السلام عليكم ورحمة الله وبركاته
أهلا بيكم يا ناس اللمة،، ان شاء الله راكم كامل بخير
وطلاب الجامعات واش احوالكم مع لي كونترول؟؟ الحمد لله لي هنانا ربي منهم
المهم .. هاذي أول مرة نكتب موضوع هنا، مانعرف إذا يعجبكم ولا لا .. :shay:
حبيت نكتب على وحد الظاهرة لاحظتها مؤخرًا ومانعرف إذا عندكم ولا لا .. هاذي يا سيدي كي تجي معدي على أي مدرسة إبتدائية تلقى النساء (الأمهات) أكثر من التلاميذ، كامل واقفين قدام الباب تع المدرسة تقول عليهم كاشما يستناو في خبز ولا مانعرف، مطر، ثلج، ريح، شمس، صباح، عشية ... دائما حاضرات ..
الآن رانا نشوفو بلي تقريبًا كل الأمهات يوصلو أولادهم للمدرسة، عييت نفهم علاه، الأم ذرك تخرج على 8 وعلى 10 وعلى 13 وعلى 15 باه تدي وتجيب ولدها من المدرسة.
زعما تقولك نخاف على وليدي من الطريق ونخاف لا يخطفوه ونحيولو الكلية تاعو ولا عينيه ويبيعوهم!!! كاين منها صح هاذي ولا راهي برك حابة تخرج من الدار وفرات؟؟ مانعرف .. أنتم قولولي ..
حاجة أخرى، كي تروح للمدرسة ماشي تروح بملابس عادية، تروح مزينة والماكياج كيفاه والحطة كيفاه، تقول عليها رايحة عرس :scared: عييت نفهم، راسي داخ
_o: ..
وكل يوم يومين تقولك أنا رايحة نهدر مع المعلمـ (ة) باه نشوف مستوى ولدي :scared: تقول ولدها يقرا ماجيستار ولا مانعرف عليه، وهو راهو سنة أولى إبتدائي برك.
والمندبة الكبيرة كي يجي ولدها يفوت الإمتحانات :sheer: تلقاها نهار كامل وهي تخمم ويديها على خدها ومغمومة، وكي تتلاقا حبابتها حكاياتهم إمَّا على الإمتحانات والتقويمات، تبانلهم أولادهم راهم يفوتو في لي كونكور تع الدكتوراة :showoff:
وإمَّـا على لي كور وهاذيك تسقسي شكون هي المعلمة لي دير لي كور مليح ولخرى تقولها فلانة خير وهيا ماشيةi-o:
هذا هو حديث الساعة؛ الإمتحانات ولي كور
(هاذي مليحة من جهة أنهم ينقصو شوي من الغيبة والنميمة :shiny
كي نشوف هكاك يرجع بيا الزمان للوراء عام 1990 كي دخلت نقرا سنة أولى -زعما- .. قريت 6 سنين في الإبتدائي جامي وصلوني ولا جابوني، نروح وحدي :showoff:، حتى النهار الأول رحت وحدي، زعما المدرسة نعرفها من قبل -أختي معلمة لثم أحم أحم- :shay: :sheer:.
وجامي جاء واحد من العائلة وسقسى عليا في الإبتدائي وشي هو مستواها :sadwalk:حتى أختي جامي سقست عليا :schmoll:. وهكذا تبانلي كانو يعملو الأولياء كامل في هذاك الوقتi-o:. زعما واثقين من مستوى أولادهم :showoff:.
حتى كي كنا نفوتو السيزيام واحد ما يتحير علينا، كنا نروحو نقوتوها عادي .. بصح ذرك السيزيام = الماجيستار :showoff:
ولي كور ما نحلموش بيهم خلاااص، إلا عام الباك ثم يبدا الواحد يخمم يدير لي كور، وكاين لي كيما حالتي جامي دارو لي كور :sadwalk:
ومع ذلك كنَّا نقراو مليح وننجحو وعااااااادي :showoff: ونجيبو الباك عااااادي :sheer:
علابالي طولت عليكم، هيا قولولنا آسكو هاذ الظاهرة كاين عندكم ولا لا؟؟
وهل صحيح الأم لي تروح توصل وليدها كل يوم للمدرسة همها مستقبل وليدها ولا حابة تخرج من الدار برك؟؟ وكي تخرج الصباح مرتين الغداء شكون يديرو والتسياق شكون يسيق؟؟
إليكم الخط ..
هيا نخليكم على خير يا ناس اللمة
أهلا بيكم يا ناس اللمة،، ان شاء الله راكم كامل بخير
وطلاب الجامعات واش احوالكم مع لي كونترول؟؟ الحمد لله لي هنانا ربي منهم
المهم .. هاذي أول مرة نكتب موضوع هنا، مانعرف إذا يعجبكم ولا لا .. :shay:
حبيت نكتب على وحد الظاهرة لاحظتها مؤخرًا ومانعرف إذا عندكم ولا لا .. هاذي يا سيدي كي تجي معدي على أي مدرسة إبتدائية تلقى النساء (الأمهات) أكثر من التلاميذ، كامل واقفين قدام الباب تع المدرسة تقول عليهم كاشما يستناو في خبز ولا مانعرف، مطر، ثلج، ريح، شمس، صباح، عشية ... دائما حاضرات ..
الآن رانا نشوفو بلي تقريبًا كل الأمهات يوصلو أولادهم للمدرسة، عييت نفهم علاه، الأم ذرك تخرج على 8 وعلى 10 وعلى 13 وعلى 15 باه تدي وتجيب ولدها من المدرسة.
زعما تقولك نخاف على وليدي من الطريق ونخاف لا يخطفوه ونحيولو الكلية تاعو ولا عينيه ويبيعوهم!!! كاين منها صح هاذي ولا راهي برك حابة تخرج من الدار وفرات؟؟ مانعرف .. أنتم قولولي ..
حاجة أخرى، كي تروح للمدرسة ماشي تروح بملابس عادية، تروح مزينة والماكياج كيفاه والحطة كيفاه، تقول عليها رايحة عرس :scared: عييت نفهم، راسي داخ
_o: ..وكل يوم يومين تقولك أنا رايحة نهدر مع المعلمـ (ة) باه نشوف مستوى ولدي :scared: تقول ولدها يقرا ماجيستار ولا مانعرف عليه، وهو راهو سنة أولى إبتدائي برك.
والمندبة الكبيرة كي يجي ولدها يفوت الإمتحانات :sheer: تلقاها نهار كامل وهي تخمم ويديها على خدها ومغمومة، وكي تتلاقا حبابتها حكاياتهم إمَّا على الإمتحانات والتقويمات، تبانلهم أولادهم راهم يفوتو في لي كونكور تع الدكتوراة :showoff:
وإمَّـا على لي كور وهاذيك تسقسي شكون هي المعلمة لي دير لي كور مليح ولخرى تقولها فلانة خير وهيا ماشية
i-o:هذا هو حديث الساعة؛ الإمتحانات ولي كور
(هاذي مليحة من جهة أنهم ينقصو شوي من الغيبة والنميمة :shiny
كي نشوف هكاك يرجع بيا الزمان للوراء عام 1990 كي دخلت نقرا سنة أولى -زعما- .. قريت 6 سنين في الإبتدائي جامي وصلوني ولا جابوني، نروح وحدي :showoff:، حتى النهار الأول رحت وحدي، زعما المدرسة نعرفها من قبل -أختي معلمة لثم أحم أحم- :shay: :sheer:.
وجامي جاء واحد من العائلة وسقسى عليا في الإبتدائي وشي هو مستواها :sadwalk:حتى أختي جامي سقست عليا :schmoll:. وهكذا تبانلي كانو يعملو الأولياء كامل في هذاك الوقت
i-o:. زعما واثقين من مستوى أولادهم :showoff:.حتى كي كنا نفوتو السيزيام واحد ما يتحير علينا، كنا نروحو نقوتوها عادي .. بصح ذرك السيزيام = الماجيستار :showoff:
ولي كور ما نحلموش بيهم خلاااص، إلا عام الباك ثم يبدا الواحد يخمم يدير لي كور، وكاين لي كيما حالتي جامي دارو لي كور :sadwalk:
ومع ذلك كنَّا نقراو مليح وننجحو وعااااااادي :showoff: ونجيبو الباك عااااادي :sheer:
علابالي طولت عليكم، هيا قولولنا آسكو هاذ الظاهرة كاين عندكم ولا لا؟؟
وهل صحيح الأم لي تروح توصل وليدها كل يوم للمدرسة همها مستقبل وليدها ولا حابة تخرج من الدار برك؟؟ وكي تخرج الصباح مرتين الغداء شكون يديرو والتسياق شكون يسيق؟؟
إليكم الخط ..
هيا نخليكم على خير يا ناس اللمة
