قيس هنا رانا فيه و نورمال

hiba14

:: عضو بارز ::
أحباب اللمة
إنضم
3 نوفمبر 2010
المشاركات
1,479
نقاط التفاعل
15
النقاط
37
السلام عليكم
كيراكم لاباس غاية الحمد الله
اليوم جيتكم شويا زعفانة من القيس هدا اللي رانا فيه و عاجبنا الحال و المشكل رانا مقتنعين برواحنا و بهدرتنا و تفكيرنا نقولكم علاش راني نقول هاك قاعدة نخزر حتى قلت في قلبي القلوب مالها قساحت و جفينا و لينا غي كلمة زوج ااا فلان يجيك غي على صوالحو وي يجي على صوالحوو و هادي هي الناس لبعضاها و يلا كان هكاك ها كل واحد يعيش وحدو
بكري كان كي الواحد يستحق دراهم و يقصد خوه و لا صاحبو هادا الخو و لا الصاحب شا يقول يقول كون ماجاش ظان عليا و دايريني صح خوه ما يقصدنيش و دروك لا شا يقول ها شوف دارلي بروسي ا سيدي
الشيرة تنصح صاحبتها و تقولها خطيك من الحاجة الفلانية بكري كانت تقول وي اختي و ماتبغيليش الدونية و الغبينة و دروك لا تقولك الغيرة راها تهدر فيها و زعمة يديها النيف عليا كون ماشي الغيرة
كان الراجل يقصد مرتو باش تعاونو في دراهم تبيع دهبها وتقول خدمي يعني الموس واحد يدبحنا و هو صح راه مستحق
اما دروك هو اصلا ماشي مستحق غي باش يبروفيتي و يلا كان صح مستحق شا تقول هي الله يسهل يديماردي عمرو و علاه راجل ايا في ميزها الرجال يصنعو الدراهم ما تتتقدرش عليهم
و زيد و زيد و زيد كل شي نفهموه بالسلبي حتى رجعنا صح الناس طمعانة في بعضاها
ربي يهدينا و يلين القلوب و يكاكي العباد
شتوني راني زعمة عجوز و تدعي راكم ما تعرفونيش كي نعول هههههههه مي و الله و من نيتي صح ماهيش عاجبتني الحالة و ليت نخاف نهدر نقول بالاك يشكو بلي راني طامعة ياو الطمعة غي في ربي اما العبد خسارة بصح تاني الواحد كي يستحق خوه يليق يفرج عليه مافيها والو بصح هاد الحال يخليني نقول الله لا يحوجني لعبد قاع
في لامان
 
تم الاعنماد جزيل الشكر على الموضوع ولي عودة
 

فعلا شء جميل ماقلتيه يا كحلووووشة ههههههههههه

والله غير صح في واش قلتي قع مي الله غالب رانا في وقت ربي يسلك برك

ليفهم نقص ليجي علا صوالحو وووووووو

والله مصبت واش انقول قلبي راه معمر اكثر منك

بيكــــــــــهام
تشاو تشاو
 
وعليكم السلام ورحمة الله وبركاته
عندك الحق في كل كلمة قلتيها
موضوعك عجبني بزاااااااااف
يعطيك الصحة تستاهلي تقييم
 
تم الاعنماد جزيل الشكر على الموضوع ولي عودة
شكرا على الاعتماد و انا في اتظار ردك اهلا بك
فعلا شء جميل ماقلتيه يا كحلووووشة ههههههههههه

والله غير صح في واش قلتي قع مي الله غالب رانا في وقت ربي يسلك برك

ليفهم نقص ليجي علا صوالحو وووووووو

والله مصبت واش انقول قلبي راه معمر اكثر منك

بيكــــــــــهام
تشاو تشاو
شوف هادي 1 ماي مع كحلوشة شكتني في عمري المهم غي عبر عن شعورك رانا قاع معمرين
في لامان

وعليكم السلام ورحمة الله وبركاته

عندك الحق في كل كلمة قلتيها
موضوعك عجبني بزاااااااااف
يعطيك الصحة تستاهلي تقييم
اهلا بيك ا ليديا
شتي كفاش علابالنا شاكين بصح ولينا هكاك
و يعطيك الصحة على المرور و التقييم
 
الله يعطيك الصحة هبة على الموضوع c vrai ختي والله ما بقات نية ما بقا القلب الزين الناس ولاو ناقصين تروحيلهم بالنية يفهمو النقص الله يهدينا و يهدي امة سيدنا محمد ( ص )
 
المشكل ماشي غي في النية الناقصة ولينا هاد النية الناقصة دايرينها بلي قفوزية
 
السلام عليكم
ياخيتي والله عندكي حق
الله غالب النية اداوها ناس زمان معاهم
وحكمت بلاصتها حاجة وسمها الحيلة والا البروفيتاج
تحكي معاها تقولك غايرة مني
تنصحو يقولك حسدتني
لاعبينها فايقين وحنا ......
وصلنا لوقت الخو مابقا خو
والصاحب مابقى صاحب
المرا مابقات مرا
والراجل نبكيو عليه بالدموع
ربي يجيب الخير برك
شكرا هبوشة عالموضوع الباهي

 
شكرا ليك انتيا على المرور و على التعليق الصريح اللي صح رانا فيه و نورمال
 
أهلا بيك هيبة
لي عودة للرد عليك
راني تعبان بزااااااااف
 
الكل رانا فيها مالا العبد يتكل على روحو بعد ربي
وبالتوفيق
 
و بيك اهلا و سهلا تنور خويا
و ربي عينك انشاء الله سلامتك
انا في انتظارك
 
الكل رانا فيها مالا العبد يتكل على روحو بعد ربي

وبالتوفيق​
و ي علابالنا و ديجا راني قلت بلي التكلة و الطمعة في ربي اما العبد غي خسارة و بيان سير الواحد كون جا يقدر يقضي كل شي بروحو اصلا ما يحتاجش بصح الناس لبعضاها وهاد الشي من بكري ماشي غي من اليوم لكن احنا دوماج باغي نرجعو كل لغوال نعيشو غي وحدنا
و التوفيق للجميع
 
شكرا على الموضوع
راكي كملتي كامل الكلام ماخليتينا مانقولو
والله غير صح وقت لحقنا ليه ربي يستر من نوايا الناس

 
واش نقولك يا أختي هبة
ما خليتينا ما نهدروا
كثر التبلعيط.....يعيا الواحد يتفيهم مي ما يفهم والوا
الله يهدينا
 
شكرا على الموضوع

راكي كملتي كامل الكلام ماخليتينا مانقولو
والله غير صح وقت لحقنا ليه ربي يستر من نوايا الناس​
و اللي رانا عايشين فيه اكتر من الهدرة اللي قلتها و رايح اي واحد يقولها
شكرا لك على المرور

واش نقولك يا أختي هبة

ما خليتينا ما نهدروا
كثر التبلعيط.....يعيا الواحد يتفيهم مي ما يفهم والوا

الله يهدينا
وي التبلعيط الناس ولات غي تاع هف اللي قاع و نيتو زينة تخسر
و الله يهدينا انشاء الله
 
والله يا اخت الناس تاع ذا الوقت الله يستر مابقاتش معهم عشره كي لي تديرفيه الخير كلي تدير فيه الشر الله يهدينا برك
 
وي عندك الحق حتى اللي نديرو فيه الخير و ما يقرش
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top