مساعدة

[شرفي لمياء]

ارجوكم اريد مساعدة لي صديقة لن اذكر اسمها لكن كانت غالية على قلبي لكن سمعت عنها شي سقطت منظري لم اصرحها بعد ماذا سمعت عنها لكنهمازالت تتحدث معي وكانها لم تحس بذنب ماذا افعل اصارحه اقطع علاقتي معها اسماحها اتشحر معها اريد مسعدتكم

شكرا اريد ردودكم

 

[بنت الـ25]

اهلا لمياء
لم أفهم ؟ هل قالت عنك كلام سيء أم أنك سمعت عنها كلام سيء؟
إذا كانت هي قالت عنك كلام سيء فصارحيها بما قالت وواجهيها
مكانش أحسن من جلسة صراحة فربما تكون مظلومة
اما إن كنتي انتي سمعتي عليها كلام سيء أظن أن كل شخص مسؤول على تصرفاتو
ومادامها صديقة وغالية من واجبك تنصحيها وتبعديها عن طريق الخطأ ومتحاوليش تحرجيها
هكدا تكوني صديقة حقيقية

تمنيت لو حكيتينا تفاصيل أكثر
​

 

[DjOuHeInA mInOUcHa]

اختي لوكان تزيدي توضحينا اكثر يكون احسن

 

[قناص الغرام]

راكي قلتي سمعت سمعت سمعت
الهدرة راهي ياسر اختي
ديري عقلك في راسك استفسري معاها اسك
الهدرة هاذي كاين منها و لا لا
و اذا راهي حاجة شخصية نتاعها وحدها ربي يسهللها و اذا توصلك بالعفسة هاذي اقطعي العلاقة بيناتكم
​

 

[شرفي لمياء]

انا سمعتها هضررة بفمها ماقصدتش نصنت علها اما هي هضرت كودامي وكانت ضن اني ماسمعتهاش مانقدرش اختي نعطيك معلومات اكثر

 

[بنت الـ25]

انا سمعتها هضررة بفمها ماقصدتش نصنت علها اما هي هضرت كودامي وكانت ضن اني ماسمعتهاش مانقدرش اختي نعطيك معلومات اكثر

اختي ما نقدروش نعاونوك وانتي معطيتيناش تفاصيل اكثر؟
انتي قلتي انك معندكش الجرأة باش تحكي معاها وانا حاليا راني نشوف
انو هدا هو الحل الوحيد لإزالة اللبس
عارفة انك محرجة منها وخايفة تتهمك بالتصنت
لكن الهدرة اللي قالتها هي تاني تاني جرحتك
يلزمك تحكي معاها وتحطي النقاط على الحروف

انا صراتلي حكاية مشابهة كي كنت نقرا فالليسي
كنت نحكي صحبتي الانتيم (فهداك الوقت) كلشي ومنخبي عليها والو
وفي لافان هي راحت خرجت هدرة مكانش لازمها تقولها وسببتلي مشاكل
وانا من طبعي منعرفش نخبي مشاعري كي فقت بيها هزيت روحي عليها
الوغ هي حبت تفهم وش كاين وانا محبيتش نحكي معاها
ايا بعثتلي رسالة خخخخخخ قاتلي فيها لاكان كشما كاين بيناتنا نوضحوه
انا حكيتلها وش وصلني وهي مين شافت روحها غالطة طلبت السماح
وانا سامحتها وانتهت القصة

نتمنى تكون فكرتي وصلت لمياء
​

 

[محـ أمين مد]

السلام عليكم ورحمة الله و بركاته

اولا صديقتي العزيزة و الله مافهمتك واش راكي قاصدة لكن نعطيك نصيحة تساعدك :

اولا اختي العزيزة . مهما الناس هدرت فيك . واش قالو عليك . عجبك انسان ولا ماعجبكش

يا اختي حياتك راهي قصيرة ماتعيشيهاش بالمشاكل . كل هاذ الناس راهم راسمين صفر قاعدين يدورو فيه
اللي يبغيك راكي في قلبه و اللي يكرهك راكي في عقله

انتي تعيشي حياتك هانية . صافية . وهوما يعيشو مقلقين و يعمرو راسهم بيك نتي

مالا اختي اخطيك من هاذ الناس و ليكيدي قدر المستطاع من هاذ الناس بالتجربة و الحكمة

و السلام عليكم .
​