واحد يغلط.....نروحوا نسبوهم كامل؟؟؟؟

اعيش راضية

:: عضو مُشارك ::
إنضم
6 ديسمبر 2011
المشاركات
311
نقاط التفاعل
3
النقاط
7
السلام عليكم و رحمة الله و بركاته
اعضاء و زوار اللمة ان شاء الله تكونوا بخير وعلى خير
موضوعي على النظرة التعميمية
يعني مثال كيما نشوفوا بنت محجبة مع ولد نروحوا نقولوا المحجبات مايسوش
نشوفوا واحد ملتحي يدير يدير في عفسة ماشي مليحة نروحوا نقولوا هدوك اللي دايرين اللحية ما يسواوش
و بزااااااااااف امثلة حنا نديروها و نخلطوا فيها كامل الناس وهادي مشكلة كبيرة
مرات نسمع يقولوا بنات المدينة الفلانية و اللي يقراو في داك الليسي الفلاني دايرين و دايرين.....و ... و كلام كبير يضر و يوجع
علاه علاه علاه
على جال واحد و لا وحدة نخلطو كلشي
و راهم يصراو مشاكل كبيرة ناس تروح فيها على جال هاد الهدرة
المهم نخليكم
ادعولي ربي ينجحني في قرايتي ز ينجح كل واحد في حياته
سلاااااااااااااااااام
 
أهلا بيك اعيش راضية
ياحصرا العقلية هذي كتبت عليها 3 مواضيع هههههه
الله غالب الناس جاهلة ماتعرفش بلي كل واحد يمثل روحو
اللإنسان يحكم على المنهج والفكرة ومايحكمش على الشخص والأفراد
يعطيك الصحة ...
 
وعليكم السلآم

ختي كلامك صحيح 100%
والشي لي ماشي مليح كتر
لما نشوفو وحدة مع خوها سور vواتور
تخرج الهدرة وكانت مع واحد ومنا
مع وليد خالتها تاني
يعني ولات عيب نخرجو مع خاوتنا غير على جال هدرة الناس لي ماتدي ولا جيب

ومن بكري يقولو حبة تفسد الصندوق
لاوقفتي تهدري مع وحدة فاسدة ومحروقة يقولو صاحبتهااااا وكيما هي
ولات الحالة ماتستاهلش المعيشة خلاص
ربي يصبرنا ويصلح حوالنا

مرسي خيتو

سلآم
 
سلام
وي عندك حق الاخت ،انا نعرف لي يقول هداك ولا هادوك ماشي ملاح نعرف بلي هو لي ماشي مليح.باسكو باش واحد تحكم عليه ماشي مليح حتان تعشرو وتخالطو وتبقى بينك وبينو ماشي تروح تحكي بيه للغاشي كيفها كيف ليسي ولا بلاصة حنا الغاشي قاعد يسمع لبعضاه ويتبع قيل والقال .
بارك الله فيك



 
مشكورة الأخت العزيزة على الموضوع
دورك الناس ولات التعمم الجزء على الكل ، وهذي الطبيعة كاينة بزاف كي تقولي فلانة بنت فميلة ينوضوا ايهه متعرفيهاش فيها و فيها ....... لوكان كل واحد يلتي بروحوا و يتقي مولها خير يعني في رايكم الملتحي ماهوش بشر معندوش احساس يعني حجرة والا معصوم من الخطأ
والمتحجبة ماهي انسانة والا انثني ماعندهاش احساس ربي يهدينا
 
السلا م عليكم متعمر يش ر اسك بيهم هدوك العباد فار غين شغل قاعدين غير للقال والقيل
هذيك بنت فلا ن وهذك مر ت فلا ن........
هذو هما عبادنا حاشا لما تحقش عليهم
ر بي يهدي ما خلق
اتمنى لك النجاح
 
حنا عندنا متل نقولوه دايما < واحد يخسرها على 100 >
 
وعليكم السلام ورحمة الله
بارك الله فيك أختي
مواضيعك دائما هادفة وصائبة وتفكيرك دائما موزون .. ربي يباركلك في عقلك ويحفظك ..
أختي هذا من جهلهم وحِقدهم، صدقيني لي ما يوصلش للعنب يقول عليه حامض. عمرو الحجاب والجلباب ما يتمس بكلام هؤلاء. لي غلط غلط لروحو ورب العالمين أدرى بقلوب العِباد وبنياتهم، وكل واحد رح يتحاسب وحدو. لو كان جا الكلام بالصوارد واحد ما ينطق.
مانعرف برك هاذو الناس لي يقذفو هاك ويتبعو عورات غيرهم ما يخفوش على رواحهم؟؟؟؟
ربي يوفقك في دراستك أختي ويثبتك ..
أنا في انتظار مواضيعك الهادفة دومًا ..


 
كلامك جواهر اختي
والله حاجة عيب انو يخرجوا حكايات على الناس وهوما ما عاشروهم ما عرفوهم
وزيد فوق هاد الشي يعمموا على الغاشي كامل هادي الكارثة العظمى
كيما قلتي يحكموا حاجة على عبد يقولك المحجبات غير لاعبينها
واصحاب اللحي يقولك ايييييييييييييييه هادو ما تعرفش خدايمهم ما يقدر عليهم غير اللي خلقهم
يا سبحان الله
ما عندك واش تديري مع هاد العباد
يموتوك بقلبك
 
أبغيت نفهم حاجه برك
اولا كل واحد يتحاسب لوحدو
وكي يغلط واحد هو المسؤول على غلطتو مش شرط كامل كيفو
ثانيا
وش دخل اللحيه والجلباب فالنص
اللي متجلببه كي لبست الجلباب ولات ملايكه ولا واش؟؟
تتحاسب على حجابها وتتحاسب على الامور لخرا
كل حاجه وحدها
اعتنات بجهة الحجاب
ومزالت مقصرة مثلا فسماع الاغاني
انا تبالي هكا ومنعرف
شكرا
 
3andak al7a9 5titi:rolleyes: wa7ad aydirha y lo5rin ga3 yro7o fal djara:re_gards: alah yahdina
 
أهلا بيك اعيش راضية

ياحصرا العقلية هذي كتبت عليها 3 مواضيع هههههه
الله غالب الناس جاهلة ماتعرفش بلي كل واحد يمثل روحو
اللإنسان يحكم على المنهج والفكرة ومايحكمش على الشخص والأفراد

يعطيك الصحة ...
بيك اهلا اخ مكانش
3 مواضيع الله يبارك
عندك الحق كل واحد يمثل نفسه لا غير
صحيت
شكرا على مرورك المميز
 
وعليكم السلآم


ختي كلامك صحيح 100%
والشي لي ماشي مليح كتر
لما نشوفو وحدة مع خوها سور vواتور
تخرج الهدرة وكانت مع واحد ومنا
مع وليد خالتها تاني
يعني ولات عيب نخرجو مع خاوتنا غير على جال هدرة الناس لي ماتدي ولا جيب

ومن بكري يقولو حبة تفسد الصندوق
لاوقفتي تهدري مع وحدة فاسدة ومحروقة يقولو صاحبتهااااا وكيما هي
ولات الحالة ماتستاهلش المعيشة خلاص
ربي يصبرنا ويصلح حوالنا

مرسي خيتو

سلآم
مرحبا بك بنت يماها و باباها
هاذي كاينة بزاف نشوفوا وحدة مع خوها اييييييييييه يديروا عليها قصة و الا تكلمت مع شي بنت فاسدة يقولك كيفها
دوركا الناس ولات تقارع و تشوف و علاه ما يشوفوش في رواحهم احسن
الله يعطينا الصبر كيما قلتي
العفو
و عليكم السلام
 
سلام

وي عندك حق الاخت ،انا نعرف لي يقول هداك ولا هادوك ماشي ملاح نعرف بلي هو لي ماشي مليح.باسكو باش واحد تحكم عليه ماشي مليح حتان تعشرو وتخالطو وتبقى بينك وبينو ماشي تروح تحكي بيه للغاشي كيفها كيف ليسي ولا بلاصة حنا الغاشي قاعد يسمع لبعضاه ويتبع قيل والقال .
بارك الله فيك
و عليكم السلام
عندك انت تاني الحق اخي
حنا علاه نهدروا في الناس بلا ما نعاشروهمش
يقولك القلوب ترفد اللي ما يشوفوهش الغاشي
الله يهدينا
وفيك بركة اخي
مشكور على المرور الطيب
 
مشكورة الأخت العزيزة على الموضوع
دورك الناس ولات التعمم الجزء على الكل ، وهذي الطبيعة كاينة بزاف كي تقولي فلانة بنت فميلة ينوضوا ايهه متعرفيهاش فيها و فيها ....... لوكان كل واحد يلتي بروحوا و يتقي مولها خير يعني في رايكم الملتحي ماهوش بشر معندوش احساس يعني حجرة والا معصوم من الخطأ
والمتحجبة ماهي انسانة والا انثني ماعندهاش احساس ربي يهدينا
العفو
عندك الحق فيما قلتي
يعني نتلاهاو في رواحنا احسن و افضل لانو كم مرة نسبوا الناس بعيوب راهي اصلا فينا
الله يهدي الناس و يهدينا اجمعين
مشكورة على مرورك الجميل
 
السلا م عليكم متعمر يش ر اسك بيهم هدوك العباد فار غين شغل قاعدين غير للقال والقيل
هذيك بنت فلا ن وهذك مر ت فلا ن........
هذو هما عبادنا حاشا لما تحقش عليهم
ر بي يهدي ما خلق
اتمنى لك النجاح
و عليكم السلام
انا مانعمرش راسي بيهم ولكن كي تشوفي الظلم ما تنجميش تسكتي و كي تشوفي المنكر قلبك ياكلك
ما نربحوش بالقيل و القال و اللسان فتان بزاف
امين يا رب
ان شاء الله يا رب
مشكورة على المرور
 
وعليكم السلام ورحمة الله

بارك الله فيك أختي
مواضيعك دائما هادفة وصائبة وتفكيرك دائما موزون .. ربي يباركلك في عقلك ويحفظك ..
أختي هذا من جهلهم وحِقدهم، صدقيني لي ما يوصلش للعنب يقول عليه حامض. عمرو الحجاب والجلباب ما يتمس بكلام هؤلاء. لي غلط غلط لروحو ورب العالمين أدرى بقلوب العِباد وبنياتهم، وكل واحد رح يتحاسب وحدو. لو كان جا الكلام بالصوارد واحد ما ينطق.
مانعرف برك هاذو الناس لي يقذفو هاك ويتبعو عورات غيرهم ما يخفوش على رواحهم؟؟؟؟
ربي يوفقك في دراستك أختي ويثبتك ..
أنا في انتظار مواضيعك الهادفة دومًا ..
و فيك بركة اخت انسانة ما
و تشرفني شهادتك كما يسعدني مرورك و اهتمامك ربي يخليك و يحفظك
كلامك في مكانه و ربي ادرى بلوب الناس و تقلباتهم و في الاخير كل واحد راح يتحاسب وحده
الخوف يكون من ربي و اللي ما يخافش من ربي يدير اي شيء عادي عنده
امين يا رب يثبتنا و يثبتك ان شاء الله
ربي يكتر من المواضيع الهادفة مني و منكم يا رب
مشكورة على مرورك النير
 
كلامك جواهر اختي
والله حاجة عيب انو يخرجوا حكايات على الناس وهوما ما عاشروهم ما عرفوهم
وزيد فوق هاد الشي يعمموا على الغاشي كامل هادي الكارثة العظمى
كيما قلتي يحكموا حاجة على عبد يقولك المحجبات غير لاعبينها
واصحاب اللحي يقولك ايييييييييييييييه هادو ما تعرفش خدايمهم ما يقدر عليهم غير اللي خلقهم
يا سبحان الله
ما عندك واش تديري مع هاد العباد
يموتوك بقلبك
الله يسلمك عزيزتي
الله يهديهم يا اختي هادا ما عندنا ما نقولوا و انا تاني مرات نقولها ربي يهديني بصاح ماشي بنية ناقصة تخرج معايا غير هاك بصاح بطلتها
مشكورة على المرور الطيب
 
أبغيت نفهم حاجه برك

اولا كل واحد يتحاسب لوحدو
وكي يغلط واحد هو المسؤول على غلطتو مش شرط كامل كيفو
ثانيا
وش دخل اللحيه والجلباب فالنص
اللي متجلببه كي لبست الجلباب ولات ملايكه ولا واش؟؟
تتحاسب على حجابها وتتحاسب على الامور لخرا
كل حاجه وحدها
اعتنات بجهة الحجاب
ومزالت مقصرة مثلا فسماع الاغاني
انا تبالي هكا ومنعرف

شكرا
الله يبارك فيك اخيتي على مرورك المفيد
و كلامك عسل و كله صحيح
كل واحد عنده غير نفسه يحكم فيها و ماهوش مسؤول على غيره
والهدرة في الناس غير ذنوب
العفو
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top