ضاقت فلما استحكمت حلقاتها فُرجت و كنت أظنها لا تُفرجُ

سجل أنا جزائري

:: عضو مُتميز ::
إنضم
28 نوفمبر 2009
المشاركات
655
نقاط التفاعل
97
النقاط
17
السلام عليييييكم و رحمة الله

اتمنى تكونو بخير ؟؟

بون علابالي كاين بزاف هنا ما يعرفونيش و مام اللي يشفاو عليا نساوني بسكو عندي بزاف ما شاركتش

هنا لظروف خارجة عن يدي :sad:

حبيت نحكيلكم على قصتي ربما يستفيد منها اللي مثلي

انا كأي شاب جامعي صدمت بالواقع المر بعد ما تخرجت من الجامعة عيت و انا نحوس على خدمة و الو

و الخدمة اللي نلقاها لازم لاكارت جون !! و أكثر شي أثر عليا انو كان عندي خويا خلصنا مع بعض هو لقى

خدمة و منصب محترم بكل سهولة :sad: لأنو أختصاصنا مش كيف كيف و انا ما لقيتش حل غير لازم نروح

نفوت اللارمي عسى و لعل و كيما تعرفو

في التوأم واحد برك اللي يعقب لارمي فقط المهم انا قلت معليش نضحي انا و هو خليه يكمل يخدم في

بوست تاعو , وش نقولكم عقبت مزيرية كبيرة في الارمي 6 أشهر ما شوفتش الدار و مبعد بعثوني للصحراء عام و انا مطايش لكن الحمد لله ما قنطتش من رحمة ربي و ديما كنت نقول كل واحد وش كتبلو ربي كملت اللارمي تاعي و روحت للدار و بدأت رحلة البحث عن عمل لكن هذه المرة كانت أسوأ حتى عقود ما قبل التشغيل و ما صحتليش و الكونكور اللي نفوتو ما ننجحش فيه بسكو ناقص بزاف خبرة وليت نحوس غير نخدم أي حاجة برك المهم نبدى ! مي هكذاك و كنت ديما كنت نقول الحمد لله على كل حال بالك ربي راه كاتبلي حاجة مليحة و ديما ندعي ربي يفرج علي

و فعلا في اليوم اللي خلاص قريب وصلت فيه لليأس ... عيطلولي قالولي نجحت في
كونكور عقبتو في وحد سوسيتي كبيرة و منصب جد محترم و الحمد لله و الله جاء هذا المنصب بدون

معرفة لا والو جاء بالدعاء و الإجتهاد فقط رغم كنت قادر نشوف معرفة لكن كنت تاكل على ربي و الحمد

لله ما خيبنيش

في الأخير حبيت نقولكم فقط أنو اللي راه في الضيق ما ييأس من رحمة ربي و يدعيه دائما و يكون على

يقين أن الله سيفرج علييه ........ اسمحولي طولت علييكم كنت حاب نزيد نهدر كثر من هكذا :eek:i-o:
 
وعليكم السلام ورحمة الله
بارك الله فيكم وثبَّتكم الله
يقول رب العالمين في الحديث القدسي: (أنا عند ظن عبدي بي .. الحديث). الواحد كلما وثق برب العالمين وأحسن الظن به ولو تأزمت الأمور واشتدت أكيد الفرج آتي من عند الله.
وفقكم الله ويسَّر رزقكم ..

 
والله يعطيك الصحةخويا انا راني نعاني من مشكل لاكارت جون
عييت ندير الكوراج كيفك ونروح واعرة
الله يبارك خوياربي يعطيك خويا ما تتمنى وربي يفتح عليك من بيبان الخير
ادعينا معاك خويالعزيز
بالتوفيق

 
نعم أخي نعرف ناس بزاف صبرو وصابرو وفي الاخير ماشاءلله راهم في أعلى المناصب
عندي واحد من لافامي والله حكايتو تغيظ رغم انو قرا وقرا سبيسياليتي مطلوبة
لكن تعب بزاف يحوس على خدمة وسوفرا من صحابو وخواتو المجتمع حتى انو مرض من كثرة التخمام لانو كان بلاخدمة
لكنو صبر وبعدها الخدمة جاتو بالحظ بعد ما كل الناس كانت تقول بلي زهرو منحوس
وخدم ودركة لو تشوف الله يبارك رزقو وصل للملايير بالحلال وراه لاباس بيه
راهو مثل في العائلة والكل راه كي تضيق بيه يتفكرو ويدير الكوراج بيه
ربي يفرج على كل مؤمن
 
وعليكم السلام ورحمة الله
بارك الله فيكم وثبَّتكم الله
يقول رب العالمين في الحديث القدسي: (أنا عند ظن عبدي بي .. الحديث). الواحد كلما وثق برب العالمين وأحسن الظن به ولو تأزمت الأمور واشتدت أكيد الفرج آتي من عند الله.
وفقكم الله ويسَّر رزقكم ..


صح أختي الواحد يحسن الظن بربي و ما ييأسش

بارك الله فيك أختي

بالتوفيك
 
والله يعطيك الصحةخويا انا راني نعاني من مشكل لاكارت جون
عييت ندير الكوراج كيفك ونروح واعرة
الله يبارك خوياربي يعطيك خويا ما تتمنى وربي يفتح عليك من بيبان الخير
ادعينا معاك خويالعزيز
بالتوفيق


نقولك خويا اذا راك غير قاعد برك و ما عندكش أمل كبير باش تدي لاكارت جون روح عقبو خير تتهنو منو

و الله بعد ما تخرج ان شاء الله يتفتحولك البيبان ما كنتش تتوقعم خلاص

ربي يوفقك و يعطيك ما تتمنى ان شاء الله
 
الحمد لله ياخويا كي فرج عليك ربي (لا تقنطوا من رحمة الله ) الانسان يسعي و الباقي على ربي
لكن حنا البشر نحب كلشي مريقلي و بزربة فالله كل مابعد حاجة راه شايف فيها قدوة ربي يرزق المؤمنين
 
الله يبارك راك كوراجو

كاين منها الدعاء سلاح المؤمن

ومليحة بزاف واحد يمر عليه اليأس ويتجاوزو

ربي يحفظك

مشكور على الموضوع والعبرة
 
آخر تعديل:
بارك الله فيك
كلش بالمكتوب خاوتي :)
 
أكيد بعد الشدة ياتي الفرج .. مفتاح الدنيا الصبر و يا ليتنا من الصابرين
 
نعم أخي نعرف ناس بزاف صبرو وصابرو وفي الاخير ماشاءلله راهم في أعلى المناصب
عندي واحد من لافامي والله حكايتو تغيظ رغم انو قرا وقرا سبيسياليتي مطلوبة
لكن تعب بزاف يحوس على خدمة وسوفرا من صحابو وخواتو المجتمع حتى انو مرض من كثرة التخمام لانو كان بلاخدمة
لكنو صبر وبعدها الخدمة جاتو بالحظ بعد ما كل الناس كانت تقول بلي زهرو منحوس
وخدم ودركة لو تشوف الله يبارك رزقو وصل للملايير بالحلال وراه لاباس بيه
راهو مثل في العائلة والكل راه كي تضيق بيه يتفكرو ويدير الكوراج بيه
ربي يفرج على كل مؤمن

ايه كاين بزاف من الناس هذو مي كل واحد و مقدار الابتلاء تاعو كاين حتى 10 سنين و هو يتمرمد

حمد لله أنا مقارنة مع وحدخرين ما كاين والووو

بارك الله فييك أختي على المرور

بالتوفيق
 
وعليكم ورحمة الله تعالى وبركاته

يريد المرء أن يعطى منـاه .................ويأبـى الله إلا مــا أرادا
قول المرء فائدتي ومالـي ............وتقوى الله أفضل ما استفادا
ولرب نازلةٍ يضيق لها الفتى .......ذرعاً وعند الله منها المخرج
ضاقت فلما استحكمت حلقاتها .......فرجت وكنت أظنها لا تفرج

وليد

إِنَّ مَعَ الْعُسْرِ يُسْراً

ويا رب يكتب لك النجاح والتوفيق

نسأل الله أن يوفقنا وإياكم لما يحب ويرضى


سلامي لك
 
السلام عليكم ورحمة الله تعالى وبركاته
الله يبارك خويا الحمد لله انك نلت بالصبر والدعاااء
ربي يوفقك أخي
قالت لي حنة أصبر وتجيك خبزة والناااس تتفــــــــرج
الحمد لله على كل حال
شكرا لك اخي
بارك الله فيك
وسلام الى اخيك
 
السلام عليكم
الحمد لله يا خونا كي فرج ربي عليك و لعقوبة لينا ان شاء الله...
ربي ما فيه غير الخير مي حنا اللي دايما مزروبين و نقلقين..... ربي يهدينا..
راك فرحتنا خويا و نشا الله دايما تلقا البيبان مفتوحة و حنا معاك...
و الصابر ينال
بسم الله الرحمان الرحيم

/وإن مع العُسْرِ يُسْراً ، إن مع العُسْرِ يُسْراً /


/و بشر الصابرين.../
و ادعيلنا ربي يفرج علينا ياااا رب....
تحياتي...
 
الحمد لله ياخويا كي فرج عليك ربي (لا تقنطوا من رحمة الله ) الانسان يسعي و الباقي على ربي
لكن حنا البشر نحب كلشي مريقلي و بزربة فالله كل مابعد حاجة راه شايف فيها قدوة ربي يرزق المؤمنين


هكذا الانسان يحب بلقى كل شيء بالسهولة

ربي يوفقك أختي شكرا على المرور
 
ماشاء عليك أخي
ربي يحفظك ويوفقك
مزيد من النجاحات والأفراح إن شاء الله
والعاقبة لكل الصابرين المتوكلين على الله
 
الله يبارك راك كوراجو

كاين منها الدعاء سلاح المؤمن

ومليحة بزاف واحد يمر عليه اليأس ويتجاوزو

ربي يحفظك

مشكور على الموضوع والعبرة

ايه كاين مواقف ما عندكش خيار فيهم لازم دير كوراج

العفووو ربي يحفظك أختي
 
الحمد لله هكذا يكون الراجل صح... يسعى لفعل الخير و يصبر حتى يفرجها ربى المهم تكون افعالوا مليحة و ربى مينساش عبدو مهما طال الحال ...هدى دنيا امتحانات اكثر شىء نمتحنو فيه هو الصبر ’ كاين لميصبرش و يفعل حوايج ماش مليحة فى حياتو و ينجح لكن ميدومش نجاحو و كاين ليصبر حتى ينال و ينجح و يدوم نجاحو و يباركلو ربى فى حياتو.
 
وعليكم ورحمة الله تعالى وبركاته

يريد المرء أن يعطى منـاه .................ويأبـى الله إلا مــا أرادا
قول المرء فائدتي ومالـي ............وتقوى الله أفضل ما استفادا
ولرب نازلةٍ يضيق لها الفتى .......ذرعاً وعند الله منها المخرج
ضاقت فلما استحكمت حلقاتها .......فرجت وكنت أظنها لا تفرج

وليد

إِنَّ مَعَ الْعُسْرِ يُسْراً

ويا رب يكتب لك النجاح والتوفيق

نسأل الله أن يوفقنا وإياكم لما يحب ويرضى


سلامي لك

شكرا مريم على القصيدة

ربي يفتح عليك و يوفقك الى كل خير تحبينه ان شاء الله

و شكرا لمرورك على الموضوع

بالتووفييق
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top