ارجوكم ساعدوني

[زمردة ارضية]

ان التقيت اليوم ولاول مرة مع الانسان لي رايح يخطبني لكن والله منقلكمش كيفاش كان اللقاء
هو يهدر وانا نسمع وما عرفت نقول والو غير ايه لا لا
ارجوكم قولولي رايكم المهم هو اكبر مني ب10 سنوات انسان روعة وخايفة نخسرو بموقفي هدا
واش رايكم وواش تنصحوني

 

[السلطانة]

الله يسهلك اختي
مع الوقت تفهمي عقليتو وترجعي تتأقلمي معاه
كي تديرو الخطبة تتعارفو اكثر
كلش مع الوقت
الله يهنيك ويسعدك يارب
تقبلي تحياتي

​

 

[بودبوز]

السلام عليكم اختي

اولا امر العشر سنوات غير مهم فالرسول صلى الله عليه و سلم
تزوج خديجة وهي اكبر منه ب 10 سنوات
المهم هل تحبينه انت وهو هل يحبك ويهتم بك
ان كانت هذه الامور تتوفر فيه وان
كان قادرا على تحمل المسؤولية
فانا انصحك بالتمسك به
اما ان لم يكن يهتم بكي
او ليس قادرا
على تحمل مسؤولية الزواج
فانا انصحك بعدم الموافقة
والقرار الاخير لكي

تقبلي مروري اختي
واتمنى ان تحل هذه المشكلة الصغيرة
تحياتي...،
​

 

[أحبك ياجزائر]

العمر مايهم اختي وعلى سكوتك فهو راجع لحيائك بالعكس هذا الشيء نقطة ايجابية تحسب ليك حيث أحنا الرجال نحبو البنت اللي تكون محترمة نفسها يعني ماتحكي بزاف واول لقاء كان لازم ومن الاصول يكون هكا ماشي كيما العودات كي تقول انت كلمة هي تقول عشرة ربي يكملكما بالخير برك ودوام الصحة والعافية
​

 

[بيكهام]

كل شيء بشوية يعني حبة حبة تفهمي عقلية ماشي من اول نهار

وان شاء الله ربي يهنيكم ويستركم

تحياتي
.
​

 

[Black heart]

ادا كنت تحبيه صح ومتأكدة بلي تقدريـ تكملي حياتكـــــ معاه ويقدر على المسؤوليه علاه لالا
ويعود القرار لك اختي
وربيـ يكمل انـ شــــــــاء الله ​

 

[سمية25]

نورمال ختي هذا اول لقاء بيناتكم وعلدي يكون فيه بعض السكوت والحياء والغموض لانكما لم تلتقيا مع بعض من قبل وبخصوص فارق العمر فلا يهم يا اختي المهم هو ان تعرفي انه على قد مسؤولية الزواج وانشاء اسرة وكل حاجة تجي ممممبعد بعد الخطية تزيدو تتعرفو ببعضاكم مليح وان شاء الله يكون على قد نيتك وقلبك الطيب ..........ربي يكملك ان شاء الله ويجمع فيما بينكما على المودة والرحمة والسكن
سلااااااااااام

 

[HAMOUDI2000]

ربي يهنيك ويكملك

 

[مابقاش بزاف.Dz]

ربي يهنيك و يكملك بالخير اختي
هادا اول لقاء اكيد يكون هكدا مع الوقت رايحة تتعرفي عليه و تتاقلمي معاه

 

[imen ahmad]

نورمآآآآآآآآآآآل اختي انا رآجلي كبير اعليآآآآ ب17 سنةانا 25 و هو 42 سنة و الحمد الله متفاهمين مايهم العمر المهم عقليتو

 

[M3TaZ eLLMa]

أولا أحيك على الصراحة المطلقة

ثانيا أقووول لك كما قال الاخوة قبلي

هو أمر عادي جدا وهذا نظرا للخوف والاظراب النفسي الذي مرة عليك

ومن التحليل النفسي هو تأثير الخوف على الاعصاب بعدم التركيز وترك البال منشغل بنقطة واحدة وهي

تردد في الكلام وعدم النطق والخوف عند المراة أقوى من عندالرجال و الخوف يفرز هرومنات قوية تأثر على عمل العقل وتشويش في التفكير مما يترك الشخص في غير حالته الطبعية لا غير .. وهي دلالة على انو هذا الموقف لم تمرين به من قبل ..


لهذا نقول لك أختاه أمر عادي جدا يحصل للجنسين في البداية ومع مرور الوقت ستتعودين

أما بخصوص خسارة فلا تقولي هذا إن شاء الله سيبارك لكم الله في هذا الزواج و دعي الله أن يفرجها عليك بالخير

والصلاح فلا تهتمي أختي الطيبة


وفي الاخير أشكر كل من مرة ونصحك

واتمنى لك حياة سعيدة فيها إستقرار ونجاح للأسرة وربي يعطيك ذرية صالحة ** أمين يارب **

وتقبلي شكري وتقديري


لم تمرين به من قبل​

 

[EL General]

لازم ا لواحد كي تجيه لاشونص في حياتو مايخسرهاش يحاول يفهمها مليح
و مبعد يقرر بلعقلية ماشي مزروب
نقولك وافقي و انتي ليك القرار
​

 

[barca.moha]

أحي عليا وعلى بنت بلادي وعلى تخمامها العيآن
سمحيلي على كلامي
انا لوكان في بلاصة خطيبك وتقولي لالا وايه وواه
( هديك حشمة مي لوكان نلقاها تكثر الهدرة يا ويلي على البنت هدي )
منخافش عليك ومنندمش على مكتوبي لي لقاني بيك
ليصونصيال ربي يتممها على خير وربي يحفضك

​

 

[sahiko hamza]

اللي فيه خير يجيبو ربي
ماتخافيش
ديري النية مي حلي عينيك ملاح .
​

 

[serinee]

شوفي اختي انا ننصحك حاجة العمر ليس بالشيء المهم الاهم منو عقليتو ادا خدام ادا ناس ملاح صدقيني عندي صديقتي تزوجت بانسان ثاني يكبرها ب10 سنوات و لما سالتها كيفاش راكي قالتلي راني عايشة هايلة و الحمد لله قلتلي بلاك لكان ديت واحد في قد عمري او مش كابر عليا هكدا مكنتش راح نعيش الحياة لي راني عايشتها
انت صلي استخارة و لي فيه الخير ربي يقدمهولك و ما يهم قناعتك و الناس متهمش
​