يا الحقــارة الحقــار يموت ذليل ..

[ĂÝǾΰb]

بسم الله الرحمن الرحيم

السلام عليكم ورحمة الله وبركاته

اخوتي اخواتي ان شاء الله تكونو بخير وصحتكم مجمولة و انتيك
​

اليوم حبيت نحكي على ظاهر انتشرت بزاف هوما الحقارة
الناس لي تدي رزق الناس ودراهم هذوك لي يgريسيو

كانت السرقة بكري تخاف و تتخبى مي درك راهي جهارا نهارا
تلقاهم رافدين الماس و السيوفا
الناس صحاب القرعة والكاس لي ميشبعوش حباس

يجي عندك يقلك اجبد واش عندك تمدلو ولا يطفرها فيك و يخليك

هذو لي يgريسيو آراذل القوم ما عندهم لا أخلاق ولا شرف ولا تربية ولا خوفة من ربي
ما يخلو صغير ولا كبير لا انثى ولا ذكر

ياما اgريساو شيوخا كبار ونحاولهم دراهم و قضية

وياما نحاو للبنت الشي لي عندها كامل

كاين واحد عسكري خرج من الثكنة مسكين راح باش يشوف يماه حكموه عطالهم البورتابل والشي لي عندو كامل بقاو يتمسخرو ممبعد دكوه وقتلوه مسكين جون مزالو صغير بصغرو

او سمعنما بيهم وشفناهم الحكومة و الله ما تهدر معاهم ونتحدى لي يقولي العكس

يا الحقارة الحقار يموت ذليل رح تموتو كامل شر الميتات

واش رايكم في هذي الظاهرة ؟
واش هي الأسباب ( البطالة - غياب الوازع الديني - قلة التربية - غياب الدولة - غفلو الشعب..) واش هو السبب بالضبط ؟
كاين حل لهذي الظاهرة ؟
كلمة منكم للناس لي تحقر
:regards01:



​

 

[Eva dz]

السلام عليكم موضوع جد جد مهم اخي الفاضل
الظاهرة هاذي منتشرة بكثرة و المشكل انو في بلد اسلامي مثل بلادنا انها كارثة

الاسباب لهذه الظاهرة هي
ٍغياب الوازع الديني - قلة التربية - غياب الدولة

لانو البطالة موش سبب انو واحد يقريسي الناس و المشكل انو توصل بيه يقتلو ؟؟
ليمحيرني انو ما يكتفوش يدو المال حتى واحد يعطيهم كلش عندو و يطعنوه ؟؟؟؟!!!!!!
يوجد حل مي صعيب يتنفذ هه

الحل هو انو الامن ينتشر و كي يشوف يتدخل موش تلقا واحد يقريسوه قدامهم و ما يديرو والو ؟؟؟؟!!!

كاين لي يشوف بعينو و يبقا يتفرج برك المشكل موش انو انسان عاديو لكن من رجال الامن اللي نورمالمو يسهرو على راحة المواطن

الكلمة لي نقولها خافو ربي يا ناس و الروح عزيزة على رب العالمين و الله يهديكم و الا يديكم و يهني الناس من شركم ، و يا ناس بواش من وجه راح تقابلو ربي سبحانو ؟؟؟ واش راح تقولو و واش راح ديرو اليوم ليما تنفعكم غي اعمالكم

و لحد الان باب التوبة مفتوح و الحمد لله ربي سبحانو يغفر الذنوب توبو لربي و بركاكم من الشي لي راكم فيه



سلام

 

[serinee]

وعليكم السلام و الرحمة
مشكور اخي على الموضوع
اي رانا نشوفو بززاف ليزاقرسيو و تصيبهم غير اكفال صغار في سن المراهقة وواش يعجبك لابوليس يعرفوهم مثلا كي تروح تبلغ على سرقة مي ميديرهم والو و اوقات كي متخيلهمش يسرقوك يجبدو الموس تولي حياتك في اللعب تسمح في كلشي المهم تسلك
​

 

[־●ـ‗غمــــوض ــالــورد_ـ●־]

اهلا بيك خويا صحيت عالموضوع الباهي،،
ايه ياخويا فتحتلنا الجراح هدي هي لبلاد وش تحب ،،
الناس تموت وتتقتل بين عينيك وانت تتفرج معندك ماراح ادير،،
شفت خطرة واحد الموقف شوكاني ،، كنت في واحد لبازار ندور باش نشري
ايا فاتت واحد الطفلة مسكينة تكون فالعشرينات متحجبة وماشية مع طفل صغير ،،
جا فايت عليها واحد قالها اعطيني وش عندك الطفلة تمشي خلاتوا حكمها من يدها قالها اني قتلك اعطيني وش عندك الطفلة خفاتوا اعطاتوا موبيلها ومشني عارفة وش قالها زيدي وش عندك قاتلوا وش عندي بعدني معندي والوا ،ن وش دار جبدلها سكينة وقالها طلعي خيمارك نشوف وش لبستي لتحت هزلها خيارها نهالها لاشان لي لبستها وضربها بالسكينة على وجها وجا فايت ماشي ميجري ماهرب تقول مدار والوا والناس قاعدة تشوف فيه شعب عظيم مقدرش يديرلوا حاجة ، 100 راجل ياسبحان الله وهو فرد واحد مقدروش يحكوا معاه انا والله تشوكيت فيهم ،، وزيد لبروبلام وين هدرت قلت شوف ولاد لحرام كيفماه يديروا والناس واقفة متقدرش تحز وش قالي هداك لجون لي كان يشري حدايا وشبيك هدا ياختي كل واحد حر في حياتوا مادخل روحك في حاجة خاطياتك ماتجيبها في روحك !!!! كيفماه هدي ؟؟ امالا كل واحد حر في حياتوا نعطيلك حتى انا طريحة ونقتلك اواحد مايدريلي حاجة كيعاد هدي هي لعقلية والله الناس منيش عارفة وين تفكر،، واحد ماينهي المنكر رانا في وقت نتاع نفسي نفسي ،،
واش رايكم في هذي الظاهرة ؟

-- والله منكر وعيب ميصلحش كيما هك لوكتاش نبقاو على هاد لحالة ، كان اوموا لواحد يديلك وش عندك ويفوت لبروبلام راه يزيد يكمل عليك يبليسيك ولا يقتلك ويعدي مايكدهم مايعملوا كبير ولا صغير.



واش هي الأسباب ( البطالة - غياب الوازع الديني - قلة التربية - غياب الدولة - غفلو الشعب..) واش هو السبب بالضبط ؟
-- راني جاوبتك على غفلة الشعب في ليستوار لي قلتها ،الشعب غافل شايف فالناس تقتل وتتبليسا قدامها ويقدروا يديروا صوليصيون وراهم ساكتين ،، كان كيما يصراو هاد الامور قدامهم وجربوا كش مداروا راك تلقى هاد الناس لي ادير كيما هك تخاف متقدرش تقرب على واحد قدام لغاشي دركا راهم يصدموا فرات راك وحدك ولا حداك شعب ولا ميخافش عطاوهم لامان .
-- وش من دين يرحم باباك راك تحكي عليه كان جاو يطبقوا الدين رانا موصلناش لهكا ،، صح كاين لمليح وكاين لقبيح مي الدين يقلك انهي لمنكر ايدا شفتوا مي احنا حدث ولا حرج...
-- قلة التربية تاني مهيش حاجة واحد مهوش مربي قادرة الناس لي مربية تربيه تنهيه على المنكر ومتخليهش يبوجي...
--البطالة معندها حتى دخل باسكوا كاين ناس خدامة وعندها ملاير مي داروها حرفة هادي تاع يgريسيك فالطريق مام عندوا بعد مي تحلالو كي يدير هكداك ،، وكاين ناس ماتخدم ماعندها وراها مشاءالله تبيتوا حداك ترقد متهني ومتخافش..
-- غياب الدولة هي من الاسباب الرئيسية للحالة هدي :: لاعدل لاحكم لاتطبيق للقوانين ،، الناس تقتل في بعضاها هوما مادارولهم والوا يمشيو بالمعارف والطبقات واحد كاينلوا يخرج كي الشعرة من العجين مام واش دار يجيبها كيما يبغي ،، كان تبدل الدستور تاعها اويمشيو بالحق ولي دار حاجة يتعاقب عليها قد قد بلازيادة ولانقصان راك تلقى كل واحد يعس روحوا لا يغلط ويجيبها في حياتوا مي الله غالب خليهم برك نهار يفيقوا درك يقلك ايه وش درت ببلادي..

كاين حل لهذي الظاهرة ؟

--اي حاجة عندها حل ياخويا انشاءالله برك الشعب يفيق والدولة تنحي علينا هاد الدستور البايخ تاعها لي راح يفسد لبلاد

كلمة منكم للناس لي تحقر
-- كاين ربي معندكم وين راح تهربوا تخلصوها تخلصوها ..
-- وبلا منزيد كتر من هك قلبي راه معمر والله راح نطرتطق كي نشوف هاد الشي يصرا في بلادي ربي يهدينا ويجيب ساعة الخير انشاءالله.
--ومشكور خويا لعزيز على الموضوع--
​

 

[ĂÝǾΰb]

السلام عليكم موضوع جد جد مهم اخي الفاضل

و عليكم السلام ورحمة الله أهلا بيك

الظاهرة هاذي منتشرة بكثرة و المشكل انو في بلد اسلامي مثل بلادنا انها كارثة

هذي هي اختي

الاسباب لهذه الظاهرة هي
ٍغياب الوازع الديني - قلة التربية - غياب الدولة
:up:
لانو البطالة موش سبب انو واحد يقريسي الناس و المشكل انو توصل بيه يقتلو ؟؟
ليمحيرني انو ما يكتفوش يدو المال حتى واحد يعطيهم كلش عندو و يطعنوه ؟؟؟؟!!!!!!
يوجد حل مي صعيب يتنفذ هه

الحل هو انو الامن ينتشر و كي يشوف يتدخل موش تلقا واحد يقريسوه قدامهم و ما يديرو والو ؟؟؟؟!!!

مرات نشك فيهم يخدمو مع المافيا قال ممثل قانون

كاين لي يشوف بعينو و يبقا يتفرج برك المشكل موش انو انسان عاديو لكن من رجال الامن اللي نورمالمو يسهرو على راحة المواطن

الكلمة لي نقولها خافو ربي يا ناس و الروح عزيزة على رب العالمين و الله يهديكم و الا يديكم و يهني الناس من شركم ، و يا ناس بواش من وجه راح تقابلو ربي سبحانو ؟؟؟ واش راح تقولو و واش راح ديرو اليوم ليما تنفعكم غي اعمالكم

و لحد الان باب التوبة مفتوح و الحمد لله ربي سبحانو يغفر الذنوب توبو لربي و بركاكم من الشي لي راكم فيه

بارك الله فيك اختي بريق العيون كلامك عجبني بزاف
يا ريت يلقا ناس تسمعو
سلام

و عليكم السلام بارك الله فيك اختي :regards01:

 

[ĂÝǾΰb]

وعليكم السلام و الرحمة

أهلا بيك اختي
مشكور اخي على الموضوع

الشكر لك على التواجد
اي رانا نشوفو بززاف ليزاقرسيو و تصيبهم غير اطفال صغار في سن المراهقة وواش يعجبك لابوليس يعرفوهم مثلا كي تروح تبلغ على سرقة مي ميديرهم والو و اوقات كي متخيلهمش يسرقوك يجبدو الموس تولي حياتك في اللعب تسمح في كلشي المهم تسلك
​

حتى البوليسي يخاف على روحو
لي شاف روحو ميش قادر على المسؤولية
يبقا في داروو

بارك الله فيك اختي :regards01:

​

 

[أم أمين23]

مشكور خويا ايوب على الطرح وموضوعك راه تقريبا تكملة والا جزء من موضوعي تاع الشرطة
انا من راي انو السبب الرئيسي هي الدولة والقوانين الي ما تتنفذ الا على وعلى ولى القانو موضوع زينة السارق يسرق وراه عارف حتى الا دخل للحبس ما يطولش ويخرج في اول احتفالية واحنا الحمد الله كل ايام الجزائر مناسبات واحتفالات
كاني الي قال الناس تشوف وما تتدخلش وي كاينة والمشكل نفسو الي قبل لخاطر الي كانو يدخلو قبل مساكن جابوها في رواحهم لخاطر هادك البوندي اول ما يخرج يروج يسلك طارو مالا الناس ولات ما تدخلش خوف على حياتهم وعلى حياة ماليهم لخاطر على بالهم حتى كون يشكيو ما راح يربحو والو
اما البروليسيا فراهم في الغالب مشاركين مع السرارقة وهادي ظاهرة كاينة وشحال من واحد قال بلي راهم يمدولهم ويقسمو معاهم باش ما يهدروش وما يدخلوش
وطبعا في كل الحالات الانسان الي يقبل بهاد الامور سواء من السرارقة والا الشرطة انسان ما عندو لا ضمير ولا اخلاق ولا اي وازع ديني يمنعو ويقولو احبس ومادام هدرنا على الوازع الديني طبعا يدخل فيها قلة التربية واعوجاج الشخص في حد داتو ومع غياب كلي للقانون ومنفذيه مازالنا نشوفو اكثر من هكا

 

[ĂÝǾΰb]

اهلا بيك خويا صحيت عالموضوع الباهي،،
و بيك يعيشك اختي
ما بقا فيه حتى بها كي رديتي انت ردك الأروع اختي
ايه ياخويا فتحتلنا الجراح هدي هي لبلاد وش تحب ،،
الناس تموت وتتقتل بين عينيك وانت تتفرج معندك ماراح ادير،،
شفت خطرة واحد الموقف شوكاني ،، كنت في واحد لبازار ندور باش نشري
ايا فاتت واحد الطفلة مسكينة تكون فالعشرينات متحجبة وماشية مع طفل صغير ،،
جا فايت عليها واحد قالها اعطيني وش عندك الطفلة تمشي خلاتوا حكمها من يدها قالها اني قتلك اعطيني وش عندك الطفلة خفاتوا اعطاتوا موبيلها ومشني عارفة وش قالها زيدي وش عندك قاتلوا وش عندي بعدني معندي والوا ،ن وش دار جبدلها سكينة وقالها طلعي خيمارك نشوف وش لبستي لتحت هزلها خيارها نهالها لاشان لي لبستها وضربها بالسكينة على وجها وجا فايت ماشي ميجري ماهرب

واش ذنب المسينة تعيش فيها شينة في وجها الله لا تربحو ربي يخلص فيه ان شاء الله

تقول مدار والوا والناس قاعدة تشوف فيه شعب عظيم مقدرش يديرلوا حاجة ، 100 راجل ياسبحان الله وهو فرد واحد مقدروش يحكوا معاه انا والله تشوكيت فيهم ،، وزيد لبروبلام وين هدرت قلت شوف ولاد لحرام كيفماه يديروا والناس واقفة متقدرش تحز وش قالي هداك لجون لي كان يشري حدايا وشبيك هدا ياختي كل واحد حر في حياتوا مادخل روحك في حاجة خاطياتك ماتجيبها في روحك !!!! كيفماه هدي ؟؟ امالا كل واحد حر في حياتوا نعطيلك حتى انا طريحة ونقتلك اواحد مايدريلي حاجة كيعاد هدي هي لعقلية والله الناس منيش عارفة وين تفكر،، واحد ماينهي المنكر رانا في وقت نتاع نفسي نفسي ،،

أيـــــــــــــن الرجلة ؟
اليوم دارها لبنت ما تعرفهاش غدوا يديرها لبنتك ويماك واختك ..
لي ما يشفو مومن ماهو مومن الواحد ينها على المنكر لكان بلسانو

واش رايكم في هذي الظاهرة ؟

-- والله منكر وعيب ميصلحش كيما هك لوكتاش نبقاو على هاد لحالة ، كان اوموا لواحد يديلك وش عندك ويفوت لبروبلام راه يزيد يكمل عليك يبليسيك ولا يقتلك ويعدي مايكدهم مايعملوا كبير ولا صغير.

ما تصلحش ما بقاو يخافو حتى واحد ما يخاف لا ربي لا العبد

واش هي الأسباب ( البطالة - غياب الوازع الديني - قلة التربية - غياب الدولة - غفلو الشعب..) واش هو السبب بالضبط ؟
-- راني جاوبتك على غفلة الشعب في ليستوار لي قلتها ،الشعب غافل شايف فالناس تقتل وتتبليسا قدامها ويقدروا يديروا صوليصيون وراهم ساكتين ،، كان كيما يصراو هاد الامور قدامهم وجربوا كش مداروا راك تلقى هاد الناس لي ادير كيما هك تخاف متقدرش تقرب على واحد قدام لغاشي دركا راهم يصدموا فرات راك وحدك ولا حداك شعب ولا ميخافش عطاوهم لامان .
-- وش من دين يرحم باباك راك تحكي عليه كان جاو يطبقوا الدين رانا موصلناش لهكا ،، صح كاين لمليح وكاين لقبيح مي الدين يقلك انهي لمنكر ايدا شفتوا مي احنا حدث ولا حرج...
-- قلة التربية تاني مهيش حاجة واحد مهوش مربي قادرة الناس لي مربية تربيه تنهيه على المنكر ومتخليهش يبوجي...
--البطالة معندها حتى دخل باسكوا كاين ناس خدامة وعندها ملاير مي داروها حرفة هادي تاع يgريسيك فالطريق مام عندوا بعد مي تحلالو كي يدير هكداك ،، وكاين ناس ماتخدم ماعندها وراها مشاءالله تبيتوا حداك ترقد متهني ومتخافش..
-- غياب الدولة هي من الاسباب الرئيسية للحالة هدي :: لاعدل لاحكم لاتطبيق للقوانين ،، الناس تقتل في بعضاها هوما مادارولهم والوا يمشيو بالمعارف والطبقات واحد كاينلوا يخرج كي الشعرة من العجين مام واش دار يجيبها كيما يبغي ،، كان تبدل الدستور تاعها اويمشيو بالحق ولي دار حاجة يتعاقب عليها قد قد بلازيادة ولانقصان راك تلقى كل واحد يعس روحوا لا يغلط ويجيبها في حياتوا مي الله غالب خليهم برك نهار يفيقوا درك يقلك ايه وش درت ببلادي..


أوافقك في كل ما قلته جملة وتفصيلا :regards01:

كاين حل لهذي الظاهرة ؟

--اي حاجة عندها حل ياخويا انشاءالله برك الشعب يفيق والدولة تنحي علينا هاد الدستور البايخ تاعها لي راح يفسد لبلاد
جريئة زيادة اختي
خافي على روحك راهي الدولـــــــة
( حقا راكي شاوية ) كوراج
كلمة منكم للناس لي تحقر
-- كاين ربي معندكم وين راح تهربوا تخلصوها تخلصوها ..
-- وبلا منزيد كتر من هك قلبي راه معمر والله راح نطرتطق كي نشوف هاد الشي يصرا في بلادي ربي يهدينا ويجيب ساعة الخير انشاءالله.
--ومشكور خويا لعزيز على الموضوع--
​

كلامك جواهر
آميــــــن يا رب العالميـــن
ردك رآئع أختي الكريمة
فرحتيني بزاف بردك بارك الله فيك :regards01:
​

 

[־●ـ‗غمــــوض ــالــورد_ـ●־]

جريئة زيادة اختي
خافي على روحك راهي الدولـــــــة
--وش من دولة يخافوا منها الناس ياك راها خلات ليمافيا ليبر
حتى انا نولي مافيا ونقتلهم ومايديرولي والوا ههههه ياخي الدولة لي تبغي لروحها كيماهك تكره فالشعب عليها خليها امالا كل واحد يدير رايو ونشوفوها وين راح تلحق بالتخمام تاعها هدا،،
انا خويا نخاف غير من لي عندوا كلمة حق ويعرف لحق وينوا ولباطل وين،،
نخاف من الي يعرف كلمة عدل ويعدل بين الناس كامل ويدير بيناتهم موساواة يعني الي يغلط يمشي معاه بالقانون الصحيح ،، تغلط تخلص مش اغلط برك وراك في حمايتنا حاجة ماتقيسك والشعب راه عايش في حالة وحالتين يتقتلوا ولادوا بين يديه وميدير والوا ،، زرعوا الفتنة في لبلاد ربي يهديهم انشاءالله واش راح انديرولهم...

كلامك جواهر
آميــــــن يا رب العالميـــن
ردك رآئع أختي الكريمة
فرحتيني بزاف بردك بارك الله فيك :regards01:
​

ربي يخليك خويا انت الي غالي وكي قريت كلامي رجعتوا جواهر هههههه
انت لي رائع وموضوعك هايل بزاف خلانا نبردوا شوية قلوبنا لمحروقة
ربي يدوم لفرحة عليك انشاءالله ويكتر من متالك باش تصفى لبلاد ،، ههههه مليحلنا غير نتاحدوا ونحاربوا الدولة كش ماتبدل علينا هاد الخرطي نتاعها يعني الدستور لمعوج ههههه
يعطيك الصحة خويا بارك الله فيك:regards01:ومرسي بزاااف على التقييم فرحتي
​

 

[عاشق اللمة الجزائرية]

موضوعك جميل

كل ما هو منتشر الآن من افات اجتماعية

هو نتاج عن سياسة خلي شعب ياكل روحه وبعضاه

الدولة سحبت يدها وزادت كثرت الفساد

ربي يهدي الناس اجمعين

 

[إحْسَان]

يآ أخي الفآضل أيوب
وعليكم السلآم أولآ =)
ثآنيآ والله الإسلام القويم حرم الظُلم تحريمآ قآطعآ
والله ينتقم من الظآلم ولو بعد حين
يقُول '' لَا تحْسبنّ الله غافلا عمآ يعمل الظآلمُون .. إنمآ يؤُخرهم ليوم تشخصُ فيه الأبصآر ''

وتلقآ يا خويا الظآلم يستهزأ بدعوة المظلُوم
يقُول الشآعر له من الله مايستحق على قوله :
أتهزأ بالدعآء وتزدريه ومآ تدري بمآ فعل الدعآءُ
سهآم الله لا تخطي ولكن لهآ أمد وللأمد انتهاءُ

والحمد لله راني قتلك ديما ينتآقم ربي من الظآلم
و اختم بآية على نصر الله =)
'' فقطع دابر القومِ الذين ظلموا والحمد لله رب العآلمين "
​

 

[ĂÝǾΰb]

مشكور خويا ايوب على الطرح

اهلا وسهلا بخالتـــــــــــــــي منورة موضوعي

وموضوعك راه تقريبا تكملة والا جزء من موضوعي تاع الشرطة

ما شفتش موضوعك اختي
مي هذا الموضوع نتكلمو فيه كاملو يا ربي
انا من راي انو السبب الرئيسي هي الدولة والقوانين الي ما تتنفذ الا على وعلى ولى القانو موضوع زينة السارق يسرق وراه عارف حتى الا دخل للحبس ما يطولش ويخرج في اول احتفالية واحنا الحمد الله كل ايام الجزائر مناسبات واحتفالات

و واش من حبس كون تشوفين اوتال 5 ايتوال
تليفيزيون بابيفوت حوايج ناش ما عندهاش فدار
كاني الي قال الناس تشوف وما تتدخلش وي كاينة والمشكل نفسو الي قبل لخاطر الي كانو يدخلو قبل مساكن جابوها في رواحهم لخاطر هادك البوندي اول ما يخرج يروج يسلك طارو مالا الناس ولات ما تدخلش خوف على حياتهم وعلى حياة ماليهم لخاطر على بالهم حتى كون يشكيو ما راح يربحو والو
اما البروليسيا فراهم في الغالب مشاركين مع السرارقة وهادي ظاهرة كاينة وشحال من واحد قال بلي راهم يمدولهم ويقسمو معاهم باش ما يهدروش وما يدخلوش
وطبعا في كل الحالات الانسان الي يقبل بهاد الامور سواء من السرارقة والا الشرطة انسان ما عندو لا ضمير ولا اخلاق ولا اي وازع ديني يمنعو ويقولو احبس ومادام هدرنا على الوازع الديني طبعا يدخل فيها قلة التربية واعوجاج الشخص في حد داتو ومع غياب كلي للقانون ومنفذيه مازالنا نشوفو اكثر من هكا

​

صح لي رح يروح للبوندي يعرض حياتو للخطر مي لازم الشعب ما يستكش ويخلي
مجموعة من المجرمين تخسرلو حياتو
لابوليس تحقر الشعب والشعب يحقر بعضاه
بارك الله فيك يا طيبة :regards01:
​

 

[ĂÝǾΰb]

ربي يخليك خويا انت الي غالي وكي قريت كلامي رجعتوا جواهر هههههه
انت لي رائع وموضوعك هايل بزاف خلانا نبردوا شوية قلوبنا لمحروقة
ربي يدوم لفرحة عليك انشاءالله ويكتر من متالك باش تصفى لبلاد ،، ههههه مليحلنا غير نتاحدوا ونحاربوا الدولة كش ماتبدل علينا هاد الخرطي نتاعها يعني الدستور لمعوج ههههه
يعطيك الصحة خويا بارك الله فيك:regards01:ومرسي بزاااف على التقييم فرحتي
​

أهلا وسهلا بيك اختي الطيبة مرة اخرى
كلامك يفرحني ويشرفني و وسام ليا
آميـــن يا رب العآلميـــن
تستاهلي أكثــر من التقيــم على وجودك وردك المتميــز
احترامي :regards01:

​

 

[Super Girl]

....الحقرة أصبحت مــــرض مش ظــــاهرة ...

الدولة ما تعمل في عملها...والشعب ماهو يأدي في واجــباتو

لا أخلاقا ولا ديـــنا....كلهم هــــــــم

لا رحمة لا شفقة....الخ

وشــــــكـــرًا
​

 

[أمــ وليــد الجزائرية]

ايه الواحد واش يحكي واش يخلي
غير ما صرات كارثة
اماجين واحد مسكين شويا معوق دارو عليه و خدعوه و سرقولو دراهمو و قتلوه
و واش بقا في هذي لبلاد لا حماية تذكر ولاهم يحزنون
وحنا الشعب ديما راح نبقاو عاجزين
​

 

[ĂÝǾΰb]

موضوعك جميل

كل ما هو منتشر الآن من افات اجتماعية

هو نتاج عن سياسة خلي شعب ياكل روحه وبعضاه

الدولة سحبت يدها وزادت كثرت الفساد

ربي يهدي الناس اجمعين

اهلا وسهلا بيك اخي
مرورك الأجمل أخي الطيب
الدولة تحقر الشعب والسعب يحقر بعضاه
بارك الله فيك أخي :regards01:
​

 

[ĂÝǾΰb]

يآ أخي الفآضل أيوب
وعليكم السلآم أولآ =)
ثآنيآ والله الإسلام القويم حرم الظُلم تحريمآ قآطعآ
والله ينتقم من الظآلم ولو بعد حين
يقُول '' لَا تحْسبنّ الله غافلا عمآ يعمل الظآلمُون .. إنمآ يؤُخرهم ليوم تشخصُ فيه الأبصآر ''

وتلقآ يا خويا الظآلم يستهزأ بدعوة المظلُوم
يقُول الشآعر له من الله مايستحق على قوله :
أتهزأ بالدعآء وتزدريه ومآ تدري بمآ فعل الدعآءُ
سهآم الله لا تخطي ولكن لهآ أمد وللأمد انتهاءُ

والحمد لله راني قتلك ديما ينتآقم ربي من الظآلم
و اختم بآية على نصر الله =)
'' فقطع دابر القومِ الذين ظلموا والحمد لله رب العآلمين "
​

أهلا وسهلا بيك اختي
بارك الله فيك على الكلمات الرئعة
عطرتي المكان يوجودك وزينته بكلام الله
بوركتي اختي الطيبة احترامي :regards01:


​

 

[ĂÝǾΰb]

....الحقرة أصبحت مــــرض مش ظــــاهرة ...

الدولة ما تعمل في عملها...والشعب ماهو يأدي في واجــباتو

لا أخلاقا ولا ديـــنا....كلهم هــــــــم

لا رحمة لا شفقة....الخ

وشــــــكـــرًا
​

أهلا وسهلا بيك اختي الطيبة

ربي يهدينا ويصلح حوالنآ ان شاء الله

بارك الله فيك اختي احترامي :regards01:
​

 

[إحْسَان]

أهلا وسهلا بيك اختي
بارك الله فيك على الكلمات الرئعة
عطرتي المكان يوجودك وزينته بكلام الله
بوركتي اختي الطيبة احترامي :regards01:


​

وفيك بآرك الله وجزآك عنآ حسنآ
ويآ حبذا لو أنك شفت المعلومآت لوجدتني رجلآ =)

​

 

[anis 4ever]

يعطيك الصحة خويا بارك الله فيك