التلفاز....حيرة كبيرة

اعيش راضية

:: عضو مُشارك ::
إنضم
6 ديسمبر 2011
المشاركات
311
نقاط التفاعل
3
النقاط
7
السلام عليكم و رحمة الله و بركاته
كيراكم يا اعضاء و زوار اللمة ان شاء الله تكونوا بخير و في صحة و عافية
كيما كل يوم مين يكون عندي شوية فراغ و هادي تصرا مرة في بو زمان نحكم تيليكوموند و نبدا ندور في التيلي
ديما نروح للقنوات المفضلة و نسهل على راسي
اما اليوم قررت ندور شوية على قاع الساتيليت و هدا اسوء قرار خديته في حياتي هههه
يا خي قالو دخلوا قنوات جديدة حبيت نشوف الجديد
و يا ويلي علامات استفهام جاوني في راسي
يا ويلي وين وصلنا حنا العرب؟؟؟؟؟؟؟
قنوات التعارف بالعشرات تاع الغناء بالالاف و كاين قنوات تبقا حاير لانك ما تعرفش واش هي فايدتهم؟؟؟؟؟؟
و زيد اللي هبلتني وين ما ندور نلقا مسلسلات تركية؟؟
كرهت حياتي تاع الصح
الحمد لله اللي مازال كاين القنوات الدينية و قنوات تبث برامج مفيدة
اما اللي يخليني نخمم شوية هو الناس اللي ضيع وقتها في هاديك القنوات
منكر كبير يديروا فيه في التلفاز و الناس ديما يشوفوا و خلاص
انا علابالي باللي كامل تعرفوا هاد الشيء
بصاح اللي حبيت نعرف ماكان لا رقابة لا والو
يعني اللي يحب يدير قناة يدير ماكانش اللي يسالاه؟؟؟؟
سبحان الله
اليكم الخط
سلام
 
عليك وعلى دراهمك ديري حتي قناة تظهري فيها وحدك كيما دار هذاك السيد نتاع قناة الحقيقة يظهر وحدوا يرقي يدوي بالأعشاب و يفتي و يقدم و وووووووو
كاش واحد حاسبوا رهج الامة كامل و وسوسها
المهم الدراهم ادفع و دير لي تحب
 
سلام
مكان مايصلح في القنوات
هادو ممكن وحدة ولا زوج والباقي 0
بارك الله فيك
 
وعليكم السلام ورحمة الله
ربي يحفظك أختي ..
ديري كيما أنا أختي، طلقي التليفيزيون طلاق بائن بينونة كُبرى.
والله هكذا أريح للراس وأسلم أمام رب العالمين.
قنوات الغناء كيما قلتي كي الهم على القلب، وتزيدي تحيري أكثر تلقاي هاذوك القنوات تع التعارف حاطين القرآن!!
القرآن منَّا والتشات منَّا.
جربي اعملي كيفي وتشوفي راحة البال لي تصيبيها.
ربي يحميك أختي ..
دائما ننتظر مواضيعك ..


 
لا حول ولا قوة الا بالله يخسرو في درهمهم هكاك الله غالب
 
وعليكم السلام ورحمة الله

ربي يحفظك أختي ..
امين يا رب و ربي يخليك
ديري كيما أنا أختي، طلقي التليفيزيون طلاق بائن بينونة كُبرى.
والله هكذا أريح للراس وأسلم أمام رب العالمين.
قنوات الغناء كيما قلتي كي الهم على القلب، وتزيدي تحيري أكثر تلقاي هاذوك القنوات تع التعارف حاطين القرآن!!
هاذي شفتها و حرت فيها
القرآن منَّا والتشات منَّا.
جربي اعملي كيفي وتشوفي راحة البال لي تصيبيها.
ان شاء الله علاش لا مي انا ديما كي نحكم تيلي ندير حوايج مفيدين لانو ماشي ممكن نضيع وقتي في حاجة مش مفيدة
ربي يحميك أختي ..
امين يا رب شكرا على المرور الجميل انسانة ما
دائما ننتظر مواضيعك ..
و انا دائما في انتظار ردودك المشرفة
 
عليك وعلى دراهمك ديري حتي قناة تظهري فيها وحدك كيما دار هذاك السيد نتاع قناة الحقيقة يظهر وحدوا يرقي يدوي بالأعشاب و يفتي و يقدم و وووووووو
كاش واحد حاسبوا رهج الامة كامل و وسوسها
المهم الدراهم ادفع و دير لي تحب
الله يهدي من خلق
الناس راهي غير زايدة و تزيان
مشكورة على المرور
 
هذا ما يسمى بالتخلف عند العرب
و الله شيىء مؤسف صراحة تلقى قنوات الله اعلم حتى تاع الغرب ما يستعملوهمش
قنوات من دون فائدة تذكر
السخط الكبير لى فى القنوات الفضائية تاع العرب فاق التوقعات و راه فى الحضيظ

يعطيك الصحة على النقطة الهامة هاذى
+
تقييم

 
النميريك هي ألي خسرتنا بزااف وخصرت كامل العرب ...وحد البنت حبيتها بزاف من كثرة ألي تشوف المسلسلات التركية..مسكينة بدلتني بواحد ماهوش حتى شباب وجهه داير كيما الصباط.بصح عنده الدراهم وأنا عندي غير ربي.بصح ماعندهش قلب كيما كيفي

 
هذا ما يسمى بالتخلف عند العرب


و الله شيىء مؤسف صراحة تلقى قنوات الله اعلم حتى تاع الغرب ما يستعملوهمش
قنوات من دون فائدة تذكر
السخط الكبير لى فى القنوات الفضائية تاع العرب فاق التوقعات و راه فى الحضيظ

يعطيك الصحة على النقطة الهامة هاذى
+
تقييم
تخلف حقيقي صراحة
حتى الغرب ما يديروش هديك القنوات
الله يهدينا و يهديهم
صحيت اخي
و مشكور على التقييم
 
النميريك هي ألي خسرتنا بزااف وخصرت كامل العرب ...وحد البنت حبيتها بزاف من كثرة ألي تشوف المسلسلات التركية..مسكينة بدلتني بواحد ماهوش حتى شباب وجهه داير كيما الصباط.بصح عنده الدراهم وأنا عندي غير ربي.بصح ماعندهش قلب كيما كيفي
مرحبا بك اخي
نصحية من اخت الى اخيها خليك من الحب و القصص الدرامية لانك في الاخير تخسر الحب الحقيقي يكون غير في الحلال
ربي يعوضك احسن منها في الطيبة و الحلال
 
آسف كتبت رد ثانى لموضوع آخر فى موضوعك هنا
تم التعديل :shiny:

 
االسلام عليكم
اختي كاين حل شباب بزاف
انا شريت ديمو تع المجد يتباع غير في دار البيضاء و فيه غير قنوات المجد الاسلامية و حتى قنوات للاطفال بدون موسيقى و الله رووووووووووووعة ما تتقلقيش مازال كاين الخيييييييييير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top