الـــــــدرس الـــرابع لدورة اللمة الجزائرية لتعليم فنون الطبخ2

[عفاف الجزائرية]

السلام عليكم ورحمة الله وبركاته
نهاركم طيب ان شالله اخواتي
اليوم ننطلق معا في الدرس الالرابع لدورة اللمة لفنون الطبخ
(بالرغم من انه متأخر بيوم لكن فوق اليد وهذا راجع لضروف )

مصران محشي مطبوخ على الفحم
كيك مالح محشي بالحم والفرماج
تورت الفرولة

مصران محشي مطبوخ على الفحم

• بصلة صغيرة
• القليل من الروز
  
• لحم مرحي
• زيتون اخضر مقطع
• فلفل اخضر حار مقطع
• كسبر
• وفطر مقطع
• ملح فلفل اكحل ثوم زعيترة
  

• نجيبو مصران منقي ونضيف
• اطراف لحم او دجاج حاجة قليلة للبنة فقط
  
• حمص
• 1 جومبو
• توابل المرق البيضاء الي هي راس الحانوت ملح فلفل اكحل كسبر مطحون

أول شي نحضرو خليط الحشو

ونشعلو الفحم

في القدرة ندوزنو المرقة نتاعنا
نحطو البصل المرحي مع الثوم الملح الفلفل الاكحل راس الحانوت
نحطو شويا زيت ونمرقو بشويا برك نتاع الماء
بعد ما يغلي ندقدقو فيها الجومبو
ونحطو فيها الحمص ونخلوه يطيب

بعد ذلك نخلطو الحشو مليح في بعضو وحشيو المصران ونخلوه فيه الفراغ شوي
نثقبوه ثقوب صغيرة بالابرة ونربطو الجوانب ونحطوه في الطنجرة نتاعنا

بعد ما يلحق ص طياب نحطو فوقو اللحم المرحي الي بقالنا نديروه كرابع ونحطوه مع شقوق فلفل ونص حبة قارص

ونغطو نخلو يزيد يطيب شوي
بعد ما يطيب نحطو شويا زبدة في مقلاة تيفال ونحمره على الجوانب وبعدها نقدموه
وهذا الشكل النهائي

كيك مالح باللحم المرحي والفرماج

• لحم مرحي
• بصلة مقطعة مربعات
• كأس فرينة
• كأس ونص حليب (حسب عينك)
• باكي خميرة
• جبن عادي
• 2 بيضات
• مغرفة هريسة
• ملح فلفل اكحل

نحطو اللحم المرحي والبصل المقطع مربعات صغيرة مع الملح والفلفل الاكحل ونخلطو اكل مع بعضو

في إناء نحطو بيضتين

نضربو البيض مليح
نضيفو عليه كاس فرينة

بعد ما نخلطو الفرينة مع البيض نضيفو عليه كاس حليب

بعدو نضيفو مغرفة هريسة ملح فلفل اكحل ونخلطو كل شي

نرجعو نحمصو كرابع اللحم المرحي اللي عملناهم ونحطوهم في الخليط نتاع العجينة

نقطعو مثلثات الفرماج على 2 ولا 3 ونرمدوهم في الفرينة نحطوهم تاني في الخليط
ندهنو المول ونرشو عليه الفرينة ونحطو الخليط نتاعنا في المول نتاع الكيك

هنا بعد ما طاب

وهنا لشكل النهائي للكيك

تورت الفرولة

• العجينة المسكرة : 250غ فرينة + 50غ سكر رطب + 125غ زبدة باردة +ملعقة او 2 أكل ماء + قرصة صغيرة ملح
• لاكرام باتيسيار: 20سل حليب + صفار بيضتين + 50غ سكر + 20غ مايزينة +فاني
• لاكرام شانتيي : لاشنتي غبرة وحسب الرغبة باه تحبي تطلعيها يا بالحليب او بعصير الفرولة او حسب الرغبة
• للتزيين لاجولي وفرولة

بعد ما نعجبنو العجينة نفردوها في المول ونثقبوها مليح

بعدهانخلطو لاكرام باتيسيار بخلط المكونات في الاعلى
نسخنو الحليب ونضيفولو نصف كمية السكر
من جهةتانية نحطو باقي السكر وصفار البيص والمايزينة والفاني ونخلطو مليح
نحطو عليهال الحليب اللي سخنناه ونخلطو
ونرجعوه من بعد للاناء ونحطو على الناؤ ونخلطو حتان يتخثر
بعد ما يتخثر نفرغوه في اناء أخر بارد
نطيبو العجينة نتاعنا

بعد ما نطلعو لاشنتيي نخلطوها مع لاكرام باتيسيار

نذوبو الجيلاتين في عصير نتاع لفرولة

بعد ذلك نحطو الخليط فوق التورتة بعد ما طابت
نزينوها بالفرولة

وبعد ما ذابت الجيلاتين
نحطوها خطوط من الفوق

ونحطوها تجمد تحكم روحها مليح بعد ساعة او اثنين نقطعوها وبالصحة علينا وعليكم

إلى هذا الحين نكونو انتهينا من طرح الدرس 4 للدورة
نتمنى انه يروقلكم ويعجبكم ونشوفو تطبيقات ولو قليلة تخلينا نستمرو

ربي يوفقكم ويوفق الجميع

​

 

[رآج ـية العفو]

الله يبـآآآآرك عليك فوفتي الغآآآلية يعطيك الصحة
أطبـآق هآآيلة ربي يحفظك حبيبتي خآصة الكيك المآآلح
يآريت عندي وقت ونقدر نطبقه بصح معليش رمضآن رآه
جآآي وان شـآء الله نجربه موفقة شريكتي ​

 

[sisi 26]

بارك الله فيك كل الأطباق رائعة حنونة
شكرا على كل مجهوداتك التي تقومين بها

 

[ibtesem]

بارك الله فيك فوفتي يعطيك الصحة على الاطباق

 

[tasnim55]

اممممم الله يبارك اعليك يا شاطرة ومشاء الله ديمة مميزة واطباقك رووووووووووعة بمعنى الكليمة يعطيك الصحة اختي عفاف ويوصلك ربي وش متمنية
​

 

[mayameryouma]

يعتيك الصحة ويسلم هادوك اليدين اطباق في منهى الروعة ربي يخليك

 

[حكيك]

اطباااق رائعة :regards01:
بارك الله فيك عفااااف
وخاصة هدا امممممممممممم

​

 

[naGam]

الله يبارك عليك اختي عفاف
يعطيك الصحة

​

 

[s_luna]

ما شاء الله أطباق روعة خصوصا الكيك المالح و التارت امممم
بارك الله فيك عفوفة على الدّرس
​

 

[السلطانة]

يعطيك الصحة عفاف رووووعة
شهيتي لوكان ماجيناش نخدمو في الدار
إن شاء الله نطيبهم في رمضان
مننساوكش من دعاوتنا أختي
سلامي

​

 

[imane27]

يعطيك الصحة عفاف كلش هايل

 

[روعة2005]

ماشاء الله فوفة الطبق الاول طبق كثير هايل ولا بالاحلام خاصة انو مشوي تسلم دياتك ياحلو
والكيك سهل وهايل والتحلية ممممممممممممم عاشت الايادي

 

[fatima_19]

يعطيك الصحة
لااكي بروفيسيونال الله يبارك

 

[nada242008]

يعطيك الصحة عفاعيفو اطباق رائعة ومميزة
المصران درتو وقت العيد الكبير كان نجبد لك صورة التطبيق من الارشيف هههه خطراه مش رايحة نشوفو حتان العيد الجاي هههههههه
تسلم الايادي وربي يحفظك عفوفة

 

[ام ايناس]

ياااه انتوما في الدرس الرابع وانا لاخبر
يعطيك الصحة عفافو كلش يشهي

 

[ام بسومة]

الله الله عليك اختي عفاف
كلشي يشهي
يعطيك الصحة

 

[souhila24]

يعطيك الف عافية بتشهي
​

 

[وردة غرداية]

ممممممممممممممممم
ماكلة تشهي
شكرا ليك و ننتظر ابداعاتك موفقة

 

[bachira 2]

بارك الله فيك اختي عفاف

 

[لينا قطر الندى]

المصران فوووووور بزاااااف