أرواح فهمنا واش راك تهدر في منتدى واش راك تهدر ....الملح

[miss-imane]

السلام عليكم ورحمة الله تعالى وبركاته

والله لهجتنا غريبة عجيبة مرات فيها كلمات كيما هاذي اللي راك تحكي عليها كانوا يقولوهم زمان وحنا نعاودووو نقولوهم

مي جامي سقسينا عليهم


موضوووووع مميز اخي الكريم
بارك الله فيك
تحياتي الحارة لك

 

[لاجودان شاف]

هههههههههههههه علابالك حكمتني الغمة قلت هذا لاجودان راهو شخصية العدد هذا في الموضوع

هههه القطة الزهرية بديتي بالفوضى تاعك
هيا اوقفي في الصف وديري لاشان ذرك تجي دالتك ههههه
:santa_1:
​

 

[لاجودان شاف]

اولا اخي السلام

ثانيا والله عندك الحق في كلامك كامل وانا كنت نشوف جداتي زعما كي نكون مريضة ولا كاش حاجة تجيبلي الملح وتسبع زعما عليا ههههههههه
وتقولي الملح ملييح واي حاجة تجيبلي الملح
وصح كيما قال الاخ سفيان الملح عندو فايدة تقدر تاكبل حاجة مافيهاش سكر مي متقدرش تاكل ماكلة مافيهاش ملح
وانا عندي الملح اساس المايدة
وتبقى هاذو الحاجات كامل موروثين من عند جدادنا
تقبل مروري المتواضع ​

محبة الورد​

بارك الله فيك ختي
شفتي ونتي كلامك ثاني حجة لكلامي
وعلاه تسبعلك ناناك بالملح
علاه مش بالسكر ...ولا الكمون .....ولا القرفة
مازلت مصر بلي الملح وراه سر
تبالي كشمت نشوفو سحارة هي يكون عندها الجواب
شكرا محبة الورد
:re_gards:​

 

[القطة الزهرية]

هههه القطة الزهرية بديتي بالفوضى تاعك
هيا اوقفي في الصف وديري لاشان ذرك تجي دالتك ههههه
:santa_1:
​

مهااااااااااني اني هنا ندور ايا رد عليا
ملالاحظة (او ديتها على خويا ماكانش زعمة تقليد)
كي رديت عليك كان المورال هاااابط
ضك طلع شوي
اوراسك يتقفل ماشتش الخلعة الي دارتلي كي شفت الاعضاء هاذوك كامل بففففففف حبس قلبي

 

[لاجودان شاف]

سيي نحي الملح من حياتك راح تعرف السبب

لاخطرش الملح هو اساس في كوزينة وكون ماشي هو ماتقدرش تفوت الماكلة ....يولي كل شئ ساااامط

هدا الي قالت لي عليه الوالدة


الله يدوم الملح علينا ههههههههه

شكرا على الموضوع

هههههه خلاص
غدوة نجرب يوم عالمي بلا مليح
ونجي نقولك ...الحياة حلوة ....ولا الحياة مسوسة
+
وزيدي تاريخيا عندي معلومة بلي الملح
اكتشفوه الانجليز أول مرة كي وصلو للهند والله أعلم
قالك لقاو ماكلتهم بينييينة
مشكورة ختي
:re_gards:​

 

[إنسانة ما]

علاه منقولوش بيني وبينك الماء ......يوكوس :scared:
​

آخر الأبحاث تقول أن ماء يوكوس صامط، لو ترشبو ماء باتنة أو إيفري يكون أفضل، لأن نسبة الأملاح فيها مرتفعة وبذلك تكون ضربت عصفورين بحجر واحد، ماء وملح.

أيضًا: تحليل علمي :showoff:

:re_gards:
​

 

[The DoN]

وعليكم السلام ورحمة الله وبركاتــه

الاقرب، كيما قالتلك الاخت :
Houda Chaouienne DZ


وفي حكاية الماء هذيك، اذا تبعنا المنطق تاعك خويا ما نحكوش كامل


والـ 32 اللي جاو يشوفوا كانوا حابين يشوف الموضوع تاعك بعد حديث البارح

على كـل حـال، شكـرا اخي على الطرح


تحياتــي
​

 

[الخيزران]

سمعت خظرة واحدة تقول لواحدة
ملحي لي كليتيه وخدعتيني .ان شاء الله يضربك للركايب تتشلي
الملح يضرب للركايب ثان سجل
يعطيك الصحة اخي الكريم
​

 

[ISMA.dz]

السلام عليكم


تجي تفهم تحير آلور ماكالاه تفهم باش ماتحيرش ههههه

يعني انت ماعجبكش كي جا الملح رشقتلك على الملح كي جا ينباع بألف فرنك؟

ياسيدي نبدلوها بالسكر راه طلع شانو تعجبك هههه

ربي يهدينا


شكرا على الموضوع المزيون


سلام​

 

[الحق سلاحي]

دحمان الحراشي والاغنية الشعبية يانكارة الملح والطعام
هههههه
ان شاء الله جاوبت على سؤالك
=)
​

 

[لاجودان شاف]

وعليكم السلام ورحمة الله وبركاتــه​

الاقرب، كيما قالتلك الاخت :
houda chaouienne dz ​

وفي حكاية الماء هذيك، اذا تبعنا المنطق تاعك خويا ما نحكوش كامل​

والـ 32 اللي جاو يشوفوا كانوا حابين يشوف الموضوع تاعك بعد حديث البارح ​

على كـل حـال، شكـرا اخي على الطرح​

تحياتــي​

يعطيك الصحة خويا على درك
وكيما قلت رد الاخت اقرب
وخمم كيما تعرف
+
وبالنسبة لل 32 ماهدرتش عليهم ومانيش راح نعلق عليهم
وومانيش انا لي كتبتهم هنا

​

 

[اعيش راضية]

السلام عليكم
موضوعك شباب يعطيك الصحة راك نحيت عليا غمة ربي ينحي عليك هموم الدنيا
الملح بزاااااااف شايع لانو من التراث و التقاليد و اساسيات المائدة
بصاح علاه نهدروا عليه بزاف؟؟؟ما نعرف الله اعلم
و زيد تاني نهدروا بالخبز بزاف يقولك فلان يدور على الخبزة يعني الخدمة و هداك يشقا على الخبزة
ايييييه الجزائري مميز بادق تفاصيله
شكرا​

 

[لاجودان شاف]

هههه معرف كاشما تلقى اجابة هنا ابعتلي خبر خخخ

او نرجع نضرب دورة ... وزيد نديرلنا موضوع على نضرب دورة
نحبو العنف احنا خخخ ... سلامو​

ههه راني نفتش ولحد الآن مازل مالقيتش ههه
كي نلقى نديرها موضوع
سر الملح ...أساس الربح ....لي كلاه فلح ونجح ....ولي خلاه نبحi-o:
مرحبا بيك واضربي ولاد الناس بلعقل برك
شكرا لك نور
:re_gards:​

 

[القطة الزهرية]

السلام عليكم


تجي تفهم تحير آلور ماكالاه تفهم باش ماتحيرش ههههه

يعني انت ماعجبكش كي جا الملح رشقتلك على الملح كي جا ينباع بألف فرنك؟

ياسيدي نبدلوها بالسكر راه طلع شانو تعجبك هههه

ربي يهدينا


شكرا على الموضوع المزيون


سلام​

ههه شتي شتي السكر كيفاه طلع شانو هردنا بابانا

 

[القطة الزهرية]

كي نلقى نديرها موضوع
سر الملح ...أساس الربح ....لي كلاه فلح ونجح ....ولي خلاه نبحi-o:


هههههههههههههههههههههههههه ديرها توقيع يابن عمي مي راك تشعر صح ؟

 

[لاجودان شاف]

مهااااااااااني اني هنا ندور ايا رد عليا
ملالاحظة (او ديتها على خويا ماكانش زعمة تقليد)
كي رديت عليك كان المورال هاااابط
ضك طلع شوي
اوراسك يتقفل ماشتش الخلعة الي دارتلي كي شفت الاعضاء هاذوك كامل بففففففف حبس قلبي

سلام
الملح قصتو انو ضروري لجميع الاطعمة وماكانش ماكلة تستغنى على الملح وبما انو ضروري دارو بيه الشبه على يسمى العشرة والماكلة الي كلاها معاه هذا واش في بالي
ونقولك الي خاطيك يعييك ونتمنى نكون فدتك

أهلا بيك القطة الزهرية
هههه لأانك الصغيرة لازم ندللوك ..انتي المازوزية هنا لازم
+
كيفاه مكانش ماكلة تستغني عن الملح
البقلاوة ملكة السينيات يديرو فيها الملحi-o:i-o:
وشبيك هذا
+
لي خاطيك يعييك مافمتش وش محلها في الموضوع
هاني نسنا
شكرا
:re_gards:​

 

[لاجودان شاف]

آخر الأبحاث تقول أن ماء يوكوس صامط، لو ترشبو ماء باتنة أو إيفري يكون أفضل، لأن نسبة الأملاح فيها مرتفعة وبذلك تكون ضربت عصفورين بحجر واحد، ماء وملح.​

أيضًا: تحليل علمي :showoff:​

:re_gards:​

بففف الملح ثاني كاين في الماء...ياخي زهر
+
وآخر الابحاث الاجتماعية تقول بلي ناس باتنة يشربو غير يوكوس
لانو مافيهش الملح
لان ناس باتنة كامل عندها لاطونسيون والسكر
:re_gards:​

 

[لاجودان شاف]

كي نلقى نديرها موضوع
سر الملح ...أساس الربح ....لي كلاه فلح ونجح ....ولي خلاه نبحi-o:


هههههههههههههههههههههههههه ديرها توقيع يابن عمي مي راك تشعر صح ؟

ههههه نشعر لاني شاعر مسوس​

 

[لاجودان شاف]

وعليكم السلآم​

ههههه الملح نسبة الى الملاحة تعرف ناس بكري حرف هنا وحرف لهيك ماعرفوش ينسقوها ههه
((حق العاهد)) النساء يحلفو بيها بزاااف + لهجة الاشارات لي العقون ومايفهمهاش
تقول صح يقول هاه ويخبط بيدو على كتفو
وياما كلايم يقيسوهم ومايعرفوش معانيهم​

الشعب الجزائري ولا قييييس
ماكانش لي كيفنا حااااااااالة ههه​

مرسي عمو نبيل​

تحياتي​

أهلا بيك
صحيحة هاذ التسميات خرجو من عند ناس بكري
كيما قلتي لي يجيهم عى لسانهم يديروه حكمة
قتلوها علينا بالحكم
ولا يزال سر الملح غاامض
شكرا بنت بااباها وماماها
:re_gards:​

 

[القطة الزهرية]

أهلا بيك القطة الزهرية
اهلالالا اهلالالالالالا
هههه لأانك الصغيرة لازم ندللوك ..انتي المازوزية هنا لازم
احم احم ماتزيدنييييش بابابابا اليوم مانرقدش ان شاء الله ياربي تتقطع ملت الي صغار عليا ومانشوفلهم اثر
+
كيفاه مكانش ماكلة تستغني عن الملح
هذي كي كنا صغار كانو يديرولنا لغز والجواب تاعو هذا
البقلاوة ملكة السينيات يديرو فيها الملحi-o:i-o:
مانعرفش لاغوسات تاعها الله غالب .مي انا قصدي بالماكلة ماش لحلاوة القاطو قصدي مااااااكلة بطاطا وكسرة وخبز ........ومحاجب وشخشوحة وطعام (بربوشة) ياااااااااه هاني صخفت علاه علاه
وشبيك هذا
+
:scared::scared: والو _o:_o:
لي خاطيك يعييك مافمتش وش محلها في الموضوع
هذي قلتها والمورال هابط يسما هذي حطوها تاع بكري وهوما ادرى ماشي اجي انت تبدلها ولا تحوس تفهمها هذي تخصهم هوما وهوما ماتو ربي يرحمهم يسمى ماتعمرش راسك انت قول برك ليسونسيال ماش حرام وراك ماش قاعد تكفر هههه:
shiny::shiny:

هاني نسنا
شكرا
:re_gards:​

واش رايك ............