الخدمة نتاع الصيف

[nour mary]

الســــــــــلام عليـــــــكم

واش راكم مع السخــانة ولا البــرد :p ؟

اليوم حابة نقرعج شوية :d

مالا جبتلكم موضوع على

الخدمة نتاع الصيف

كاين بزاف لي جون يحبو يخدمو فالصيف باش يلمو
l'argent de poche
كاين لي يروح يصيف بيهم و كاين لي يعاون دارهم
و لي يكسي روحو كل واحد واش يحب :-r

مام البنات كاين لي يحبو يخدمو و يتعلمو حوايج جدد :up:

و لي يخدم في صغرو يتعلم و تعود عندو تجربة مع الناس و كيفاش العقليات نتاعهم

و نتوما واش رايكم فلي يخدمو؟

تخدمو ولا معgبينها ماكلة و رقاد برك :-h

و لي يخدمو اسكو تشرطو ولا تخدمو برك ؟


راني نستنا في آراءكم

ســــــــــــلام :regards01:​

 

[sami44]

مشكورة الاخت على الموضوع
بالسبة ليا انا نحب الخدمة الصيف بصح الداخل مش برا باش نهرب على الشمس

​

 

[عليلو 24]

ماكلة والرقاد خيرمن القعدة مع العباد​

 

[07 _H@yThm]

اير من ثما بنت الضلعه صافا شويا !1
انا نحب نخدم مانكدبش عليك بصح عمك راقد مايخلنيش ياو نواض بكري شتا ووصيف ماجياش هههههههه
بصح ساعه ساعه نشدو كاش حانوت ولا سيبار هاذا مانقدرو نديرو هاد ساعه

 

[aidouch]

سلامو اختي
انا مع هاذو اللي يخدمو في الصيف هاذي شطارة ولا خليني
باسكو الصيف فيه بزاف المصارف صافي يخدم يجيب مصروفو خير ما يقعد بلاش
اما بالنسبة للبنات
راهي مع الشغل تع الدار و الكوزينة ....الخدمة بلا مصروف هههه
مشكورة اختي​

 

[ميسومة الدلوعة]

السلام عليكم
انا والله يعجبوني لولاد الي يخدموا في الصيف و يجيبوا المصروف و الله يسخفوا

انا مع الخدمة تاع الدار التسياق و الكوزينة
وتاني شوية كروشي نمشي يدي زعمة زعمة

و نقول لشباب لكان تشرطوا على الخدمة عمركم ما تخدموا
شكرا للموضوع الهايل

 

[***سوسن الجزائرية]

الخدمة فالصيف مليحة للولاد ومليحة للبنات ..بالنسبة ليا دركا دخلت في وحد المدرسة خاصة يعلمونا نديرو 30 طبق أكل خاص بشهر رمضان الفضيل بصح أنا نخلصهم ماشي هوما يخلصوني :d والله غير حطة هكدا نتعلموا صوالح جدد على أسرار الطبخ ...

شكرا لك أختي.
​

 

[nour mary]

مشكورة الاخت على الموضوع
بالسبة ليا انا نحب الخدمة الصيف بصح الداخل مش برا باش نهرب على الشمس

​

آآآآ مالا نتا من لي يشرطو :p
مي معليش المهم تخدم خير من القعاد
العفو خويا سامي
شكرا على المرور :-r

 

[nour mary]

ماكلة والرقاد خيرمن القعدة مع العباد​

ههههههههههههه
شكرا على المرور

 

[*RAHMA]

طليتي على قلبي ختي
راني حابة نخدم بصح المشكل وين تخدم ؟و كيفاش نخلي بابا يقبل ؟ههه
اذا صبت خدمة نقولك اوكي
مرسي

 

[nour mary]

اير من ثما بنت الضلعه صافا شويا !1
انا نحب نخدم مانكدبش عليك بصح عمك راقد مايخلنيش ياو نواض بكري شتا ووصيف ماجياش هههههههه
بصح ساعه ساعه نشدو كاش حانوت ولا سيبار هاذا مانقدرو نديرو هاد ساعه

اهلا خويا هيثم
سافا الحمدلله نشالله نتا تاني راك سافا ؟
عندك الحق تبروفيتي فالصيف ترقد و الشتا لازم تنوض بكري
مليحة كي تشد خانوت ولا سيبار خير من القعاد psq الفيد يقتل
شكرا على المرور نورت خويا
​

 

[nour mary]

سلامو اختي
انا مع هاذو اللي يخدمو في الصيف هاذي شطارة ولا خليني
باسكو الصيف فيه بزاف المصارف صافي يخدم يجيب مصروفو خير ما يقعد بلاش
اما بالنسبة للبنات
راهي مع الشغل تع الدار و الكوزينة ....الخدمة بلا مصروف هههه
مشكورة اختي​

اهلا ختي ايدوش
وي المصاريف ياسر و الواحد كل ما يكبر يعود يحشم يقول لباباه مدلي الدراهم
الخدمة نتاع الدار هاديك و مش قادرين عليها نورمالمون يسلكونا :d
العفو حبيبتي
نورتي
​

 

[nour mary]

السلام عليكم
انا والله يعجبوني لولاد الي يخدموا في الصيف و يجيبوا المصروف و الله يسخفوا

انا مع الخدمة تاع الدار التسياق و الكوزينة
وتاني شوية كروشي نمشي يدي زعمة زعمة

و نقول لشباب لكان تشرطوا على الخدمة عمركم ما تخدموا
شكرا للموضوع الهايل

و عليكم السلام
مام انا يعجبوني
نتي راكي كي حالتي مام انا الخدمة نتاع الدار و نزيد نخلط شوية حوايج و خلاص
اييي وي لي يشرط يقعد في دارهم
العفو ختي
مغسي على المرور العطر
​

 

[nour mary]

الخدمة فالصيف مليحة للولاد ومليحة للبنات ..بالنسبة ليا دركا دخلت في وحد المدرسة خاصة يعلمونا نديرو 30 طبق أكل خاص بشهر رمضان الفضيل بصح أنا نخلصهم ماشي هوما يخلصوني :d والله غير حطة هكدا نتعلموا صوالح جدد على أسرار الطبخ ...

شكرا لك أختي.
​

اممممممم
سخفتينـــــــي
ربي يوفقك انشالله تعودي كيما حورية المطبخ :-r
العفو
شكرا ليــــك سوسن
​

 

[nour mary]

طليتي على قلبي ختي
راني حابة نخدم بصح المشكل وين تخدم ؟و كيفاش نخلي بابا يقبل ؟ههه
اذا صبت خدمة نقولك اوكي
مرسي

ايـــه صعيب باش تلقاي خدمة
مي ان شاء الله
بالاك نتاع الاداة هادوك لي يدو كونجي تقدري تحكمي في بلاصتهم
وراني نستنا باش تقوليلي
العفو
شكرا على المرور رحمة

 

[بنت الـ25]

السلام عليكم نور
موضوع بآهي
:up:
انا يا ختي بالصيف ولا بلا صيف خدامة خدامة
والخدمة متخلاصش خلااااص
سخفت على الفعدة تع الدار :$
مي الحمدلله قاعدة فالبرود لي يدخل يحسدني
هههههههه
:p
بصح كي كنت نقرا كنت نفوت الصيف قاعدة فالدار
خاطيني الخدمة وما كنتش مخممة فيها بصح تعلمت حوايج بزاف مفيدة ليا:up:
بارسكو اخيتك مينات متقيلش خخخخخخ
:p
سلامووو


​

 

[nour mary]

السلام عليكم نور
موضوع بآهي
:up:
انا يا ختي بالصيف ولا بلا صيف خدامة خدامة
والخدمة متخلاصش خلااااص
سخفت على الفعدة تع الدار :$
مي الحمدلله قاعدة فالبرود لي يدخل يحسدني
هههههههه
:p
بصح كي كنت نقرا كنت نفوت الصيف قاعدة فالدار
خاطيني الخدمة وما كنتش مخممة فيها بصح تعلمت حوايج بزاف مفيدة ليا:up:
بارسكو اخيتك مينات متقيلش خخخخخخ
:p
سلامووو


​

ربي يعاونك مينات لعقوبة لينا
مزية لي راكي فالبرود فبيرو بصحتك
علابالك القعدة نتاع الدار تقلقي منها كون ما تلقايش واش ديري تكرهي
مي نستعرف بيك كي راكي ماتقيليش
شكـــرا على المرور نورتي الموضوع
​

 

[iméne09]

راني pــوغ خدمة في الصيف مليحة للولاد ولبنات يدخلو مصيرفة اوموا يعاونو رواحنا مي خيتك ماهيش تاع خدمة مع شغل دار ماسلكناش
مرسي حنونة ​

 

[bilal22]

حنا لعكس ههه
نخدمو طول لعام وفي الصيف نديرو كونجي كاش شهر ونروحو نبحرو ونفوتو ايام ماكله ورقاد
مدامنا لعكس مالا منقدرش نجاوب ههههههه
شكرا لك
​

 

[nour mary]

راني pــوغ خدمة في الصيف مليحة للولاد ولبنات يدخلو مصيرفة اوموا يعاونو رواحنا مي خيتك ماهيش تاع خدمة مع شغل دار ماسلكناش
مرسي حنونة ​

اهلا ايمان
هاديك هي اخدمة مليحة وتعاون
وشغل الدار ماهوش ساهل ربي يعاونك و يعاونا
العفو شكـــــرا على المرور حنونة
​