خلاااص العام الدراسي 2012/2013 :/

[مايا الجزائرية]

وافقت على الموضوع

شكرا على موافقتك

 

[مايا الجزائرية]

السلام عليكم
سلام ختيتي
بالنسبة ليا الفترة الصباحية مافيهاش ديفيرونس
بويسك نوض الصباح أبكر من موالفة نوض في وقت القراية ههههههه
***
وي
هاديك بكري كانت تغيضني عمري كي يخلاص العام على خاطر كنت نحب نقرا و نحب اساتذتي و زميلاتي - بكري نقصد بيها السيام وآخر عام فيه -
وي في هادي عنك الحق تما وين كنا تغيضنا عمرنا كي نديو العطلة
اما 3 سنين تاع الليسي و هاد العام فالجامعة ما صبت وقتاش تخلاص القراية والvاي اي vيان و الميزيرية تاع الاجواء هاديك ’’’
البنة تاع نهاية السنة الدراسية كانت فاليامات الملاح يامات السيام اما دوك خلاص :down:
راني نسنى وقتاش يخلاصو العامين هادو باش نتفرغ لحاجات بزاااف راهم يسناو فيا
بون Vاكونص اختي و ما تخمميش الصيف يجوز يجري ويامات الراحة يطيرو تم تم ما تحسيلهمش gاع هههههههه​

الور انا نقولك منورة موضوعي
وشكرا على الطلة الباهية:d

 

[مايا الجزائرية]

مرحبآ ميوش
هاي حبيبي
العام هادا فوتو تقدري تقولي بموس في الرقبة
والوقت لي كنت نكرهو الـ07 كي جي تنوضني طاطاك
كنت نسنى غير وينتا يلحق الويكاند باش نجيب فيها كاش 10 ولا 11 رقاد هههه
........
في العام هادا كنت نحب نقرى مي ليبروف لي طاحو فينا يكرهو لقراية والحياة كامل
يعني نقدر نقول ودعت لآني وانا في قمة الفرح والتعب اومامتون ههه
ماصدقت وينتا تحررت...وبالاكي تقولي حنتوحش صحاباتي ووو ههههه والوووو
عندي صاحبة وحبيبة ورفيقة وتوام روح 1 برك توحشتها ودوماج فوتت العام بلا بيها
ربي يحفظها ويلاقيني بيها في القريب العاجل

مشكورة على الموضوع
و
عطلة سعيدة للجميع

:regards01:
​

وي حتى حنا طاحو فينا شيوخة ربي يستر
ماعليش ربي لاقيك بحبيبتك ان شاء الله

 

[مايا الجزائرية]

موضوع جد رائع ،،
متلك يا قمر
انا سعيدة وفي نفس الوقت حزينة سعيدة لأني كملت لقرايا نرتاح 4أشهر خخخخ وحزينة لانو صديقاتي العزيزات مانقدرش نشوفهم لمدة 4 أشهر عندي صديقتي العزيزة هي من تلمسان راح ترجع تبقى غير الإتصالات نتوحشهم كااااامل مي راهي صحبتنا ما تروحش لبعد المسافة .. اييه و ثاني نتوحش الأساتذة كاامل من أستاذ العربية الى الرياضيات الى أستاذة الإنجليزية والفرنسية .... الخ و حتى المراقبات راهي صعيبة بزااف لحظات الفرااق .
ميرسي على الموضوع الهاااااااااايل
وعطلة سعيدة ^ــــــــــ^ .
​

انت الهايلة مرسي على الطلة الباهية
عطلتك أسعد:d

 

[مايا الجزائرية]

اهلا بيك مايا
ايه صح كيما كنتي تقولي ، أجمل حاجة في القراية هي الذكريات ،
و القراية كانت تفاجي على قداش من ناس ، تلقى لواحد مايلقاش كيفاش يعبر عن شعورو :d
يولي يديفولي في الكلاسة ، و كاين لي يحب يتلاقا بأحبابو و أصحابو و القراية هي الحل الوحيد
و الفراق عليها لمدة 3 اشهر ، حاجة صعييييبة
المهم ، هي عطلة و لازمنا نرتاحوا فيها bien sur
و رح نرجعوا الموسم القادم :d
موضوعك جميل الف شكر على الطرح
تحيتي :regards01:
​

هلا وغلا مرسي
مرسي ليك على المرور نورت الموضوع

 

[إلياس]

مادامت انتهت الدراسة نصيحتي لكم استغلوا العطلة الصيفية

 

[مايا الجزائرية]

اهلا بيك مايا
ايه صح كيما كنتي تقولي ، أجمل حاجة في القراية هي الذكريات ،
و القراية كانت تفاجي على قداش من ناس ، تلقى لواحد مايلقاش كيفاش يعبر عن شعورو :d
يولي يديفولي في الكلاسة ، و كاين لي يحب يتلاقا بأحبابو و أصحابو و القراية هي الحل الوحيد
و الفراق عليها لمدة 3 اشهر ، حاجة صعييييبة
المهم ، هي عطلة و لازمنا نرتاحوا فيها bien sur
و رح نرجعوا الموسم القادم :d
موضوعك جميل الف شكر على الطرح
تحيتي :regards01:
​

هلا وغلا بيك
شكرا على المرور العطر

 

[مايا الجزائرية]

لالالالالا
أنا هادا وين بديت نقرى صح صح
ههههه
عندي بيام
عموماآآ صحليكم يا ليكملتو القراية :cray02:
و لعقوبة ليآآ :-r
شكرا على الموضوع المميز :up:
تحياآآتـــــ,ـي
:regards01:
​

ربي يوفقك ان شاء
شكرا على المرور

 

[مايا الجزائرية]

سلام
كيف الحال موضوع مميز
ان العام الدراسي انتهى و لم تبقى سوى الدكريات شيئ ماسف ان نترك صديقاتنا ولكن سنلتقي من جديد

سلا لاباس الحمد لله
ايه
هاكدا دايرة :p
عطلة سعيدة ،،منورة

 

[مايا الجزائرية]

ههههههههههه ماتسخفونيش بويسك أنا راني مزلت نعانيو
راني ننوض بكري علاجال هم الباك
أأأأأأأف وتستمر المعاناة.و
وااااااااااااااااااااااع بصحتك
نموت على العطلة و قعاد الدار.
​

ربي يوفقك ان شاء الله وتفرحينا
منورة الموضوع

 

[مايا الجزائرية]

hna hna fi bechar rana en greve makan ni compo ni bultin

اوووووووووه ،علاش؟؟
ماعليش ربي يجيب الخير
شكرا على المرور

 

[مايا الجزائرية]

خلص صح
شكرااااااااااااا

:p مرسي على المرور

 

[مايا الجزائرية]

سلآم’
سلام
مبروكـ علينآ لفآكونس :d لعقوبهـ للي مزآلو ,انا ميتة بالسعآدة وأخيرآ تنفس الصعدآء:p
ان شاء الله

صح العآم هاذآ فآت بلخف مآحسينآلوش خلآص , تعرفنآ على حبآب وصحآب بزآف والفنآهم ووآلفونآ ’ خسآرة مانزيدوش نتلآقآو لأجل غير مسمى ( بويسك نبدلو الليسي) .
حتى انآ مانحبش الودآع , ليوم خرجت انا اللخرة من الامتحان ونص لي يقراو معآيا روحوآ ’المهم سلمنآ على بعض وودعنآ بعضآنآ وكآبتك دآرك .

لكـ وديـ
​

كيفي ما نحبش الودااااع
منورة موضوعي

 

[مايا الجزائرية]

أهلا أختي
بالنسبة ليا هاد العام هو العام الأول ديالي فالليسي و أظن أنه أحلى عام و جاز فرمشة عين
تلاقيت فيه ببزاف أصدقاء و زملاء جدد ما كنتش نعرفهم و علابالي راح نتوحشهم بزااااف و نتوحش الأوقات اللي كنت فيها معاهم و المواقف الطريفة الكثيرة اللي صرات في قسمنا و نتوحش الأساتذة بزااااااف و الليسي بشكل عام
مع أنني عام كامل و آنا نستنى فليvاكونس بفارغ الصبر و لكن دورك مانيش متحمسة خلاص surtout كي الجو راهو مسحب و كئيب تقولي راه حاس بيا هههههههه
يعطيك الصحة ختي و عطلة سعيدة للجميع و ربي يوفق صحاب السيزيام و الباك و البيام​

هلا وغلا
ربي يوفق الجميع
منورة موضوعي

 

[مايا الجزائرية]

صح هد السنة فاتت بسرعة سبحان الله هي ناقصة من عمرنا مشكورة على الموضوع​

والله بالخف

 

[مايا الجزائرية]

مرسي على الموضوع حبيبتي
بلا مزية
انا من جهة نقووول تهنيت من القراية والتعب اللي بزاف نسهر نقرا نود الصباح نريvيزي راكي على بالك و من جهة تغيضني القراية وليمات الحلوة شتا ولا صيف مي معليش نولو ا العام الجاي ان شاء الله الباك
هادا العام الحمد لله فات مليح وراني مسحفضا بهادوك ليام و متفكرتهم تاع الكلاصة و كلش
ايا ربي يسهل لجماعة الباك ان شاء الله
تقبلي مروري ميووووووش
​

ربي ينجحهم ان شاء الله
منورة الموضوع

 

[مايا الجزائرية]

مساء الخير مايا
مساء النور زينوبة
انا جوزت العام انتاعي

b1 مع لحباب و الاساتذة كيما قلتوا

مي كاين ناس متصبريش على فراقهم

انا مزال متهنيتش من القراية

100 بالمئة

على خاطر هذا وين بدا الصح

عندي

على خاطر نجوز بيام 2013

و انشء الله ربي يوفقنا

ربي يوفقك حنونة

 

[مايا الجزائرية]

اهلا بيييييييييييييييك ماياااااااااااا تواحشتك ختيوة
هلا فيك،انا توحشتك موووت ..ايهه دبرتيها ديتي الصيف ..انا مازلناي نعقب الامتحانات حتى لو 21 ماي با نخلص ..ايه ماتفكرينيش ..الليام تاع العام هادا جامي ننساهم ..طوايش اللي درناهم ..الصحابات والزملاءا للي تعرفت عليهم ..صعيا بزاف تفارقيهم ......مي الصيف جايااااااا والبحر جاااي ..وكل شي يلص ..صاحيتي على الموضوع وادعيلي معاك :d​

ربي يوفقك حنونتي
فرحينا برك:p

 

[فتاة حساسة]

ربي يوفقك حنونتي
فرحينا برك:p

ان شاء الله يا رب ..تقبلي تحيايتي اختي
​

 

[أمــ وليــد الجزائرية]

ايه اختي فكرتيني في يامات اليسي
صح كنا نحيرو مكتاه تجينا العطلة

انا نقلك غير غتنمي الفرصة تكبري
و تكملي قرايتك توصلي تبداي الخدمة ياو تنساي الرقاد

​