الفايسبوك تحريشة ماشي معيشة

[sousouia]

بسم الله الرحمان الرحيم
اما بعد
لكل اعضاء اللمة
من منا لا يملك فايسبوك ???
و من منا لا يدردش مع اقرباءه او زملائه في الدراسة و العمل
هذا امر عادي
لكن الامر الغير العادي هو التالي
----------
----------
كيما رانا نشوفو
الفايسبوك هاذا ولا ماشيلنا فالدم
و كيما نقولو ادمان
حنا مقلناش هاذ الفايسبوك مش مليح
بصح كاينين عباد يخليوه بسيف مش مليح


كيما لاحظت انا فاحدى المنتديات الي ممنوع نذكر اسموا
انوا في بنت
كتبت في بريد المواضيع المجهولة -هوما عندهم هاذا الركن باش يكتبوا فيه مشاكلهم بشكل مجهول-
المهم هاذ الطفلة كتبت

انا طفلة كيما باقي لبنات
نحب نشاتي معا صحاباتي و زميلاتي و زملائي
و طبعا كان عندي فايسبوك
بصح بابا كان دايمن يطلع عليه
و مرة بعثلي طفل طلب صداقة
و لما ما قبلتش
عاود
و ظل كل مرة يعاود حتى توصلت بيا نسبوا
و كان في فكري مايعودش
و هو كذلك
لكنوا بعثلي طلب باسم وحدة صحبتي و كانت متفاهمة معاه
وحد نهار قالي اي نخرجوا غدوة انا و انتي برك
و طبعا انا في بالي صحبتي
قلت ل بابا و وافق
تفاهمنا على المكان
و مجرد ما وصلت
لقيت مجموعة شباب
ضربوني ضرب مبرح لدرجة الموت
و الحمد لله انا نبهت بابا يجي يديني
و لما جا يديني
شافني ف هاذيك الحالة
----------
----------

و هلا يا لبنات الهدرة ليكم
وش رايكم​

 

[M3TaZ eLLMa]

السلام عليكم

أختي الطيبة شدني موضوعك من عنوانه

وقد اطلعت عليه فوجدت أنه مشكلة العصر

يعني نلوموا شوي هاذ الطفلة لأنها هي من أذنبت بروحها وتركت حالها توصل لهاذ المرحلة

نفهمك علاه بكل صراحة الفايس بوك أو شيء يتواصلوا به هو عبارة عن دائرة وهمية يعني الصح فيها

معدوم وقليل واين تلقاي أولاد الحلال سواء من الانثى أو ذكر وهاذ القصة حبيت نشكر عليها لأنك جبتيها

وطرحتيها لكي يعتبر منها الاخوة والاخوات وحبيت نقلكم يا لبنات بلخصوص أخطيكم من الحب وهمي نتاع نات

اهتموا بحياتكم الحقيقية والله راكم تجيبوا وجع الراس فقط

في هاذ الحلة لي طرحتيها اختي يعني الصديقة هي لي عملتها بها ولهاذا نتمنى يكون درس للجميع

ونشكرك أختي الطيبة على مشاركة الرائعة


وتستهالي تقيم عليها


تقبلي شكري وتقديري

موفقة
​

 

[iktimel]

الفايس بوك هدا هبلنا تاع الصح و انا تاني ادمنتو بزاااااااااااف ... مي الحمد لله ماصرالي حتى مشكل منو
و الطفلة هادي هي غالطة في حساباتها ..وعلاه تسب نورمالو ماتاكسيبتيهش و خلاص واش داها لسبان
على العموم مشكورة ختي على الطرح المميز +تقييم
​

 

[أم راضية ~_]

السلام وعليكم
حقيقة وقفت حائرة
من جهة الفيسبوك هو وسيلة تسهل الاتصال والتواصل بزاااااااف
وما نشوف فيه حتى عيب
العيب هو في الي يستعملو وكيفاش يستعملو
شخصيا عندي فيس بووك و نتواصل مع زملائي وزميلاتي في الدراسة وكاين بزااااف حاجات تعلمتهم منو او بالاحرى من اصدقائي الي يحطو امور تفيد
لحقت وين عرفت بلي راهم يسجلو للباك فيه و عرفت وعرفت ... الخ
واهم حاجة هي شكون تاجوتي عندك و واش من لاباج اللي ديرلها جام -ويوصلك اللي يرضيك -

شكرا لك :regards01:​

 

[انسانة لا أكثر]

السلام عليكمـ

واش نقولك صرنا فى زمن ما يرحم

الثقة فى النت ماشي ساهلة كل واحد يدير احتياطو سي تروح فيها فاضي اليدين تخسر كل شيء

شكرا لك للتنبيه وعلى القصة للاتعاظ بها

 

[ريم الشرق]

الفايسبوك بالنسبة ليا افة اجتماعية وافة يصيب بها كل من يستعمل النت اما بالنسبة للقرار انا في رايي الفايسبوك يحط العسة كيما نقولوا في الصفحات والمدونات والتعاليق الي يقوموا بيها الاعضاء الذين لهم حساب فايسبوكي وانت عرضت لينا مشكلة من المشاكل الكبرى الي توصل للضرب والموة ولما نجوا ونفهموا هذه الحكاية نجد ان الفايسبوك هو الاكثر لوما وانا والله مانسامح هذيك الطفلة الي خلات صحبتها توصل لهذه المرحلة​

 

[07 _H@yThm]

حتا نتوما اعرفو وين تحطو رجليكم​

 

[imen ahmad]

انا و الحمد الله كنت راح انحل واحدة و بصدفة شااافني راجلي و منعني
قالي كلش و الفايسبوك نفطة انتهى قلتلو علاش قالي يا بنت الناس هد الفايسبوك ماروهوش محصور على طبقة متربية و مثقفة ما تحسب النقص كل من هب و دب يقدر يحلو
alorsبعدي على المشاااكل

انا الصراحة خفت و قلت للممات ما نحل فايسبوك

 

[amel amoula]

هيا كانت قادرة تبلوكيه وخلاصت القصه و هادى صحبتها ماتعرفهاش

تبعتلها غير فل فايس بوك انا ما امنتهاش هي عرفت 1 و راحت تتلاقا معاه
لوكان كانت صح صحبتها ما يصراش هكدا و الله اعلم وتان لازم الواحد ياخذ حذرو ومايخلطش مابين حياتو الواقعية و الوهمية الى هيا ف ب