أزربووووووووو أدخلو عاااونووووه ------صديق محتاجكم

[النورس]

الله غالب
ناس مازالت قديمة مازال مانفضوش الغبار على رواحهم

شووف
قولو يروح يحكي مع باباها
يقولو ايه لالا
وحدة مالزوج
قبل اللهم مابارك
ماقبلش قولو يبدل
لبنات راهم 9 براجل في بلادنا
ماشي يربط روحو بطفلة وحدة



صحيتووو
​

المشكل مش في لبنات راهم 9 بواحد
المشكل في هو عجبتو هاديك العقلية و قالك راهي introuvable
و هادا حقو وش رايك
​

 

[النورس]

يزيد يحاو مع باباها و ادا ماكانش يقدر يشوف وحده اخرى
الله غالب ناس مازالت تمشي بعقلية انو بنتي مانمدهاش لبعيد ربي يهدي ما خلق
و ادا ماكانش ماشي حياتو راح تتوقف ادا ما قبوش يكمل في طريقو و ربي يفرج
سلامي

بارك الله فيك
​

 

[النورس]

وعليكم السلام
مرحبا بيك في هاذ الركن عاش من شافك
غير اليوم برك داخل تجري هه يخي ماكش انت برك وجاي متخبي ورا اسم صاحبك ههه
بالنسبة لحكاية صاحبك
هي الام بطبيعة الحال تخاف على بنتها
وكوم هيا طفلة وحدة تتزوج بعيد عليها راح تجيها صعيبة
الزواج بين الولايات يكون واعر شويا ​

حسب رايي يروح الشاب لوالد الفتاة ويحاول مرة وزوج ووو
ولاكان الطفلة عندها اخوالها واعمامها تقدر تقولهم يقنعو باباها
+ علاه ميقولش لأمو ولا اختو يقنعو أم البنت
ويحيكو معاها ويفهموها في عقلياتهم وكيفاه راح تعيش بنتهم
باه هاكذا تطمن الام
بلي بنتها راح تكون في أمان
الله يسهلو ان شاء الله
اصعب حاجة تحاور الأم وبنتها فيما يخص الخطبة والاقناع بالرفض او القبول
الله يسهلو
تحياتي ليك
وبلغو سلامي
والله يرزقو كل مافيه خير ​

وي انا تان شوشو قتلو يحكي مع أمو و هي تحكي مع أم الطفلة
*******************
ياو انا راني باير غير متخافيش ههه
​

 

[النورس]

سما دوركا وكان نروح نخطب يقولولي راك بعيد ولا كيفاه ؟هههههههه
والله انا نعرف واحد حبيبي من ادرار دا وحده من باب لواد تبالي معاتش كاينه مشكل لمسافات الا ا>ا كانت كاينه اسباب
وحد اخرى ليسووووونسيال تاع ليسونسيال يروح يصدم ع دارهم وفرات
وربي يعطيه ويعطينا ع قد نيتنا
سلاامو

اهلا تاعنا
وي تبانلي ظرك وقت السرعة و ادا حبو يشوفوها دارهم راهي 3 سوايع و هي عندهم
صحيت
​

 

[النورس]

السلام عليكم

انا تبالي يروح يتقدم من الباب اولا ثم يتكلم ممكن الاب رفض الفكرة لي تخطبت بيها بنتو ماشي الخاطب
ويحاول يتقرب من اخوة الفتاة ع حسب ماففهمت وحيدة اهلها ولكن لها اخوة ذكور يحاول يصاحبهم
لان الام تحب ان تزوج ابنتها من صديق اخيها لتطمئن عليها وليكون اخيها دائما بجانبها
وبما انه لم يتقدم رسمي يعني لاانصحه بالخوف فربما الله ييسر له وتكون من نصيبه ولاتقف ع المحاولة بل حاول وحاول مرارا وتكرار
وفي الاخير سلامي واحترامي

السطر لي لونتو بالاحمر فكرة مليحة نبهتينا ليها
ان شاء الله نوصلهالهو
بارك الله فيك خيتو
​

 

[النورس]

واش هي حكاااية بعيدة عليا يوم سمعتها ثلاث مرات اوووووووووووف

ياو خو واش انقلك لوكان يحبها صح راه يدير مستحيل باش يتزوجها

يا لوكان يهرب معاها خخخخخخخخخخه

انا نظن ام سيد تحكي مع ام طفلة

علا خاطر وقت تالى ولات حكمة نساء في زواج

الف شكر وربي يسهل ان شاء الله
​

وي ادا وافقتلك وزارة الداخلية
وزارة الخارجية ساهلة ههه
صحيت حسام
​

 

[النورس]

هو خقيقة ماكناش ام ما تحبش بنتها تسكن بحذاها

بكن اللي كتبو ربي كتبو

اذا كتبت لهذا الاجل انو بزوزها يزوزها

مشكورة اختي على الرد و المشاركة
​

 

[النورس]

اييييييييييه تقول رانا في الهند يااااا هههههههههههههههه واش نقولك يا خو نمدلك راي بصراحة هو في الحقيقة مالين تاع الطفلة مالزمش يحكمو على الطفل كيجا بعيد يعني بسكرة نرومالمو ميشي بعيدة بزاف اون بلوس كان لازم عليهم ياخدو راي هاد الطفلة يعني على الاقل باش يشوفو الاقتراح تاعها حاجة وحد اخرى لازم مالين تاع الطفلة يخمو بزاف يعني على حساب كلامك نتا قولت بلي هاد الطفلة نفسيتها عيانة ايه املا لازم عليهم يقبلو يعني دوكة ويناهي خير تتزوج بواحد تحبو ويحبها ويعيشو هانيين ولا هاد الطفلة تتزوج بواحد ما تقدرش كامل تعيش معاه ويولو في ماشاكل كبيرة وفي الاخيرة نقول لصاحبك ادا كتبها لو ربي ان شاء الله والله غير يديها باذن الله بصح لازم عليه يهدر مع باباها ويتفهم وان شاء الله يلقاو حل سلااااااااااام ​

رحت جبت نواظري بش قدرت نقرى ردك علاه عليك هك تكتبي بلالون هادا ههههه
وي راي من رايك اختي
نورمالمو يدو راي الطفلة لانها هي لي رايحة تتزوج
و فالحالة هادي الطفلة راهي قااااااااابلة
مي تبانلي والديها شافو من جهتهم برك و وش يخرج عليهم

هيا صحيتي و موليتيش تكتبي باللون هااداi-o:
​

 

[النورس]

السلام عليكم انا من رأيي يروح عند باباها هذا هو الحل او اذا الأب ما اقتنعش هو يكرر لأنه يحبها او ربي يهنيهم نشاء الله

وي وصل مقصودك بارك الله فيك
​

 

[النورس]

في رأيي أن الوالد لم يع قول الله تعالى ( إنا جعلناكم شعوبا وقبائل لتعارفو إن أقربكم عند الله أتقاكم) يعني أنه ليس هناك أي ضير من تزويج الابنة لشاب ليس من نفس المدينة، بالعكس هذا جائز المهم أنه مسلم وعلى دين وخلق ويستطيع توفير الراحة للفتاة، وعلى الرجل أن ينظر الى سعادة البنت وراحتها، وليس الى نفسه فهو لن يدوم لها، وكذلك نحن في عصر التطور هناك هواتف وانترنت، يكلمها في كل حين، وسيارات يسافر لها وتأتي إليه، كما أن الرسول قال أن نزوج البنت لمن نرضى دينه وخلقه من أي مكان كان، وفي رأيي الوالدان نظرا لراحتهما ونسيا راحة الفتاة، وأنا أنصح الشاب بما أنه باق على الفتاة وهي باقية عليه أن يزور الوالد ويقنعه بأنه سيسعد ابنته وإن وجد فيه عدم تجاوب يكرر المجيء حتى يقتنع لأنه ان أكثر من الذهاب اليه أو بعث له ناس من قبله يثق بهم ليقنعو الوالد فصدقني سيقتنع في الأخير، كما أنصح الفتاة باقناع والدتها، فالأم اذا اقتنعت فلها دور في اقناع الوالد، أتمنى يكون اقتراحي مفيد وآسفة على الاطالة.​

10/10

هذا ما أردت قوله و هذا رأيي
​

 

[النورس]

الله يكون في العون لازم هو يحاول مرة تانية والطفلة تاني تحاول تقنع والديها ويصبرو ولا كانت من المكتوب لازم يديها

وي أكيد ادا كان من مكتوب بعض شي مايوقف بيناتهم
و دا كان العكس
ربي يرزقو و يرزقها الزوج الصالح
شكرا
​

 

[النورس]

السلام عليكم

اييييييييييه على الحب و الزواج واش مدايرين فالناس

يا خويا كيما قالو كامل يروح لباباها و يحكي معاه

و تانل الطفلة تشوف خالتها ولا وحدة من لا فامي لي تحبهم امها

وتقولها تعاونها بالاك تقدر تقنعها

و ادا كانلهم الخير في بعضاهم ربي يعاونهم ويكمللهم

ســـــــــلامـ​

بارك الله فيك يا البسكرية
​

 

[النورس]

أنا رأيي يروح لباباها وياخذ معاه واحد معناها ذو عقل راجح
1-اماما مثلا
2- أو يسأل عن أقربائها عمها أو خالها أو قريب للعائلة وقريب من اب الفتاة يساعده في ادخال الفكرة لاب الفتاة (طبعا يكون قابل الفكرة )و لديه قدرة في الاقناع
***رانا كامل مسلمين والحمد لله وثانيا رانا كامل ولاد بلاد وحدة ومش نهاية العالم اذا كنت هي عايشة بعيدة على والديها المهم راهي عايشة هنيئة مع زوجها لأنو الزواج ليها هي مش لوالديها ..نتمنى نكون أفدتك والسلام عليكم ورحمة الله وبركاته
​

ردك مفييد جدااا اختي
بارك الله فيك
​

 

[النورس]

قلو مايستسلمش كل مرة يولي يخطبها يشوف مع عمامها مع خوالها يسيي كيفاش وهكا كي يشوفوه شاد في الطفلة ويحوس عليها غير هيا يعرفو بلي حابها صح وناويها وهنا لازم عليهم يقبلو بلا جدهم...انا ختي خطبها واحد وبابا رفضو رفضا قاطعا قالها غير هوا لي ماتديهش بصح كي كان حابها وموش قادر يسمح فيها كل مرة يعاود يخطبها مرة يبعت مع خوالي مع عمامي مع صحاب بابا عام وهوا يحوس عليها ولا تما بابا ستسلم للامر الواقع وقالك مادام الراجل تعبناه هكا سور يكون ناوي غير الخير ومديناها والحمد لله دكا راهي هانية ...راني ندعولو مانخلوهش وربي معاه ان شاء الله

يعطيك الصحة اختي راكي عطيتينا مثال من الواقع و هذا رايح يشجعو ان شاء الله
احترامي
​

 

[اللـــ فراشةـــمة]

10/10

هذا ما أردت قوله و هذا رأيي
​

والله يا أخي في آباء رغم احترامي ليهم لايفكرون في مصلحة بناتهن بل في مصالحهم فقط، ربما ستعيش البنت سعيدة مع الرجل الذي اختارها واختارته، وأنا أعطيبة ما أنا مقتنعة به لأنه مر علي هكذا مشاكل وحلت والحمد لله، أتمنى أن تحل مشكلة صديقك.
​

 

[radiaimene]

راي ما يستسلمش و كل واحد يدي نصيبو في الدنيا هذه لا تقنط من رحمة الله. الخير يسهل فيه ربنا سبحانه مهما كانت العراقيل مالزمش يياس و يخلي ثقتو في ربي كبيرة و يصلي و يدعي و يقول اللهم ادخلني مدخل صدق و اخرجني مخرج صدق و يروح يتكلم مع عم او خال الفتاة و يتفادى الكلام في البداية مع الاب لانو ممكن ما يعطيه الفرصة اصلا باه يتكلم و هذا راح يحرجو في الحالة هذه. قد ما نتمسكو بهدفنا و قرارنا قد ما نكبروا في عين الاخر. ابنت عمي خطبها واحد و كان رفض عمي قاطع مدة عامين لكنو مع الوقت حس بالي ضلمها خصوصا و انها مرضت و تدهورت صحتها و بالفعل الخطيب كان في المستوى و ما خلاهاش و كان كل مره يرسل جماعة باه يقنعو بابها. و بلفعل زوجو و ربي يشهد انو من احسن نسابو و امها لقات فيه الابن الذي لم تنجبه بطنها و مهتم بصحتها اكثر من ابنائها

ربي خلق الفتاة و كتبلها تعيش في بيت زوجها اكثر من بيت والديها لهذا لازم يحترمو رايها و اختيارها المشكل مش في البعد المشكل في صلاح الخطيب و اصلو. واش من فايدة تزوج من واحد من منطقتها و يكون قليل دين و يقطع عليها صلة الرحم و يمنع عليها اهلها. رانا في 2012 و وسائل الحياة طورت 5 ساعات و تكون عند اهلها قليل تلقى رجال ملتزمين في وقتنا و الهناء حتى و لو كان مع البعد راح يخلي والديها مطمئينين عليها و كانها في بيتهم
اسال الله التوفيق لصديقك الامل الامل الامل و الثقة في الله تخلينا نتحصلو على كل ما نريد​

 

[همس النسيم]

هو في الحقيقة الام والاب لهم راي ونحترموه بكل صراحة
لانه لديهم بنت واحدة فقط

ولا يجب االخ ان يستسلم
ويرجع يحاول
لانه الان رانا في وقت متطور جدااااااا
وكل شيء راه متوفر
لايجب الياس

وثاني حاجة كلشي بالمكتوب والا ربي راهو كاتبلو باش يديها فالمسافة لاتهم ابدا
واهم شيء انه لايفرط في اعز شخص ويواصل ولالا يياس لانها مش نهاية العالم​