرفي طريق الدار ههههههههه
ه_دي بزاف عجبتني هههههههههه
 

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
السلام عليكم
أهلا بيك يا القطة،
اهلا بيك اختي العزيزة انسانة ما ........(كلشي مبروك على كي وليتي مشرفة هدا وين شفتها )أولاً سلامة راسكم كيما صرالكم والو.
والله حمد لله لطف بينا ربي نمشيو بنيتنا هههههه
بالنسبة لسؤالك، مش لازم لمرا تعرف لبلايص كامل، تقعد في دارها وتهني على روحها وإذا حبت تروح لبلاصة بعيدة ولا ما تعرفهاش تدي معاها خوها والا باباها على الأقل تكون محمية معاهم لأن ما تعلمش وش ممكن يصرالها في الطريق.....بصح اختي الاب ولا الاخ ماش طول تلقايهم قاعديلنك هما تاني عندهم خدمتهم ولا في وقت ارجو ولالالازم تروحي كيفاه تصرالك
المهم ربي ينجحكم ويوفقكم وإذا حبيتي لي كور في المات قوليلي أنا نديرلك وبلاش :shiny:
+
آمـــــــــين ..ياااه قولي والله انا ديجا راني حاصلة الله يخليك ضك نهبلك اني جايتك استناي ههههههه
كاين حاجة لاحظتها في كلامك وحبيت نفهم معناها :shay: دايما تقولي: مناه، وش معناها؟؟؟
ربي يحفظك

ههه مناه يعني لان .........شكرا بزاااااف على ردك نورتي الموضوع البسيط:re_gards::re_gards:
 

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
ههههههههه
شبعتيني ضحك
هههههههههههه بصحتك ربي يدومها
يا وخدي اخرجي حوسي شوية في بلادك
امك تخرجك ول اختك ............ماعنديش اختي وماما ماتحبش تخرج بزاف هي بلادها قسنطينة تعرفها مليح اما شلغوم ماعندها حاجة فيها
اوموان تعودي تعرفي لبلايص
باه مديريس السمير لروحك كيما رحتي تسقسي
و مشكورة على الموضوع الطريف
كنت مديقوتيا ضحكت شوية
ربي يعيشك اختي على المرور .......ان شاء الله دايما تشرفينا بردودك :re_gards::re_gards:
 

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
السلام عليكم


وعليكم السلالالالالالالالام ورحمة الله وبركاته
بما أنكم قطط لازم تصيد و الفئران في بيوتكم هههههههههه
شووووووووف ياسيدي معليش يسرا ليكم كيمأ توم و جيري كي راح للمدينه ههههههههههه

ههههههه والله تقول حكايتو كي حكايتنا ههههههههههههه
لوكان سرقوكم شكون لي جيب ليكم خبر
ههههههههههههههههههههههههههههههههههههههههههههه تطفر فينا :shay::shiny:
البنت ما عليك تخرج و لكن يكون معها خوها ولا أبوها يورو ليها الطرق

يرحم باباك حنا بابانا ولا خاوتنا مايخرجونا مايندبو علينا كي شوفك خارجا يقولك ايا ازربي لدار يعني كيفاه يخرجك هو :eek:_o::eek:_o:
أنا نظن ما تعرفش حتى بلادها أحسن باش إذا تزوجت ما تهربش لي دارهم هههههههههههههه أمزح
ههههههههههههههه كاين منها علابيها يديرونا هكا ههههههه
 

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
واش راهم ناس شلغوم عندي 15 يوم برك كنت فيها وعجبتني بزاف
واااو صح اااااه خسارة كنغير تلاقينا .........مرحبا بيك في اي وقت :re_gards:

المهم بخصوص الموضوع انا نظن انو المرا كي تكون تعرف بلادها خير
وي عندك حق يجي نهار وين تضطر تخرج لازم على الاقل تكون تعرف حوايج :shiny:
انا عندي بنت عمي مكانتش تخرج غير من المدرسة للدار وجات مرة اضطرت فيها تجي من مكان هي ووحدة اخرى خارج المدينة معرفوش كيفاش يروحو
ههههههههه اي صاريتنا كيفها بعد الدار كلاتنا :schmoll::sadwalk:

انا نظن مليح كي تعودي تعرفي بلايص في مدينتك والحمد لله انا نعرف مدينتي مليح
دبرتيها حبيبتي ربي يزيدك من علمو
سلام
شكرا للمرور الرائع:re_gards:
 

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
ماكنش كيما الطفلة لي تكون عازة روحها و تخرج بالوقت و الله نعم الطفلة مشي عايشة راجل قاع النهار و هي برا
حاجة باينة اختي لازم تكون حاكمة الدار وساترة روحا مي ماش لدرجة الجهل كون يجيها يوم تضطر تخرج مثلا وليدها ولا خوها طاح ولازم تديها لزيرجونس كيفاه ادير تخليه يموت وتتفرج معاه حتى يجي باباه ولا تروح تجري تديه وهي ماتعرفش لبلاصة مشي مشروط تكوني تعرفي قاع البلايص المهم تعرفي لا باز (طريق الدار )ههههههههههههههههههههههه
هههههههههههه تصحيح طريق الدار وطريق المستشفى

اهلا بيك ام نعمة في اي وقت ليا شرف كي دخلتي لمواضيعي
 

nina usma

:: عضو متألق ::
إنضم
25 ديسمبر 2011
المشاركات
3,700
النقاط
191
العمر
26
hhhhhhhhhh ntouma haylin wlh:shiny: mi sa7 atafla mayalzamch tkun ta3 azna9 kima n9olo 7na:sad: mi yalzam tat3alam playass matab9ach ma7bussa fadar :cra_zy: ana n9olak asà7 7ata ana makuntch na3raf 7ata plassa mi durk sibon walit na3raf wilayti zanga zanga:showoff:
 

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
ههههههههه و الله غير ضحكتيني مسكينة
هههههه والله قطعتيلي ليسونتيمو خاصة بكلمت مسكينة ااااااااااه نشف :schmoll::schmoll::crying::crying::crying:
خسارة عليك حنونة انا ولايتي نعرف فيها غير دارنا و الليكول ههههههه الجوارين نتاعنا و ما نعرفهمش
ههههههههههههههههههههههههههههههه امالا كيف كيف ياسيدي فرحتيني هام تلمو ليسونتيمو تاعي وداواو هههههه
البنت لازم تعرف البلايض مليح en si jamais تتودر خخخخ........ههههههه كاين منها :eek:i-o::eek:i-o:
و انا اذا تودرت ما تخافوش علي يا نبعثلكم مساج يا نبعثلكم مساج مكانش قاع كيفاه ههههه........ههههههههههههههههههههههههههههههههههه قتلتيني ضحك
و اذا سرقوني روعة نضربوها شوي اكشن حنونة خصني في حياتي شوي اكشن يلعب في الدوامة هههههه كل يوم نفس الروتين مي نحمدو ربي على هاد لحياة :shay:
و اذا تلخبطت كاين وحد العفسة في يدي يعرفوني منها انا بنت ....فلان .... ههههههوالله صح تلقاي روحك مشهورة من باباك ولا خوك قولي برك انا بنت فلان ولا خوك ادا طحتي في صحابو يوصلوك لباب الدار واذا طحتي في اعداؤو هاي راحت عليك ههههههههه
و نزيدلك انا رايي من راي ام نعمة ويا لوكان ظلي برا المهم لاباز تعرفي طريق الدار ههههههههه
ه_دي بزاف عجبتني هههههههههه
هههههههههههههههههه اني صححتها طريق الدار وطريق ليزيرجونس :re_gards::re_gards:
شكرا للمرور
 

القطة الزهرية

:: عضو فعّال ::
إنضم
8 نوفمبر 2009
المشاركات
1,843
النقاط
79
العمر
26
hhhhhhhhhh ntouma haylin wlh:shiny: mi sa7 atafla mayalzamch tkun ta3 azna9 kima n9olo 7na:sad: mi yalzam tat3alam playass matab9ach ma7bussa fadar :cra_zy: ana n9olak asà7 7ata ana makuntch na3raf 7ata plassa mi durk sibon walit na3raf wilayti zanga zanga:showoff:
سلالالالالالالالالالالالالالام
نينا واش راكي صافا ؟
والله كيما قلتي صح الطفلة لازم ماتكونش تاع زنق مي الوقت هدا ممنوع يكون فيه الجهال مناه ادا غابت عليك حاجة يسمى طفرت فيك او راح وقت النية وراحو ولاد لحلال الي يوصلوك للبلاصة الي تبغيها ضك يلقاوك غريبة على لبلاد هديك يبقاو غير يعسو فيك .....ربي يسترنا :re_gards::re_gards:
 

nina usma

:: عضو متألق ::
إنضم
25 ديسمبر 2011
المشاركات
3,700
النقاط
191
العمر
26
salam al9atta cv hmd:re_gards: wlh ghir 3andak al7a9 w mour ad3awi dyawlak manzid 7ata kalma apar amin ya rab al3alamin:rolleyes:
 

AWDIESL

:: عضو مُشارك ::
إنضم
17 جوان 2010
المشاركات
375
النقاط
7
مليح الطفلة تتعود تحفظ بعض الاماكن باش تعرف وين تحط رجلها يعني كاين بلايص ماشي ملاح مالازمكش تفوتي منهم .....و كاين بلايص مليح تكوني تعرفيهم باش ما طيحيش في نفس الموقف ...مي هاد الشي لازمك تتعلميه مع داركم يعني ادا خرجتي تخرجي مع باباك و لا خوك ولا كاش واحد يعرف ماتخافيش معاه ماشي قطة مع قطة هههه تولو ترجفوا وحدكم ....
هكدا مليحة تتعلمي ... وتعرفي وين تحطي رجليك
ربي يسترك ختي
موفقة

 
Top