فيلي الصول بالصلصة

[loula09]

االسلام عليكم ورحمة الله تعالى وبركاته



لصول اليوم حطيتلكم وصفة سهلة التحضير و لذيذة جدا نتمنى جربوها

المقادير
فيلي الصول
2 حبات طماطم كبيرة
ثوم
زعيترة
رند
شرائح الجبن
ملح فلفل اسود
فرينة
بيض
زيت للقلي
ليمون


التحضير
قطعي فيلي الصول على 2 و ديرلو ملح فلفل اسود و عصير ليمونة وخليه يشرب مليح التتبيلة
امبعد رمديه في فرينة ثم البيض وعاودي رجعيه في الفرينة واقليه
في مقلاة حضري الصلصة طماطم مبشورة ثوم مسحوق ملح فلفل اسود زعيترة ورند و شويا زيت وخليها طيب
جيبي بلاطو تاع فرن ديري شويا صلصة امبعد ديري قطعة صول فوقها شريحة جبن كما لنديروها في الهمبرغر و عاودي غلقي قطعة صول وحطي فوقهم الصلصة لي بقات دخليها للفرن 5 دقايق وخرجيها وشهية طيبة

 

[oumniati]

bayen tyabek bnine ya loula wine kounti mkhabia 3lina, ya3tik saha oukhti w marhba bik m3ana

 

[loula09]

شكرا ليك اختي امنيتي هذا من ذوقك

 

[ibtesem]

بارك الله فيك لولة على الوصفة

 

[حكيك]

اممممممممممممممم يشهي
بصحتكم

 

[loula09]

شكرا حيبباتي للمرور العطر نورتن الموضوع

 

[نجـStarــمة]

سلمت الأيادي أختي
رائع يعطيك الصحة
تحيآآتي..



​

 

[imane27]

شكرا على الوصفة لولا يشهى