خلاااص العام الدراسي 2012/2013 :/

[مايا الجزائرية]

Salùùùt pour tt l monde

سلام ،كي راكم دايرين ؟؟ان شاء الله لاباس
Alors نجوزو للموضوع ديالنا نهاية السنة الدراسية :d
انا بانتلي فور باش نزهى ونحوس ونرجع نوض كيما نحب ونرقد كيما نحب
بويسك كيما تعرفو كنت مرتبطة بالدراسة ولمدة 3 شهر هاكداكو نعاودو نعقدو العام الجاي لا كتب ربي هه هوهووه :p
:-r

عموما نحكي على واش نشوفو كي يخلاص العام الدراسي ،Oké
كل واحد يعرف بلي في القراية نعيشو اجواء روعة مع الاحباب وخاصة في الكلاصة مع الزملاء والاساتذة ونشوفو مواقف طريفة تبقى ذركى برك
في آخر العام شفت زملائي يكتبو في ذكريات في الكراس باش يتذكرو هادا العام وكلش

قالك بزاف ناس كانو يلقاو القراية سبة باش يتلاقاو بحبيب القلب ولوخرين دارو صحاب ورباو القلب عليهم ،ولي فارقت صحبتها

وعارفة بلي 4 اشهر مش رايحة تشوفها ، المهم كل هادا كان العام الدراسي يلاقيهم ،وانا والله نكره من حاجة وسمها الفراق malgré عندي حبيبتي الروح بالروح وما نولوش نتلاقاو بزاف في العطلة بويسك هيا تمشي لعند ماليها في تيبازة ونا تان كل يوم وين راني المهم بيناتنا النت والتلفون وحتى مع لحباب لوخرين يبقى التلفون هو لي نحي الوحش
​

اليوم كمل العام الدراسي 2012/2013 رمشة عين والله ما تغرك الدنيا

لي قرا راه طلع عامو ولي كان يدي الطريق ويجيبها راه خسر عام من حياتو تقريبا ،وكاين لي دار واش قدر وربي هاداك ما كتبلو
كاين لي كي كمل العام بكا ،وكاين لي كمل العام فرح وزهى :-o
ايــــــه هادي هيا:up:
الور انا نخليكم في فرصة اخرى ان شاء الله مع مواضيعي
تهلاو في رواحكم وما دابيا تحكيولي كيفاش جاز عامكم الكل مش غير الطلاب
حتى الاساتذة يا لي كي تسمعو بالطالب راسكم يزر:s ههه
سلام:regards01:
​

 

[حفيد هواري بومدين]

وافقت على الموضوع

 

[أم راضية ~_]

السلام عليكم
بالنسبة ليا الفترة الصباحية مافيهاش ديفيرونس
بويسك نوض الصباح أبكر من موالفة نوض في وقت القراية ههههههه
***
هاديك بكري كانت تغيضني عمري كي يخلاص العام على خاطر كنت نحب نقرا و نحب اساتذتي و زميلاتي - بكري نقصد بيها السيام وآخر عام فيه -
اما 3 سنين تاع الليسي و هاد العام فالجامعة ما صبت وقتاش تخلاص القراية والvاي اي vيان و الميزيرية تاع الاجواء هاديك ’’’
البنة تاع نهاية السنة الدراسية كانت فاليامات الملاح يامات السيام اما دوك خلاص :down:
راني نسنى وقتاش يخلاصو العامين هادو باش نتفرغ لحاجات بزاااف راهم يسناو فيا
بون Vاكونص اختي و ما تخمميش الصيف يجوز يجري ويامات الراحة يطيرو تم تم ما تحسيلهمش gاع هههههههه​

 

[بنـ MaPa ـت]

مرحبآ ميوش

العام هادا فوتو تقدري تقولي بموس في الرقبة
والوقت لي كنت نكرهو الـ07 كي جي تنوضني طاطاك
كنت نسنى غير وينتا يلحق الويكاند باش نجيب فيها كاش 10 ولا 11 رقاد هههه
........
في العام هادا كنت نحب نقرى مي ليبروف لي طاحو فينا يكرهو لقراية والحياة كامل
يعني نقدر نقول ودعت لآني وانا في قمة الفرح والتعب اومامتون ههه
ماصدقت وينتا تحررت...وبالاكي تقولي حنتوحش صحاباتي ووو ههههه والوووو
عندي صاحبة وحبيبة ورفيقة وتوام روح 1 برك توحشتها ودوماج فوتت العام بلا بيها
ربي يحفظها ويلاقيني بيها في القريب العاجل

مشكورة على الموضوع
و
عطلة سعيدة للجميع

:regards01:
​

 

[Pyar]

موضوع جد رائع ،،
انا سعيدة وفي نفس الوقت حزينة سعيدة لأني كملت لقرايا نرتاح 4أشهر خخخخ وحزينة لانو صديقاتي العزيزات مانقدرش نشوفهم لمدة 4 أشهر عندي صديقتي العزيزة هي من تلمسان راح ترجع تبقى غير الإتصالات نتوحشهم كااااامل مي راهي صحبتنا ما تروحش لبعد المسافة .. اييه و ثاني نتوحش الأساتذة كاامل من أستاذ العربية الى الرياضيات الى أستاذة الإنجليزية والفرنسية .... الخ و حتى المراقبات راهي صعيبة بزااف لحظات الفرااق .
ميرسي على الموضوع الهاااااااااايل
وعطلة سعيدة ^ــــــــــ^ .
​

 

[EL General]

اهلا بيك مايا
ايه صح كيما كنتي تقولي ، أجمل حاجة في القراية هي الذكريات ،
و القراية كانت تفاجي على قداش من ناس ، تلقى لواحد مايلقاش كيفاش يعبر عن شعورو :d
يولي يديفولي في الكلاسة ، و كاين لي يحب يتلاقا بأحبابو و أصحابو و القراية هي الحل الوحيد
و الفراق عليها لمدة 3 اشهر ، حاجة صعييييبة
المهم ، هي عطلة و لازمنا نرتاحوا فيها bien sur
و رح نرجعوا الموسم القادم :d
موضوعك جميل الف شكر على الطرح
تحيتي :regards01:
​

 

[ЖϞ ȀĻѮăńȉȡǟ ϞЖ]

لالالالالا
أنا هادا وين بديت نقرى صح صح
ههههه
عندي بيام
عموماآآ صحليكم يا ليكملتو القراية :cray02:
و لعقوبة ليآآ :-r
شكرا على الموضوع المميز :up:
تحياآآتـــــ,ـي
:regards01:
​

 

[امل فريال]

سلام
كيف الحال موضوع مميز
ان العام الدراسي انتهى و لم تبقى سوى الدكريات شيئ ماسف ان نترك صديقاتنا ولكن سنلتقي من جديد

 

[FATIMA 19]

ههههههههههه ماتسخفونيش بويسك أنا راني مزلت نعانيو
راني ننوض بكري علاجال هم الباك
أأأأأأأف وتستمر المعاناة.و
وااااااااااااااااااااااع بصحتك
نموت على العطلة و قعاد الدار.
​

 

[tifa minoucha]

hna hna fi bechar rana en greve makan ni compo ni bultin

 

[بنت الجسور المعلقة 2]

خلص صح
شكرااااااااااااا

 

[رتيل]

سلآم’

مبروكـ علينآ لفآكونس :d لعقوبهـ للي مزآلو ,انا ميتة بالسعآدة وأخيرآ تنفس الصعدآء:p

صح العآم هاذآ فآت بلخف مآحسينآلوش خلآص , تعرفنآ على حبآب وصحآب بزآف والفنآهم ووآلفونآ ’ خسآرة مانزيدوش نتلآقآو لأجل غير مسمى ( بويسك نبدلو الليسي) .
حتى انآ مانحبش الودآع , ليوم خرجت انا اللخرة من الامتحان ونص لي يقراو معآيا روحوآ ’المهم سلمنآ على بعض وودعنآ بعضآنآ وكآبتك دآرك .

لكـ وديـ
​

 

[yasmine 4ever]

أهلا أختي
بالنسبة ليا هاد العام هو العام الأول ديالي فالليسي و أظن أنه أحلى عام و جاز فرمشة عين
تلاقيت فيه ببزاف أصدقاء و زملاء جدد ما كنتش نعرفهم و علابالي راح نتوحشهم بزااااف و نتوحش الأوقات اللي كنت فيها معاهم و المواقف الطريفة الكثيرة اللي صرات في قسمنا و نتوحش الأساتذة بزااااااف و الليسي بشكل عام
مع أنني عام كامل و آنا نستنى فليvاكونس بفارغ الصبر و لكن دورك مانيش متحمسة خلاص surtout كي الجو راهو مسحب و كئيب تقولي راه حاس بيا هههههههه
يعطيك الصحة ختي و عطلة سعيدة للجميع و ربي يوفق صحاب السيزيام و الباك و البيام​

 

[رضوة الجزائرية]

صح هد السنة فاتت بسرعة سبحان الله هي ناقصة من عمرنا مشكورة على الموضوع​

 

[tistissa dj-tissou]

مرسي على الموضوع حبيبتي
انا من جهة نقووول تهنيت من القراية والتعب اللي بزاف نسهر نقرا نود الصباح نريvيزي راكي على بالك و من جهة تغيضني القراية وليمات الحلوة شتا ولا صيف مي معليش نولو ا العام الجاي ان شاء الله الباك
هادا العام الحمد لله فات مليح وراني مسحفضا بهادوك ليام و متفكرتهم تاع الكلاصة و كلش
ايا ربي يسهل لجماعة الباك ان شاء الله
تقبلي مروري ميووووووش
​

 

[zineb 4am]

مساء الخير مايا

انا جوزت العام انتاعي

b1 مع لحباب و الاساتذة كيما قلتوا

مي كاين ناس متصبريش على فراقهم

انا مزال متهنيتش من القراية

100 بالمئة

على خاطر هذا وين بدا الصح

عندي

على خاطر نجوز بيام 2013

و انشء الله ربي يوفقنا

 

[فتاة حساسة]

اهلا بيييييييييييييييك ماياااااااااااا تواحشتك ختيوة ..ايهه دبرتيها ديتي الصيف ..انا مازلناي نعقب الامتحانات حتى لو 21 ماي با نخلص ..ايه ماتفكرينيش ..الليام تاع العام هادا جامي ننساهم ..طوايش اللي درناهم ..الصحابات والزملاءا للي تعرفت عليهم ..صعيا بزاف تفارقيهم ......مي الصيف جايااااااا والبحر جاااي ..وكل شي يلص ..صاحيتي على الموضوع وادعيلي معاك :d​

 

[AnGeL*dZ]

سلآم’ ​

مبروكـ علينآ لفآكونس :d لعقوبهـ للي مزآلو ,انا ميتة بالسعآدة وأخيرآ تنفس الصعدآء:p ​

صح العآم هاذآ فآت بلخف مآحسينآلوش خلآص , تعرفنآ على حبآب وصحآب بزآف والفنآهم ووآلفونآ ’ خسآرة مانزيدوش نتلآقآو لأجل غير مسمى ( بويسك نبدلو الليسي) .
حتى انآ مانحبش الودآع , ليوم خرجت انا اللخرة من الامتحان ونص لي يقراو معآيا روحوآ ’المهم سلمنآ على بعض وودعنآ بعضآنآ وكآبتك دآرك .​

لكـ وديـ ​

رآيحة تروحي بلا ماتعرفنا على بعضانا
---------------------
أنا لـــــــــ‘ـعآم هذا عقبتو نص نص هو عدا في ساع
يامات ملآح سيرتو مع مهابل كلاصتنا :pدرنا حالة
سيرتو هذا الفصل
ضحكنا مع بعاض وبكينا مع بعاض
عداو عليا يامات عدت مش عبدة خلاص مي الحمـد لله لثم زدت حبيت اللي يقراو معايا
لبارح خلصنا ويبقى هذا لعام حلو وكيما يقولو يامات ليسي فور ،لعـآم لجآي بآك وان شاء الله كامل نفرحو ​

 

[{مُدَلَّلَتُهُ}]

السلام عليكم و رحمة الله

العام خلاص عندكم غير انتوما احنا مازلنا الجبيد منا ل 06/05 و يا ربي لا كملنا من الزهر و ليام
\
ما يغيضني فراق ما حاجة ديجا راني وينتا وينتا نروح لدارنا كرهت حياتي هنا في لاسيتي

ملاحظة : راكي سارقتلي ستيلويا لخضر :p

سلاموو
​

 

[رتيل]

رآيحة تروحي بلا ماتعرفنا على بعضانا

الله غآلب ما كتبتش كنت نوصل لكلآسة تآعكم وننسى ومرة مالقيتكمش ومرة كآنو وحد أخرين يقرآو لثم


بربي لعآم الجآي نشآله الا كتب ربي نتلآقآو​

:​

p​