مرحباا يا الفحلات و يا الشافات واش راكم ؟؟
اليوم جبتلكم معـآيا الملاوي (مسمن الطاجين) التلمساني
كاين لي يقولوله المدلوك في وهران
[SIZE=5]
[/SIZE] المقاديــر :
• السميد الرقيق (الرطب)
• الملح
• الزبدة
• الزيت
• الماء
التحضــير :
◄ نحط السميد الرطب ( لازم يكون الرطب ماشي الخشين )
و نزيدله الماء بالتدريج و نقعد نعجن حتى تتكونلي عجينة مطاطية
◄ مين تتجمعلي العجينة نحط في طرف الـgـصعة
الملح و نرش عليه الماء حتى يذوب و نحط فوقه العجينة
و نبدا نعجن ( ندلك) فيها بلا ما تتقطعلي العجينة حتى تتشرب كل الملح
◄ نتركوا العجينة ترتاح لمدة ..
و نرجعوا ندلكوها ( تعاد العملية مرتين الى ثلاثة )
◄ بعد ما ترتاح العجينة نزيّت يديا بالزيت مرة على مرة
و نعمل كرات مغلوقين و نخليها ترتاح لمدة بسيطة
◄ نذوّب الزبدة مع شوية زيت
◄ نجيب كرة عجين و نحلها بيديّا و الزبدة ذائبة
و نطويها على شكل ظرف و نحطها في جهة
◄ نحل كرة اخرى و نحط الاولى في وسطها
( ما ننسوش نقطروا شوبة زبدة و زيت فوقها )
و نغلقها على الاولى و نبسطها شوبة بيديا حتى نتحصلو على شكل مربع
◄ نحطها فوق طاجين (ترادة) فوق النار
و نقلبها مرة على مرة حتى تطيب .. و نقدمها مع العسل :$
شهية طيـّ*sarah dz*ـبة
