فهمنا واش راك تهدر في منتدى واش راك تهدر -2-القبر

لاجودان شاف

:: عضو شرفي ::
إنضم
6 جويلية 2011
المشاركات
2,427
النقاط
91
السلام عليكم ورحمة الله وبركاته
أهلا بجميع ناس اللمة الناس الملاح وان شاء الله راكم ملاح
واتونسيون راهي جات لشتا وجات لرياح نالا بدل المراح تستراح هههه
هذا أول موضوع ليا هنا في عهد الشيخ مكانش وهات برك يقبلو ههه
المهم ندخلو في الموضوع مباشرة
كيما تعرفو بعد الموضوع لي درتو هنا تاع الملح
أرواح فهمنا واش راك تهدر في منتدى واش راك تهدر ....الملح
وبعد الضجة الكبيرة لي دارها هنا والنجاح لي حققو ورسائل الاعضاء الكثيرة
لي وصلتنا تشكر فينا وتشجع فينا للمواصلة :scared:
وتلبة لطلباتهم في الجديد تاع الجديد:scared:
قررنا نكملو السلسلة ونديروها حلقات طويلة نزولا عند رغباتهم
واليوم مع العدد - 2- من السلسلة الناجحة تاعنا
اليوم ثاني حبيت نحكيلكم على تعبير جديد نحكو بييه بزاف
ودخت فيه ثاني كيف حتى ولى معتمد في لهجتنا ووش معناااااه
من يامات جاني واحد صاحبي مسكين عندو شوي مشاكل غلباتو وفي هذاك اليوم يا بعد
سوفرا بزااف وحنا قاعدين نقصرو وهو يشكيلي حتى قالي :
والله يا نبيل غير نهار ليوم نحكيه لحفار قبري ......تييييت :um_sh:
انا ماكنتش مبرونشي مع مشاكلو ماعندي ما دخلني فيه وبرونشييت مع الجملة
تمعنت فيها بزاف ....حكمتني الخلعة لي الحلبة وما تقدرلهاش
وش دخلنا في القبور ذرك والموتى :sad::sad:
هاذ الجملة انا واحد من الناس سمعتها بزاف في دارنا ويهدرو بيها ناس بزاااف
بصح وش معنننناها ؟؟؟؟؟
وعلااااه تحكي المعاناة تاعك لحفار قبرك.....
يعني ما لقينا لمن نحكيو ..؟؟؟؟؟؟
الناس تحكي للناس لي يحبوهم وتشكيلهم همومها
واحد يحكي لزوجتو ..واحد لأمو....واحد لأحبابو
وحنا نحكيو لحفار قبورنا
يااااااو علاه
انا والله ياو نتلاقة حفار قبري في الدنيا انا نحفرو قبرو لول
مش نحكيلو مشاكلي وهمومي ....راح يحفرلي قبري ونزيد نحكيلو
ثاني تفكرت واحد لمثل نضربوووه بزاف وهو زعما كي دير في واحد خير هو مايحبش
يقولو : انا نحفرلو في قبر امو وهو يهربلي بالفاس .......
عيييت نفهم وش حكايتنا حنا مع القبور:sad:
يعني خصو كلمات وألفاظ الدنيا كامل ما لقينا غير نضربو الأمثال بالقبور:sad:
وعلاه على لسانا غير لقبر :sad:
قال آخويا حبيت تضرب مثل في هذا السياق قول
انا نعتلو في صلاحي وهو منعرف ...مايش بقبر ماماه:sad:
وديجا انا والله نحكم لي راح يحفر قبر أمي مش غير نهربلو بالفاس
نشقلو راسو بالفاس ونلوحو في القبر لي زعما دارهولي مزية:eek:i-o:
انا مافهمتش على هذا الألفاظ وهاذ الهدرة
منين جاتنا وكيفاه ولينا نهدرو بيها
وهاني جيت نسقسيكم كي العادة لي عندو معلومة يفيدنا بيها
وشكرا لكم

أهداء :
حبيت نهدي الموضوع للأحباب بصح جاتني حشومة نهديلهم موضوع على القبور والموت....سيبا جونتي خلاص:rolleyes:
خلي ندير موضوع تاع زهو ونهديه للأحباب
 
آخر تعديل:

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
افففففف
نقبل مانقبلش نقبل مانقبليش، أيا قبلتو وفرات هههه
حنا هنا فمنتدى واش راك تهدر واش راك تزهى واش راك تقصر واش راك تضحك ونتا جاي تحكينا على لقبور ؟؟؟ ههههه
لمثل اللول جامي سمعت بيه والثاني نقولوه ديما

ملاحظة:
دير مزية ريقلينا جد السلسلة تاعك هذي ولا مانقبلش ههههه
 

محبة الورد

:: عضو مُتميز ::
إنضم
5 سبتمبر 2011
المشاركات
734
النقاط
37
وديجا انا والله نحكم لي راح يحفر قبر أمي مش غير نهربلو بالفاس
نشقلو راسو بالفاس ونلوحو في القبر لي زعما دارهولي مزية

ههههههههههههههههههههههههههه هاذي خلاص قتلتني بالضحك ههههههههه
والله صح عندك الحق الحق عندنا حنا واحد لهداير حتى العلماء حاروا في هدرتنا وعلى جال هدرتنا داروا الاستقالة تعهم وهاجروا وين منلقاوهمش
يقولك نشكي لحفار قبري على همومي باه يصرعوا بيها ويقولوا طير مانحفرلك قبرك مانندبلك هههههههههههه
يقولوا لكل داء دواء الا الموت
مي انا بديت نشك بلي الا الموت وهدرة الجزائريين فعلا عجب اذا عرف السبب بطل العجب وفي هدرتنا عمروا السبب ماراح يتعرف ولا يقولك تاني بالكفارة وصيام العام ارواح انت وفهمها وصيام العام ههههههههه
كلي حنا نباتوا صايمين
ايا راني كثرت الهدرة بزاف هههههه ليزينيتي معنديش هههههه
خويا لاجودان شاف يلي ماقرا ماشاف واصل ولا تفاصل
ونحن ننتظر جديد والعدد 3 من هذا الموضوع
محبة الورد
 

إيمان قلب

:: عضو فعّال ::
إنضم
27 ماي 2011
المشاركات
2,974
النقاط
157
السلام عليكم , يعطيك الصحة
ياخويا انت فالسلسلة تاعك هذه وقيل غادي قاع تخرجنا غالطين في هدرتنا
جبتها على الملح ودوكا القبر ياااترى المرة الجاية شا راح يكون , ايا معليهش ,عندك الحق
يضربوه عندنا بزاف هاذ المثل , وديما عمتي تقولو كي كشما يصرالها تقولي نهار اليوم نعودو " نحكيه" غير لحفارين قبري
بالصح اللي تشوكيك , اسكو يحكوه لحفار القبر كي يموت ولا وهو حي ,
اذا كي يموت , كيفاش رايح يحكيلو ؟؟؟
واذا وهو حي , كيفاش يعرف اللي رايح يحفرلو قبرو , وتاني شا رجع حفار القبر حتى نحكولو ؟؟
اوااااه زدت شوكيتني برك , الف سؤال وسؤال حول حفار القبر
اما المثل الزاوج , كاين مثل يرومبلاصيه غي ماتقلقش روحك وعندك تعلق عليه
يقولك انا بالمغرف لفمو وهو بالعود لعيني " يقصدو بالعود الجهة اللي نشدو منها المغرف "
هيا يعطيك الصحة على الموضوع المليح من الملوحة وفي انتظار جديد سلسلتك +​
 

مسلمة وافتخر باسلامى

:: عضو مُشارك ::
إنضم
5 جوان 2011
المشاركات
217
النقاط
7
هادى جديدة مكاش فى التيريتوار ديالنا
يعنى مسمعتهاش
مى نوغمال علابالى بلادى بلاد العجائب والحمد لله
يعطيك الصحة على الموضوع الهايل
 

adel-mz

:: عضو مُتميز ::
إنضم
2 جويلية 2011
المشاركات
992
النقاط
37
سلام
واش راك مون كولونال ،نورمالمو تبدل الاسم ههههههه
ياخويا هادي خرفات بكري بدات ترجع الله يعافينا تاخير الزمان واحد يشكي لحفار القبور ولوخر يروح لقبة سيدي فلان وتعرف هادو الحوايج مرات يدخلو الى متاهات ،ومن الافضل اواحد مشاكلو يشكيها لربي سبحانو تالي العبد ماعندو مايدير لو
ايا زعمة يحقرني واحد نشكي لعمي لاجودان ههههههههه تناقض
بارك الله الشاف دمت متالق​
 

عاصفة الورود

:: عضو فعّال ::
إنضم
17 جويلية 2011
المشاركات
2,333
النقاط
191
السلام عليكم
صراحة اول مرة نسمع بيها حكاية القبر هذي
مي اكيد وراها قصص وقصص كيما في الحلقة تع الملح هههه
مشكور على الموضوع

في انتظار جديدك
خيو المشرف
^^
 

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
السلالالالالامو وو علييكم
ايييه فاتني هاداك الموضوع تاع الملح كنت نكتب في الرد حتى اوووب تملح الميكرو والنت راحت و اليوم طحت مع القبر
اييييييه كاين مثل قالك : اللي يحبني ما يبنيلي قصر واللي يكرهني ما يحفرلي قبر و تاني السكنة يقولو : لازم وليدي يشري الدار هي قبر الدنيا
ما تكسرش راسك بزااااف راك فاللهجة الجزائرية , كل مرة كاين خرجة من القصب هادي المرة الجاية دير عليها موضوع هههههههه

هايا صحيت اخي نبيل و رانا نسناو فالجديد تاعك هنا ولهيه ++:re_gards:
 

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
راهم ما خلاونيش نحطلك تقييم كي نقدر راني نبعثهولك ولا تحب نبعثهولك كيلو ملح ؟ هههههههه
 

لاجودان شاف

:: عضو شرفي ::
إنضم
6 جويلية 2011
المشاركات
2,427
النقاط
91
افففففف

نقبل مانقبلش نقبل مانقبليش، أيا قبلتو وفرات هههه
حنا هنا فمنتدى واش راك تهدر واش راك تزهى واش راك تقصر واش راك تضحك ونتا جاي تحكينا على لقبور ؟؟؟ ههههه
لمثل اللول جامي سمعت بيه والثاني نقولوه ديما

ملاحظة:

دير مزية ريقلينا جد السلسلة تاعك هذي ولا مانقبلش ههههه
ههههه شكرا سفيان على اعتمادا الموضوع
والله لو ماقبلتوش نجبد حكاية 600000 تاع زمااان ههههه
لازم نبدلو شوي ساعة نحكو ساعة نقصرو
+
ارتقبو حصريا على منتدى واش راك تهدر السلسة -3-
فيها ماجعة كبيييرة ههههه:eek:i-o:
 

السوفي

:: عضو مُتميز ::
إنضم
19 ماي 2009
المشاركات
1,336
النقاط
43
السلام عليكم ورحمة الله وبركاته

تحية عطرة طيبة مباركة ممزوجة بالمحبة والوفاء مرسلة عبر صفحات المنتدى الى من كان له في معزة الإخاء دعني اغتنم الفرصة واحدثكم عن الموت ليس من جانبه المرعب والمفزع الذي خافه كبار الصحابة وهابه ملوك وقياصره كل يخاف من ذكره لانه حقيقة واقعه ومصيبة لا مفر منها والفرق بيننا وبينهم معتقدنا كل هذا معروف لدى الجميع ولكن سوف اتحدث عن الوت من جانبه المشرق حق المشرق
الموت حقيقة نهاية لحكاية الحياة وبداية للاخرة فنحن المسلمون متشوقون لرب كريم لا يظلم الناس فتيلا يجازي بالحسنة اضعافا ويغفر الخطايا وان كانت تملاء ما بين السماء والارض لهذا نحن نفر من سجن الدنيا الى جنة الاخرة وما نذكره الا زاجرا للشهوات ومبعد عن الغفلات موصلا الى عدل الجليل ورحمة الرحيم ومغفرة القدير وكرم الاكرمين لهذا تجد قلوب المؤمنين مطمئنة لذكر الموتلا تخاف الا خطياها واني اتذكر مقولة عمر بن الخطاب امير المؤمنين حبيب المتقين واعدل من حكم بين العالمين عبقري الاسلام والمسلمين فاروق الامة وحصنها المنيع احد المبشرين المدفون قرب خير المرسلين الذي شهد له فقال صلى الله علية وسلم (إيه يا ابن الخطاب ! والذي نفسي بيده لو لقيك الشيطان سالكاً فجاً لتركه لك وسلك فجاً غير فجك يا عمر) اتدرون ماذا قال عمر وهو يودع الدنيا الفانية ويستقبل الاخرة الباقية - والله لوددت أن أخرج من الدنيا كفافاً لا لي ولا عليَّ --
فما عسانا ان نقول انا وانت وانتي حين نودع الدنيا لنستقبل الاخرة آآآآآآه هذا السؤال الذي يفزعني لا الموت اخي
شكرا واسف لعلي لم اتحدث في الموضوع ولكن اردت الافادة على حسب فهمي فعذرا مرة اخرى
السلام عليكم
 

لاجودان شاف

:: عضو شرفي ::
إنضم
6 جويلية 2011
المشاركات
2,427
النقاط
91
وديجا انا والله نحكم لي راح يحفر قبر أمي مش غير نهربلو بالفاس

نشقلو راسو بالفاس ونلوحو في القبر لي زعما دارهولي مزية

ههههههههههههههههههههههههههه هاذي خلاص قتلتني بالضحك ههههههههه
والله صح عندك الحق الحق عندنا حنا واحد لهداير حتى العلماء حاروا في هدرتنا وعلى جال هدرتنا داروا الاستقالة تعهم وهاجروا وين منلقاوهمش
يقولك نشكي لحفار قبري على همومي باه يصرعوا بيها ويقولوا طير مانحفرلك قبرك مانندبلك هههههههههههه
يقولوا لكل داء دواء الا الموت
مي انا بديت نشك بلي الا الموت وهدرة الجزائريين فعلا عجب اذا عرف السبب بطل العجب وفي هدرتنا عمروا السبب ماراح يتعرف ولا يقولك تاني بالكفارة وصيام العام ارواح انت وفهمها وصيام العام ههههههههه
كلي حنا نباتوا صايمين
ايا راني كثرت الهدرة بزاف هههههه ليزينيتي معنديش هههههه
خويا لاجودان شاف يلي ماقرا ماشاف واصل ولا تفاصل
ونحن ننتظر جديد والعدد 3 من هذا الموضوع

محبة الورد
هههه أهلا بيك محبة الورد بالرغم من أنو الورد مكانش في الشتا:eek:i-o:
والله صح هدرة الجزايريين تحيري فيها
وكيما قلتي قالك وصيام العام والكفارة
جامي شفت واحد يدعي بالمعصية
الكفارة يشوفو فيها رجلة هههههه
+
كيما قلتي محسوب حفار لقبور قاعدلك باه يسمع همومك
اصلا همومو تكفيه مسكين الناس تاكل في الخبز بالساهلة
وهو يحفر غير للناس في القبور
شكون يخدمها
المهم راني كثرت ويعطيك الصحة ختي
وترقبونا في العدد الثالث من سلستنا
شكرا
:re_gards:
 

حسان

:: عضو شرفي ::
إنضم
6 أوت 2006
المشاركات
2,681
النقاط
83
ههههههههههههههههه قبور ماما و قصة نتاعنا
 

homework

:: عضو شرفي ::
إنضم
30 ماي 2008
المشاركات
1,332
النقاط
39
معليش ندخل بهذا التحليل البسيط بكري حكاتهولي نانة ربي يرحمها

لحفار قبري هو اخر انسان يحس به الميت بعد الوفاة لأنوا هو لي يخبطلوا بالفاس عند الشاهد لي يحطوه قدام الراس في القبر و زيد هو لي يخرج الاخير بعد الدفن يعني الخطوة الاخيرة نتاع حفار لقبر تبدأ الحياة الثانية
وحنا الجزائرين دينا هذي الأقوال على بكري وبكري مايعرفوش الكلمات لي نعرفوها ذورك
 

adel-mz

:: عضو مُتميز ::
إنضم
2 جويلية 2011
المشاركات
992
النقاط
37
معليش ندخل بهذا التحليل البسيط بكري حكاتهولي نانة ربي يرحمها

لحفار قبري هو اخر انسان يحس به الميت بعد الوفاة لأنوا هو لي يخبطلوا بالفاس عند الشاهد لي يحطوه قدام الراس في القبر و زيد هو لي يخرج الاخير بعد الدفن يعني الخطوة الاخيرة نتاع حفار لقبر تبدأ الحياة الثانية
وحنا الجزائرين دينا هذي الأقوال على بكري وبكري مايعرفوش الكلمات لي نعرفوها ذورك
يظهرلي نوع من الخرفات ولا لا اختي .
 

nina bonoise

:: عضو متألق ::
إنضم
8 أوت 2009
المشاركات
3,357
النقاط
157
ههههه قتلتني بالضحك
اول مرة نسمع الحكايات هذو
مرة الملح و اليوم القبر
يا ترى المرة الجاية وش
راني متبعاتك
 

كمايا

:: عضو مُتميز ::
إنضم
13 أوت 2009
المشاركات
583
النقاط
17
ههههههههه المقدمة تضحك

والموضوع حنا عندنا مانقولوش الامثال هذو ومانحكيوش على لقبورة والحمد لله هههه

ماوصلتناش عاداك

مي نعرفها عند السوريين يقولو تقبرني

وتمشي على قبري

وتكفني

بسم الله الرحمان الرحيم

كلمات يفجعو

مشكور على الموضوع *_*
 
Top