كـــرهــت

[Sẻl Mā]

السـلآم عليكم
وشراكم؟
نشالله لاباس

ياخاوتي والله قلبي تعمر
ومالقيتش لمن نفرغو
كرهت والله ومقدرتش نصبر كثر من هكذا
اهلي مكان حتى واحد يفهمني
ماما مانحبش نحكيلها باسكو كن نحكيلها منعرف كيفاه هكذا تحسسني بلي مايش مهتمة مره
خويا لكبير منهدرش معاه
بابا كيفكيف منحكيلو والووو
معنديش ختي كبيرة باش نحكيلها
صحبتي لانتيم كنت نحكيلها كلش مي بعد مادارت حاجة كرهتها تع الصح وليت منطيقش نشوفها
كي نقلكم وشني هيا تقولولي هاذي حاجة تافه
مي انا جرحتني
نقراو في نفس لكلاصة ونقعدو مع بعض
من واحد سمانة بدلتلي الاستاذة الرئيسية بلاصتي
قاتلي تقعدي ثما في جميع المواد
مي انا مقدرتش نخلي صحبتي وحدها
قتلها استاذة منشوفش منا رجعيني بلاصتي رجعتني
جازو يومين بدلتها هيا
مبعدا كي خرجنا قاتلي: بلاصة فوور من ثما للقراية
انا قلقت ومنعرف كيفاه حكمت فمي ومطيرتلهاش سبات
وهذا قاع باه تحكي مع واحد الطفل !!!!!!!!!!!!!!!! _o:_o:

تجرحت من الناس كامل
هربت من الواقع وجيت للنت
مي كيفكيف :sadwalk::sadwalk:
حتى في المنتدى كاين عباد يجرحوني بهدرتهم
وكن نتهاوش مع كاش واحد
ومنكونش انا الظالمة
لازم انا لي نطلب السماح

كـــــــــــــــــــــــــرهـــــت
مكانش لي يفهمني
مكانش لي يحس بيا
مكانش لي نفررغلو قلبي

متقولوليش اصبري باسكو منقدرش نزيد نصبر اكثر من هكذا

وش الحــــــل؟​

 

[homework]

أختي العزيزة طولي بالك برك و هني روحك ومتعمريش راسك لأن حاجة ماتستاهل باش تغبني روحك عليها
وديري مليح في رأسك واحد ماهو لقيها كيما يحب قلتي معنديش اختي كبيرة راني أختك كبيرة وفرغي قلبك ونعاونك اذا قدرت ركزيلي في قرايتك و الباقي طيش

 

[بيكهام]

اليوم مولود وكرهتي هههههههههههههههههههه

ايا استغفري مولاك واعطينا ضحكة و7 حكيات ونجيبو سهرة ويطلعلك مورال

ومكاش حاجة تستاهل انا قعدت 5 سنين في ليسي قاعد وحدي

ههههههههههههههههه

ايا اعطينا ضحكة
​

 

[sahiko hamza]

وعليكم السلام ورحمة الله


علاه غير انتي هكى ؟؟
رانا كامل فالهوا سوا
اكل كرهنـــا مي واش راح نديرو
كي نحس روحي خلاص ماعدتش قادر نحمل
نستغفر و نقول ّ لا حول ولا قوة الا بالله ّ
نزيد نستغفر حتان نريح
لا مكانش نسمع القرآن او نقراه
تم نريح تاع الصح
جربيها وعاوديني ....
​

 

[iman la brune]

كامل مرينا بيامات كرهنا فيها حياتنا ونحسو بللي واحد في الدنيا ما يفهمنا واحنا برك التعساء

بصح بعد مدة تكتشفي بللي راكي غالطة

متعمريش راسك طول

واذا تقلقتي ارواحي فرغي قلبك لهنا احنا رانا هنا

وايا سلمى انا نعرفك لهنا غير بنكتك الرائعة مثلك

هيا ضرك اظحكي وضحكينا معاك



​

 

[عاصفة الورود]

أختي الغالية
ديري في بالك بلي الناس كامل يوصلو لمرحلة وين يحسو باليأس وبلي راهم وحدهم
حتى أنا مر عليا الاحساس هذا ومزالو يمر مي لي فالقلب راهي فالقلب ,,
وش نقولك خيتي لعزيزة اول حاجة اتهلاي في قرايتك مليح ,
وشوفي كشما هواية تعمري بيها الvيد خليك من كثرة المخالطة والقيل والقال
وحاجة نحذرك منها ماتزيديش تحكي سرك للبنات ! ماتقولي ني صحبتي ني بنت عمي !
سرك لماماك ولا خليه في قلبك ,,
وحاجة أخيرة ومهمة بزاف بزاف : استغفري ربي في كل وقت والقرآن بلا ما نوصيك عليه
رانا هنا خيتي العزيزة ومتزيديش تقولي راني وحدي
ربي يحفظك الزينة واخطيك من البنات والذر ,, قرايتك ثم قرايتك

​

 

[Sẻl Mā]

بصح خويا حاب يمشييني كيما يحب
هو يخيرلي صاحباتي هو يقلي وش ندير و وش منديرش
كي شغل هو لي رايح يمشي معاهم
هاذي عقلية هاذي؟

شكرا على المرور​

 

[Sẻl Mā]

أختي الغالية
ديري في بالك بلي الناس كامل يوصلو لمرحلة وين يحسو باليأس وبلي راهم وحدهم
حتى أنا مر عليا الاحساس هذا ومزالو يمر مي لي فالقلب راهي فالقلب ,,
وش نقولك خيتي لعزيزة اول حاجة اتهلاي في قرايتك مليح ,
وشوفي كشما هواية تعمري بيها الvيد خليك من كثرة المخالطة والقيل والقال
وحاجة نحذرك منها ماتزيديش تحكي سرك للبنات ! ماتقولي ني صحبتي ني بنت عمي !
سرك لماماك ولا خليه في قلبك ,,
وحاجة أخيرة ومهمة بزاف بزاف : استغفري ربي في كل وقت والقرآن بلا ما نوصيك عليه
رانا هنا خيتي العزيزة ومتزيديش تقولي راني وحدي
ربي يحفظك الزينة واخطيك من البنات والذر ,, قرايتك ثم قرايتك

​

اوكي ختي
مغسي على النصيحة
شكرااا على المرور
ربي يخليك​

 

[secret de coeur]

وعليكم السلام سلمى
آه ياخيتو ماتغبنيش روحك قاع هكا راكي عاد في بداية طريقك
+ ماكيش وحدك الي ماعندكش الي يفهمك
مام نا ماكانش الي يفهمني ..ومانحتاجهمش
يكفيني انو قاع الي يعرفوني ماكانش الي يستغنى عليا
..
نقولك قوي روحك وماتحسيش بلي راكي ضعيفة ومحتاجة ناس
اتقربي لله بالصلاة والدعاء وراح تريحي حبوبة
ورانا معاك بقلبنا ولو ماناش قراب ليك
وناس النت نقولك حاجة عليهم برك.. الي ماليك غي يعييك
نسيــــــــــهم
​

 

[wafa peace 2011]

اهلا يابنت سطيف حتى انا من سطيف شوفي يااختي انا نقولك لازم تعرفي تخيري صاحبتك جربيها ويلا تاع مصالح اخطيك منها ولا شفتي هاد الطفلة مافيها حتى خير اقعدي وحدك خير من المشاكل ويعيا ربي يطيحك في صديقة مليحة خاطراكش اللي ماهوش مليح جامي يدوم

 

[Sẻl Mā]

وعليكم السلام سلمى
آه ياخيتو ماتغبنيش روحك قاع هكا راكي عاد في بداية طريقك
+ ماكيش وحدك الي ماعندكش الي يفهمك
مام نا ماكانش الي يفهمني ..ومانحتاجهمش
يكفيني انو قاع الي يعرفوني ماكانش الي يستغنى عليا
..
نقولك قوي روحك وماتحسيش بلي راكي ضعيفة ومحتاجة ناس
اتقربي لله بالصلاة والدعاء وراح تريحي حبوبة
ورانا معاك بقلبنا ولو ماناش قراب ليك
وناس النت نقولك حاجة عليهم برك.. الي ماليك غي يعييك
نسيــــــــــهم
​

مي انا لي يحبني يحبني علاجال مصلحتو
شكراا
سلالام​

 

[Sẻl Mā]

اهلا يابنت سطيف حتى انا من سطيف شوفي يااختي انا نقولك لازم تعرفي تخيري صاحبتك جربيها ويلا تاع مصالح اخطيك منها ولا شفتي هاد الطفلة مافيها حتى خير اقعدي وحدك خير من المشاكل ويعيا ربي يطيحك في صديقة مليحة خاطراكش اللي ماهوش مليح جامي يدوم

صحبة اخر زمان ,,,
غير صحبة تع مصالح ...
نشالله ختي
شكراا على المرور​

 

[Jeune Sghir Mc]

ربي سبحانو هو لي يفهمك
اتكلي على ربي برك واشكيلو ليه برك
"السؤال لغير الله مذلة"
اخطيك مالناس كامل يحبو غير رواحهم ويشوفو غير لرواحهم
فيك الفايدة يتبعوك مافيكش يليكيدوك
هاذي هي الدنيا وعلى هكا مبينة
وماذا بيك ماتدصريش الناس بزاف
وماتكثريش الصحاب
وكيما يقولو الصاحب ساحب
صافي لي تشوفيه خارج طريق
صفيه
مانستحقش ناس هكا

فهمتي ولا لالا ؟؟؟
ملهيه نزيد نديرلك درووس


صحيتووو
​

 

[Sẻl Mā]

ربي سبحانو هو لي يفهمك
اتكلي على ربي برك واشكيلو ليه برك
"السؤال لغير الله مذلة"
اخطيك مالناس كامل يحبو غير رواحهم ويشوفو غير لرواحهم
فيك الفايدة يتبعوك مافيكش يليكيدوك

لـــآزم​

هاذي هي الدنيا وعلى هكا مبينة
وماذا بيك ماتدصريش الناس بزاف
وماتكثريش الصحاب
وكيما يقولو الصاحب ساحب
صافي لي تشوفيه خارج طريق
صفيه
مانستحقش ناس هكا

وي
علاش يعني انا رايحة نتبع ناس خارجة طرييق ؟
اووااه
​

فهمتي ولا لالا ؟؟؟

وي وي فهمت​

ملهيه نزيد نديرلك درووس

اني نستنا​

صحيتووو
​

شكراا على المرور ^^​

 

[شوشونة]

واش راح ديري ختي افرح بعمرك مادامك صغيرة وما ديري والو في بالك

 

[Sẻl Mā]

واش راح ديري ختي افرح بعمرك مادامك صغيرة وما ديري والو في بالك

.... معليش ختيتو
مغسي​

 

[عاصفة الورود]

بصح خويا حاب يمشييني كيما يحب
هو يخيرلي صاحباتي هو يقلي وش ندير و وش منديرش
كي شغل هو لي رايح يمشي معاهم
هاذي عقلية هاذي؟

شكرا على المرور​

شوفي يا سلمى أي طفلة تبدا تكبر خوها يديرلها هكذا ,,
لاه ؟!
بيسك يحبها ويخاف على سمعتها
وهو كون شاف البنات هاذو لي راكي معاهم ملاح مايقولك والو صح ولا لالا ؟
شوفي يالزينة ,, معليش تخسري لبنات وتقعدي وحدك المهم تكسبي خوك
أي طفلة في الدنيا لازملها أخ يوقف معاها ,
متقوليش كاين بابا ,الأب في بلاصتو والأخ في بلاصتو
داكور ؟
مالا متخسريش خوك على جال الغاشي ,الدنيا راهي صعيبة
ايا سلام الزينة تهلاي :re_gards:
​

 

[Sẻl Mā]

شوفي يا سلمى أي طفلة تبدا تكبر خوها يديرلها هكذا ,,
لاه ؟!
بيسك يحبها ويخاف على سمعتها

مشكيتش
خويا كيما ديري معاه تحيري​

وهو كون شاف البنات هاذو لي راكي معاهم ملاح مايقولك والو صح ولا لالا ؟

لاه انا مانيش عارفة صلاحي؟؟؟؟؟
يقولي وش يحب مي ماشي لهاذي الدرجة ...
يخيرلي صاحباتي​

شوفي يالزينة ,, معليش تخسري لبنات وتقعدي وحدك المهم تكسبي خوك
أي طفلة في الدنيا لازملها أخ يوقف معاها ,
متقوليش كاين بابا ,الأب في بلاصتو والأخ في بلاصتو
داكور ؟

داكور​

مالا متخسريش خوك على جال الغاشي ,الدنيا راهي صعيبة
ايا سلام الزينة تهلاي :re_gards:
​

مغسي حنونة​

 

[مابقاش بزاف.Dz]

الاخوة و الاخوات كلامهم يكفي ما عندي ما نزيد عليه
غير اني نقولك اتلهاي بقرايتك و طيشي عليك الباقي تاع هاديك صحبتي ايه نوضتني الاستاذة معاها و ما نهدرش مع هاديك و هدا كلو نتيجة فترة المراهقة هادا ماكان
ما تعمريش راسك و صلي و استغفري ربك كل وقت
ربي يفرج عليك

 

[Sẻl Mā]

الاخوة و الاخوات كلامهم يكفي ما عندي ما نزيد عليه
غير اني نقولك اتلهاي بقرايتك و طيشي عليك الباقي تاع هاديك صحبتي ايه نوضتني الاستاذة معاها و ما نهدرش مع هاديك و هدا كلو نتيجة فترة المراهقة هادا ماكان
ما تعمريش راسك و صلي و استغفري ربك كل وقت
ربي يفرج عليك

معليش ,,,
مغسي ختيتو
​