بنات الشرق الشاطرات ساعدوني

[نوال التلمسانية]

الله يخليكم انا نحب نتعلم الشخشوخة عندي الطاجين الخاص لكن ما تجينيش كيما يخدموها صحاب الاشرق ممكن تعطوني اسرار الشخشوخة و ربي يجازيكم ان شاء الله

 

[أم أمين23]

اهلا اخيتي بصح قوليلي اي شخشوخة تقصدين تاع الظفروالا نوع اخر انا من عنابة ونديرو شخشوخة الظفر وحسب علمي ما عندهاش طاجين معين انا مثلا مغتربة وما عنديش طاجين اصلا نطيبها في المقلة الكسرة تاعها
مالا حنونة حددي باش نقدرو نعطوك الرسمي وانا شخشوخة بالظبط

 

[labed93]

الشخشوشة لازمها دوز bien
و الدلك الجيد للعجين هو سر الفطير (الفطير هو الكسرة)

 

[nada242008]

كيما قاتلك ام امين حددي اي نوع شخشوخة بالضبط باش نقدرو نعاونوك

 

[amira94]

السلام عليكم

أهلا أختي اذا راكي تهدري على شخشوخة السيار شوفي طريقة الأخت ندى الورود وهذه هي الطريقة وبالتفصيل


طريقة تحضير عجينة شخشوخة السيار من مطبخي/
​

 

[نوال التلمسانية]

الله يحفظكم اخواتي راكم فرحتوني الشخشوخة اللي نقصدها مش ديال الظفر اللي راني علي اللي نعملوا ورقة فو ق ورقة و من بعد نقطعوهم و نسقيو بالمرقة و انا نعرف نعملها مرة اخى صحيتوا خواتاتي بزااااف

 

[أم أمين23]

هادي شخشوخة بسكرة وباتنة مالا يا حنونة ان شاء الله يفيدوك الاخوات البسكريات بيها

 

[نوال التلمسانية]

تعيشي اختي الكريمة نشكرك على الاهتمام

 

[بنت الجسور المعلقة]

هادي نتاع ورقة فوق ورقة عندها شحال من تسمية
تاع البسكرة يسوما شخشوخة بسكرية ونتاع الوسط يسموها لفطير وحنا في قسنطينة نسموها تريدة الطاجين وفي الغرب يسموها الرقاق وفي جيهات أخرة يسموها شخشوخة المسمن وكل واحد نوالو ونصيبو ودوزان و مرقتو كيفاه
هي جي مرقتها خاثرة وتتسقى برك متجمرش كيما شخشوخة الظفر ولا المعجنات اللخرى

 

[nada242008]

هذي الكسرة
العجينة سميد وملح وتعجنيها بالما وتدلكي مليح وتزيدي الما تدريجيا ادلكيها ملييييييييييييح حتان تعود تطرطق
هذي ساهلة تاع زوج فوق بعضاهم وتقدري تديريها فطير

ديري زوج فوق بعضاهم وبيناتهم الزيت وحلي سيرتو الحواشي

حطيها فوق الطاوة وديري قطرات زيت فوقها

وورقيها يعني حلي القرصات على بعضاهم وهي سخونة وفتتي

وفتيها وهي سخونة

 

[nada242008]

**شـــــخـــــشــــــــــوخة بسكرية
قطع لحم او دجاج
حبة كبيرة بصل
2 حبات طماطم
2 م ك زيت
ملح + فلفل اكحل + فلفل احمر حار + راس الحانوت
2 الى 3 م ك طماطم مصبرة
حمص منقوع
فلفل اخضر حار

في طنجرة الضغط نحط شوية زيت ونقطع البصل جوانح مع اللحم ونقليهم على نار هادئة

ومن بعد نضيف الملح والتوابل ونقليهم شوية

ومن بعد الحمص المنقوع وحبيتين طماطم مقطعة جوانح ونخليها تتقلى لمدة 5 الى 10 دقائق

في الاخيرنمرق بماء دافي ونغلق الطنجرة

في منتصف الطهو نصفي المرق في كسكاس

ونعاود نرجعو للطنجرة ونضيفلو الطماطم المصبرة ونغلقها ونخليها على النار حتان ينقص حجمها وتخثار
ومن بعد نضيفلها فلفل اخضر حار ونخليها على نار خفيفة لمدة 5 دقائق ونطفي عليها

نغلي حبات بطاطا في ماء و ملح ومن بعد نحمرها في الزيت او في الفرن
ونغلي حبات بيض للتزيين ايضا

ونقدمها مع الفطير او الرقاق

--------------------------

 

[نوال التلمسانية]

الله يفرحك يا اختي nada242008

 

[prncess fifi]

اممممممممممممممم علاش علاش ياندوشتي تشهي فيا على الصباح راني نشرب في قهوتي وجعت واع واع واع

والله غير فووووووووووووووووووور والشرح وافي وكافي يعطيك الصحة ويباركلك في ولادك ويحفظكم ربي ان شاء الله

 

[ميلاد انثى]

انا اليوم نعطيك سر الشخشوخة الباتنية لي نقولولها شخشوخة النعمة .جيبي السميد من النوع الجيد اصيفي الملح ثم اجمعيه بكمية من الماء مالزمش تبليه ياسر يعني تكون يابسة شوية ابداي اعجني جيدا و ادلكيها بيديك حتى تولي تترطق في هذ المرحلة ابداي اضيفيلها الماء بالشوية حتى تولي طرية بعد ذلك لوزيها و خليها ترتاح على الاقل ربع ساعة خلاص و ابداي طياب نتاعك كيما تعرفي ورقة فوق ورقة وتقلبي في كل مرة حتى يثقال البرنوس نتاعك .وبالتوفيق​

 

[־●ـ‗غمــــوض ــالــورد_ـ●־]

حنونة انا نظن اختــــــــــــي nada242008 كفات اوفات راها قاتلك على الطريقة
انشاءالله تجيك كيما تبغيها انت
​

 

[nada242008]

بارك الله فيكم جميعا وبالتوفيق لصاحبة الاستفسار
للغلق