فهمنا واش راك تهدر في منتدى واش راك تهدر -2-القبر

[املي]

و عليكم السلام
موضوع شباب ههههه على لقبور
ايه خلي مرة على مرة نتفكروهم لانو اخرتنا فيهم
المهم احنا هاد المثل ماعادش يستعملوه بزاف عندنا
مين ذاك مين يقولوه
واضافة للاخت كمايا السوريين عاد يقولوا تان
بترقصي ع قبري و بتنشي التراب عليه برجليك وو ...
عندهم حكايات كبار مع لقبور
يعطيك الصحة خو بانتظار الاتي
سلامي ​

 

[صـ كحرفـ محفور ـامتة]

وشبيك؟ هذا يثبتلك أنو الـdz يفكروا في آخرتهم و يخدموا ليها >> وأبرز دليل واش راهو يصرا

>>>>>>ههههه

على كل........
شكرا على الموضوع........

و المرة الجاية دير على " السكر"


و بالمناسبة: موضوعك حلو سكر....!

 

[لاجودان شاف]

السلام عليكم , يعطيك الصحة​

ياخويا انت فالسلسلة تاعك هذه وقيل غادي قاع تخرجنا غالطين في هدرتنا
جبتها على الملح ودوكا القبر ياااترى المرة الجاية شا راح يكون , ايا معليهش ,عندك الحق
يضربوه عندنا بزاف هاذ المثل , وديما عمتي تقولو كي كشما يصرالها تقولي نهار اليوم نعودو " نحكيه" غير لحفارين قبري
بالصح اللي تشوكيك , اسكو يحكوه لحفار القبر كي يموت ولا وهو حي ,
اذا كي يموت , كيفاش رايح يحكيلو ؟؟؟
واذا وهو حي , كيفاش يعرف اللي رايح يحفرلو قبرو , وتاني شا رجع حفار القبر حتى نحكولو ؟؟
اوااااه زدت شوكيتني برك , الف سؤال وسؤال حول حفار القبر
اما المثل الزاوج , كاين مثل يرومبلاصيه غي ماتقلقش روحك وعندك تعلق عليه
يقولك انا بالمغرف لفمو وهو بالعود لعيني " يقصدو بالعود الجهة اللي نشدو منها المغرف "

هيا يعطيك الصحة على الموضوع المليح من الملوحة وفي انتظار جديد سلسلتك + ​

وعليكم السلااام الله يسلمك ختي ايمان
هييه حبيت نعاودلكم اللهجة تاعكم في الجزاير ..ماعجبتنيش
منعرف يحكيو وهوما ميتين ولا أحياء بصح لي تحيري فيها
وحفار لقبوور نفسو مسكين هو لمن يحكي ههههه
+
صح المثل الثاني تاعكم مليح ولوجيك وحنين شوي
مش كي تاعنا أنا نحفرلو في قبر أمو وهو يهربلي بالفاس بففف
+
ههه شكرا لك وانتظرو العدد ثالث هههه
:re_gards:​

 

[لاجودان شاف]

هادى جديدة مكاش فى التيريتوار ديالنا
يعنى مسمعتهاش
مى نوغمال علابالى بلادى بلاد العجائب والحمد لله
يعطيك الصحة على الموضوع الهايل

هههههه بصح حنا عندنا في التيريتوار تاعنا
ربي يقرب التيريتوار تاعنا لتيريتوار تاعكم
ههه شكرا لك
:re_gards:​

 

[حالمة بالجنة]

بالصح اللي تشوكيك , اسكو يحكوه لحفار القبر كي يموت ولا وهو حي ,
اذا كي يموت , كيفاش رايح يحكيلو ؟؟؟
واذا وهو حي , كيفاش يعرف اللي رايح يحفرلو قبرو , وتاني شا رجع حفار القبر حتى نحكولو ؟؟

​

سلاآم الله عليكم...~
​

هههه وهذي اللي حيرتني
ما فهمتش تع الصح
انا اللي تحيرني تع الصح...كلمة أقعد واقف..نقولها ثم نستوعب واش قلت ونقعد نضحك هههه
.......
حناآ في الغرب هاذ الأمثال ما نقولوهاآش ...ربما كاينة لكن قليل
انا لحد الآن ما سمعتهاآش

.....
شووكرن على الموضوع الشباب =)
أسعدك ربي =)

 

[*ليديا*]

السلام عليكم ورحمة الله وبركاته
تحياتي لاجوادن شاف
انا كي قريت موضوع القبر وعجبني بزااااااف غاضني موضوع الملح الي فاتني
ان شاء الله ما يزيدش يفوتني موضوع
انا المثل هذا اول مرة نسمعو
مي انا من رايي راه هايل باسكو يفكرنا بالموت والقبر وو
ثانيا ضحكتني بزاف وبانتلي راه عندك بروبلام مع حفار القبور
حفار القبور ماجابش الموت مي ايلي مات لازم واحد يحفرلو قبرو
المهم موضوعك فوووووووووووووووور بزااااااااااااااااااااااااااااااااااف
ننتظر السلسلة 3
وربي يطول في عمرك
​

 

[زهرة الجنوب9]

ههههه قتلتني بالضحك
اول مرة نسمع الحكايات هذو
مرة الملح و اليوم القبر
يا ترى المرة الجاية وش
راني متبعاتك

مرة جاية تكون ما بين ملح ولقبر

 

[لاجودان شاف]

سلام​

واش راك مون كولونال ،نورمالمو تبدل الاسم ههههههه
ياخويا هادي خرفات بكري بدات ترجع الله يعافينا تاخير الزمان واحد يشكي لحفار القبور ولوخر يروح لقبة سيدي فلان وتعرف هادو الحوايج مرات يدخلو الى متاهات ،ومن الافضل اواحد مشاكلو يشكيها لربي سبحانو تالي العبد ماعندو مايدير لو
ايا زعمة يحقرني واحد نشكي لعمي لاجودان ههههههههه تناقض

بارك الله الشاف دمت متالق ​

وعليكم السلام ورحمة الله وبركاته أهلا بييك خويا عادل
وي راني لاباس راني رجعت كورونال ههه
هههه شفت قالك نحكيه لحفار قبري مافهمناش علاه
ههههه كي تلقالها حل أرواح قولنا
يعطيك الصحة عاادل
:re_gards:​

 

[لاجودان شاف]

السلام عليكم

صراحة اول مرة نسمع بيها حكاية القبر هذي
مي اكيد وراها قصص وقصص كيما في الحلقة تع الملح هههه
مشكور على الموضوع ​

في انتظار جديدك خيو المشرف

^^​

وعليكم السلام ورحمة الله وبركاته
اكييد وراها حكايات وحكايات
انتظرو العدد الجاي فيه مفاجئة هههه
يعطيك الصحة ختي
:re_gards:​

 

[مابقاش بزاف.Dz]

عبارة مشهورة كيما المح على السنة عامة الجزائريين
مشكور على طرح الموضوع التاني من السلسلة
بالتوفيق

 

[لاجودان شاف]

السلالالالالامو وو علييكم
ايييه فاتني هاداك الموضوع تاع الملح كنت نكتب في الرد حتى اوووب تملح الميكرو والنت راحت و اليوم طحت مع القبر
اييييييه كاين مثل قالك : اللي يحبني ما يبنيلي قصر واللي يكرهني ما يحفرلي قبر و تاني السكنة يقولو : لازم وليدي يشري الدار هي قبر الدنيا
ما تكسرش راسك بزااااف راك فاللهجة الجزائرية , كل مرة كاين خرجة من القصب هادي المرة الجاية دير عليها موضوع هههههههه
هايا صحيت اخي نبيل و رانا نسناو فالجديد تاعك هنا ولهيه ++:re_gards:

وعليكم السلام ورحمة الله وبركاته
أهلا بيك يلدييز
معلش هاكي لحقتي على لقبر عندكي برك لا طيحي ههه
+
صح نسمعها يقولو الدار قبر الدنيا منعرف علاه
نموتو على القبور حنا ....تبالي متشائمين بزاف
هههه مليحة تاع خرجة من لقصب ههه
راهو كاين غير الجديد طولو بالكم برك ههه
شكرا يلدييز
:re_gards:​

 

[لاجودان شاف]

راهم ما خلاونيش نحطلك تقييم كي نقدر راني نبعثهولك ولا تحب نبعثهولك كيلو ملح ؟ هههههههه

هههههههه
افليكسيهولي خير هههه
شكرا لك​

 

[لاجودان شاف]

السلام عليكم ورحمة الله وبركاته

تحية عطرة طيبة مباركة ممزوجة بالمحبة والوفاء مرسلة عبر صفحات المنتدى الى من كان له في معزة الإخاء دعني اغتنم الفرصة واحدثكم عن الموت ليس من جانبه المرعب والمفزع الذي خافه كبار الصحابة وهابه ملوك وقياصره كل يخاف من ذكره لانه حقيقة واقعه ومصيبة لا مفر منها والفرق بيننا وبينهم معتقدنا كل هذا معروف لدى الجميع ولكن سوف اتحدث عن الوت من جانبه المشرق حق المشرق
الموت حقيقة نهاية لحكاية الحياة وبداية للاخرة فنحن المسلمون متشوقون لرب كريم لا يظلم الناس فتيلا يجازي بالحسنة اضعافا ويغفر الخطايا وان كانت تملاء ما بين السماء والارض لهذا نحن نفر من سجن الدنيا الى جنة الاخرة وما نذكره الا زاجرا للشهوات ومبعد عن الغفلات موصلا الى عدل الجليل ورحمة الرحيم ومغفرة القدير وكرم الاكرمين لهذا تجد قلوب المؤمنين مطمئنة لذكر الموتلا تخاف الا خطياها واني اتذكر مقولة عمر بن الخطاب امير المؤمنين حبيب المتقين واعدل من حكم بين العالمين عبقري الاسلام والمسلمين فاروق الامة وحصنها المنيع احد المبشرين المدفون قرب خير المرسلين الذي شهد له فقال صلى الله علية وسلم (إيه يا ابن الخطاب ! والذي نفسي بيده لو لقيك الشيطان سالكاً فجاً لتركه لك وسلك فجاً غير فجك يا عمر) اتدرون ماذا قال عمر وهو يودع الدنيا الفانية ويستقبل الاخرة الباقية - والله لوددت أن أخرج من الدنيا كفافاً لا لي ولا عليَّ --
فما عسانا ان نقول انا وانت وانتي حين نودع الدنيا لنستقبل الاخرة آآآآآآه هذا السؤال الذي يفزعني لا الموت اخي
شكرا واسف لعلي لم اتحدث في الموضوع ولكن اردت الافادة على حسب فهمي فعذرا مرة اخرى
السلام عليكم

وعليكم السلام ورحمة الله وبركاته
أهلا بيك خويا السوفي
ربي يجازيك على كلامك الطيب وتذكرتك النافع
ربي يختملنا بالصالحات برك
شكرا لك
:re_gards:
​

 

[لاجودان شاف]

ههههههههههههههههه قبور ماما و قصة نتاعنا

هههههههههه
مافهمتش
ههههه ؟؟؟؟​

 

[لاجودان شاف]

معليش ندخل بهذا التحليل البسيط بكري حكاتهولي نانة ربي يرحمها

لحفار قبري هو اخر انسان يحس به الميت بعد الوفاة لأنوا هو لي يخبطلوا بالفاس عند الشاهد لي يحطوه قدام الراس في القبر و زيد هو لي يخرج الاخير بعد الدفن يعني الخطوة الاخيرة نتاع حفار لقبر تبدأ الحياة الثانية
وحنا الجزائرين دينا هذي الأقوال على بكري وبكري مايعرفوش الكلمات لي نعرفوها ذورك

أهلا بيك مشرفتنا
يعني حب يقول زعما رغم هول الموقف هذاك وقرب السؤال
بصح الميت مزال متفكر هذاك النهار لكحل ويحكيه لحفار لقبوور
ممكن
أنا مع يخرجو الناس
نعيط لحفار لقبر نقولو حل علياآآآعمي علاه علاه ربي يعيشك
ههه ههه يعطيك الصحة
:re_gards:​

 

[عفاف الجزائرية]

نزيدك واحدة
مثلا واحد يخدع صاحبو ولا صحبتو ولا حاجة هاك
دالمهم واحد خرج الطريق على اخر وماكانش ينتظر هاذ الشي منو
واش يقولو:
يقولو ما نسمحلوش حتان يطبطب راسي في القبر..
ضيفها لقاموسك خويا لاجوندان شاف
موضوعك مليح وسلسلتك باهية
ايا ربي يوفقك وفي متابعة السلسلاااات الباقية
++ تقييم
​

 

[لاجودان شاف]

ههههه قتلتني بالضحك
اول مرة نسمع الحكايات هذو
مرة الملح و اليوم القبر
يا ترى المرة الجاية وش
راني متبعاتك

ههههههه ملا راكي سمعتيهم
المرة الجاية راح نحكي على السفرجل ههه
يعطيك الصحة
:re_gards:​

ربي يجعل قبورنا روضة من رياض الجنة

صحيت انبيل​

الله آميين يا السلفي
​

 

[لاجودان شاف]

نزيدك واحدة

مثلا واحد يخدع صاحبو ولا صحبتو ولا حاجة هاك
دالمهم واحد خرج الطريق على اخر وماكانش ينتظر هاذ الشي منو
واش يقولو:
يقولو ما نسمحلوش حتان يطبطب راسي في القبر..
ضيفها لقاموسك خويا لاجوندان شاف
موضوعك مليح وسلسلتك باهية
ايا ربي يوفقك وفي متابعة السلسلاااات الباقية
++ تقييم​

أهلا بيك عفاف
ههه مليحة هاذي ولو سمعتها قبل الموضوع كنت كتبتها
تفكرت غناية ثاني للشاب خالد يقول
راني راقد في قبري ممدود حسيت بالتراب يطيح عليا
علااااه ..منعرف
المهم ربي يجعل قبورنا رياض من رياض الجنة
شكرا لك
:re_gards:​

 

[لاجودان شاف]

ههههههههه المقدمة تضحك

والموضوع حنا عندنا مانقولوش الامثال هذو ومانحكيوش على لقبورة والحمد لله هههه

ماوصلتناش عاداك

مي نعرفها عند السوريين يقولو تقبرني

وتمشي على قبري

وتكفني

بسم الله الرحمان الرحيم

كلمات يفجعو

مشكور على الموضوع *_* ​

ههههه
تاع السوارا ثاني نسمعهم يهدرو بيها مام هنا في المنتدى
بصح جامي فهمتها
صار يقصدو بيها لقبر ......مليح
تسما مانيش غالط كي قلت كاااين سر في القبر ثاني
المهم كي عجباتك المقدمة بزايد
ويعطيك الصحة
:re_gards:
​

 

[EL General]

مرحبا بك اخي لاجودان شاف شوفلنا كاش بلاصة في لارمي برك لواحد تكسر خاطرو هههههههه
وش نقولك ا حبيبي هادي هي الدنيا يعني أجدودنا بكري كانوا يلفضون بألفاظ تجي حلوة على لسانهم و جيل عبر جيل فاتت هادي الكلمات
​