تكسير الماعن

[*ليديا*]

سهلا

يا حسراه اصلا انا بطبعي كي نتغشش تعطني يما اتوماتيكمو مواعن نكسرهم ههههههههههه

يا هكا كي نتغشش لياا مواعن مهبولة الله غالب

وكي نريح
نهبط للمرشي ونشري من جديد ههههههههههههههه

مرسي
​

ابابابابابابابا انتي كوراجوز :scared:ربي يبارك
احنا مش بالقصد وماناش خالصين
يعطيك الصحة حنونة نورتي الموضوع
​

 

[ام خديجة1]

شكرا للطرح حبيبتي ليديا
التكسار واش كثر في هاذ العوام بكري يتكسر كاس تقوم عليه القيامة
واليوم تتكسر الدار كاملة واحد ماهو متلهي
بكري الام تدير مندبة على اللي كسر والعكس تماما كيتكسر على يدها تمسح كلشي في وليداتها
اما الان يتكسر السربيس كامل تقول واش عليه عباد وماتو والماعون ماعندوش اجل وصل وقتو الله يرحم
خيرو في غيرو

 

[روائ]

انا مرة في عرس اختي حطيت سينية كاملة بالسرفيس تاع قهوة وجي وصحاني مقروط حطيتهم فوق ميدة والميدة فوق البوطاجي يطيحو كامل كيما راهم وزيد عليهم تارموس كبيرة مبقى والو غير الصلاة على النبي هههههههه جات ماما تجري سكتت قاتلي تكسر الشر قتلها ايه صح تكسر الشر خير ماتجي فيا انا هههههه
ومرة ثاني بعد ماشللت الماعن حطيتهم وانا داير نضربهم بيدي تكسر كلش
يمى ساعات كي يكون ماعون غالي تبكي عليه

 

[*ليديا*]

ههه انا مامي العزيزة كي نكسر كاش حاجة تقولي صحيتي خخخ
و التي يكون معناها دائما الاستهزاء بقدراتي كأنثى قادرة على غسل الاواني ههه
تقولي تغسلي كاس تكسريلي 10 (بورتون ما نكسرش بزاف هه)
ممبعد يبداو المحاضرات تاعها و هادا سرفيس شريتو و غالي و دوك يبقا سرفيس بلا يدين خخخخخ
قلتلها منا على شهر نطيرلو رجليه ههه

صحيتي على الموضوع الحيوي ههه
​

ههههههههههههههههههههههههه
والجدير بالذكر ما تخليش ليك الفرصة باه تبرري ولا تعتذري هههههه
الله يسلمك حنونة نورتي الموضوع بوجودك
​

 

[*ليديا*]

هههههههه و الله كامل نفس لبروبلام حتى انا ماما كامل نهار و هي تنقرش كترا كي يكون عاد جديد ههههههههههه امالا كي نكون منارفيا مانحبش نغسل لماعن باسكو كلشي نكسرو هههههههههه و خطرات ماتقولي والو

انا كي يعودو جدد ما نغلسهمش نخليهم هكداك حتى تجي هي
ياااااااه واش يديرو الرعب
نورتي الموضوع بمرورك حنونة
​

 

[*ليديا*]

هههههههه:shiny:
شوفي حبيبتي
هذي الشيئ راه طبيعة في الأمهات الجزائريات ؟؟؟؟
تكسري ماعون يا ويلك و يا سواد ليلك ؟؟؟؟:scared:
لخاطرش إعزو بزاف الماعن و يقدسوهم
شوفي نخرجو نشريو حاجة نلبسوها انشوفو سارفيس شباب و لا طقم صحون ولا تاغمو شابة نشريوها :showoff:
يعني الله غالب ؟؟؟؟:shiny:
و أنا عمري 10 سنوات كسرت فنجان أديت العصى حتى تغاشيت ؟؟؟:scared:
املا حنونة جوسكا بريزون ما زدتش كسرت طبسي و لله الحمد ؟؟؟؟؟:sadwalk:
دايما أتذكر الموقف و نقول و داوها بالتي كانت هي الداء
و الله العصى ماشي مليحة بالصح دوا ء فعال ههههههه:re_gards:
حتى أنا ضد الفتاة اللي تكسر الماعن :cra_zy::cra_zy::cra_zy:
واش بيها حكمها الرعاش من ضركة ؟؟:schmoll:
أيا زيري يدك ؟؟؟ههههههههههه:cra_zy:
شكرا على الموضوع
ربي إجزيك حبيبتي
:sheer:
​

هههههههههههههههههههههههه
والله يا الرعاش ،الماعن يديرو كلش
يعطيك الصحة حنونة نورتي الموضوع
جزانا الله واياكم خيرا
​

 

[أسماء الغالية]

[حنـــا نقولو ماتكسرت قرعة ما ساح زيت :sheer: ههههههههههه
مارسي عليــــــــــكـ،،،،،،​

 

[*ليديا*]

حالياً الأعضاء النشيطين الذين يشاهدون هذا الموضوع : 11 (6 عضو و 5 ضيف) ‏*ليديا*, ‏أسماء الغالية, ‏الميزان, ‏المسلم حسني الجزائري, ‏Roumissa_dz, ‏عشقي الامارات
نورتو الموضوع

 

[أسماء الغالية]

حالياً الأعضاء النشيطين الذين يشاهدون هذا الموضوع : 11 (6 عضو و 5 ضيف) ‏*ليديا*, ‏أسماء الغالية, ‏الميزان, ‏المسلم حسني الجزائري, ‏roumissa_dz, ‏عشقي الامارات
نورتو الموضوع

*-------------* موضوعك بـــــــــــاهي عجبنـــــــي +++++++

 

[صـ كحرفـ محفور ـامتة]

هههههههه


أنا كي نكسر كاش حاجة نخبيها >ماشي خوف

لالا ههههههه نخبيها كي يكون عندي loisirنخدم بيهم ::::أشغال يدوية يعني

ماما تقولي تقولشي تكسريهم بلعاني ....
+
أما في لحظة الغضب نكسر صوالحي برك وأغلبهم الأقلاو والسيديات




على العموم:شكراآ

 

[أبو هريرة موسى المسيلي]

انا لامعان لاوالو عندي مشكل في فناجل نتع القهوة

نجيب لقهوة ونحطها مسامي الميكرو ننساه والحاج نضربوا بضرب تجي يما متقولي حتى حاجة
تقولي غير كلمة ياموسى اشري واحد طزينى "باكي " كسرتهم جبتلها واحد
وبطلت القهوة نتع دار وليت "اصبحت" نجيب القهوة نت القهو "كفيتيريا "مقهى" + نتع جوطبال هكذا تهنيت مشكل نتع تكسار ونتع تعراش
والحمد الله ههههههه
​

 

[*ليديا*]

ههه تكسار لماعن لازم في كل بيت جزائري يعني الواحد بدون قصد طيحلوا الحاجة الله غالب
انا بكري كنت صح يتكسرولي دير ماما حالة تقولي تخيلي روحك في دار الناس واش يقولوا عليك
و كي نكسر حاجة تبقي شافية و كي نزيد نكسر حاجة بعد عام تقولي تشفاي نهار كسرتي..........

ههههههههههههههههههه
ذاكرة خارقة كي يتكسرو الماعن
وكان تسقسيها على عشاء أمس ما تتفكرش
نورتي الموضوع حنونتي
يعطيك الصحة
​

 

[*ليديا*]

ههههه كي يلحقو للماعن تولي عندهم ذاكرة خارقة
عندي جداتي تمدلك عينيها وماتفرطش في فنجان هههه
نهار يكسرولها كاس القيامة تقوم
حتى ويعوضهولها بزوج سارفيسات ماتستعرفش
ماعنها عزاز هههه
​

ههههههههههههههههههههه
والله هذي هي راكي جبتيها
نورتي الموضوع حنونة يعطيك الصحة
​

 

[*ليديا*]

ماماتي ماشي كي ماماتكم هههههه
لوكانتكسر الدار كامل نورماااااااااال ،عندها كلمة وحدة شفت وليدي تكسر بحر فيه هههه
مارسي​

​

هههههههههه حاجة باينة
كي توصل عندكم نووووووووووورمال
انا تاني خويا يكسر ماما ما تقول والو
راني حاسدتكم ههههههه
نورت الموضوع يعطيك الصحة
​

 

[sali-sali]

انا كي نكسر حاجة نلقاها تبرير
نقول لماما تكسر الشر
هههههههههه
ولا نقوللها مزية تكسر هو وماجرحنيش
ونقوللها ماولداتوش امرأة نشريلك واحد
ههههههههههه
ماتجي تزعف حتى نكون عمرتلها راسها بالهدرة
ونزيدك نكسر حاجة ومانشريهاش
​

 

[arnouba]

السلام اختي
علابالك من نهار لوليت فيه ام- بنتي 3سنين في عمرها - كسرتلي في عامين شحال من مواعني:cra_zy: سيرتو كي يكون سارفيس شباب :sad: لافيريتي انعيت اعليها باش ماتزيذش تمسلي mais كلي مادرت والوو شكرا على الموضوع

 

[ام أمينة]

حنا عندنا الماعن كي يتكسرو نقولو راح الشر
و نورمالمون نخممو شوية
الحاجة لي تتكسر ما توليش و الغاشي ياكل في روحو و كيما قلتي محاضرات على حاجة تكسرت
و كل شيئ مخلوف غير الانسان لوكان جينا نخممو

شكرا على الموضوع
​

 

[صفـاء و نقـاء]

هههه والله انا كى نكسر كاش حاجة نكره حياتى

وانا ماشي غير ماما اللى جيبها ورايا الدار كامل ههههه

وتقولى ماما املا لوكان طيحى في رجل واعر كيفاش ههههه

والمشكل انها تشفي وتبقى غير تفكرنى فيها هههه
​

 

[dahbito]

وعليكم السلام اختى
والله حتى انا يدي مالحة شوية دايمن في زهري نكسر حاجة
مرسي على السوجي

 

[مابقاش بزاف.Dz]

حنا هادي هي الي فحلات فيها غير تكسار الماعن هههههتقول علينا دايرينها خدمة
ميرسي على الموضصوع