مغامرات خالى والخطوبة

مسلمة وافتخر باسلامى

:: عضو مُشارك ::
إنضم
5 جوان 2011
المشاركات
217
نقاط التفاعل
1
النقاط
7
السلام عليكم ورحمة الله وبركاته
بعد غياب رانى وليت لمنتدانا الغالى لمزيد من التقرعيج فى مدينة عين المكان هههههه
المهم اليوم جيت تحكيلكم على ماساة كنت بديت نحكى عليها قبل ما نروح اللى يعرفنى راه يعرف مشاركاتى
القصة هى عن خالى والبحث عن العروس المستقبلية
كيما خبرتكم خالى حاب يتزوج الحمد لله لحد الان مكان حتى مشكل
بصح المشكل مصبناش العروس المناسبة :sadwalk:درك تقولولى كيفاه البلاد معمرة بنات وو ايه علابالى وانا تانى راسى حبس كيما نتوما
لكن العروس المناسبة لخالى مكانش
:sadwalk::sadwalk:للاسف
اقترحنا عليه بنات الجيران والحى وفلانة وعلانة وقال لا دبرو راسكم وهاهى الشروط وابداو مهمة البحث
المهم ختكم نسات نفسها وبدات تضحى بتفكيرها من اجل خاله:sheer::sheer:ا العزيز وبديت نعصر فى مخى وعقلى والبصلة السيسائية وكامل النخاع الشكوكى ههههههه شكون توالم خالى المدلل لكن للاسف انطلق جهاز الانذار تع الجهاز العصبى ديالى معلنا فشل البحث
ومازال خالى فى الانتظار يحلم ويمنى نفسه واحنا نوعدو فيه حتى فى يوم من الايام الصباح رن هاتفى
ترن ترن ترن
الو شكون
او خالتى فلانة واشراكى لاباس وقبل ما نكمل كلامى قاتلى فوتيلى يماك
قولت اوك رحت لماما هاكى خالتى فلانة
وبقيت نقرعج
ونسمع يما تقول ويييين وكيفاه وشكون وبنت من ووو وشكون يدينا ووو
وانا قاعدة نسمع ونتساءل ونقولها واش كاين
:rolleyes:ويما تقول والو
وممبعد كملت المكالمة وقالتلى يما بلى راهى خالتى صابت عروسة لخالو
وقولت الحمد لله شكون وين وكيفاه وا
قالت امى معلاباليش
قلت كيفاه يعنى متعرفيش واش من عائلة
قالت لا
قلت شحال فى عمرها ووقالت امى والله معلابالنا
هادى زوج خالتك عندو صحبو وصحبو وصحبو هاذا من عائلة معروفة قالو على طفلة و اتصلو بيهم ورايحين نشوفو
قولت اوكى بما ان جدى عايلة معروفة اكيد لازم يشوفو طفلة مناسبة مش رايحين يلعبو قلت اكيد يعرفو الطفلة و
ولبست امى بين هاذا الفستان وذاك وتخير وو وجدت روحها وجات خالتى وخالى واداهم فى السيارة لمكان العروس اللى هى تسكن فى ولاية اخرى بعيييييييييييييييييييييييييييدة علينا يعنى مكان مجهول شفتو الهبال وراحو فى هاد الرحلة
فكرونى فى قصة حجا لما سالو وين وذنك ههههههههه
المهم راحو وانا فى حيرة ونتساءل ونقول ربى يستر
وقعدت نستنى وطيبت العشا و تقلقت وانا نستنى حتى سمعت الباب
طب طب طب فتحت لقيت خالتى دخلت
ثم امى دخلت
وجههم مخلوع وساكتين وانا تحيرت :eek:_o::sad::sad:
خير واش كاين واش صرا
ماذا حصل
قلت بالاك الطفلة مزعوقة ونخلعو:eek:_o:
:santa_1:او بالاك اهلها معجبوهمش
او وقعدت نفكر وهوما ساكتين
المهم علابالى طولت عليكم والحكاية مازال طويلة
بعد مدة انفجرت خالتى بالضحك قولتلها خير واش كاين
اما امى غاست فى تفكير عميق
وختكم ترمش فى عينيها
والحيرة تكاد تقتلنى والتقرعيج ينهش افكارى هههههه
واخيرا نطقت خالتى قالت
رحنا ولما وصلنا ملقيناش الدار
قولتلها كيفاش مش قولتو عايلة معروفة و
قاتلى وصلنا وسالنا وبسيف باش وراولنا الدار
طبطبنا فتحت مرا بملابس الدار :eek:_o::eek:_o:
يعنى مش عارفين اصلا بلى رانا جايين
ودخلتهم وجاو الناس تع الدار ودارو بينا و
هههههههه فكرونى فى ليزانديا تع الماريكان ههههه
المهم لما سقساو المرا
مش عندكم بنت اسمها فلانة
قالت ايه
قالت خالتى وين راهى
قالت امها فى ليكول :eek:_o::eek:_o:
راهى تقرا
قالت خالتى احنا جينا عن طريق فلان
اجابت المراة منعرفوش فلان
:eek:_o::sadwalk::sadwalk::sadwalk:
شفتو الكارثة والتبهديلة اول مرة فى تاريخ العائلة المليئ بالانتصارات هههههههه
تصرا تبهديلة كيما هك
سالتها خالتى عن البنت
قالت امها
واحد ما قالنا بلى راكم جايين وبنتى صغيرة مش رايحة نزوجها
واصلا خالى كان يحوس على واحدة كبييرة مش اطفال
المهم رجعو للبيت ورحلتهم الطويلة
وخالى اللى وصلهم زعف بزاف واصبح فى قمة العصبية
المهم كيفا ش يخبرو خالى العريس عن الكارثة
بلى راحو يخطبو واحدة ميعرفوهاش هههههههه اكيد يجيه اكتئاب
المهم قالولو الطفلة صغيرة ووو وسلكت على خير
وثانى يوم صونا التلفون ترن ترن ترن
رفدت خالتى لقات ام الطفلة تقولهم انا ام فلانة ارواحو تخطبو رانا موافقين ههههههههههه
بعد ما سالو وعرفو شكون هاد العايلة و راكم تعرفو العرب
خالتى ضحكت وتفكرت الرحلة والكوارث اللى صراو قالت مستحيل نرجعو لهاذاك المكان هههههه فلم رعب
المهم انا مفهمتش كيفاش خالاتى يغلطو غلكة كيما هك زوجو كامل خوالى من اسر ممتازة وكى لحقو للمغبون بداو يخلطو ههههههههه
حرت اول مرة فى تاريخ العائلة تصرا جاجة كيما هك
واشرايكم فى الحكاية وادعو لخالى مسكين يودع العزوبية ويلقى بنت الحلال
وادعولنا بمزيد من التركيز هههههههههه

 
أهلا بيك مسلمة
هههههههههه
كيفاش هذا ماشفيناش عليك ومانعرفوكش ؟؟؟
مرحبا بيك من جديد نورتي المنتدى اليوم
ههههههههه
ربي يرزقو ببنت لحلال برك مايشرطش بزاف يشرط راهو يبقا براسو ههههه
وشكون هذا ألي دفعهم لدار الناس بلا ماخبر والدين الطفلة بلي راهم جايين الخطابة ...
ربي طيحكم في بنات الأصل
يعطيك الصحة ولي رجعة للموضوع نقصر شوي

هاه الناس راهي تخطب وتحوس على لمرا وأنا قاعد هنا نقبل في المواضيع وزيد وجه البخص نضحك هههههههه
 
الموضوع طويل طويل حتى حبست و انا نقرا فيــــــــــــه
المهم فهمت شوية برك الي هو يحكي على الزواج هههههه
المهم ربي يرزق كل واحد على حساب نيتو
صحيتي
 
هههههه كون نحكيلك على وليد عمي وحكاياتو الطويلة مع الخطوبات لضرك مسكين مزال يحوس واحنا

نحوسو معاه بدا يخطب من

عمرو 23 سنة ونص والان راهو في 28 ومزال

ربي يعطيهم بنت الحلال في القريب العاجل خالك وولد عمي وكل عازب

سلام
 
ربي يرزق المؤمنين زوجات صالحات
الخطبة ياختي ماتكونش عشوائية لأن الزمان صعاب و البنات ذورك تبدلوا على بنات بكري يخافوا ويحشموا و غيرها مي ضرك باش تلقايالزوجة المناسبة يلزم تحوسي مليح زواج ليلة تخمام عام
مي وين ضحكت في الجزء الثاني تفكرت واحد من العائلة شاف طفلة مات عليها بعث الدار يخطبوا قالولهم الطفلة مخطوبة وعرسها الشهر الجاي
لازم نسقسيوا قبل مانهدفوا
 
وعليكم السلام
ايييييه حكاية طوييييييلة فكرتيني بخالي اللي مازالو ما صابولوش المراة المناسبة و واحد العصو هنايا (ماكانش) تاني مازال ما لقاش الله يزوج كل واحد حاب يتزوج و يهنيه و بيناتنا الحالة راهي صعيبة على المرا و الراجل ويين راهي اللي تناسب و وييين رااااه اللي يقبل ربي يرزق كل مومن من الخير الكثير
 
ربي يوفقو ا انشاء الله يلقى لي تناسبو /size]
 
السلام عليكم اختي هههههههههههه
والله قتلتيني ضحك
وخالك هذا علاش يشرط بزاف يقولك لي بدل لحية بلحية يشتاقهم في زوج ههههههههههه
مي اذا مازال حاب يزوج ندير انا وياك لاغوشارش هههههههههههههه
حتى فالحومة تعنا ماكانش لي رايحة تزوج لخرة لي كانت حابة تزوج راهي زوجت
يعني بقاو غير الانوشات ومازال ماراهمش حابين يخلو عش باباهم ويماهم هههههههههه
ان شاء الله يلقى خالك وحدة لي تليقلوا وبدون مشاكل ومعاناة فالخطوبة ههههههههههههه
ولا ننصحوا يروح للمتحف بالاك يلقى
تقبلي مروري المتواضع اختي ايه شفتي قريب ننسى متنسايش تعرضوني للعرس
راني نجي نجري ههههههههههههه
 
ههههههههه فكرتني في ولد خالتي اللي قاع تيارت و ضواحيها كلات الباتيسري تاعنا اللي خسرناه قواطيط اكتر من العرس وقيلا بهدلنا قاع مع الغاشي المشكل اننا روحو و نشوفو و تعجبنا و كي يجي السي خونا يقولك لا قلنالو شوف وحدك قالنا شفت و فشلت صح لاخاطر مطلق و عندو طفل لكنو الحمد لله صاب وحدة بنت حلال تاع الصح احنا قاع خفنا قلنالو دعاوي المخلوقات يخرجو فيك بصح الحمد الله ربي يرزق خالك بالزوجة الصالحة و قاع الشبيبة
 
أهلا بيك مسلمة

هههههههههه
كيفاش هذا ماشفيناش عليك ومانعرفوكش ؟؟؟
مرحبا بيك من جديد نورتي المنتدى اليوم
ههههههههه
ربي يرزقو ببنت لحلال برك مايشرطش بزاف يشرط راهو يبقا براسو ههههه
وشكون هذا ألي دفعهم لدار الناس بلا ماخبر والدين الطفلة بلي راهم جايين الخطابة ...
ربي طيحكم في بنات الأصل
يعطيك الصحة ولي رجعة للموضوع نقصر شوي


هاه الناس راهي تخطب وتحوس على لمرا وأنا قاعد هنا نقبل في المواضيع وزيد وجه البخص نضحك هههههههه
والله يا خويا واشنقولك راك تشوف بهدلو بينا هههههههه
رايحين لطفلة ميعرفوهاش وكاتبين اسمها فى ورقة ههههههههه
وزيد رايحين بعيد مسافرين
والله ويسمع خالى يبطل نعرفو يقول منزوجش ههههههههه
امين يا خويا امين هدا خالى الغالى نشا الله ربى يفرحو
 
الموضوع طويل طويل حتى حبست و انا نقرا فيــــــــــــه
المهم فهمت شوية برك الي هو يحكي على الزواج هههههه
المهم ربي يرزق كل واحد على حساب نيتو
صحيتي
ههههههههههه
المهم فهمتى كاشما عندك اقتراح ههههه
 
هههههه كون نحكيلك على وليد عمي وحكاياتو الطويلة مع الخطوبات لضرك مسكين مزال يحوس واحنا


نحوسو معاه بدا يخطب من

عمرو 23 سنة ونص والان راهو في 28 ومزال

ربي يعطيهم بنت الحلال في القريب العاجل خالك وولد عمي وكل عازب

سلام
امين للجميع
 
والله يا خويا واشنقولك راك تشوف بهدلو بينا هههههههه
رايحين لطفلة ميعرفوهاش وكاتبين اسمها فى ورقة ههههههههه
وزيد رايحين بعيد مسافرين
والله ويسمع خالى يبطل نعرفو يقول منزوجش ههههههههه
امين يا خويا امين هدا خالى الغالى نشا الله ربى يفرحو


ههههههههههههه
اميييين ويرزق المومنين كامل ...
 
ربي يرزق المؤمنين زوجات صالحات
الخطبة ياختي ماتكونش عشوائية لأن الزمان صعاب و البنات ذورك تبدلوا على بنات بكري يخافوا ويحشموا و غيرها مي ضرك باش تلقايالزوجة المناسبة يلزم تحوسي مليح زواج ليلة تخمام عام
مي وين ضحكت في الجزء الثاني تفكرت واحد من العائلة شاف طفلة مات عليها بعث الدار يخطبوا قالولهم الطفلة مخطوبة وعرسها الشهر الجاي
لازم نسقسيوا قبل مانهدفوا
صح وانا رايي من رايك حرت كيفاش راحو بلا ما يسالو
المهم ربى ستر هههه
 
وعليكم السلام
ايييييه حكاية طوييييييلة فكرتيني بخالي اللي مازالو ما صابولوش المراة المناسبة و واحد العصو هنايا (ماكانش) تاني مازال ما لقاش الله يزوج كل واحد حاب يتزوج و يهنيه و بيناتنا الحالة راهي صعيبة على المرا و الراجل ويين راهي اللي تناسب و وييين رااااه اللي يقبل ربي يرزق كل مومن من الخير الكثير
حنا معليش كلا نشوف خالى حاصل وهو راجل نقول امال الطفلة كيفاه
ربى ييسر للجميع
 
السلام عليكم اختي هههههههههههه

والله قتلتيني ضحك
وخالك هذا علاش يشرط بزاف يقولك لي بدل لحية بلحية يشتاقهم في زوج ههههههههههه
مي اذا مازال حاب يزوج ندير انا وياك لاغوشارش هههههههههههههه
حتى فالحومة تعنا ماكانش لي رايحة تزوج لخرة لي كانت حابة تزوج راهي زوجت
يعني بقاو غير الانوشات ومازال ماراهمش حابين يخلو عش باباهم ويماهم هههههههههه
ان شاء الله يلقى خالك وحدة لي تليقلوا وبدون مشاكل ومعاناة فالخطوبة ههههههههههههه
ولا ننصحوا يروح للمتحف بالاك يلقى
تقبلي مروري المتواضع اختي ايه شفتي قريب ننسى متنسايش تعرضوني للعرس

راني نجي نجري ههههههههههههه
يا اختى الشروط هى الاصل اولا والبنت اللى توالم مراهش يشرط السن ولا يبالغ
تكون شابة ومقبولة وبنت فاميلية برك
 
هذا راكم في ألف تحوسو و ما لقيتولوش

و اللي ما عندوش كيفاه يدير ؟؟ :sad:

ربي يستر
 
ههههههههه فكرتني في ولد خالتي اللي قاع تيارت و ضواحيها كلات الباتيسري تاعنا اللي خسرناه قواطيط اكتر من العرس وقيلا بهدلنا قاع مع الغاشي المشكل اننا روحو و نشوفو و تعجبنا و كي يجي السي خونا يقولك لا قلنالو شوف وحدك قالنا شفت و فشلت صح لاخاطر مطلق و عندو طفل لكنو الحمد لله صاب وحدة بنت حلال تاع الصح احنا قاع خفنا قلنالو دعاوي المخلوقات يخرجو فيك بصح الحمد الله ربي يرزق خالك بالزوجة الصالحة و قاع الشبيبة
شفتى يتمنكرو فينا قالك البنات مكانش هههههههه
ربى يرزق الجميع امين
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top