السلام عليكم ورحمة الله وبركاته
هادي مدة ما حطيتش موضوع هنا اليوم قلت خلي نحط هاد الموضوع عملتو بالفصحى ومن بعد لالا خليه بالدارجة لواش راك تهدر افضل لخاطر يتكلم على كلمة دارجة في فامنا بزاف
اليوم كي العادة كنت قاعدة ندور في المواضيع ولاحظت بعض الردود الي تستعمل كلمة الله غالب
ومن بعد تولهت بلي رانا نستعملو هاد الكلمة بطريقة غالطة 100 بال100 في كلامنا
يعني تجي لواحدة لابسة حجاب ما يشبهش للحجاب وتقولها يا اختي هاد والله ماشي حجاب تقلك بكل برود الله غالب هاد الموجود
زيد روح انصح كاشي واحد وقولو ما تكذبش والا ما تسرقش والا روح تصلي يقولك الله غالب الناس الكل تعمل هكا والا الله غالب ما عنديش الوقت
كي نجيو نشوفو في هاد الحوايج نلقاو بلي رانا قاعدين ندير في امور عكس واش يقول الدين وربي يعني هنا من المستحيل انو ربنا يأمرنا بشيء ومن بعد احنا ما نديروهش ونجو ونقولو الله غالب الي المفروض نقولوه هو الشيطان غالب ماشي ربي لخاطر ربي اعين العبد كي احب يعمل امور هو والنبي وصاونا بيها بصح الشيطان هو الي يمنعنا ونلقاي 100 سبة وسبة باش ما نديروهاش وفي الاخر نقولو الله غالب
مالا يا جماعة الخير تولهو لواش راكم تقولو وفي بلاصة ما ننسبو عجزنا وتقصيرنا في امور امرنا بها ربنا الى الله لازم نسمو الامور بمسمياتها ومن هنا وروح ما نقولوش الله غالب نقولو الشيطان غالب
هادي مدة ما حطيتش موضوع هنا اليوم قلت خلي نحط هاد الموضوع عملتو بالفصحى ومن بعد لالا خليه بالدارجة لواش راك تهدر افضل لخاطر يتكلم على كلمة دارجة في فامنا بزاف
اليوم كي العادة كنت قاعدة ندور في المواضيع ولاحظت بعض الردود الي تستعمل كلمة الله غالب
ومن بعد تولهت بلي رانا نستعملو هاد الكلمة بطريقة غالطة 100 بال100 في كلامنا
يعني تجي لواحدة لابسة حجاب ما يشبهش للحجاب وتقولها يا اختي هاد والله ماشي حجاب تقلك بكل برود الله غالب هاد الموجود
زيد روح انصح كاشي واحد وقولو ما تكذبش والا ما تسرقش والا روح تصلي يقولك الله غالب الناس الكل تعمل هكا والا الله غالب ما عنديش الوقت
كي نجيو نشوفو في هاد الحوايج نلقاو بلي رانا قاعدين ندير في امور عكس واش يقول الدين وربي يعني هنا من المستحيل انو ربنا يأمرنا بشيء ومن بعد احنا ما نديروهش ونجو ونقولو الله غالب الي المفروض نقولوه هو الشيطان غالب ماشي ربي لخاطر ربي اعين العبد كي احب يعمل امور هو والنبي وصاونا بيها بصح الشيطان هو الي يمنعنا ونلقاي 100 سبة وسبة باش ما نديروهاش وفي الاخر نقولو الله غالب
مالا يا جماعة الخير تولهو لواش راكم تقولو وفي بلاصة ما ننسبو عجزنا وتقصيرنا في امور امرنا بها ربنا الى الله لازم نسمو الامور بمسمياتها ومن هنا وروح ما نقولوش الله غالب نقولو الشيطان غالب
آخر تعديل بواسطة المشرف:
