راني كرهت حياتي كاش حل

[hadjer 1996]

سلام وشراكم
ليوم حبيت نشاركم في بعض مشاكلي اليومية
راني كرهت حياتي من ليكول على خاطر صديقات
خاينيني بزاف وروني وش ندير معاهم

 

[sahiko hamza]

بالعقل برك دوك توالفي عليهم وتعرفي مع من تمشي
كون تقعدي تبعي اي ماتفراش .. ّ
​

 

[sou sou ta]

السلام عليكم

في هذه الوقت قليل ونت تلقا الصاحب المليح
مي اذا بديتي توريهم نقطة ضعفك يستغلوك
نورمال تمشي معاهم مي متخليهمش يدو منك كلشي ومتحكيلهمش اسرارك ..
واذا درتي عليهم كما قال الاخ متفراش

​

 

[أم عبد الله]

سلام وشراكم
وعليكم السلام اختي
ليوم حبيت نشاركم في بعض مشاكلي اليومية
ونحن في الاستماع
راني كرهت حياتي من ليكول على خاطر صديقات
خاينيني بزاف وروني وش ندير معاهم

هههههههههه غاليتي
هذا هو الواقع اصدقاء الدراسة واصدقاء الشارع ووو
يلزم برك تتعلمي كيفاه تتعاملي معاهم
وزيد مايلزمش تهدري ع خصوصياتك قدامهم باه مايمسكو عليك اي ممسك

وربي يوفقك
سلامي

 

[كاترين]

:s ما تحتاجيش صحابات باش تثبتي نفسك ووجودك
و اللي يخونك مرة يقدر يخونك الف مرة
انا ننصحك ، حوسي صحابات تقدري توثقي فيهم و اهم حاجة
تكون سمعتهم مليحة
و ما ديري على حتى وحدة
و ما تبقايش تبعي فيهم بينيلهم باللي الحياة ماشي غير بيهم
و ربي يعينك حبيبة
​

 

[بنت الـ25]

السلام عليكم

راني كرهت حياتي من ليكول على خاطر صديقات
خاينيني بزاف وروني وش ندير معاهم

اختي عمرك ولا تخلي أي شخص يكرهك فالقراية
سواء كانو أساتذة ولا زملاء ولا أصدقاء
ثاني حاجة واللي سطرتها بالأحمر نعتبر الخاينات لسن بصديقات
فالصداقة تعني الثقة الأمانة المودة والألفة
وبما انو لبنات اللي تحكي عليهم ما تنطبقش عليهم المواصفات متقدريش تصنفيهم في خانة الصديقات
الحل انك تبعدي عليهم وتفتشي على بنات عندهم نفس اهتماماتك نفس مستواك الفكري والأخلاقي
يقولو " الأرواح جنود مجندة ما تعارف منها ائتلف وما تنافر منها اختلف"
نتمنى تبقاي متابعة للردود وتخبرينا بجديدك ديما هاجر
​

 

[NABILA NIHAL]

atamana laki anadjah

rabi m3ak

 

[وجع الظلم]

اولا شكرا على شجاعتك
ثانيا يا اختي فرق كبير بين الماء والمطر ليس كل الاصدقاء اوفياء والمشكل ليس في الاصدقاء المشكلة فينا نحن نمنح كل اسرارنا للناس دون حذر وعندما نتلقى الضربة نلومهم على خيانتهم اذا كنا نحن لا نستطيع تحمل السر هل نلوم من افشاه لالالالالالالالا
لذا عليك ان تكوني حكيمة في الحياة
نحن نذهب الى المدرسة لنتعلم ونستفيد ولا باس ان نبني صدقات لكن لا نبنيها على اسرار عائلتنا واسرارنا الخاصة المشكلة فيك كوني حذرة قوية الشخصية ولا تكثري من الاصدقاء لان كثير لصحاب يبقى دائما بلا صاحب وهذه هي الحياة كل يوم نتعلم منها حكمة
واعطيك سر اخر كل خطىء وطيحة تعلمي منها اياك ان تفشلي لان الطفل الصغير من كثرت العثر يتعلم المشيء
وبالتوفيق ان شاء الله ونحن في الخدمة اي شيء ادخلي وفرغي قلبك

 

[بلقيس لينا]

احسن شي للبنت مداصرش انا كنت نروح وحدي ونجي وحدي اخر وحدة تدخل ليكول واول وحدة تخرج منو رانا في وقت مكاش صحابات ومكاش ليحبك لوجه الله خوذي حذرك اختي مديريش لمان في بنات هذا الوقت وجامي تحكي اسرارك ليهم لانهم في الدورة يحكموك وتما راحت عليك امشي الحيط لحيط عندك يماك خواتاك قصري معاهم وديجا حطي راسك في قرايتك روحي تحفظي القراية راهم يقولو بلي صعابت وانتي عندك الوقت تعمري راسك بالبنات

 

[assinat]

mala bedli had s7abat
w choufi li tel9ay ra7tek w sla7ek m3ahom

.
​

 

[بودبوز]

كيما قالـولك خيري صحابات لي يوالموك
و تلقاي معاهم راحتــك

ان شاء الله يتحل مشكلك
​

 

[hadjer 1996]

السلام عليكم​

اختي عمرك ولا تخلي أي شخص يكرهك فالقراية
سواء كانو أساتذة ولا زملاء ولا أصدقاء
ثاني حاجة واللي سطرتها بالأحمر نعتبر الخاينات لسن بصديقات
فالصداقة تعني الثقة الأمانة المودة والألفة
وبما انو لبنات اللي تحكي عليهم ما تنطبقش عليهم المواصفات متقدريش تصنفيهم في خانة الصديقات
الحل انك تبعدي عليهم وتفتشي على بنات عندهم نفس اهتماماتك نفس مستواك الفكري والأخلاقي
يقولو " الأرواح جنود مجندة ما تعارف منها ائتلف وما تنافر منها اختلف"
نتمنى تبقاي متابعة للردود وتخبرينا بجديدك ديما هاجر​

ختي مرسي على ومام النصيحة
مي هادو عشرت 11 عام اون بيلس طفولة كملتها معاهم مقدرتش نبعدهم على خاطر نحبهم من قلبي مي هوما يخونوني بزاف ما تقدريش تحسي بيا

 

[عابر سبيل12]

يااختي 16 فقط وتقولي كرهت ؟؟

من اجل بعض الاشخاص ..او شلة من المراهقات ..تكرهين الحياة ؟؟
واي طابع يكتسي هاته الخيانة ؟؟

اهي امور حياتية او انها قضايا اجتماعية ؟؟ او انكن بصدد مشاريع مستقبلية ؟؟
يااختنا في الله مازلتي في عمر الزهور ..ومازال طابع الطفولة يكتسي عالمكن

فان انت لاقيتي من صديقاتك الغدر وسوء المعاشرة ..فاستبدليهن باحسن منهن
فان جل الامور لهو ولعب ... وكما قيل من قبل ..قل لي من تصاحب اقل لك من انت

فوالله لان مصادقت اخيار الناس لمن محاسن البشر ..ولان الاخيار كثر
والصديق من صادقك لوجه الله

حاولي تغيير كل من لايتماشى مع طريقة تفكيرك ومن لايبادلك الوفاء والاخلاص
واله المستعان

​

 

[hadjer 1996]

شكرا والله راكم ريحتوني

 

[بلقيس لينا]

ان شاء الله تكون مشكلتك حلت اختي وتكوني خدمتي في الامتحانات وتفرحي والديك

 

[M3TaZ eLLMa]

السلام عليكم

أولا حبيت نرحب بأخت هاجر

يأخت الطيبة عمرك لا تفرطي في دراستك وهي اساس مستقبلك نهائيا ولا تتخيلي ان تتركيها ابدا وابدا وابدا مهما صاااار الدراسة راهي مستقبل وانت تعلمين نحن في زمن العولمة وأي عمل اصبح بالمستوى يأخت فلا تضيعي فرصة ثمينة سيأتي اليوم الذي تندمين فيه عليها .. والله العظيم غير تندمي لأني مررت بالتجربة ابعدتني عن الدراسة وعلى شيء تافه جدا ضيعت مستقبل كنت قادر نحسن مستواي لكن ؟؟؟ لهذا نتمنى منك من أعماقي أنك تغيري طريقتك في تعامل مع الاصدقاء وتختاري الرفيقة الحسنة التي تخاف الله وتخاف عليك ...

ولا تضيعي فرصة ستحاسبين عليها يوم القيامة والحل عندك وساهل جدا جدا

لا تخطلتي بهم نهائيا وبتعدي عنهم لأنهم خانو عهد الصداقة ..

لهذا أخت فكري مليح وخلي اهتمامك كامل لنيل الشهادة العليا التي تطمحين إليها ..

ورجعي دائما إلى الله سبحانو تعالى وكلي ربي على رفقاتك لأنهم ظلموك وربي إن شاء الله يفرجها عليك

أمااانة عليك أنك تحبسي دراستك على تفاهات يأختاااه الطيبة ادرسي مليح مستقبلك وتوكلي على الله

وربي راح يفرجها عليك

وربي ينجحك ويعطيك ما تتمني يارب

تحياتي ​

 

[la_safa]

اختي الوآحد مآلآزمش يبني حيآتو على وحآيد ,
يعني كي يغيبو صآي تكرهي حيآتكـ و تعيشي فِ دوآمة , لآلآ مش هكآ
عيشي حيآتكـ لروحكـ .. و اقرآي قرآيتكـ لروحكـ ..
و أخطيكـ من لبنآت والله رآهم غدآرآت ~
و نصيحتي ليكـ قرآيتكـ ثم قرآيتكـ ثم قرآيتكـ

و ربي يوفقكـ
​

 

[lemia23]

اصاحبتي في كل بلاصة فيهم لمليح وفيهم لقبيح
مالا اعرفي كيفاه تمشي معاهم ولا بدليهم خلاه
ربي معاك اختي هاجر

 

[همس الوُرود]

شوفي ختي مادام صحاباتك خاينينك ماتقوليش صحاباتي
وواش لازمك تديري أنا رايي لازم تعيشي حياتك أضحكي تمهبلي معاهم عادي mais مضتوثقيش فيهم وماتحكيلهمش كلش
و أعرفي فمن توثقي لازم هنا ماتتسرعيش بزاف ماش كل من تضحك معاك راهي صاحبتك صاحبتك لازم تكوني حافضتيها كيفاه تخمم مليح وتعرفي كيفاه تتعاملي معاها سلام ختي

 

[فتى القلب الجريح]

سلآم عليكم

لا أظن وربي لا أظن

عيشي واتركي هذا الشبح ورائكِ

فمازال القلب بغمرة حنينه ينبض

إنسي فالنسيان رحمة من عند الخالق

الخيانه في حد ذاتهـا ابشع حاجة

سلاموووو
​