هاذا و لا هاذا؟

ملكة الروح

:: عضو منتسِب ::
إنضم
16 ماي 2013
المشاركات
40
النقاط
3
السلام عليكم يا اللمة الجزائرية
اليوم جيتلكم بخبر تاع ربح يعني هادي ختي و اللهي هي "كريمة الوهرانية" هذا هو إسمها المستخدم في هاذ المنتدى صحا ندخل في الموضوع و اللي هي في وحد الباج نتاع جازي دارو مسابقة شاركت فيها أنا و بابا و ختي "كريمة الوهرانية" اليوم عيطولها و قالولها ربحتي معانا و الجائزة هي سامسونغ غالاكسي س3 samsung galaxy s3 :up: أيا طبعا كاين 10 فائزين في هاذ المسابقة منبعد قعدنا ننقاشو في الموضوع أيا كاين قرارين كاين نتاع بابا اقترح لها هاد القرار و من التالي هي حرة طبعا !! و اللي هو تربحي منه زوج صوالح (حوايج) واللي هو تبيعه و تشري أيباد وتشري بورتابل نتاع لي توش باسكو لوكان تبعيه تربح فيه بزاف باسكو يدير حوالي خمس ملايين و الأيباد يدري تلات ملايين و نص هاكا و البوتابل يدير مليون ولا هاكا و القرار الثاني هو انه تخلليه عندها ! و بابا قاللها بصح لوكان تخليه عندك ماتخرجيهش معاك بسكو ممكن يخونوهلك و ختي الكبيرة اللي إسمها في هاذ المنتدى "نعناعة" و لا هاكا بسكو نسات إسمها في هاذ المنتدى المهم قالتلها لوكان أنا ربحته نبيعه و نشري صوالح بزاااف يعني قش و بالغين الى اخره و من التالي نستنى ردودكم و رأيكم و يلا كنتو مكانها واش تعلمو القرار اللول و لا التاني ولا التالت ولا............. المهم راني نستنى
ملاحظة : ممنوع المشاكل في الردود :down: راني نستنى حبابييييي :)
 

Rochdi.dz

:: عضو شرفي ::
إنضم
22 جانفي 2009
المشاركات
3,436
النقاط
351
محل الإقامة
هنا برك
الجنس
ذكر

هههههه
الله يبارك العايلة كامل في اللمة

ايا مبروك عليها قلها تبيعو و تشري بيه تلفون شوي مليح
و لباقي تقضي بيهم صوالحها
:-r

 

سمسم السمسومة

:: عضو متألق ::
إنضم
1 أكتوبر 2012
المشاركات
3,154
النقاط
191
محل الإقامة
باتنة
وعلاه اصلا راه تبيعوا تخليه حاجة مليحة أنا راه عندي صدقيني منيش مستعدة نبيعو و لا نستغنى عنوا راه فيه كل حاجة زعما كي تبيعوا و تشري أيباد ب 3 و 2 تصرفهوم و علاه.......بالبركة عليها​
 

imy_amani

:: عضو بارز ::
إنضم
15 مارس 2010
المشاركات
8,657
النقاط
851
اذا مش محتاجة لدراهمو علاش تبيعو تخليه
وماتخرجهش معاها
لخاطرش هي بنت وقادر يخونوهلها صح كيما قال باباك
تخليه
واذا محتاجة دراهمو تبيعو
 

serinee

:: عضو فعّال ::
إنضم
26 ماي 2012
المشاركات
2,568
النقاط
111
اهلا ب كريمة و انتي و نعنانة
اولا الف مبروك
ثانيا ادا كانت مش محتاجة دراهم وعلاش تبيعو انا راي تخليه راهو مليح و فيه بززاف عفايس
اما ادا كانت مش رايحة تستعملو و محتاجة لدراهم تبيعو و تشري بدالو بورتابل اخر و الباقي تقضي منو صوالحها

 

عاصفة الورود

:: عضو فعّال ::
إنضم
17 جويلية 2011
المشاركات
2,333
النقاط
191
قولها اذا مش محتاجاتو تمدولي :d
نتمسخر برك
قوليلها مبروك عليك
وانا كون في بلاصتها مستحيل نبيعو
راهو في ديزوبسيون ملاح
وكون تبيعو تندم عليه
سلام

 

سماح الجزائريه

:: عضو فعّال ::
إنضم
15 أفريل 2010
المشاركات
2,053
النقاط
83
مبروك عليها اولا
وثانيا الخواتات كامل مع بعضهم هنا مليح

خيوتك هوما تانى هنا ههههههههه
المهم مبروك عليها انا من عندى ما تبيعوش يبقالها خير
وادا كانت حابه صوارد تبيعوا وتشري اللى ايناسبها
وباقي تعمل بيهم واش تحب
لكن النصيحه ماتبيعوش​
 

بنـ MaPa ـت

:: عضو بارز ::
إنضم
6 ديسمبر 2009
المشاركات
7,954
النقاط
351
انا رايي من راي باباك
او تبيعو وتخطف فيها حاجة تع ذهب احسن
تلقاها في العاقبة
ومبروووك عليها هادا زهر ولا قيس يا سيدي ههه
الله يبارك لا نعطيها بعين


 
Top