بين البارح و اليوم انا وين راني ؟

[أم منيــــــر]

رد: بين البارح و اليوم انا وين راني ؟

إييه عندك الحق سيدتي أنا كي شفت الفوطو اللي حطيتيها أتخلعت. جبل من الهيدورات .

أنا صراحة جامي رميتها ، قبل مانتزوج يما ربي يحفضها أديرلنا بالدالة ، عام تغسلها أختي و عام أنايا ، و نفصلو الصوف من الجلد و نخدمو بيه " مطارح " و لا "مخايد" ، هذيك العادة أديتها معيا كي تزوجت كانو أهل راجلي يرميوها ، معاهم معاهم حتى تعلمو سلفاتي و لاو يخدموها معايا .

و عندنا جمعية نسوة تتكفل بجمعها و تنقيتها و بيع الصوف و الجلد كل على حدى و ترجع تلك الأموال للمحتاجين .

شكرا لكي سيدتي على الموضوع الرائع تقبلي مروري و أسمى تقديري لك .​

يعطيك الصحة ديتي معاك حاجة و الله نستعرف بيك خدمتيهم كامل
فكرة الجمعية حاجة مليحة بارك الله فيهم و ربي يجازيهم
حتى تمنيت لو كاين مؤسسات صغيرة او جمعيات دير بيهم حاجة فايدة خير ما يروحو في المزابل
سعيدة بمرورك :regards01:
​

 

[أم منيــــــر]

رد: بين البارح و اليوم انا وين راني ؟

علا سلامتك ختي العزيزة
هدي غيبة توحشنا مواضيعك
راكي تحكي علي الهيدورة يا حسرااااااه
والله ياك راكي تشفاي ماما شحال كانت خادما هيادر النساء الشاطرات
بصح والله فايدة كبيرة فيهم كيماقلتي شويا تعب مي ماعليش
ايا والتبهديل الكبير ياكلوا اللحم والهيادر خانزين برا حاشاكم بعدا كي صابهم ربي وحبوا يرميوها
يستروها فشكارة خير ميرميوها للدبان
ايييييه علي يام زمان مين كانت بشانها
نتمني تولي عادات غسل ا لهيدورة
ربي يخليك جبتيلنا موضوع شباب
تحياتي

الله يسلمك اختي ميلكا :p
يتوحشك الخير
ايه يا حسراه كنا ما ناكلوش اللحم حتى نغسلو الهيدورة و كنا صغار و كانت عندها بنة و نسمة وحدها
و الله التبهديلة و الريحة و الله حاجة تحشم
ما شكيتش تولي هاد العادة مع الاجيال لي جاية هيهاي يلا تولي ههههه
شكرا لمرورك الطيب :regards01:

 

[أم منيــــــر]

رد: بين البارح و اليوم انا وين راني ؟

الهيدورا مسكينة ههه :d
الله غالب ملي كتاشفو الماشينا لافي تهردت الدعوة راح كلش
الماشينا لافي رجعت بزاف نسا فنيانات خخخخ :s
ههههههههههههههه بصح و الله مليحة و مريحة
وين راهم يامات الصابون و الحطبة يا حسراه
يا حسراه حتى الصابون ما رجعش كما زمان كل شي تبدل
خليك يا الهيدورا ما يغروش فيها كع
:-r
تحية لكل فتاة مازالت الهيدورا
تعني ليها شويا سونتيمو هههه :up:
هههههه ما شكيتش كاين بزاف بنات تعنيلهم الهيدورة كانش حاجة و بنتي وحدة منهم :p
شكراا اختي علي الموضوع
ربي يحفضك
سلام عليكم

صحيت على التدخل و المرور اللطيف :bravo01:
الله يحفظنا جميع

 

[أم منيــــــر]

رد: بين البارح و اليوم انا وين راني ؟

ههههه احي على بنات اليوم
ماشي كامل حكيم :d
مسكينة نهار العيد الحاجة اللي تاكلها وما غسلتهاش تحبيها تغسلك هيدورة ههه
انا لي خلعتني في المحيط نتاعي بعدا... كامل لبنات ما يحبوش الدوارة و الزليف ما فهمتش علاش
حتى اللحم اذا فيه الشحم ما ياكلوهش تقول عدوى راها دور
و الله عجب
طرف لحم ما تعرفش تقطعو
يخافو من الخدمي
وقاعدة غير مع سباغ الاظافر نتاعها
ايه واش تحب يخافو على ظفارهم و على يديهم هههه
حنا الحمد لله مازالنا نغسلو فيهم ديجا في الصالون نتاعنا كاينين زوج ولا ثلاثة
هكاك وحدة نريح نقرى عليها وسبحان الله والله غير القرايا روعة لوكان نقدر نهربها نجيبها للاقاامة
والبرد نتاع الارض ما تحسيش بيه طول
شوف كانت يما تقولها لي :thumb_up02:انا نقولها درك ماشي كما زمان راه كاين لفراش
تقولي و الله ما كما قعدة الهيدورة و جربتها و صح
و كلام لكبار حكمة
حتى زوجي يحبهم هاد العام فرح كي خدمتلو الهيدورة
وفي الشتاء نحطها قدام الشوفاج ونقعد نكونيكتي فوقها يااي فن نتاع ام كلثوم وما تغنيهلكش
ايه الله الله و زيد معاها فنجان قهوة و البخار يطلع منها و لا قعدة السلطان هههه:yahoo01:
صراحة حنا عندنا الراجل هو اللي ينبه الزوجة نتاعو يشريلها الملح ويعطيها بخزرة من خزرات شاروخان
ويبدى الهندي يعيط خخخخ
ههه آ:sport02: كي يدخل فيها الابظاي ما بقات هدرة
صحيتي خالتي سوجي في وقتو ​

يعطيك الصحة حكيم
سعيدة بمرورك :regards01:
​

 

[العَنْقَاءُ]

رد: بين البارح و اليوم انا وين راني ؟

هههه هيدورة سلام عليكم ام منير خالتي خالتي
تعرفي مواضيعك في هذا الركن هايلين والله
واسمحلي على قلة ردودي
عندك الحق
جيل اليوم مهتم بالوات ساب
تروح تفتح الوات ساب تقول لصحبتها :
هاي ..وات ساب ديد يو سيي سبونج بوب توداي ؟
وترد عليها صاحبتها منهيه :
ياس ياس أي ديدت يـــــــــــاه
مطورين ههه
ياريتني غير مستعجل الان برضو نرد كلام طويل طويل
جيل زمان وجيل اليوم
مسَلمين ومكتفين
ربي يستر برك
جزاك الله خيرا خالتي ربي يحفظك ويسترك

​

 

[حكاية قمر]

رد: بين البارح و اليوم انا وين راني ؟

السلام عليكم
اييه بكري وضروك ماشي كيف كيف عند بعض الناس حنا جامي نرموهم تاع العيد ولا غيرو
برك هاذ العيد صارو عفايس ماشي ملاح مالهيناش ليهم حتى فات حالهم للاسف
مي من لي كنت صغيرة جداتي وماما وقاع لي نعرفهم في دار جدودي ما يقيسوهمش لحد الآن
باسكو راه يستفاد منهم اذا ما تغسلوش مليح وتنقاو راه تتسما جياحة ومام نحو منهم الصوف
خلينا من جماعة قلبي الصغير لا يحتمل هذوك ديري عليهم ني بوزلوف ني دوارة مع لوقت لحم ما يتاكلش خلاص
نولو نباتيين اذا عاندناهم
يعطيك الصحة خالتي أم منير
وربي يسعدك ان شاء الله​

 

[أم منيــــــر]

رد: بين البارح و اليوم انا وين راني ؟

السلام عليكم
ماشاء الله قسم واش راك تهدر راهو منور اليوم
الله ينورك يا لحبيبة
مرحبا بالغالية أم منير والله توحشنا مواضيعك وتوحشنا طلتك الله يبارك
الله لا يغيبك علينا ان شاء الله
آمين انا وياك و ربي يبارك فيك و يتوحشك الخير
وموضوعك والله في وقتو صح نشفى بكري كيما قال خونا حكيم في كل شوكة تلقى جلد تاع كبش كنت نفرشو
ونقعد نلعب عليه كي كنت صغيرة ولا نرسم عليه، فيه بنة والله لكن درك عدنا نصدقوه حتى حنا مانكدبش عليك
و الله كامل واش وصلنا من تطور و تحضر بصح حاجة بكري تبق عندها بنة و ذكرى حلوة و سيرتو مع الصغر
بكري كي كنا صغار كانت ماما تغسلو ومن بكري تحكيلي كيفاه ينظفوه بالملح والجلد الرطب يحطولو الحليب والفرينة
باه ييبس ويتنظف ويخرج صافي وبيض بصح من بعد جاو سنوات بزاااف ماذبحناش يعني مازدناش درنا الجلد
ايه صح و زيد يسرحوها فوق السطح و يكسلوها مليح حتى تيبس
وزيد صحة ماما بعد ماش مليحة راهي زوج عمليات على القلب وكلشي وحتى انا من المتوسط ظهرتلي حساسية
تاع الصوف والربيع غير نشم الصوف تتدهور حالتي نلحق حتى للسبيطار ولازم اوكسيجين وخلي وخلي
لالا لما تدخل الصحة في الوسط ماكانش هدرة الصحة اولى من كل شي ربي يشافيك انت و يماك و يعطيكم الصحة
يعني ماجينا نوليو نذبحو مرة اخرى ولينا قرقوجة هههههه ساع ولينا نصدقوه بصح ماش نرميوه في البوبال حاشاك
يعني نمدوه لشخص معين ولا للمساجد كيما قلتي بصح والله غير فكرتيني في بنة زمان
كي يروح لحاجة في سبيل الله واش عليه قتلك حتى انا لما كانوا يدوهم للمساجد كنت نصدقها بصح درك مارانيش عارفة علاش سمحو
والله العظيم كن درتي الموضوع قبل العيد والله غير نتعافر معاها ونغسلها ويصرا واش يصرا خاطر الجلسة فيهم والله
ماتتعوض بكنوز الدنيا وحتى لي كانو عندنا كامل تقطعو وطيشناهم يعني قدم بزااااف خاطر كيما قتلك فاتت
صحتك بالدنيا و دوماج لو كان راكي قدامي نجيب لك وحدة من عند يما ربي يخليها كل عام تحرص على اختي باش تغسلها
فترة كبيرة ماذبحناش فيها وزيد ننتاقلو من بلاصة لبلاصة يعني فسدو مابقاوش
يعني صدقيني راحت من بالي لو تفكرتها كنت مانخليهاش تروح من الدار خاطر فكرتيني ببنة زمان صح
ماعليش العام الجاي ان شاء الله تكوني بصحة جيدة و ديريها
ربي يهنيك ورانا مقصرين والله العظيم كل يوم رانا نتخلاو على حاجة من ريحة زمان حتى مايبقى والو للاسف
قالك الجديد حبو و القديم لا تفرط فيه
حنا للاسف رانا ننساو بالحاجة بالحاجة حتى نهار ننساو شكون احنا
ربي يهدينا ولعقوبة للعام الجاي لا كتب ربي نخبي وحدة ونغسلها ونقعد غير انا عليها هههه مانمدها لحتى واحد
اللهم آمين ان شاء الله وعلاش لالا :bravo01:
شكرا امي الغالية ربي يهنيك والحمد لله انو امثالك راهم يفكرونا بتقاليدنا
بنات اليوم هادا واش محتاجين، محتاجين لي يفطنهم ويقولهم ديرو هكا وماديروش هكا مالا بارك الله فيك
وشكرا على الموضوع
تحياتي
​

لا شكرا على واجب حبيبتي
ايه هادي هي الدنيا احنا ما زالنا نتعلمو من عند الكبار نتاعنا و ما زلنا ناخدو عليهم التجارب
و احنا تاني نعلموها لولادنا و بناتنا
ربي يجازيك و يعطيك ما تتمناي
اسعدني مرورك
​

 

[أم منيــــــر]

رد: بين البارح و اليوم انا وين راني ؟

السلام عليكم
ادا راك اختي تهدري على الجلد لما يترمى في هاد السنة
الطامة لحم الاضحية راهو تاني ينطاش جراء الغش
احنا في هاد السنة رميناه لانو مافيه مايصلحو لكن من قبل امي
تنحي الصوف برك اما الجلد ماعندناش الي يهدر عليه الاخ حكيم
والحاجة لمليحة عندنا كاين واحد يجمع الجلود ويصنعهم والمدخول يوزع على الفقراء
مشكورة اختي على الموضوع

و عليكم السلام
و الله انا انصدمت من هاد الخبر شفتو في التلفزيون
واش هاد العجب جامي صرات
عوضكم على الله
ايه حتى هادي فكرة شابة على الاقل الصوف تستعمليه و ما ترميهش
يعطيهم الصحة بعدا الجلد ما يضيعش و يعود بالفايدة
عندنا داروها عامين و من بعد خلاص
ربي يحفظك و بارك الله فيك على المرور :regards01:

 

[أم منيــــــر]

رد: بين البارح و اليوم انا وين راني ؟

السلام عليكم سيدتي الفاضلة
و عليكم السلام حبيبة
اييه ما اثرش عليا لانو ما انا نباتية نكره اللحم الحمد لله نعمة
سبحان الله هادي رجعت ظاهرة في كل عايلة كاين واحد نباتي و انا وليدي الصغير نباتي ما يحبش اللحم و لا ريحتو
نرجعو للسوجي نتاعك والله صح فكل كلمة قلتيها انا نشفى كنت صغيرة يمى وجدة ربي يرحمها يتعبو بزاف فالعيد ينقولها ويخبوهم ولما تكون مناسبة فالشتا يجبدوهم يشعلو والناس الكل تتباهى بيهم شعال لمو وكيفاه نظاف ويخيرو الكبش الكبير تجي هيدورتو روعة كبيرة مي ضرك راحت بنة العيد كنا نشوفو فيهم يملحوهم حتى ينشفو وبعدو يغسلوهم مليح مليح وتنشف تولي روعة
صح هكدا كانو يديرو و كما قلت في المناسبات يجبدوهم و يفرشوهم
و الله كانت عندها بنة كنت صغيرة و نطلع مع يما للسطح و نتمتع و انا نتفرج عليها و هي تخدمها
مي يقولك اللي غاب كبيرو غابب تدبيرو من راحو نسا نتاع زمان والبركة راح كل شي والله عادات زمان راحو خسارة بزاف
ايه هادي هي كل جيل يروح و يروحو عاداتو معاه
العام الجاي نلقاو كركاسة نتاع الخروف ينحو غير اللحم العظم كامل تلقاي الهياكل مرمية وقولي ليليا قالتهانا ههههه الله يهدينا
كل شي ممكن ديجا راهم يرميو الدوارة و البوزلوف
يمى والله جابت نتاع كش اختي لانو حنا ما ذبحناش قالت نحبهم ونبدا نلمهم ملاح فالمناسبات شوفي لو يرجعو ليهم يقولك عادة زمان رجعت الكل يبدا يلم فيهم لو واخد فينا بدا يرجعهم يرجعو
ما شكيتش يرجعو لهم العقليات تبدلت بزاف
مي الواحد ينوض عيان مدابز مع روحو والذراري والمسؤوليات نزيدو نغسلو هيدورة ما نكذبش صحتي على قدي لو غسلتها نروح كومة لاه واش داني
لا لاباس عليك و علااش عليك حتى تمرضي
ويا ويلي خايفة مون شاوي يديرهالي شرط هههه
واش عليه ماشي خسارة في طون شاوي ههه ربي يخليكم لبعض
اييه ياخي الرجال غير يتسبو ويعايرو ضرك يدخلو يبردو ذاك الجن اللي فالقلب على النسا
ههههههه راهم يحوسو على الفرصة و ما يراطيوش
شكرا ليك

يعطيك الصحة و صحيتي على المرور :regards01:

 

[أم منيــــــر]

رد: بين البارح و اليوم انا وين راني ؟

وعليكم السلام
اهلا بحبيبتنا ام ياسمين
صح نشفى لوقت فات كانو عندنا الجلود في الدار ونفرشوهم
مباعد درك رجعو ديمودي وكانو حتى لعرايس يخرجوهم في الفراش
كان عندي جلد صغير مدتهولي جدة كنت نرقد فيه
ايه زمان ما كانش دار ما تلقايش فيها الهيدورة و ما زال امهاتنا شادين فيها
و اليوم يقولك واش ندير بيهم حتى انا كان هذا رايي و نقول راه كاين لفراش واش ندير بيها بصح الوالدة ربي يخليها اثرت عليا باش بدلت رايي
لامقارنة بين لمرا تاع البارح وتاع اليوم
هذا اكيد لا مجال للمقارنة اطلاقا لعدة اسباب و منها العيشة لي عاشوها هما و احنا ماشي كيف كيف
انا وحدة بعد الجلد كي كنت صغيرة كنت نعاون ماما فيه هههه وجدة
كان اليوم المسعود كي يخدمو الجلود ويقولولي احكمي معانا ويطيشو عليه الملح هاذاك كنت نمد يدي ونذوقو ههه لدرك الريحة ديك مازالت في فمي
ونبقى نعس عليه على الشمس
و تبق هاذيك ذكرى جميلة راسخة في عقلك طول حياتك
بارك الله فيك خالة طرحتيلنا حاجة كان ليها قيمة زمان صح وبالعكس درك.

و فيك بارك الرحمان نتمنى تبق شويا روايح زمان و ما يروحوش كامل
صحيتي على المرور:regards01:

 

[أم منيــــــر]

رد: بين البارح و اليوم انا وين راني ؟

السلام عليكم
و عليكم السلام اخي الكريم

بارك الله فيك أختي أم منير على موضوعك الي يحمل ريحة بكري
و فيك بارك الرحمان
ايه يا حسراه على زمان و ماليه
صح فكرتينا في جلود زمان وطراوتهم تلقايهم يتحفوهم كيما تمشط لمرا شعرها
و الله صح كانت يما تحرص عليها اشد الحرص باش تخرجها كما القطن و تنقيها من كل الشوائب
لكن اليوم صح هجرو هذه العادة لأن بكل صراحة ولاو نسا اليوم يحوسو على الجاهز
ايه واش تحب الوقت راه يتبدل
صديقيني يا قعدة بكري على جلد خير من قعدة اليوم على زربية أنقورة وسميرة ولا ولا
عندك الحق و يحفظو من البرد و قعدتهم مريحة بصح انا ما نقعدش عليها :d
أنا لمرا كانت تخدمهم منهار حكمها سطر في يديها عادة ماتقدرش تخدمهم وتصدقهم
ربي يشافيها و يعافيها صحتها اولى
والعام هذا كشاف بابا الكبش تاعي عجبو الجلد قالي نديه تخدمهملي أمك راه كبير الله يبارك
قلت في نفسي عذالعام هو هدية لأبي إلا أنع بسبب مرض دراعي ماقدرتش نكمل نسلخ خليتو لدراري رجعوه غربال هههه
ههههه قضاو عليها راهم يتعلمو واش عليه.... الله غالب ما كتابتلوش
المهم بارك الله فيك ختي وربي يعينك في هيدورتك​

تقبلوا تحياتي

يعطيك الصحة
خلاص الهيدورة غسلتها و نشفت و راها في الدار و راجلي راه فرحان بيها قالي في الشتا ان شاالله نحطها قدام الشوفاج و نقعد عليها
شكرا على المرور:regards01:
​

 

[أم منيــــــر]

رد: بين البارح و اليوم انا وين راني ؟

السلام عليك
و عليكم السلام
عيدك مبروك الغالية
الله يسلمك و يخليك حبيبة

ياحسراه راهم يرمو الدوارة و البوزلوف مش حتى الجلود و الهيدورة كيما نقولو قالك نعيفو و منقدروش نشوفو الوسخ و الدم خخخخخ
و الله عجب كامل الشباب و الشابات نتاعنا يقولك انا كي نتزوج و نذبح كل شي نرميه نخلي اللحم برك و مام لبنات يخمو كيف كيف
جيل الاترنت واش نقولو الله يهديهم
خنزونا بالريحة برا كون غير مدوهم للفقراء والله غير عيب نعمة ربي تترمى في المزابل
ايه لو كان يدوهم يخدمو بيهم و ل يديرو بيهم الخير حاجة مليحة كامل نصدقوها بصح كي عادت تترامى كل واحد يشد وسخو عندو
او على الاقل يخبوها في شكارة و ما يخلوهاش هاكداك للذبان مع السخانة
الله يهدينا
آمين
مع ماما مكانش هذي نتاع تعيفي سموك تنقي باه مضحكيش علينا النساب عقلية عادات و تقاليد ههههه

ههه شفتي كفاش هاديك هي نفس العقلية دور عندنا
يعطيك الصحة و ربي يهنيك:love01:

 

[أم منيــــــر]

رد: بين البارح و اليوم انا وين راني ؟

معك حق يا أخت ففي الجلود حكمة و منفعة كبيرة
-فعلا
أنا ديما في راسي فكرة و تمنّيت نطبّقها و هي قص حواشي الجلود و جعلها بشكل منتظم (مستطيل) و خياطة عدّة جلود معا (ثلاثة أو أربعة) كي تشكّل بساط جلدي كبير
--و الله فكرة مليحة و هكدا تكون نومة طبيعية و مريحة
و من ينام على الجلد يعلم أنها مريحة و صحّية فهي لا تسبب العرق حتّى في الصيف و بالتالي نتجنّب ضربات الهواء التي تتسبب فيها الأفرشة الصناعية التي يتكون معضمها من مواد النايلون و كذلك مطارح الإسفنج الممرضة.
كل شي طبيعي فهو صحي و نافع اما كل ما هو مصنع فضرره اكثر من نفعه
​

اسعدني مرورك شكرا لك:regards01:
​

 

[أم منيــــــر]

رد: بين البارح و اليوم انا وين راني ؟

أهلا بالخالة الغالية سلطانة المنتدى
شوفي أنا عندي ذكرى مع الهيدورة
كي كنت مريض أيام زمان و حكمت الفراش أشهر
بقى لحمي يتفتت و يطيح
من كثرت النوم على ظهري
عملولي هيدوري هي الوحيدة
اللي حسيت بيها بالراحة​

اهلا بيك و الحمد لله على سلامتك
ربي معاك يا محمد شحال سوفريت و ان شاء الله القادم احسن
سبحان الله و الله رغم التقدم و التطور لي لحقنالو بصح حوايج زمان ماكانش لي يعوضهم
الله يعطيك الصحة شكرا لك على انك شاركتنا تجربتك و اعطيتنا ميزة من ميزات الهيدورة
​

 

[أم منيــــــر]

رد: بين البارح و اليوم انا وين راني ؟

اهلا بام منير و بمواضيعك التي غابت عنا
اهلا بيك يا نجيب
وين هاد الغيبة احنا قلنا خلاص راك نسيتنا هههه
المهم راني نقرا فالموضوع و نضحك كي نتفكر كيفاش كانوا يصبنوهم و تامرة و التعب
يا ودي اسكت برك انا كانت الصبانة تاكل يدينا انا و اختي كبيرة عليا و كانت يما تقولنا مازال زيدو صبنوها مليح
قبل ما ناكلو اللحم نخلصوها غالية هههه
ما عليه اليوم و البارح مش كيف كيف
اكيييييييييييييييييييد

تبقى النقطة السوداء كي يخلو الهيدورات ف الشارع و الروايح وووو الى يدودوا
هادي هي لو كان يرموهم بعيد و ل يخدموهم كانش حاجة ماعليش
بصح هاكداك في الزنقة و الريحة و الدبان بفففففففففف بزاف
اليوم راه فيه لي يجمعهم و ينظفوهم و يستعملوهم في صوال.
يا ريت لو كان تتعمم هادي كامل نرموهم :d
المهم يا ام منير نكهة العيد مبقاتش خلاص حتى الهيدورة لي كي كنا نطلعوا لسطح نشوفوها تيبس و تفكرنا بالعيد مكانش ههه
يا حسراه
انا هاد العام شفتها بصح البنة ماشي كما زمان اكيد
صحا عيدك و بارك الله فيك على الموضوع​

​

الله يسلمك و ربي يهنيك سلامي لمرت خويا :regards02:
​

 

[أم منيــــــر]

رد: بين البارح و اليوم انا وين راني ؟

بنات اليوم ياو غير يغسلوا المصران و الكرشة روحتي للجلد بعد
شكرًا اختي فكرتيني شويا في بكري ههه

اذا اضطرت تغسل الكرشة تحط ماسك على نيفها باش ما تشمش الريحة
و تحط القفازات على يديها باش ما يفسدوش ظفارتيها ههه
بصح ماشي كامل :-rكاين الشاطرات:thumb_up02:
كان بكري يا حسراه
شكرا على المرور

 

[أم منيــــــر]

رد: بين البارح و اليوم انا وين راني ؟

هههه هيدورة سلام عليكم ام منير خالتي خالتي
تعرفي مواضيعك في هذا الركن هايلين والله
واسمحلي على قلة ردودي
عندك الحق
جيل اليوم مهتم بالوات ساب
تروح تفتح الوات ساب تقول لصحبتها :
هاي ..وات ساب ديد يو سيي سبونج بوب توداي ؟
وترد عليها صاحبتها منهيه :
ياس ياس أي ديدت يـــــــــــاه
مطورين ههه
ياريتني غير مستعجل الان برضو نرد كلام طويل طويل
جيل زمان وجيل اليوم
مسَلمين ومكتفين
ربي يستر برك
جزاك الله خيرا خالتي ربي يحفظك ويسترك

​

اهلا بالفيلسوف نتاعنا
ماشاء الله
و الله ضحكتني يعطيك الخير
كلامك صحيح تلقاها قاعدة معاك و عقلها هناك
هاد النت اخلط اوراق البنات و لخبطهم الله بستر برك
مع انك مستعجل ردك جميل كالعادة له طابع خاص
شكرا لك على المرور
آمين الله يستر و يحفظ الجميع
تحياتي :regards01:
​

 

[أم منيــــــر]

رد: بين البارح و اليوم انا وين راني ؟

السلام عليكم
و عليكم السلام يا قمر
اييه بكري وضروك ماشي كيف كيف عند بعض الناس حنا جامي نرموهم تاع العيد ولا غيرو
برك هاذ العيد صارو عفايس ماشي ملاح مالهيناش ليهم حتى فات حالهم للاسف
ماعليش خيرها في غيرها المهم راكم شادين في العادات
مي من لي كنت صغيرة جداتي وماما وقاع لي نعرفهم في دار جدودي ما يقيسوهمش لحد الآن
ايه الحمد لله ما زال كاين لي يهتم بذيك المغبونة
باسكو راه يستفاد منهم اذا ما تغسلوش مليح وتنقاو راه تتسما جياحة ومام نحو منهم الصوف
ايه في كل حاجة فايدة
الوالدة تقولي كفاش تاكلو اللحم و ترمو الجلد هادي جياحة ؟
راكي تعرفي ناس بكري
خلينا من جماعة قلبي الصغير لا يحتمل هذوك ديري عليهم ني بوزلوف ني دوارة مع لوقت لحم ما يتاكلش خلاص
كل شي يروح لابوبال ههههه
نولو نباتيين اذا عاندناهم
والله شفتي راها بادية ديجا انا عايلتي في كل دار تلقاي واحد نباتي سبحان الله و انا ولدي واحد منهم
يعطيك الصحة خالتي أم منير
الله يسلمك حبيبة
وربي يسعدك ان شاء الله​

ربي يسعدنا جميع
صحيتي على المرور ربي يهنيك:regards01:
​

 

[Hamasaki]

رد: بين البارح و اليوم انا وين راني ؟

اول شي مرجبا بيك حنونتي هادي وحشه ليك غيبتيها علينا

هههههههههههه يعطيك الصحة هادا موضوع فور حنا عندنا مزال شوي خير يخلوه للشمس وينحو الصوف ليناقصو يدوروه مخاد

 

[أم منيــــــر]

رد: بين البارح و اليوم انا وين راني ؟

اول شي مرجبا بيك حنونتي هادي وحشه ليك غيبتيها علينا

هههههههههههه يعطيك الصحة هادا موضوع فور حنا عندنا مزال شوي خير يخلوه للشمس وينحو الصوف ليناقصو يدوروه مخاد

يتوحشك الخير حبيبة و ترحب بيك الجنة ان شاء الله
ايا مليح ما زال كاين الخير
الصوف هذاك تاني فيه فايدة كبيرة خير ملي يروح هكداك
شكرا على المرور
ربي يهنيك