أرنب في الفرن من مطبخي وبالتفصيل

[anissa 13]

السلام عليكم ورحمة الله وبركاته




المقادير
1 أرنب
1 علبة فطر
1 رأس ثوم محكوك
2 او 3 م ك زيت
1 ملعقة ص زيت زيتون
ورقة رند
herbe de provence او زعتر ادا ماعندكش
فلفل اسود + فلفل احمر
ملح
زبدة




بعدما تكوني غسلتي جيدا الأرنب و قسمتيه الى أطراف
تاخدي صنية وتحطي فيها هاد الاطراف
وفوقهم تصبي زيت و زيت زيتون وتوابل و ثوم
الصورة توضح لك





تدهني قطع الارنب جيدا بهاد الخليط
كالتالي




تاخدي ورقة رند وتحطيها ما بين القطع
ترشي القطع ب les herbes de provence
وادا ماعندكش استعملي زعتر
خدي زبدة وضعي شوية فوق قطع الارنب
بدون ماتدهني وادخلي الصينية كما هي الى الفرن
مدة 30 دقيقة درجة حرارة 180




بعد مرور هاد ال 30 دقيقة
خرجي الصينية
اضيفي لها الفطر
تقدري تضيفيلها زيتون اخضر ادا حبيتي




تعاودي ترجعي الصينية الى الفرن
لمدة 30 دقيقة اخرى
ثم تقدميه



انشاء الله تعجبكم الوصفة
اختكم انيسة






​

 

[ام خديجة1]

ما شاء الله عليك حبيبتي انيسة طبق يشهي بارك الله فيك
وتستحقي احلى تقييم +

 

[نور الرحمان]

الله يبارك طبق رائع شهيتني اختي

 

[imane27]

طبق يشهى انيسة يعطيك الصحة احلى تقييم ليك

 

[حكيك]

غير شفت كلمة الارنب تدخلت نجري نموت عليه
يعطيك الصحة يشهي +تقييم غير مين نحبو هههههههه

 

[radiaimene]

يعطيك الصحة طبق نحبو و راح نجربو باذن الله
bravo يا لالا​

 

[عشقي الامارات]

جاك روعة انيسة
الله يعطيك الصحا حنونا

 

[سيرتا]

يعطيك الصحة والله شهيتينا فيه

 

[نور الهدايات]

ممممممممممممم يا انيسة ختي طحتيلي فيها
شهيتيني لازم تبعتيلي دبري راسك ياك راني بنت ولايتك متجيبيش السبة ههههههههه
من زمان راه فخاطري يعطيك الصحة واحلى تقييم +++​

 

[anissa 13]

ما شاء الله عليك حبيبتي انيسة طبق يشهي بارك الله فيك
وتستحقي احلى تقييم +

شكرا حبيبتي ام خديجة
اسعدني مرورك بموضوعي
​

الله يبارك طبق رائع شهيتني اختي

انت الرائعة حبيبتي
شكرا لمرورك
​

طبق يشهى انيسة يعطيك الصحة احلى تقييم ليك

مشكورة حبيبتي لويزة
نور الموضوع بطلتك
​

غير شفت كلمة الارنب تدخلت نجري نموت عليه
يعطيك الصحة يشهي +تقييم غير مين نحبو هههههههه

مممممممم غي مين تحبيه ؟؟؟
صافي انا ماتحبينيش ؟؟؟
ههههههههههههه
يعطيك الصحة حبيبتي
نورتينا
​

يعطيك الصحة طبق نحبو و راح نجربو باذن الله
bravo يا لالا​

شكرا لك حبيبتي
اسعدني ردك كثيرا
اذا كنت متزوجة انظمي الينا
نوتينا اختي راضية
​

جاك روعة انيسة
الله يعطيك الصحا حنونا

يعطيك 1000 صحة حبيبتي مريم
نورتينا
​

يعطيك الصحة والله شهيتينا فيه

شكرا لك حبيبتي سيرتا
نورتي الصفحة
​

 

[om_assil]

يعطيك الصحة

 

[cherine]

يعطيك الصحة حنونة
مي ماينحرقش بلامرقة؟ ونغطيه بالالمنيوم ولا غير هاك؟​

 

[omarwa]

هايل انيسة بصحتك الارنوب

 

[روعة2005]

صراحة رغم اني مناكلوش بصح شهاني مممممممممم+تقييم

 

[anissa 13]

يعطيك الصحة

شكرا لك حبيبتي ام اسيل
​

 

[anissa 13]

صراحة رغم اني مناكلوش بصح شهاني مممممممممم+تقييم

والله حتى انا جامي كليتو
في دارنا مانكلوهش مي دار راجلي يحبوه بزاف
و الله غير دقتو معاهم حتى انا وليت نحبو
شكرا لك حبيبتي
​

 

[anissa 13]

هايل انيسة بصحتك الارنوب

الله يسلمك حييبتي ام مروى
ربي يخليك
​

 

[anissa 13]

يعطيك الصحة حنونة
مي ماينحرقش بلامرقة؟ ونغطيه بالالمنيوم ولا غير هاك؟​

لا لا ماينحرقش ماتخافيش
تقدري تغطيه بالالمنيوم
وفالاخير تنحيه باه اللحم يتحمر شوية
انا ماغطيتوش بصح جاني هايل
طيبتو لمدة ساعة فقط
ربي يحفظك اختي
​

 

[{مُدَلَّلَتُهُ}]

bezaaaaaaaf hayl bsa7atkoum

+++ ta9yime

 

[crazykhadija]

رووووووووعة الله يعطيك العافية
​