هاذا و لا هاذا؟

ملكة الروح

:: عضو منتسِب ::
إنضم
16 ماي 2013
المشاركات
40
نقاط التفاعل
53
النقاط
3
السلام عليكم يا اللمة الجزائرية
اليوم جيتلكم بخبر تاع ربح يعني هادي ختي و اللهي هي "كريمة الوهرانية" هذا هو إسمها المستخدم في هاذ المنتدى صحا ندخل في الموضوع و اللي هي في وحد الباج نتاع جازي دارو مسابقة شاركت فيها أنا و بابا و ختي "كريمة الوهرانية" اليوم عيطولها و قالولها ربحتي معانا و الجائزة هي سامسونغ غالاكسي س3 samsung galaxy s3 :up: أيا طبعا كاين 10 فائزين في هاذ المسابقة منبعد قعدنا ننقاشو في الموضوع أيا كاين قرارين كاين نتاع بابا اقترح لها هاد القرار و من التالي هي حرة طبعا !! و اللي هو تربحي منه زوج صوالح (حوايج) واللي هو تبيعه و تشري أيباد وتشري بورتابل نتاع لي توش باسكو لوكان تبعيه تربح فيه بزاف باسكو يدير حوالي خمس ملايين و الأيباد يدري تلات ملايين و نص هاكا و البوتابل يدير مليون ولا هاكا و القرار الثاني هو انه تخلليه عندها ! و بابا قاللها بصح لوكان تخليه عندك ماتخرجيهش معاك بسكو ممكن يخونوهلك و ختي الكبيرة اللي إسمها في هاذ المنتدى "نعناعة" و لا هاكا بسكو نسات إسمها في هاذ المنتدى المهم قالتلها لوكان أنا ربحته نبيعه و نشري صوالح بزاااف يعني قش و بالغين الى اخره و من التالي نستنى ردودكم و رأيكم و يلا كنتو مكانها واش تعلمو القرار اللول و لا التاني ولا التالت ولا............. المهم راني نستنى
ملاحظة : ممنوع المشاكل في الردود :down: راني نستنى حبابييييي :)
 

هههههه
الله يبارك العايلة كامل في اللمة

ايا مبروك عليها قلها تبيعو و تشري بيه تلفون شوي مليح
و لباقي تقضي بيهم صوالحها
:-r

 
وعلاه اصلا راه تبيعوا تخليه حاجة مليحة أنا راه عندي صدقيني منيش مستعدة نبيعو و لا نستغنى عنوا راه فيه كل حاجة زعما كي تبيعوا و تشري أيباد ب 3 و 2 تصرفهوم و علاه.......بالبركة عليها​
 
اذا مش محتاجة لدراهمو علاش تبيعو تخليه
وماتخرجهش معاها
لخاطرش هي بنت وقادر يخونوهلها صح كيما قال باباك
تخليه
واذا محتاجة دراهمو تبيعو
 
اهلا ب كريمة و انتي و نعنانة
اولا الف مبروك
ثانيا ادا كانت مش محتاجة دراهم وعلاش تبيعو انا راي تخليه راهو مليح و فيه بززاف عفايس
اما ادا كانت مش رايحة تستعملو و محتاجة لدراهم تبيعو و تشري بدالو بورتابل اخر و الباقي تقضي منو صوالحها

 
قولها اذا مش محتاجاتو تمدولي :d
نتمسخر برك
قوليلها مبروك عليك
وانا كون في بلاصتها مستحيل نبيعو
راهو في ديزوبسيون ملاح
وكون تبيعو تندم عليه
سلام

 
مبروك عليها اولا
وثانيا الخواتات كامل مع بعضهم هنا مليح

خيوتك هوما تانى هنا ههههههههه
المهم مبروك عليها انا من عندى ما تبيعوش يبقالها خير
وادا كانت حابه صوارد تبيعوا وتشري اللى ايناسبها
وباقي تعمل بيهم واش تحب
لكن النصيحه ماتبيعوش​
 
انا رايي من راي باباك
او تبيعو وتخطف فيها حاجة تع ذهب احسن
تلقاها في العاقبة
ومبروووك عليها هادا زهر ولا قيس يا سيدي ههه
الله يبارك لا نعطيها بعين


 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top