طبايعك خلاوني نكون عليك فكرة حتى انتوما؟

[السلطانة]

السلام عليكم ورحمة الله وبركاته ​

جيتكم اليوم بموضوع نتمنى يعجبكم
راه يحكي على الاشرار

وجدو روحكم

شدوا احزمة الأمان
...................​

راح نضرب بروحي مثال
دي فوا نحكم على ناس ونكون عليهم فكرة معينة
لكن مباعد تتبدل هاذ الفكرة تماما
مع مرور الوقت او نتيجة موقف معين
يايكون سلبي ياايجابي
......................
امثلة من المجتمع: ​

-شخص لابس شيك بزاف وقاتل روحو بالحطة
والهدرة الزوينة
تشوفو جاي من بعيد تقول ستار زمانو :music_whistling:

لكن يصراو مواقف بزاف يخليوك تحكم عليه

بلي راه عكس واش كنت تتخيلو يعني
بوgوس من برا ومن الداخل فارغ
يمكن يكون كذاب،منافق،ناقص شهامة...الخ
توافق الأفكار وانسجام الأرواح
وارتياح النفس البشرية من اللحظة
الاولى ميعنيش انك كونت فكرة صحيحة
مية بالمية عليه
الا بعد مايفوت وقت..
حكمت عليه بالايجاب لكن سرعان
مافهمت انك كنت غالط في حكمك.​

-انسانة تلقاها تضحك بزاف

وتتبهلل​

تحكم عليها انها طايشة لاعلاقة بالاناقة ولا اللباقة
لكن في موقف ما
تكتشف انها ذات قلب طيب وانما هذاك اللب تاعها
معرفتوش ومفهتوش من قبل وجريت حكمت عليها بالسلب.
حكمي عليها بالسلب تحول للايجاب.​

-متدينة ومحترمة في لباسها لكن تصرفاتها عكس ذلك
منحكيش في اعراض الناس لكن
كاينة وحدة نعرفها مليح مليح هفتني وقلت هادي ماكانش كيفها
لكن بعد العشرة عرفتها واش تسوا _o:
حكمي عليها كان غالط وتحولت من الايجاب للسلب.​

خلاصة القول:
تعلمت اني منحكمش من خلال مظاهر الناس ولا نجري نحكم
من خلال النظرة الاولى
ونعلن البيان الرسمي
ونبصم ونكاشيه
ونصادق عليه
ونحلف انو ميتبدلش :crying:​

الا بعد ان نعرف الانسان هاداك مليح مليح
لمليح يبان و الشين يبان
مع مرور الوقت والزمان
كاين عباد صح
ندمت
وقلت اااااااااااااه
هادو كون غير فهمت طيبتهم من قبل
نتمنى يعجبكم الموضوع
وتكون الفكرة وصلت
وتمدولنا مواقف صرات معاكم
خلاتكم تحكمو على انسان ما بطريقة معينة
في انتظاركم
تحياتي ​

 

[ماكانش]

أهلا بيك شوشو
يعطيك الصحة على الموضوع الباهي
صح والله عندك الحق وغلطة نديروها نحكمو على المظاهر
واحسياننا ناس مانعرفوهمش ومانحملوهمش زمان يظهرونا ملااح بزاااااف
كي كنت نقرا في الجاميعة كان واحد والله مانحمل نشوف معاه ونكرهو
مانعرف كيفاش حتى حكا معايا ولقيتو راجل تاع الصح والله ستخزيت روحي مع انو مادارلي والو
يعطيك الصحة شوشو

هذا واش قدرت نكتب يديا يضرو فيا لعبت بزاف بالثلج ههههههههه​

 

[Bissan-sisil]

كيما قالوها ناس بكري يالي مزوق من بر واش احوالك من داخل
مشكوراااااا على الموضوع
​

 

[BARCA232]

أعتــــــــــــزلت واش راك تهــــدر
ركـــــــزي على هذا ؟؟؟؟؟؟؟
الله يجيب الخير برك
-متدينة ومحترمة في لباسها لكن تصرفاتها عكس ذلك
منحكيش في اعراض الناس لكن
كاينة وحدة نعرفها مليح مليح هفتني وقلت هادي ماكانش كيفها
لكن بعد العشرة عرفتها واش تسوا _o:
حكمي عليها كان غالط وتحولت من الايجاب للسلب.

​

 

[محبة الورد]

اولا السلام عليكم اختي
ثانيا يقولك المظاهر خداعة ويقولك تاني يامشبح من برا واش حوالك من داخل
صح ختي الانسان بطبعو ماشي غير انت يشوف بزاف للمظاهر ويغرونا بزاف المظاهر
حتى من بعدة نكتشفوا الانسان ملييح ونعرفوه
كيما انا اليوم وحدة تريح معايا فالقسم قاتلي انت كي شفتك اول مرة كنت شايفاتك متكبرة وكامل قاتلي حتى كي ريحت معاك وعرفت عقليتك لقيتك نورمال
يعني ختي جامي نحكموا على الانسان من برا ولا من مظهر تاعو
تقبلي مروري المتواضع كانت معك محبة الورد من وراء ليكرون هههه​

 

[adelskikda]

انا في راي كين وكاين كاين لي يبان من وجهو وكاين لي مايبانش وكيما قلتي الاخت لي يجرب خير يعرف اكتر واكتر .....شكرا على الموضوع تحياتي

 

[السلطانة]

أهلا بيك شوشو

يعطيك الصحة على الموضوع الباهي
اهلا وسهلا اخي
صح والله عندك الحق وغلطة نديروها نحكمو على المظاهر
واحسياننا ناس مانعرفوهمش ومانحملوهمش زمان يظهرونا ملااح بزاااااف
وي صح حتى تعود تقول انا كيفاه كنت نخمم
كي كنت نقرا في الجاميعة كان واحد والله مانحمل نشوف معاه ونكرهو
مانعرف كيفاش حتى حكا معايا ولقيتو راجل تاع الصح والله ستخزيت روحي مع انو مادارلي والو
ههه ايييه حتى حكيت معاه بانلك كيفاه داير
التسرع بالحكم ماش مليح
بصح حنا بشر الله غالب
مرات نغلطو
يعطيك الصحة شوشو​

هذا واش قدرت نكتب يديا يضرو فيا لعبت بزاف بالثلج ههههههههه
راك جامد مالا ههه ​

شكرا على المرور الطيب
:re_gards:

 

[السلطانة]

كيما قالوها ناس بكري يالي مزوق من بر واش احوالك من داخل

مشكوراااااا على الموضوع ​

بالضبط اختي
شكرا على المرور​

 

[السلطانة]

أعتــــــــــــزلت واش راك تهــــدر
مزية كي طليت :sheer:
قلنا او هنا

ركـــــــزي على هذا ؟؟؟؟؟؟؟
الله يجيب الخير برك
_o:راني حطيت تحتها خط احمر
وعاود بزوج خطوط
الله يستر
-متدينة ومحترمة في لباسها لكن تصرفاتها عكس ذلك
منحكيش في اعراض الناس لكن
كاينة وحدة نعرفها مليح مليح هفتني وقلت هادي ماكانش كيفها
لكن بعد العشرة عرفتها واش تسوا _o:
حكمي عليها كان غالط وتحولت من الايجاب للسلب.​

صحيت على المرور خويا محمد
نورت :re_gards:​

 

[السلطانة]

اولا السلام عليكم اختي

ثانيا يقولك المظاهر خداعة ويقولك تاني يامشبح من برا واش حوالك من داخل
وعليكم السلام منورة الموضوع اختي لعزيزة
ايه من برا باهي ومن الداخل ربي يجيب
صح ختي الانسان بطبعو ماشي غير انت يشوف بزاف للمظاهر ويغرونا بزاف المظاهر
حتى من بعدة نكتشفوا الانسان ملييح ونعرفوه
المظاهر خداعة
لكن الزمان يخلينا نعرفو الانسان مليح مليح
كيما انا اليوم وحدة تريح معايا فالقسم قاتلي انت كي شفتك اول مرة كنت شايفاتك متكبرة وكامل قاتلي حتى كي ريحت معاك وعرفت عقليتك لقيتك نورمال
ايه يمكن هيا شافتك متحبيش تدصري ومعندكش هدرة معاها
حسبتك تتكبري وهنا كانت كونت عليك فكرة خاطئة حتى عرفتك باه فهمت مليح عقليتك
يعني ختي جامي نحكموا على الانسان من برا ولا من مظهر تاعو
ايه لازم ههه نتعلموها هادي


تقبلي مروري المتواضع كانت معك محبة الورد من وراء ليكرون هههه​

مرورك اسعدني
ياعاشقة الورد
وانا بدوري احييكي من وراء ليكرون ههه
:re_gards:​

 

[السلطانة]

انا في راي كين وكاين كاين لي يبان من وجهو وكاين لي مايبانش وكيما قلتي الاخت لي يجرب خير يعرف اكتر واكتر .....شكرا على الموضوع تحياتي

اهلا بيك ولد روسيكادا
وي لازم المعاشرة والكلام مع الشخص باه ننجمو نحكمو عليه
لكن من خلال المظهر جامي تفهملو
العفو اخي سررت بمرورك

 

[ملكًة الاحسآس]

وعليــكم السلام
شوفي شوشو كانت تقولنا جدة الله يرحمها يامبيض من براا واش حالكـ من داخــل
وفينالموون مع الوقت والتجارب يطلع كلام الكبار وتاع بكري يطلــع صح 100/100
منكذبش عليكـ كاين وحايد خدعوني بالمظاهــر تاعهم ، بصــح الي نشفالها بيان وحده كانت تقرى معيا فالسيام كانت تبانلي متكبرة وحاسبة روحها pوريان
سبحان الله منين نشوفها ندور وجهي مانحملها مانقبلها ، كي تهدر منحبش نسمعهــا ـ من عند ربي مالgري منعرفاش ـ ووحد المرة كنا نلعبوو فالسبور معلباليش كفاه حتى هدرنا مع بعض ، لقيتها عكس ماكنت نشوفهــا جونتي وناس ملاح ، وحتى لدركـ راهي من اعز صاحباتي
علابيها الواحد فينــا ملازمش يحكم على الشخص بالنظرة الاولى حتى يعرفوو
+
ميرسي حبوبــة على الموضوع الزوين كما مولاتو
​

 

[السلطانة]

وعليــكم السلام

شوفي شوشو كانت تقولنا جدة الله يرحمها يامبيض من براا واش حالكـ من داخــل
وفينالموون مع الوقت والتجارب يطلع كلام الكبار وتاع بكري يطلــع صح 100/100
شتي جداتنا يهدرو غير الصح
امثالهم يتفهمو غير بعد مدة ونرجعو نخدمو بيهم
منكذبش عليكـ كاين وحايد خدعوني بالمظاهــر تاعهم ، بصــح الي نشفالها بيان وحده كانت تقرى معيا فالسيام كانت تبانلي متكبرة وحاسبة روحها pوريان
يو تصرا صح سيرتو في وقت لقراية
سبحان الله منين نشوفها ندور وجهي مانحملها مانقبلها ، كي تهدر منحبش نسمعهــا ـ من عند ربي مالgري منعرفاش ـ ووحد المرة كنا نلعبوو فالسبور معلباليش كفاه حتى هدرنا مع بعض ، لقيتها عكس ماكنت نشوفهــا جونتي وناس ملاح ، وحتى لدركـ راهي من اعز صاحباتي
يعين حكمك عليها كان غالط حتى فهمتيها كيفاه دايرة
سبحان الله رجعتو من اعز الصديقات
علابيها الواحد فينــا ملازمش يحكم على الشخص بالنظرة الاولى حتى يعرفوو
+
لازم يحكي معاه السح ويشوف مباعد يحكم
ميرسي حبوبــة على الموضوع الزوين كما مولاتو ​

العفو اختي لعزيزة نورتي الموضوع
:re_gards:​

 

[آمِيْرَتُه]

السلام عليك اهلا اختي شوشو
صحيح لازم منحكموش على الواحد من خلال المظاهر بويسك قالو ناس زمان المظاهر خداعة شحال من واحد و وحدة يتخبو ورا المظاهر
بارك الله فيك على الموضوع
​

 

[مابقاش بزاف.Dz]

صحيتي شوشو على الهدرة الزينة و الموضوع الباهي
أكيد هادي لازم نرفدوها مايلزمش نحكموا على المظاهر فقط لانو كيما يقولك المظاهر خداعة
الانسان ما يتهفش من أول نظرة او من اول موقف مع اي عبد آخر لانو قادر يكون يمثل برك كيما قلتي تاع المتدينين هادوك ماشي الكل مي الاغلبية سورتو البنات نفاق هادا ماكان
لازم الانسان يعرف كيفاش يقيم الناس الي يديروا وله لانو ما يتقيديش غير بالمظاهر و افضل مقياس نحكم عليه انا هو وقت الغضب وقت الي يكون فيه الانسان الي حدايا منارvي نشوف كيفية التصرف تاعو و لا ردة الفعل من تما نعرفو و كاين مقاييس اخرى
موضوعك شباب عجبني و الهدرة تطول فيه اكتفينا بهذا
مشكورة شوشو

 

[مابقاش بزاف.Dz]

التقييم لازم نمدو لآخرين باه نديرلك

المهم درك يوصلك
تحياتي

 

[عاصفة الورود]

السلام عليكم ورحمة الله ,,
كلامك صحيح اختي فريمون المظاهر خداعة ,
ولازم الواحد مايحكمش نهائيا على الشخص حتان يعاشرو ويفهم عقليتو ,
أنا وحدة من الناس تفاجأت شحال من مرة باشخاص كنت حاسبتهم زي, وطلعو فريمون طيبين وتاع صحبة , والله ندمت كي معرفتهمش من قبل ,,
بالمقابل أنا ثاني بزاف لالا بــــــــــزاااااااف لي قالولي بلي حسبناك متكبرة ومعرف واش ومتضحكيش وسامطة ووو ..هههههه ,,
والحمد لله لي وحدهم كي خالطوني لقاوني عكس النظرة لي داوها عليا هههه ,, :sheer:

وفي الأخير مشكورة أختي ساندريلا على الموضوع الجميل
تقبلي مروري وتحياتي
​

 

[السلطانة]

السلام عليك اهلا اختي شوشو

صحيح لازم منحكموش على الواحد من خلال المظاهر بويسك قالو ناس زمان المظاهر خداعة شحال من واحد و وحدة يتخبو ورا المظاهر
بارك الله فيك على الموضوع ​

وعليكم السلام
اهلا اختي امينة منورة الموضوع
ايه المظاهر تخدع مرات لازم الانسان يعاود حساباتو باه يعرف روحو كان غالط ولالا
العفو مرورك اسعدني
​

 

[السلطانة]

صحيتي شوشو على الهدرة الزينة و الموضوع الباهي
أكيد هادي لازم نرفدوها مايلزمش نحكموا على المظاهر فقط لانو كيما يقولك المظاهر خداعة
الانسان ما يتهفش من أول نظرة او من اول موقف مع اي عبد آخر لانو قادر يكون يمثل برك كيما قلتي تاع المتدينين هادوك ماشي الكل مي الاغلبية سورتو البنات نفاق هادا ماكان
لازم الانسان يعرف كيفاش يقيم الناس الي يديروا وله لانو ما يتقيديش غير بالمظاهر و افضل مقياس نحكم عليه انا هو وقت الغضب وقت الي يكون فيه الانسان الي حدايا منارvي نشوف كيفية التصرف تاعو و لا ردة الفعل من تما نعرفو و كاين مقاييس اخرى
موضوعك شباب عجبني و الهدرة تطول فيه اكتفينا بهذا
مشكورة شوشو

اهلا اختي لعزيزة
ايه واللخ ديفوا تلقى روحك حكمت على عبد مباعد تندم
وي تاع المتدينيين راين معاك خاصة لبنات يعني كاين لي تشوكيك تاع الصح وتخليك تبدلي رايك فيها
الور لازم العشرة والوقت ومقايسس معينة تخلينا نحكمو مليح
صحيتي ختيتو على الرد الطيب لي فرحني بزاف
​

 

[السلطانة]

التقييم لازم نمدو لآخرين باه نديرلك

المهم درك يوصلك
تحياتي

الله يخليك ياغالية
:shay: