كاميري و فيلمي

اعيش راضية

:: عضو مُشارك ::
إنضم
6 ديسمبر 2011
المشاركات
311
نقاط التفاعل
3
النقاط
7
السلام عليكم
وااااااش راكم يا احباب اللمة عندي مدة ما طليتش ان شاء الله راكم ملاح و ربي يعلم اني توحشت لممتكم لعزيزة
بلا ما نطول لانو خصني نرقد بكري ههههههه
راني ميزت من مدة ظاهرة كاميري و فيلمي
ولاو في الليسي و برا و في كل مكان غير ما تصرا لقطة بجبدوا البورتابل و يبداو يفيلموا
المشكلة ما علابالهم لا بالبنات لا بالمحجبات لا واااااااااااالوووووووو
البارح في الليسي زوج بنات دابزوا واحد بقا يصور
حرام عليه و كاين بنات تماك و ماكانوش عارفين باللي راهم يصوروا
الكارثة انو كلشي راه يفوت في اليوتيب و الفايسبوك
يا ناس علاه ما نحتارموش الناس و اقدارهم و خصوصا في هاد القضية البنات
انا هدرت ان شاء الله كلامي وصل
دمتم طيبين يا رب
سلااااااااااااااام
ملاحظة:الغرب اخترع البورتابلات بالكاميرات باه نجو حنل لمسلمين نستعملوه لاغراض خبيثة و اللي منها تفيلمي في بنات الناس و اعراضهم
الله يهدينا برك
 
أهلا بيك اعيش راضية
يعطيك الصحة على الموضوع الباهي
صح ظاهرة كثرت بزااااااف
ولا الواحد يخاف يدير لقطة ولا يغلط لبرا يلقى روحو في الفايس بوك
ههههههه
كيما قلتي حنا نستغلو التكنولوجيا هذي للأمور السلبية
وهوما لوكان شافونا راح نستغلو التكنولوجيا في امور تفيد راهي ماوصلتناش
يعطيك الصحة

+
تقييم
 
وعليكم السلام
اهلا بكي اختي نورتي من جديد
نعم اصبحت التكنولوجيا عند الجزائريين كارثة عظمى
وكثير من المشاكل حدثت بسبب الكاميرا
والصور التي تنشر على موقع الفايس بووك وغيرها
الله يهدي من خلق
العبد وين يلقى الخلطة يجبد روحو لاتبات فيه
مبقاش امان في الدنيا
لا في النت
لا في الواقع
حتى في النت تحطي الثيقة رحتي فيها
بعثتي فوطو لوحدة درتيها كي اختك
يفوت وقت وتولي تديرلك بيها مشاكل
الله يسترنا
تقبلي مروري
 
نورمالمو الحبس لي يصور بنات الناس

الله يهدي ماخلق
 
عندك الحق الاخت هذي ظاهرة خطيرة جدا وهذي هي ثمار التكنولوجيا والحرية ومزال نوفوا ماكثر
بصح حتى للبنات هذو كيفاه يدابزو قدام الناس ووين في الليسي ؟؟ راهم في عقلهم !!

والله عيب وعار طفلة تعلي صوتها فقط ماشي حتى تدابز
 
والله فالوقت هدا غير ربي يستر برك تجي تفهم تدوخ .......شكرا على الموضوع
 
وعليكم السلام ورحمة الله وبركاته

والله عيب وعار عليهم لي يديروا هاك ختي ربي يهديهم ماعندنا

مانقولوا فيهم ماتخافيش كيما راهم يصوروا في بنات الناس

يجي النهار وين تصرا في ختو ولا مرتوا ولا بنتوا

ربي يهدي عباد كيما هاك والله دنيا وين ولات

شكرا ليك اختي على طرح الموضوع تقبلي مروري وتدخلي
 

الفايسبوك ياختي ماخلا مابقى ما بقا ف الشبيبة تاع دركا

كل ناس و كيفاه يفكروا
 
السلام
واش نقلك يا خويا ربي يهدي ما خلق
 
كارثة صح منعرف تعسو ارواحكم من الفضائح ولا تركزو في القراية
 
أهلا بيك اعيش راضية

يعطيك الصحة على الموضوع الباهي
صح ظاهرة كثرت بزااااااف
ولا الواحد يخاف يدير لقطة ولا يغلط لبرا يلقى روحو في الفايس بوك
ههههههه
كيما قلتي حنا نستغلو التكنولوجيا هذي للأمور السلبية
وهوما لوكان شافونا راح نستغلو التكنولوجيا في امور تفيد راهي ماوصلتناش
يعطيك الصحة

+

تقييم
و بيك اهلا ماكانش
صحيييييييييييييت و شكرا على التقييم
 
مابقاتش قع حشمة و لا احترام لا للاخرين و لا لاعاض الناس
الله يهدي هادا ما نقولوا
تستاهلي تقييم
 
ايه صح كاينة منها اختي راهي ظاهرة خطيرة للي عندو ضمير
أما لي ما عندوش تجيه نوغمال ... راهم يصورو برك ويحطو
لاتيين بيك ولا بفلانة ... هوما المهم يديو حدث حصري يشيخو
بيه في الفايس ,,, اتولهي برك كاشما تديري حدث ياتيغي
وتلقاي روحك تسركلي في الفايس بوك ... ســــلامي
 
احنا العرب دايما نديو القشور ونخليو اللب
هادوك البنات لي داربو تاني تبهديلة واشنو هادا نورمالمو كبار على هاد الحوايج
وهاداك لي يكاميري الله يهديه ويهدينا اجمعين مايخممش بلي كاش نهار يقدر يلقا ختو في اليوتيوب بنفس الطريقة لي صور بيها بنات الناس.

 
اولا السلام عليكم اختي
ثانيا والله صح عندك الحق وهاذ الظاهرة شفتها بزاف ماشي مرة ماشي زوج مرات
وخاصة يديروها الذراري فالقسم وين نقرى يبداو يصوروا في بعضاهم وميقولوا ني كاين بنات ني والو
انا مرة طفلة قريب مادرت معاها كارثة كنا قاعدين بنات فالقسم وحدنا وهي من جماعة الفايسبوك وكامل حتى نضرب علييها نلقاها تفيلمي فالبنات وانا ظهرت فالفيديو رحت ليها بلعقل قتلها سوبريميه محبتش تفهم كنت رايحة نوضها كبيرة حتى طلعت المراقبة وفكت المشكل وقاتلها منزيدش نصيبك درتي العفسة هاذي
والله ختي ربي يهدينا الطفلة ولات ماتفيقش حتى تلقى روحها فالفايسبوك
ربي يهدي ماخلق كيما درنا ماسلكناش
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top