----تــــارت على شكل باربـــي..من مطبخي----

شجـ الروح ـون

:: عضو بارز ::
أحباب اللمة
إنضم
21 أفريل 2010
المشاركات
6,082
نقاط التفاعل
2,412
النقاط
356
محل الإقامة
المدية
الجنس
أنثى
السلام عليكم
مساؤكم ورد وجوري
اليوم كان عيد ميلاد اختي الضغرى
حبيت نفرحها بتارت مليحة
جربت عملتلها تارت على شكل باربي وتحصلت على نتيجة جيدة


انا عملت ثلاث كيكات
بضعف هاد المقادير
كيكة كبيرة
ووحدة متوسطة
ووحدة صغيرة

المقـــــآدير:



6 حبات بيض
180 غ سكر
180 غ فرينة
رشة ملح
3م.كبار ماء ساخن
2 سكر فاني او فانيلا
1 خميرة كيميائية
كاكاو

للتزييين
كريمة شانتيي
ملون بنفسجي
فواكه حسب الرغبة انا عملت ماندارين وكيوي وموز
حبيبات فضية
وجسم لعبة باربي
100 غ سكر+ ماء
للشاربات


التحضير


نفصل الصفار عن البياض نضيف للصفار كيس سكر فاني و نبدا بالخفق تدريجيا بسرعة متوسطة ثم نضيف السكر ملعقة بملعقة و 3 م.ك ماء ساخن مع مواصلة الخفق و زيادة السرعة نكمل كمية السكر و نواصل الخفق الى ان نتحصل على كريمة ثقيلة فاتحة اللون
نخفق بياض البيض + كيس سكر فاني جيدا ثم نواصل الخفق باضافة كمية السكرالمتبقة تدريجيا حتى نتحصل على مورينغ

نغربل الفرينة + رشة الملح + الخميرة الكيميائية مرتين
نضيف خليط الفرينة و المورينغ بالتناوب الى خليط الصفار على 3 مرات الى ان نكمل الكمية لنتحصل على خليط متجانس فيه اكبر قدر ممكن من الهواء
ندخلها الفرن
ومانفتحش حت نتاكد من نضجها
بعد ما تطيب وتبرد نقسموها عرضيا بواسطة خيط
ونسقيوها بالشرابات
نوضعو طبقة وافرة من الكريمة وفوقها الفواكه


616081125.jpg


نضع القسم الثاني
نسقيوه بالشاربات
نديرو طبقة كريمة وفواكه

819692735.jpg


ناخذ الكيكة المتوسطة والصغرى ونقسموها
ونواصلوبنفس الطريقة كيما الاولى
حتى نتحصل على بنية الفستان
ناخذ اللعبة ونلفها ببلاستيك المطبخ
ونغرسها فالتارت
نزينها حسب الرغبة
انا عملتلها فستان بنفسجي وابيض
وزينتها بحبيبات فضية وملمع بنفسجي

كانت هادي النتيجة اللي تحصلت عليها


340170463.jpg


269461918.jpg



823591939.jpg


ان شاء الله تعجبكم
صحا مولودكم
وكل عام احنا اقرب للرسول صلى الله عليه وسلم
ان شاء الله
 
والصح وينو ؟؟

ولا نقلك

نهار نعملها اني نكريك تطيبيلي القاطو اوكـي .


عجبتني غي الشينة ههههه ...

 
جاتك هااااايلة + فكرة تهبــــل

يعطيييك الصحة
 
ههه سمسومة وليتي مصصمة ازياء فالكوزينة
ياو راكي فحلــة وعليك الكلام خموس عليك حبوبتي
هاتيلي الباربي برك:shay:
كي يكملو ياكلو بعثيهالي
ماتلوميش
توحششت نلعب بالعرايسات هادو ههه
:eek:i-o:

 
والــو مانقبلش سامية
لـــأزم نذوق منها باسكــو لوكـان نسيي نطيبها
مش راح نجيبهـــا كيف نتاعكـ ههه

هـــــايلة يعطيكـ ـالصحــة
و لـــأبروشان فوا جيبيهــا معاكـ ;)

 
ماشاء الله عليك اختي شجون الروح خرجتلك هايلة و متقونة
تستاهلي تقيييييييم حبيبتي +++++++++++
 
يعطيك الصحة اختي جاتك تهبل
 
ربي يبارك جاتك هايلة حنونة
يعطيك الصحة
عجبتني بزاااااااااااااااااااااااف
 
والصح وينو ؟؟

ولا نقلك

نهار نعملها اني نكريك تطيبيلي القاطو اوكـي .


عجبتني غي الشينة ههههه ...

هههه واش من صح تحوس عليه حمزة ؟؟
هههه
ياااه عول برك وكلشي عليا
وحيد يخلص وانا نخدم :eek:i-o:

منور حمزة شكرا ليك
 
واش هاذا واقيل رانا في نتاع التصميم هاذيك نتاع الماريكان ههههههههههه
هايلة هايلة يا غالية
ياو ما نخافش عليك
قدها وقدوووووووود
 
ههه سمسومة وليتي مصصمة ازياء فالكوزينة
ياو راكي فحلــة وعليك الكلام خموس عليك حبوبتي
هاتيلي الباربي برك:shay:
كي يكملو ياكلو بعثيهالي
ماتلوميش
توحششت نلعب بالعرايسات هادو ههه
:eek:i-o:


ههههه شفتي جيمي
والله بيناتنا غيرتني لاغوب ههههه
روحي تلعبي ادي لاتارت وخلي الباربي ياو ههه
ربي يخليك جيمي
الله يسلمك اختي
كيف العادة منورتنييييييي

 
والــو مانقبلش سامية
لـــأزم نذوق منها باسكــو لوكـان نسيي نطيبها
مش راح نجيبهـــا كيف نتاعكـ ههه

هـــــايلة يعطيكـ ـالصحــة
و لـــأبروشان فوا جيبيهــا معاكـ ;)



هههه وحيد راك كيف جداتي
تقولي والو مانستعرفش حتى نذوق
تقولي يا لمشبح من برا واش حالك من داخل هههه
الله يسلمك وحيد
عول برك واختها تحضر عندك ههه
 
ماشاء الله عليك اختي شجون الروح خرجتلك هايلة و متقونة
تستاهلي تقيييييييم حبيبتي +++++++++++


الله يخليك اختي
ربي يحفظك حبيبتي
عيونك الحلوين
ربي يخليك
فرحتيني

 
واش هاذا واقيل رانا في نتاع التصميم هاذيك نتاع الماريكان ههههههههههه
هايلة هايلة يا غالية
ياو ما نخافش عليك
قدها وقدوووووووود

ههههه شفتي فوفة
وش رايك فلاغوب باهية ول ؟؟ هههه
ربي يحفظك عمري
كي عجبت فوفتي الدنيا ومافيها
ربي يخليك ليا يا القمرة
نورتيني

 
توميتي ماشااء الله
اسمعي كيفاه درتيها هذي هههههههههه
تكوديت وانا نخممم هههههههه
غدوا نعيطلك واشرحيهالي خطوة خطوة خيتك يخي تعرفي مخها كي يجي يخمم يبلويك
تقولشي فايرفوكس في ميكرو صامط ههههههه
+ تقييييييييييم
 
توميتي ماشااء الله
اسمعي كيفاه درتيها هذي هههههههههه
تكوديت وانا نخممم هههههههه
غدوا نعيطلك واشرحيهالي خطوة خطوة خيتك يخي تعرفي مخها كي يجي يخمم يبلويك
تقولشي فايرفوكس في ميكرو صامط ههههههه
+ تقييييييييييم


يابنتي ماعرف
حلفت فيا نائلة قاتلي تديريلي تاارت باهية
ولا نجيفك
قاتلي اني عرضت صحباتي
حبيتي يضحكو عليا ول ههه
ههههههههههه
موصيبة يخي
ربي يخليك عمري
نورتيني

 
اممممممممممم رائعة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top