جنواز مع موس كراميل بالنوقاتين

الحالة
مغلق ولا يسمح بالمزيد من الردود.

Soumia hadj mohammed

:: عضو بارز ::
صُنّآع آلمُحْتَوَى
إنضم
28 أوت 2011
المشاركات
7,378
نقاط التفاعل
19,473
النقاط
1,786
محل الإقامة
/
الجنس
أنثى
1697276678785.png
99762

k2.gif
السلام عليكم ورحمة الله
اهلا بكم

القاطو تع اليوم رائع وفيه لذة متخليكش تشبع منو وهدا بسبب النوقاتين
خفيف وتع صيف
راقي جدا
وشنو فيه عدة مراحل
اولا تحضير النوقاتين
ثانيا الجنواز بوصفة وطريقة مختلفة عن سابق لي جنواز لي جربتهم

ثالثا الكريمة

الفكرة كانت من عند ام صديقتي انها تكون التركيبة بين جنواز وهاد لاموس ، تحية للحاجة ام صديقتي
على بركة الله

النوقاتين :

50غ سكر خشن
50غ زبدة
50غ غلوكوز
100غ رقائق اللوز او فول سوداني

image128138.html


نحطو كل من السكر والزبدة والغلوكوز في مقلاة على نار متوسطة حتى يوصل لدرجة الغليان نضيف رقائق اللوز او رقائق الفول السوداني والاضافة تتم بعيدا عن النار ونخلط حتى يندمجو مليح
image128139.html

على ورق سيليكون نفرش الخليط ونواسي طبقة رقيقة ونحاولو بسرعة لانو كل ما برد الخليط يصعب تسوية الطبقة وذلك راجع لقوام الغلوكوز .


image128137.html


ندخلو النوقاتين للفرن على درجة 180 مع مراقبتها ن كي تاخذ لون ذهبي قريب للبني نحوها
ملاحظة : لي ستعملت ورق الطهي بدل من السيليكون ولصق تبلل يدها وتمررها على الورق ثواني ويتنحى بسهولة ويتنحى قاااع هه
image128140.html


بعدها نكسروها الى قطع صغيرة نحتفظو بالقليل للتزيين والباقي نرحوه مليح واللي يترحى راح يولي وحدو مثل عجينة وذوق بزااااااااااف رائع لذييييذ
image128141.html


image128143.html


الجنواز :

4 بيض
125 غ سكر عادي
125 غ فرينة
عطر فاني
ملعقة سكر ناعم
-الي تخاف دير على راس الموس خميرة الحلوى -


يفصل الصفار عن البياض
نطلعو الصفار مع السكر العادي حتى يتضاعف حجمو ونضيفو العطر ونخلطو
نطلعو البياض مع قرصة ملح حتى يتريبلا حجمو نضيفو ملعقة كبيرة سكر ناعم

بعدها نضيف خليط البياض على الصفار شوي شوي مع الخلط على مهل حتى نكملو ولي تخاف تزيد على راس الموس خميرة الحوى
image128145.html

نحطوها في مول كبيرة على ورق الطهي ونقوم بتسويتها كي شغل راح تعملي جنواز تع بسكوي رولي ونخلوها طيب

نكرر العملية مرة اخرى لكن هنا نمزج الفرينة مع الكاكاو لاننا بصدد عمل طبقة بنية او سوداء
image128144.html




image128146.html


موس كراميل بالنوقاتين :

2 صفار بيض
30غ سكر خشن
75غ من الماء
270غ من الحليب
12 غ جيلاتين اوراق - انا استعملت بودر
190غ سكر خشن
550غ كريمة سائلة - من الافضل HOPLA

image128147.html

تحضير الكيرمة الانجليزية :

في كسرونة نضع صفار البيض مع 30غ سكر نخلطوهم مليح ونضيفو الحليب
نحظو جيلاتين مع الماء تذوب
نحط في كسرونة اخرى 190 غ سكر مع ملعقتين ماء على نار هااادئة حتى يذوب وحدو فالاول راح يتشكل فقعات وبعدها يرجع السكر ياخذ شكلو الاول اي حبيبات خشنة
بعدها خلوه على نار متوسطة دون تحريك
بعدما يجهز الكراميل راح نضيفولو 75غ ماء ساخن جدا وهده الاضافة تتم بعيدا ع النار وبوتيرة متقطعة
بعدها راح نضيفو هد الخليط للخليط الاول تع صفار البيض بعدها نحطوه على نار متوسطة للحصول على كريمة انجليزية
نستمر في التحريك حتى الحصول على قوام ثقيل
image128148.html

خارج النار نضيف الجيلاتين ونحرك
image128149.html

كي تبرد الكريمة الانجيليزية نبداو نضيفو الكريمة المخفوقة بشوي ونخلطو بالفوي
في اخر المطاف نضيف للكريمة النوقاتين الي حضرناها فالاول
image128150.html

هنا كلش راهو جاهز
نجيبو مول مربع او مستطيل مهم يكون ب 15 او 20 سم - انا لي ستعملتو كبير وهدا ماخلاش لاموس تبان كطبقة اما في التجربة الاولى كانت الطبقات واضحة -
سي نو ضاعفو من كمية الكريمة


نحظ فالمول الطبقة الاولى جنواز بيضا ونشربها بالسيرو مليح
ثم نعمل طبقة من الكريمة
ثم طبقة من الجنواز تع الكاكاو ونشربها مليح بالسيرو
ثم اخر طبقة بالكريمة ونحطوها في المجمد لمدة 24 ساعة

بعدما نخرجوها من المجمد نصبرو شوي ونبداو تقطيع

التجربة الاولى غطيت السطح بصوص كراميل
اما الثانية بكريمة شانتي وصوص كراميل


image128152.html



image128153.html


وهدو تع المرة الاولى
image128154.html



image128155.html


image128156.html


image128157.html








 
آخر تعديل بواسطة المشرف:
السلام عليكم
ماشاء الله
وصفة تشهي ان شاء الله نجربها و نرجعلك بالخبر
في انتظار جديد وصفاتك المميزة دائما
تقبلي تحياتي​
 
الله الله
سمية هنا خلاص نجيب ليك خاطب و انا الضامن فيك ههههههه
و الله شي اقرب للخيال عجب المدام يااسر والله

مااشاااء الله تبااارك الله
 
السلام عليكم ورحمة الل وركاته
ماشاء الله على الوصفة الرائعة والله باينة تشهي وحببتيني اني نجربها
بارك الله فيك اختي سمية في انتظار اطباقك المميزة
دمتي
 
السلام عليكم
ماشاء الله
وصفة تشهي ان شاء الله نجربها و نرجعلك بالخبر
في انتظار جديد وصفاتك المميزة دائما
تقبلي تحياتي​
السلام عليكم ورحمة الل وركاته
ماشاء الله على الوصفة الرائعة والله باينة تشهي وحببتيني اني نجربها
بارك الله فيك اختي سمية في انتظار اطباقك المميزة
دمتي
السلام عليكن حراير اللمة
راني جمعت ردودكم باش نمدلكم برك وصايا
بالنسبة للنوقاتين راهي سهلة فالتحضير برك كي تحطوها فوق السيليكون اسرعوا في بسطها
الجنواز ردو بالكم عليها فالفرن وكي تنحوها ما تخلوهاش فالصينية مخاطر هكذا تعرق وكي تعرق راح تتعجن شوي
الوغ اقلبوها فوق منديل ونحي ورق الطهي بحذر
الكريمة الانجليزية تطيب مع التحريك وباش تعرفي قوامها عاد ثقيل هزي الملعقة لي راكي تخدمي بيها ويكون فيها شوي سائل عملي باصبك خط فالوسط اذا ما رجعش وتلاقت الكريمة معناها نضجت
الكريمة السائلة استخدمو HOPLA
اذا ستعملتو مول كبير ضاعفو من المقادير تع لاموس

اتمنى لكن التوفيق

في انتظار مشاركتكن التطبيق
 
السلام عليكن حراير اللمة
راني جمعت ردودكم باش نمدلكم برك وصايا
بالنسبة للنوقاتين راهي سهلة فالتحضير برك كي تحطوها فوق السيليكون اسرعوا في بسطها
الجنواز ردو بالكم عليها فالفرن وكي تنحوها ما تخلوهاش فالصينية مخاطر هكذا تعرق وكي تعرق راح تتعجن شوي
الوغ اقلبوها فوق منديل ونحي ورق الطهي بحذر
الكريمة الانجليزية تطيب مع التحريك وباش تعرفي قوامها عاد ثقيل هزي الملعقة لي راكي تخدمي بيها ويكون فيها شوي سائل عملي باصبك خط فالوسط اذا ما رجعش وتلاقت الكريمة معناها نضجت
الكريمة السائلة استخدمو HOPLA
اذا ستعملتو مول كبير ضاعفو من المقادير تع لاموس

اتمنى لكن التوفيق

في انتظار مشاركتكن التطبيق
بارك الله فيكي حبيبتي
 
الله الله
سمية هنا خلاص نجيب ليك خاطب و انا الضامن فيك ههههههه
و الله شي اقرب للخيال عجب المدام يااسر والله

مااشاااء الله تبااارك الله

ديرني الحشوم هههه واذا جا شتكالك شي نهار هههه خخخخخخخخ
نقلك والله مثل كانو يباع في محل حلويات
وشنو برك قلها تتبع الخطوات كلها وزيد تقرا ملاحظات لي زدتها فالاقتباس للاخوات

ربي يبارك فيك
 
يااااااااااااااااااااتلا نسيييييييت نقلكم
االمول لي تحطو فيه الطبقات يكون مول فيه الحواف فقط يعني لا يحتوي على القاعدة
باش كي يتجمد القاطو يسهل علينا نزعه
@ام أمينة
@ملكة زوجي
 
الله الله، والله شكل قطع الكيك ينفع للعزايم والحفلات العائلية
تسلم ايديكِ والله عجبتني كتييير ان شاء الله بعملها
بما انو عندي كل شي
تسلم ايديكِ يا عسل على الوصفة التحفة​
 
الله الله، والله شكل قطع الكيك ينفع للعزايم والحفلات العائلية
تسلم ايديكِ والله عجبتني كتييير ان شاء الله بعملها
بما انو عندي كل شي
تسلم ايديكِ يا عسل على الوصفة التحفة​
اكييد ينفع للعزايم
ولك مداقه كثيييير طيب ما ينشبع
هاه عملتيها ولا لا ؟؟؟
الله يسلمك يا غالية
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top