كلش يجي مع بعضاه لازم شوي توعية

*ليديا*

:: عضو بارز ::
أحباب اللمة
إنضم
24 جانفي 2009
المشاركات
1,418
نقاط التفاعل
15
النقاط
77
السلام عليكم ورحمة الله وبركاته
واش الحالة صافا؟ ان شاء الله راكم كامل بخير
دونك نبدا موضوعي :
هذي حاجة معروفة عندنا كي يجي حساب الترسيتي والغاز يجي موراه حساب الماء والكريدي والكراء (الا كاينين )والتيليفون وكامل الغرامات :scared:واكبر سيركيلاسيون تاع رمضان والعيد والقراية وزيد ليها الغرامات المذكورة أعلاه :sadwalk:يعني تاع الصح والدينا مزال ما هربو يعطيهم الصحة:sheer: .
نرجع شوي للموضوع هذي المدة راني نلاحظ بزاف ناس يشكو من حساب التريستي والغاز والماء ويقولو راه يجي غالي ( أكيد يجي غالي نراقبو شوي واش رانا نديرو):
التريسيتي :
الي يشعل ضوء يخرج ويخليه يشعل :sad:
التليفيزيون والميكرو مع بعض يكونكنتي ويتفرج :cra_zy:وكي تقولو يقلك ماياكلوش بزاف التريسيتي (كيما يقولو القرش الابيض لليوم الأسود)
في الدار كافة الاجهزة الكهربائية تخدم في نفس الوقت ( وانا نقول بلي كاين اجهزة شاريينها بريستيج... خلي على ربي )
الغاز :
تحل الغاز تطبطب عليها جارتها تروح تحكي معاها بالنص ساعة وهو يمشي هكاك تقلها تقلك (ماشي قرعة باه تفرغ خلي يمشي على روحو.....ايه مي الكونتور يحسب)
الماء :
تعمر كامل واش عندها ومن بعد تخليه يجري هكداك في الدوش ساعة ولا ساعتين حتى يروح وحدو ( ومن بعد يقولو بلاك غالط الحساب واش مليون ماء :eek:hmy: والحيرة قاتلتهم)
هذي راهي من حبة لحبة تفيض الويدان واحنا ما علابالناش :eek:i-o:
نواصل كاين حاجة أي واحد يسمع بحاجة جديدة يحب يجربها ويشوفها حتى خلاص ولينا مشينات مش عباد الوحدة تقول لراجلها حابة ماشينة لافي وماشينة تغسل الماعن وماشينة تعجن الكسرة وووو ( وعلاه داير مرأة كلش يجيه ساهل بالماشينات علابالي المرأة مش راح تدير كلش مي مقارنة بسيطة تاع المرأة تاع بكري كلش تديرو بيدها وتجيب الحطب والماء وماعندهاش التريسيتي وهذي الصوالح وما تشكيش من التعب... مانيش ضد الماشينات مي طلبات اخرى غير معقولة )
نرجعو شوي للأولاد والي قاتلهم الدلال واحد تشريلو صباط اليومmeme pas سمانة ولا 3 ايام يقطعو ( أبابابا في رجلك الشوك اسمحلولي مي ديرو حساب لوالديكم واستحفطو شوي )
تشريلو الأدوات تجي تفركت على ستيلو تلقى غير الأزق مكسر يشف الممحاة مكانش المبراة يا حسرا يسمع بيها سمعان :music_whistling: الكراريس تاعو واحد لذكريات والاخر لتخربيش وتاع 288 صفحة فيه 20 صفحة واش هذا ؟:mad: حاجة تاع الصح تقلق والمثل يقول *ربي ولدك على الشدة والرخاء* احنا غير نوصو بشوي استحفاظ برك الي يشعل الضوء يطفيه والي يشري الادوات يستحفظ عليهم
وكيما جات انشودة موطني الجديدة :
موطني ,,, موطني
الميــااه والدواء والكهربـااء والغذاء .,,في غــلاآآآء .,, في غــلآآآآء
الصغير والكبير .,, الغني والفقير .,, في استيآآآآآء .,, في استيآآآء


ان شاء الله ما نكونش طولت عليكم ، ننتظر آرائكم ....سلام عليكم .
 
طبعا اختي كي يجي الفاكتورة يتلاحقوا كامل مع بعضهم وخاصة في مواسم والاعياد يعني الانسان ناقص مصروف ويزيدوا عليه
والأولاد مايحسوش لأنوا ميخرجوش من جيبهم وماشي هوما لى يشقاوا عليه لازم نخمم لبعيد
 
طبعا اختي كي يجي الفاكتورة يتلاحقوا كامل مع بعضهم وخاصة في مواسم والاعياد يعني الانسان ناقص مصروف ويزيدوا عليه
والأولاد مايحسوش لأنوا ميخرجوش من جيبهم وماشي هوما لى يشقاوا عليه لازم نخمم لبعيد
شكرا لاعتماد الموضوع
بارك لله فيك اختي
نورت الموضوع بردك
 
السلام عليكم ورحمة الله وبركاته

و عليكمـ السلامـ و رحمة الله تعالى و بركاتهـ

واش الحالة صافا؟ ان شاء الله راكم كامل بخير

علابالكـ رانيـ نقرا فيـ الموضوعـ و نطلعـ نفيريفيـ مانيشـ مامنة بلليـ ليديا هنا و كتبتـ موضوعـ
عاشـ منـ شافكـ ختيتو
توحشنا ياماتكـ الزينة
انـ شاء الله راكيـ بيانـ و مايخوصكـ والو

دونك نبدا موضوعي :
هذي حاجة معروفة عندنا كي يجي حساب الترسيتي والغاز يجي موراه حساب الماء والكريدي والكراء (الا كاينين )والتيليفون وكامل الغرامات :scared:واكبر سيركيلاسيون تاع رمضان والعيد والقراية وزيد ليها الغرامات المذكورة أعلاه :sadwalk:يعني تاع الصح والدينا مزال ما هربو يعطيهم الصحة:sheer: .
نرجع شوي للموضوع هذي المدة راني نلاحظ بزاف ناس يشكو من حساب التريستي والغاز والماء ويقولو راه يجي غالي ( أكيد يجي غالي نراقبو شوي واش رانا نديرو):

مامـ يجيـ رخيسـ تريسيتيـ و الماء و ....
ميـ كيـ يجيو ضربة وحدة يوليو يبانو جبلـ

التريسيتي :
الي يشعل ضوء يخرج ويخليه يشعل :sad:
التليفيزيون والميكرو مع بعض يكونكنتي ويتفرج :cra_zy:وكي تقولو يقلك ماياكلوش بزاف التريسيتي (كيما يقولو القرش الابيض لليوم الأسود)
في الدار كافة الاجهزة الكهربائية تخدم في نفس الوقت ( وانا نقول بلي كاين اجهزة شاريينها بريستيج... خلي على ربي )

نتيـ عداكـ بابا سير هههه

الغاز :
تحل الغاز تطبطب عليها جارتها تروح تحكي معاها بالنص ساعة وهو يمشي هكاك تقلها تقلك (ماشي قرعة باه تفرغ خلي يمشي على روحو.....ايه مي الكونتور يحسب)
الماء :
تعمر كامل واش عندها ومن بعد تخليه يجري هكداك في الدوش ساعة ولا ساعتين حتى يروح وحدو ( ومن بعد يقولو بلاك غالط الحساب واش مليون ماء :eek:hmy: والحيرة قاتلتهم)
هذي راهي من حبة لحبة تفيض الويدان واحنا ما علابالناش :eek:i-o:
نواصل كاين حاجة أي واحد يسمع بحاجة جديدة يحب يجربها ويشوفها حتى خلاص ولينا مشينات مش عباد الوحدة تقول لراجلها حابة ماشينة لافي وماشينة تغسل الماعن وماشينة تعجن الكسرة وووو ( وعلاه داير مرأة كلش يجيه ساهل بالماشينات علابالي المرأة مش راح تدير كلش مي مقارنة بسيطة تاع المرأة تاع بكري كلش تديرو بيدها وتجيب الحطب والماء وماعندهاش التريسيتي وهذي الصوالح وما تشكيش من التعب... مانيش ضد الماشينات مي طلبات اخرى غير معقولة )
نرجعو شوي للأولاد والي قاتلهم الدلال واحد تشريلو صباط اليومmeme pas سمانة ولا 3 ايام يقطعو ( أبابابا في رجلك الشوك اسمحلولي مي ديرو حساب لوالديكم واستحفطو شوي )
تشريلو الأدوات تجي تفركت على ستيلو تلقى غير الأزق مكسر يشف الممحاة مكانش المبراة يا حسرا يسمع بيها سمعان :music_whistling: الكراريس تاعو واحد لذكريات والاخر لتخربيش وتاع 288 صفحة فيه 20 صفحة واش هذا ؟:mad: حاجة تاع الصح تقلق والمثل يقول *ربي ولدك على الشدة والرخاء* احنا غير نوصو بشوي استحفاظ برك الي يشعل الضوء يطفيه والي يشري الادوات يستحفظ عليهم
وكيما جات انشودة موطني الجديدة :
موطني ,,, موطني
الميــااه والدواء والكهربـااء والغذاء .,,في غــلاآآآء .,, في غــلآآآآء
الصغير والكبير .,, الغني والفقير .,, في استيآآآآآء .,, في استيآآآء


ان شاء الله ما نكونش طولت عليكم ، ننتظر آرائكم ....سلام عليكم .

يايـ آ ليديا أختيـ واشـ تحبيـ
زادولهمـ فيـ الشهرية و شواوهمـ منـ الجيهاتـ لوخرى
دركـ كلشـ غاليـ
وكيـ تبدايـ تحسبيـ
عقلكـ يحبسـ و نتيـ ما فهمتيـ والو
ربيـ يكونـ فيـ العونـ انـ شاء الله

و يعطيكـ الصحة
آكيـ جيتيـ متحلفة ههههه



 
وعليكم السلام
صحيتي اختي على الموضوع الطيب
صح الاولاد كوم هوما ماش لي يصرفو وميحسوش بقيمة الدورو
يعودو يبذرو برك
لازم عليهم يحسو بالوالدين شوي
تقبلي مروري
 
الميــااه والدواء والكهربـااء والغذاء .,,في غــلاآآآء .,, في غــلآآآآء
الصغير والكبير .,, الغني والفقير .,, في استيآآآآآء .,, في استيآآآء

هههههههههههههههههههههههههههه اولا عجبتني هذي موطني موطني

ثانيا بارك الله فيك ختي ليديا
ثالثاربي يهدينا هذا ما نقولو ويصلح حوالنا..
 
نتعشى ونجي نرد
 
وعليكم السلام ورحمة الله تعالى وبركاته
عندك الحق والله خرين تحيري واش يديرو بالتريسيتي هذا كي تشوفي فاتورتهم
يعطيك الصحه ختي تستاهلي تقييم+
 

السلام عليكم ورحمة الله تعالى وبركاته

الكلام هذا مايحس بيه غير الي راه يخرج من جيبه ويخلص
اما الباقي راهم يتفرجوا ...الي يخلص في الفواتير هو الي يحرص
ويعيط ويقول بلي هذه التصرفات منكر وتبذير بصح الباقي ماخرج من
جيبه والو وبالعامية جوا لقوها طايبة ...
وكيما راكي دايرة في توقيعه
لكل شيء إذا ما تم نقصان فلا يغر بطيب العيش انسان
يعني الي راه كاين اليوم مش ممكن دوما يكون وعجلة الحياة ستدور ستدور ستدور ..
أشكرك ...
 
كي يزيدو فالشهرية للشهارة والزواليا
يبعثلي فاتورة كاتبها بيدو ماعنديش مشكل

وافار التبذير
راني معاك فيها
لوكان الواحد يقتاصد راه مايلقاش مشاكل فالفواتير



صحيتووو
 
السلام عليكم
يعطيك الصحة على الموضوع التوعوي و اللي عندك الحق و كيما قلتي احنا حياتنا غي ماشي قرعة ياك غاز دو فيل ياك الما يجي كل يوم و يا ك و ياك خلاتها وحد البروف كانت تقرينا تقولنا شكارة تاع 0.25 تجيبلك 20 ههههههه ياك فهمتي قصدي
 
مولد نبوي مبارك للجميع....خلاصولي الكادووات....اللي ملحقش المرة الجاية.
ألور...الفواتير الجزائرية أبيتود...ترقد تنوض تلقا غرامة جديدة....قالك راهم يخمو يديرو طاكس على co2 على جال ليشومو كليماتيك....
زير السانتورة واللا أقعد....والمشكل ماشي في لا كونسوماسيون اللي بزاف المشكل في لي طاريف نتاع لا كونسوماسيون....تروح كي لفحل تشري مورسو تراب تسلك غرامة أيا تخمم تبني تسلك غرامة تجي تزوج تسلك غرامات...والكناتر هاذوك عليهم غرامة ثانيك.
المهم اللي خرجلو الماء واللا التريسيتي غالي يعيطلي نبرونشيلو أور كونتور...أما الغاز فالله غالب جاي تحت الأرض.
قال الرسول صلى الله عليه وسلم " الناس شركاء في ثلاث الماء والكلأ والنار"رواه الإمام أحمد

 
تقتصدي و لا تخلي توجور الفواتير نفسها
و كي تصلي طفي و تشعلي خلي يشعل كلش و تخلصي مرة وحدة و علاه الواحدج يبقى عاس كل اجة
صح ماناش مع التبذير و صحيتي على الموضوع
++++
 
الصراحة انا بكي كنت عند با كنت نبذر مي تو وكي درت دار وليت نحسب كل دوروجاء وراح
 

يايـ آ ليديا أختيـ واشـ تحبيـ
زادولهمـ فيـ الشهرية و شواوهمـ منـ الجيهاتـ لوخرى
دركـ كلشـ غاليـ
وكيـ تبدايـ تحسبيـ
عقلكـ يحبسـ و نتيـ ما فهمتيـ والو
ربيـ يكونـ فيـ العونـ انـ شاء الله

و يعطيكـ الصحة
آكيـ جيتيـ متحلفة ههههه



أيوا صار الزينة هنا :sheer:يا مرحبا يا مرحبا ميمي
يتوحشك الخير ربي يخليك انا تاني توحشتك بزاف وهديك الايامات :luve_2:
عندك الحق في واش قلتي يعطيك الصحة
امين يا رب عوننا وعونكم كامل
الله يسلمك مارسي بزااااااااااف
هههههههههه متحلفة غير شوي
نورتي الموضوع ربي يحفظك
++++
 
وعليكم السلام
صحيتي اختي على الموضوع الطيب
صح الاولاد كوم هوما ماش لي يصرفو وميحسوش بقيمة الدورو
يعودو يبذرو برك
لازم عليهم يحسو بالوالدين شوي
تقبلي مروري
الله يسلمك حنونة
عندك الحق ربي يحفظك
تشرفت بمرورك
نورتي الموضوع بردك ربي يخليك
 
الميــااه والدواء والكهربـااء والغذاء .,,في غــلاآآآء .,, في غــلآآآآء
الصغير والكبير .,, الغني والفقير .,, في استيآآآآآء .,, في استيآآآء

هههههههههههههههههههههههههههه اولا عجبتني هذي موطني موطني

ثانيا بارك الله فيك ختي ليديا
ثالثاربي يهدينا هذا ما نقولو ويصلح حوالنا..
وفيك بركة *قيس*
امين يا رب نورت الموضوع
يعطيك الصحة
 
وعليكم السلام ورحمة الله تعالى وبركاته
عندك الحق والله خرين تحيري واش يديرو بالتريسيتي هذا كي تشوفي فاتورتهم
يعطيك الصحه ختي تستاهلي تقييم+
الله يسلمك حنونة
نورتي الموضوع بردك
جزيل الشكر
 
و الكونيكسيو لـ 3 تاع صباح
و التيلفيزيو تباتـ شاعلة
و البورطابل يضل في لاشارجـ

تحيـاتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top