ندمنا كي درناها

[houssem_]

هذا حال واحوال

و الحال ولا محال و وقت راح يحسراه

رانا كل يوم نشوفو فيهم منعرف منين راهم يجيو

و ديرو des geste راسك يحبس

و الناس كامل يامنوهم



المهم ربي يبعد بلادنا على بلادهم



نوكلو عليهم ربي
​

 

[بيّاع الورد]

يا خويا انت وصاحبك مديتو دراهمكم في وجه الله

خلاص خلوها بينها وبين مولاها ^^

 

[MigniOnne]

ya latiiiiiiif lah ya3foooo nes ki deyra​

 

[Houda Chaouienne DZ]

ياي لوكان انا نرجعلها غدوا هاذيك
نبهدلها و نبخص بيها قدام الناس
باش نخليها عبرة لمن يعتبر هههههه
سلام
​

 

[خولة19]

الله الله كي قاه عاد ت الناس
ربي يهدي ماخلق هاد الظاهرة منتشرة في كل بلاصة
​

 

[حنان18]

أحنا هذي القصة صرات لجارتنا مسكينة كانت دايما اجي عندها واحد الطلابة ودايما تعطيلها عمرها مخيبتها دايما تمدلها نهار دراهم نهار حوايج نهار ماكلا......... الخ ممبعد واحد النهار صدفة هديك جارتنا راحت لواحد الجنازة و هديك الجنازة قدام دار هديك الطلابة و ركوم تعرفوا كي تكون حاجة عند لجورين هدا يساعد هدا و هدا يستقبل الضيوف في دار هدا المهم هديك جارتنا راحت للجنازة ممبعد حبت اتصلي قلولها صحاب الدار تع الجنازة روحي عند جرتنا و صلي قتلك هي دخلت لهديك الفيلا مخها حبس و قلبها قريب حبس المهم قعدت تقرعج و تقول الله يبارك واحد الدار ماشاء الله ممبعد هي كي جات عندها مولات الدار قتلها واش تحوسي قتلها جيت انصلي المهم هي كي خزرت فيها ألقاتها هديك الطلابة قتلها أنت؟؟؟؟ قتلها ايه أنا ووجها كامل مبدل ملحشما ممبعد قتلها جارتنا لهلا تربحك أخلتيلي داري و درتي فيلا أنا مسعتهاش.باه تعرف خويا مشي كل طلاب محتاج و تاني المحتاج تع الصح جامي يقولك راني محتاج و عمروا ميمد يدوااااااااا.
شفت أنت 20 دج غدتك و هي واش تقول فيلا ....................؟؟؟؟؟؟؟

 

[Black heart]

هادي الحكـاية رجعت ظاهرة طبيعية الناس أكل تحكي على ناس كيما هاك
انا نشوف بلي الناس فسدت وراحت فيها ورجعويلعبوها زعمة نية وفي الاصل راهـــم يستغلو فالكبـار والصغـار
ويقولو الدنيا فسدت لالا الناس خلاصت عليـــهم
انا كون جيت في بلاصتك رحت نخدم معاها باش تعطينا 4 الاف ماشي غير الفين
نييييهههههاءءىىى
المهم ربي يهديهم ويهدي جميع المسلميـــــــــــــن
ما رسي
**​

 

[sweet Maya]

ههههه...والله حكآية...أنـآ سمعتهآ maisماصرآتليش.....

+
الفقرآء الحقيقيين "...لآ يسألون النآس إلحآفآ..."

+
ملآحظة خويا "إن شآء الله" وليس "إنشآء الله"

 

[zahya]

يا خي كلش طور حاجة باينة حتى الطلبة تطور .....وعلاش متكونش هاديك المرسيدس نتاعها ....حسب لها راهي خدامة شحال من عام .....ههههههههههههه

 

[imen ahmad]

هههههههههههههههه

تعيش برك خويا انا والله و يموت ما يدو من عندي فرنك واااحدة لاه دراهمي لقيتهم في الطريق راااني نشقى عليهم من محكمة الى الاخرى اه يا فاقو بكري كانت كاينة النية


نحكيلكم وحد الحكاية صرات معايا و كانت الوالدة مرافقتني في باااازار قالتلي تعيشي خلصيلي قندورة

قلتها الله ينوب قالتلي خلصيلي شندويتش قالتها الوالدة الله ينوب قالتنا خلصولي كاش حاجة وين اعلابالكم بالاك مازللكم 3 ايام و تموتو الوالدة قالتلها في راسك اسبقي انت و بعد انزيدو احنا هههههه شوفو الوقاحة لوين وصلت

 

[°NeSriNe°]

ههههههههههههههههه
والله ضحكت و نخلعت في نفس الوقت
و لله غير راهم يخلعوا
انا تاني خطرا رحت نشري بان او شوكولا pain au chocolat
لقيت طلابة مصطاليا تماك قدام الحانوت لي شريت من عندو
قالتلي اعطيني الله غالب كنت شرين القاطو مابقاليش الصرف
شفتني قلتلها ماعنديش الدراهم
رحت عطيتلها قاطو
قالتلي لالالالالالا مانكلش خصني دراهم
شفت فيها شوفا
حبيت نعضها نوريلها مليح هههههههه
و الله راهم يخلعوا و يكذبوا
مي معليش كاين ربي
شكرا خويا على الموضوع

 

[amel amoula]

صح كو ن غير شريت اكريييييييم هههههههههههههههههه معليش اتعلم من هدي التجربة

 

[بنـ MaPa ـت]

وعليكم السلآم

:-o
اعوذ بالله ياخي مراة ربي وكيلها وربي ياخد فيها الحق على الملايكة لي لعبت بيه والله وكيل الوالدين تاوعو لي سمحولها فيه...
كي نكون نمشي برآآ ونلقى كاش طلابة نجوز عليها عيني في عينها والله ماتدي فرنك مني لابلوبار تع الطلالبة في هاد الوقت عايشين عيشة الملوك ويمدو في يديهم لناس اقل من مستوى مما يكسبو عيب كبير اصلا تمد يديك وتقول اعطيني انا حبة شوينقوم ومانقولش اعطوني
تصدق خويا كان واحد طلآب سمعنا عليه طلع فيلا مطرطgة تحت السيام لي كنت نقرا فيه شفتها خطرة مي جامي تصورت يمكن تكون لواحد طلآب ولا زوالي مخي بلوكا كي سمعت لي هو بناها مزية ماصدقتلوش من قبل ههه هاه يبني الفيلا على ظهري ولا خخخ
مايستحوش ومايقنعوش بواش عطاهم ربي ولآ حتى يحاولو يسترزقو بالخير والحلآل
ربي يصلح لحوال هادا واش نقولو

مرسي خويا على الموضوع سلآمي
​

 

[✿أسيـل✿]

ربي يهـــــــــــــــــدي ماخلق يـاخـــــــــــــــــــيو​

 

[اماليا]

ma3liche t3iche wtakoul wokhdakhra

 

[youyoumaya]

انا من الحكاية هذي ما نزيدش نمد لاي طلابة حتى دورو