شاوية قبائل عرب موضوع شوية حساس

[الرومنسي الجاد]

سلآمو ..

ـــههههه كلامك شوي شوي يضحكـ

شوف خونــا أنا شاوي و الشاوية لغتنا و لغة جدادنا وهي اصلنــا و تراثنــا

و تجي نشعة كي نتلاقاو و نهدرو بالعربية بيناتنا و ننساو الشاوية

علاه نتا كي تريح مع Gـاوري تهدر فرونسي ..؟ راهم ف كل ولايات الدزاير و راك تعرف

العربي ينسا لغتو Mais القبايلي و الشاوي لا

 

[ĂÝǾΰb]

السلام عليكم
منعرف لغة قوم أمن مكرهم
خويا أنا شاوي ميروحش بالك لبعيد خير ان شاء الله
نقلك كي تكون انت تهدر مثلا مع شاوي ولا قبايلي يحكي معاك بالدارجة عادي علبالو بلي ما تفهموش مي كي يكون يحكي مع لي يعرف لغتو يحكي بيها ممكن بلا ما يحس بلي راهو قاسك برك هو يصيب راحتو كي يحكي بلغتو عادي

و ما فيهاش عيب خرجهالهم طاي طاي ههههه
قلهم اهدرو هدرة نفهموها كامل ولا نسير في حكم الله ههههه
ربي يوفقك خويا
​

 

[الورد الأحمر]

السلام عليكم
,
من الأداب والأخلاق والتربية
أنو هذو صحاب اللغات الشاوية والقبائلية والسوفي و و و
أنهم يتكلموا عربي قدام الناس لي ما تفهمش اللغات هذي
لأنو حتى وما كانوش يهدرو عليهم الانسان يشك ويتوسوس
مع أنو هو خاطيه هوما لي مش متربيين والعبد يديها من روحو
مثلا وقت نكوو نحكيو في حكايات ويكون دراري صغار معانا
باش ما يفهموش نقلبوها فرنسي ولا انجليزي يبقاو الدراري
يخرجو في عينيهم ومش فاهمين حاجة يعني لا مام شوز
الصراحة جامي صراتلي تاع زوج من الكاثيقوغي لي تحكي
عليها هدرو قدامي بلغة ما نعرفهاش والصراحة اني أكيد
كان صراتلي رايحة نهدرهالهم في وجهم بلي مش متربيين
وقليلين أدب ,,, شكرا وسلآمي لك
​

 

[ђĩหđǿĉħǻ]

معك حق في الموضوع بصراحة موضوعك رائع عجبني كان جاي النهار وين نطرح موضوع كيما نتاعك بالضبط
انا تاني نحس بنفس الاحساس هي في الحقيقة مجاياش انك تبدل الهدرة مع وحداخر و خاصة في جماعة و لا مع احد من الاصدقاء اذا كان شاوي مع شاوي وحدهم معليش هما حرين و لكن مع احد غريب لا يحق لهما
و معك حق كلنا نحسو انو فيه خلل في الموضوع و كلنا نقولوا راهم يحكو علينا و لا يعيبو علينا
هذه الطريقة تفسد المجتمع نتاعنا للاسف
لكل منطقة و لكل ولاية لغة معينة و لهجة خاصة و لكن يجب اتقان اللغة اللتي يفهمها كل الجزاائريين

انتظر الجديد و شكرا على الموضوع / تحياتي
​

 

[Fethi.dz]

لما تكون في جماعة تكلم بلغة يفهمها الجميع فهذا يدل على ان الشخص المتكلم دو اصل وفصل وصاحب اخلاق عالية اما ان نتكلم بلغة لا تفهمها الجماعة التي تتكلم في وسطها فهذا فيه تقليل من إحترام الغير.

أنا جد مستغرب من البعض انه اخد على عاتقه من بعض الردود ان اللهجة الأمازيغية هي عار ومن يتحدث بها فهو غير خلوق الى ما ذلك من كلام...!!


(( الموضوع واضح جداً )) : هل من سمات الفرد ومن الاخلاق ان يتحدث بين مجموعة بلهجة لا يفهمها الجميع ؟؟

يعني : انا عندما اكون بين مجموعة فيها 2 يفهمون اللهجة الأمازغية والبقية لا يفهمونها ااتحدث بالأمازيغية وكأن البقية أعمدة لا وجود لها ؟؟

نرجو من البعض ان لا تأخده الحمية كثيراً بردود تهجمية على البعض.

شكراً

 

[انتصار*]

سلآمو ..

ـــههههه كلامك شوي شوي يضحكـ

شوف خونــا أنا شاوي و الشاوية لغتنا و لغة جدادنا وهي اصلنــا و تراثنــا

و تجي نشعة كي نتلاقاو و نهدرو بالعربية بيناتنا و ننساو الشاوية

علاه نتا كي تريح مع Gـاوري تهدر فرونسي ..؟ راهم ف كل ولايات الدزاير و راك تعرف

العربي ينسا لغتو Mais القبايلي و الشاوي لا

شكرا اخي على التوضيح واتمنى من البقية يقرو مليح الردود ولما لا اعاودوها 10 مرات صاحب الموضوع قال قبايل شاوية وعرب اذا كان متربيين متربيين قاع واذا ماشي متربين ماشي متربيين قاع:regards01:
​

 

[بنت الـ25]

سلام عليكم محمد علي
صح عندك حق هاد الظاهرة روماركيتها في كل بلاصة
مرة فالبيس تع الجامعة كنت مع صحاباتي
مبعد طلع واحد زميلنا قبايلي وكان معاه صاحبو
جى زميلنا وقف معانا ويحكي ممبعد نلقاو صاحبو هداك بدا يشوف معانا
ويحكي معاه بالقبايلي ويضحكو
وحدة من لبنات صحاباتي دمها سخون شوي هههه محملتش وقاتلو:
ايواااااا يا تهدر كيفنا يا تهز بعضاك وتروح
:-h
*****
ونلقاوها تاني عند بني مزاب احنا عندنا في قسنطينة بزاف محلات تعهم
تلقاهم يحكيو معاك (كمشتري) نورمال مي مع بعضاهم يحكيو بلهجة غير مفهومة لينا :-o
هنا مفهمتش السبب:s
*****
كيما قلت محمد علي هادي قليل لي يديروها
وراهي عادة سيئة سيرتو كي يكونو في وسط ناس ميفهموش هاد اللهجة
يا سدي معاكم طرف ثالث وحاب تنمشر فيه؟ خليه يروح ومنشر في ظهرو :down:
ولا كان حاب تحكي مع صاحبك في امر خاص كيف كيف
كي يروح الطرف الثالث يخليلك المجال
وربي يهدينا ويخلينا أمة وحدة

مشكور عالموضوع
​

 

[نسيــم البرج]

لما تكون في جماعة تكلم بلغة يفهمها الجميع فهذا يدل على ان الشخص المتكلم دو اصل وفصل وصاحب اخلاق عالية اما ان نتكلم بلغة لا تفهمها الجماعة التي تتكلم في وسطها فهذا فيه تقليل من إحترام الغير.

أنا جد مستغرب من البعض انه اخد على عاتقه من بعض الردود ان اللهجة الأمازيغية هي عار ومن يتحدث بها فهو غير خلوق الى ما ذلك من كلام...!!


(( الموضوع واضح جداً )) : هل من سمات الفرد ومن الاخلاق ان يتحدث بين مجموعة بلهجة لا يفهمها الجميع ؟؟

يعني : انا عندما اكون بين مجموعة فيها 2 يفهمون اللهجة الأمازغية والبقية لا يفهمونها ااتحدث بالأمازيغية وكأن البقية أعمدة لا وجود لها ؟؟

نرجو من البعض ان لا تأخده الحمية كثيراً بردود تهجمية على البعض.

شكراً

السّلام عليكم ورحمة الله تعالى وبركاته.
بارك الله فيك...وهو كذلك. وهذا من النّجوى وهو حرام.
​

 

[نسيــم البرج]

ونلقاوها تاني عند بني مزاب احنا عندنا في قسنطينة بزاف محلات تعهم
تلقاهم يحكيو معاك (كمشتري) نورمال مي مع بعضاهم يحكيو بلهجة غير مفهومة لينا :-o
هنا مفهمتش السبب:s

​

السّلام عليكم.
بني مزاب ما تخافيش منهم، راه عندهم عادات وتقاليد صارمة. وراهم ما يمنشروش.
زيدي راكي دخلت لعندو للمحل وما هوش يهدر معاك انت...يعني لاباس.
الموضوع هو كي تكونو في جماعة ويدخل واحد بيناتكم بالهدرة الغير مفهومة، سواء كانت لهجة جزائرية وإلا عربية وإلّا غربية.
فكّرتيني في الأستاذ الدّكتورمولود قاسم رحمه الله مرّة يهدر مع واحد الوفد إيراني في المؤتمر الإسلامي نهار كانت الجزائر بخير عليها، ناض واحد منهم يهدر بالفارسيّة والأستاذ فهم عليه وضحك وقالو: تحب نهدرلك بلغة ما تفهمها لا أنت لا المترجم نتاعك-القبائلية- ويقال أنّ كلامه كان موجّها لشاه إيران..
جزاكم الله خيرا.





​

 

[sarah.staifia]

اه والله غير صح كاينة منها انا عن نفسي تجيني قلة أدب و احترام باسكو عيب عليكم تكونو قاعدين في جماعة يجي واحد ملغري يكون صحبكم ولالا وتبدلو اللهجة تاعكم ولا اللغة تاعكم باه ما يفهمكمش انا و الله كون تصرالي تجيني ام يحكيو علي ولا حابين يهدرو هدرة مهمش حابيني نعرفها و في لخ انا نقول وكتاه نثقفوا و نترقاو في الفكر تاعنا و نبطلو من les jestes سامطين هاذو موضوع باهي يعطيك الصحة

 

[MĭŠš Čhŏů]

انا شاوية ولا أتقن الشاوية ولكن افهمها
وعندي صحباتي يهدروها
وماكان حى بروبلام لاني افهمهم ويفهموني ونفهمو كل بعض
وما تنساش انو مشي اللي يهدروا لهجة اخرى يكونوا مخبيين عليك حاجة
بلاك هاداك اللي مساعدهم تفهموا العباد واذا كان كلمة ما لازمش تسمعها ماراحش تسمعها بالسيف حاجة بيناتهم تبقى بيناتهم وحتى كي يشوفوك يسكتو ماشها جاست
يعني كي يهدرو بلهجة ما تفهمهاش افهم روحك بلي راك خاطي الموضوع


ارجو تقبل مروري
​

 

[*ليديا*]

وعليكم السلام ورحمة الله وبركاته
هذي غلطة كبيرة واي واحد يتحط في الموقف هذا ما يعجبوش الحال
مام ما يحكوش على الي معاهم مي لازم الابتعاد عن الشبهات
يعطيك الصحة على الموضوع
​

 

[winrar]

الاسلام نهي ان يتناجي اثنان من دون ثالث فما بالك كيهدرو 2 بهجتهم وال 3 ما فاهم والو

 

[ghezal32]

salam alikom rani nechouf rah qawi soue adan surtout 3la la qbayel
li rah ikhamem belli rahom yehkou 3lih hada rebbi yechfih henna qbayel c est difficile wahed qbayli yehder me3a qbayli b le3arbiya zid ida kanou jema3a imala rebhet hadi welf bark ou makan walou

 

[mohamed ali 1992]

كاين امر انتم متعرفوشو انو الامازيغ كي يتلقاو مع بعضاهم من العيب والعار يتكلمو بلغة غير لغتهم هذا السبب
عكسنا خنا تماما نتكلمو بلغة معندهاش اصل اسمع هذي سمعتها هذ ليمات جوار تيرى البالون مركا بيت ...بمعنى لاعب قذف الكرة سجل هدف.........الامازيغ لما يتكلمو لغتهم لا يستعملو العربية وللا الفرنسية ولى اي لغة اخرى لذالك مزالت عايشة منذ قرون .....سؤال وعلاه تتكلمو بالعربية وقدامكم امازيغي وعلاه تتكلمو الفرنسية لمعوجة وانتم عرب؟؟؟
​

السلام عليكم..
مرحبا بك وشكرا لمشاركتكـ لنا في هذا الطرح
معلومة جديدة أطلعتيني عليها كنت أجهلها,,
كلامك طيب,,,لكن حبيت نقول شيئ الشاوية ولا القبائلية فيهم ياسر
يعرفوا يعني اللغة العربية ويفهموها,,,بصح العرب العاديين مايفهموش الشاوية ولا القبائلية ,,,
أنا كنت نقصد كيما ذكر الاخ فتحي ووضح الموضوع بارك الله فيه
يعني مش مليح انسان يتحدث وسط جماعة بلغة مخالفة بحيث يدب في قلب الأشخاص الآخرين أنهم يحكوا عليهم بسوء هذا ماكان,,,

 

[رضوة الجزائرية]

بالنسبةليا نكره القبلية كلنا ولاد تسعة وربنا واحد وعلاش تفرقة كانقول كلمة الحمد لله الارض تجمع كل شي الشاوي والقبائلي والكافر والمسلم والفقير والغني وكنا نتحاسبو علاش هد التفرقة​

 

[mohamed ali 1992]

سلآمو ..
ـــههههه كلامك شوي شوي يضحكـ
شوف خونــا أنا شاوي و الشاوية لغتنا و لغة جدادنا وهي اصلنــا و تراثنــا
و تجي نشعة كي نتلاقاو و نهدرو بالعربية بيناتنا و ننساو الشاوية
علاه نتا كي تريح مع gـاوري تهدر فرونسي ..؟ راهم ف كل ولايات الدزاير و راك تعرف
العربي ينسا لغتو mais القبايلي و الشاوي لا

وعليكم السلام ورحمة الله ,,,
ربي يدوم ضحكتك ان شاء الله,,
التمسك بالقيم والأصالة شيئ جميل أخي القيصر
اما الموضوع الي نحكي فيه مش هذا,,,
شكرا ليك,,,

 

[mohamed ali 1992]

السلام عليكم
منعرف لغة قوم أمن مكرهم
خويا أنا شاوي ميروحش بالك لبعيد خير ان شاء الله
نقلك كي تكون انت تهدر مثلا مع شاوي ولا قبايلي يحكي معاك بالدارجة عادي علبالو بلي ما تفهموش مي كي يكون يحكي مع لي يعرف لغتو يحكي بيها ممكن بلا ما يحس بلي راهو قاسك برك هو يصيب راحتو كي يحكي بلغتو عادي

و ما فيهاش عيب خرجهالهم طاي طاي ههههه
قلهم اهدرو هدرة نفهموها كامل ولا نسير في حكم الله ههههه
ربي يوفقك خويا
​

وعليكم السلام ورحمة الله
لالا بالي ديما قريب ان شاء الله :$
كلنا أخوة وأصدقاء ماتخممش بلي راح نروح بعيد
بعقلي,,
نسقسيك مثلا واحد يحكي معاك بالوهرانية انت ماتفهموش
يعني أنت كشاوي انا نظن عادي كلامه يجيك مفهوم بصح الشاوية والقبائلية يعني تجي صعيبة للناس باش يفهموها ..
شكرا ليك سعدت بمرورك وياربي يوفقنا آجمعين لما فيه صلاح لأنفسنا ..

 

[mohgladiator]

الصراحة خويا
انا واحد يديرلي هاد الجاست
نقولو زوج كلمات
و الله مانخليه
مش جاست هادا

​

 

[mohamed ali 1992]

السلام عليكم
,
من الأداب والأخلاق والتربية
أنو هذو صحاب اللغات الشاوية والقبائلية والسوفي و و و
أنهم يتكلموا عربي قدام الناس لي ما تفهمش اللغات هذي
لأنو حتى وما كانوش يهدرو عليهم الانسان يشك ويتوسوس
مع أنو هو خاطيه هوما لي مش متربيين والعبد يديها من روحو
مثلا وقت نكوو نحكيو في حكايات ويكون دراري صغار معانا
باش ما يفهموش نقلبوها فرنسي ولا انجليزي يبقاو الدراري
يخرجو في عينيهم ومش فاهمين حاجة يعني لا مام شوز
الصراحة جامي صراتلي تاع زوج من الكاثيقوغي لي تحكي
عليها هدرو قدامي بلغة ما نعرفهاش والصراحة اني أكيد
كان صراتلي رايحة نهدرهالهم في وجهم بلي مش متربيين
وقليلين أدب ,,, شكرا وسلآمي لك
​

السلام عليكم ورحمة الله
كلام طيب شكرا على مرورك الطيب
من الأفضل الإنسان يتجنب الأشياء هذه باش مايحسسش
غيره بأي إحساس سلبي,,لأنو حتى هو اذا تمادى في هذا الفعل
رايح غيره يتعامل معاه بهذه الطريقة,,وقادرة هذه العملية تساهم
في النميمة وتنشر أخلاق قبيحة...
بارك الله فيك