كيكة بحشوة التفاح

[اميرة الساحل]

السلام على الجميع ان شاء الله الاحوال بخير:re_gards:​

- اليوم جبتلكم كيكة بحشوة التفاح خفيفة و لذيذة جدا ان شاء الله جربوها و تستمتعو بمذاقها​

المقادير​

- كاس متوسط سكر عادي​

- كاس متوسط زيت​

- مغرف صغيرة معمرة لفاني​

- 4 حبات بيض​

- باكي و نصف خميرة كيميائية ​

- رشة ملح ​

- فرينة حسب الطلب​

للحشو​

- 2حبات تفاح​

- حبة ليمون​

- رشة قرفة​

- 2م.ك سكر عادي​

- 1م.ك ماء زهر​

الطريقة​

- اول شيء نحضر الحشو نقشر حبات التفاح من بعد نمسحها بالليمون باش ماتدي اللون الاسود ندي صحن و نسكرفج حبات التفاح من بعد نضيف عليها القرفة + سكر+ ماءالزهر و نخليها على جهة ​

​

- ندي اناء ندير فيه حبات البيض + لفاني و نبدا نضرب بالخلاط الكهربائي و مع مواصلة الخلط دون توقف نضيف السكر من بعد نزيد الزيت ​

- نطفي على الخلاط و نضيف كمية من الفرينة مع الملح و الخميرة الكيميائية و نغربلهم مع بعض فوق الخليط و نحرك بواسطة فوي من الاسفل الى الاعلى حتى نتحصل على خليط مايكونش جاري بزاف و مايكونش ثقيل بزاف عادي ​

​

- ندي مول بعدما دهناه بالزبدة و رشيناه بشوية فرينة نفرغ فيه نصف الخليط و ندير التفاح المبشور من بعد نعاود نغطيه بالخليط المتبقي​

​

​

​

- ندخل الكيكة لفرن يكون سخن من قبل على درجة حرارة متوسطة و تكون موضوعة في الرف الوسطاني ​

- بعدما طيب من الاحسن اقلبيها على غربال او مشبك نتاع الحديد و خليها تبرد من بعد زينها بسكر رطب و خطوط من شوكولا السوداء ​

​

- وهذا شكلها النهائي بالصحة و الراحة عليكم ​

​

​

​

​

ملاحظة ​

-من الاحسن استعمال التفاح الاحمر يعطي ذوق اروع
اي استفسار انا في الخدمة حبيباتي :heh:​

 

[نور الرحمان]

تسلم الايادي حبيبتي جاتك روعة​

 

[عاشقة الوردة]

امممممممممممممممممم
هايلة
احلى تقييم من عندي
++++++++++++++++

 

[حكيك]

 

[omarwa]

هايلة اميرة بارك الله فيك مميزة دائما

 

[imane27]

يعطيك الصحة جاك هايل احلى تقيييم ليك

 

[أم صبرين]

كيكة محشوة التفاح


باينة راهي تشهي يعطيك الصحة:sheer::sheer:

 

[saida07]

يعطيك الصحة،،
الف شكر

 

[merieme hassi]

تبارك الله عليك بالصحة و الهنا
احلي تقييم

 

[اميرة الساحل]

​

 

[ام خديجة1]

ما شاء الله عليك حبيبتي جاتك روعة

 

[أم نيفين]

ممممممممم رووووووعة... بارك الله فيك و لك مني احلى تقييم +++

 

[اميرة الساحل]

شكرا ام خديجة و ام نيفين على الرد المشجع نورتو بالمرور تحياتي لكم​