مالفرق بيننا كلنا مسلمون ام نحن غير ...

A

anis 4ever

:: عضو مُشارك ::
صرحتا انا من زمان كنت حاب افرغ قلبي لكن لم اجد من يسمعني
الليوم تذكرت اللمة قلت ندخل ونفرغ قلبي ونعرف واش رايكم في قصتي

نبدا :(

قبل اسبوع ذهبت انا وامي واختي الصغيرة لمدينة سطيف لاول مرة باش نزوروها
رحنا لحديقة الحيوانات وزورنا بزاف بلايص لحق وقت الغداء دخلنا مطعم هناك وطلبنا باش ناكلو
مانطولش عليكم صونا بابا لامي وتعرفو اللهجة تع العائلة امزيغية لانه الاصل من وقت جدودنا
امي قاعدة تهدر مع بابا وانا لحضت عائلة قاعدة تضحك علينا وعلى امي لانها تهدر بالامزيغية

اختي حزنت بزاف وانا تزعفت وكي روحت ليهم قلت واش يضحك فيكم تعرفو واش قالو
احنا نضحكو على اللغة تعكم ماشي قلت لهم وعلاه ماشي لغة هذي
قالو احنا مانفهموهاش وحتى شخص مايفهم لغتكم

املا غير ماكلاه نكمل صار ماصار وزعفت امي وبدا ت المشاكل بين العائلة
وانا من ذالك الوقت روحنا مع اننا كنا حابين ندورو في عين الفوارة لكن سات الامور

انا حاب اعرف وعلاش احنا ماشي عباد ماشي مسلمين :@
ياك رانا اخوة وعلاه هما هاك
وهل اناس كامل يكرهو الامزيغ
 
حاشا لله
لا حبيبي شوف صباع يديك تلقاهم ماشي كيف كيف
بلاك برك طحتو في عباد عيانين مايمثلوش الناس كامل
انا كون نشوف افامي قبايل يحكو قبايلية نورمال
مي صح نزعف كي يكونو وسط جماعة وزوج قبايل يحكو بالقبايلية هنا المشكل ...
تمنى راك فهمتني حبيبي ..
​
 
مشكور خويا حمزة
صح معك مي بصح لازم الناس تعملنا عادي ناس مثلهم مثلنا
يعني حتى وان نحكو في وسطة جماعة لازم الناس توالف ناس الامزيغ وتحترم كانك تحترم اي انسان
 
اوي خويا فهمتك
مي خويا لازم الولايات الاخرى يعني الشاوية والعرب
لازم يعرفو احنا مقدرينهم وهما لازم يقدرونا
ماشي باش يضحكو علينا
الام تعي زعفت بزاف من الناس هذو
حتى اننا ماكملنا الغداء
 
كاين هاذي اخي
هاذي عندنا غير فالجزاير
الشرقي مايتفاهمش مع الغربي
والعاصيمي يكره الغربي والشرقي حاسب روحو هو اصل الجزاير
وتاع الشمال يضحكو على تاع الصحرا
وووووو
ياك الفرق بين المسلمين هو التقوى واش هاذ العقلية اللي تعلموها الله يحفظ ويستر
 
الناس الجاهلة هي اللي عندها الجهوية

اما في الصح رانا كامل كيفيكيف ماكانش فرق

ماديريش عليهم فئة تمثل نفسها

احتراماتي ليك ولعائلتك


:regards01:​
 
ISMA.dz
.
انا اختي خلاص وعدت نفسي انا وامي والعائلة كامل مانروحو حتى بلاصة من غير تيزي وزو ولا ولاية في الامزيغ
الي صح يقدرو الامزيغي
 
قال anis 4ever:
ISMA.dz
.
انا اختي خلاص وعدت نفسي انا وامي والعائلة كامل مانروحو حتى بلاصة من غير تيزي وزو ولا ولاية في الامزيغ
الي صح يقدرو الامزيغي
إضغط للتوسيع...

راك غالط خويا انت طحت في وسط عايلة جاهلة

لكن وين تروح تصيب المليح والدولي

مش كامل مايقدروش الامازيغ

الامازيغ نعرفهم ناس بالطبع وعندهم النيف
​
 
ISMA.dz
...
لا اضن ذالك اختي العقلية ماتتبدلش في الدزاير
ونقلك حاجة تاني

انا عندي اصدقائي يروحو لولايات اخرى
يبداو يضحكو عليهم
لقيت روحي ماشي انا برك بل ناس بجاية كامل
 
السلام عليكم ورحمة الله و بركاته

و الله يا اخي كندا تتكلم باكثر من 200 لغة . على ذيك تطورت و تعرف بتعدد الثقافات و احنا ديما في مؤخرة العالم بهاذ العقلية

شوف يا اخي مش كل الناس كيف كيف . انا يقراو معايا ف الجامعة ناس يهدرو بالامازيغية و الله نقعدو ف الشومبرا و نقولولهم علمونا اللغة هاذي ولو غير كلمات برك

الدنيا هاذي فيها المثقف فيها المتعلم فيها الفاهم . الجاهل . الامي و غيرهم

زعمة هوما مين مايفهموش الامازيغية . يفهمو التايلاندية مثلا !!!

المشكل مش مشكل ف اللغة ولا ف الاجناس . المشكل هو ف الفرق بين العقول و الخدمة صديقي

متعمرش راسك بيهم صديقي سقسيهم وش دايرين في حياتهم حتى يضحكو على انسان اخر !! سقسيهم وش من ثقافة عندهم هوما مقارنة بثقافتكم و و و ..... الخ

______

طولت عليك الاخ سمحلي و السلام عليكم و رحمة الله .
 
محـ أمين م
..

ايه الناس هذو ماشي مثقفين
بصح علاه هما كونتر للغة الامزيغية

صرحتا كما العاصمة وناس تعها نورمال عقلية تعهم
جمي قالو لنا انتم لغتكم هاك هاك
عكس بعض الولايات
 
انا حاب اشكركم بزاف على الضيافة تعكم في اللمة واتمنى الناس يعني كل الولايات
اللذين ينضرو الى الامزيغي بنضرة مختلفة وحاقدة ان يتفهمو الامزيغ مثلما نحن نتفهمكم

يعني نقدرو نبدلو العقلية احنا تاني ونعودو نضحكو عليكم
مي احنا مانعملوش

شكرا لكم:-h
وربي يهدي الناس الي تضحك على الامزيغي :(
 
لا فرق بيننا سوى أننا نحن من نحاول تطبيق مبدأ التفريق على أشياء بديهية....لكل منا لهجته التي يحبها و يعشقها و يعتز بالتكلم بها و لكن ليس كل البشر يقدرون هذا....أخي الكريم من تحدثت عنهم جزء من مجتمع أو أقلية ربما كان من السهل لها السخرية و لكن جهلنا ما جعلنا دوما متفرقين رغم أننا كما قلت بلد مسلم عربي....لا عليك و ليس حقا ما يستدعي الازعاج أخي...تحية لك أخي​
 
انا من رايي ما تاخدش الامر بجساسية ممكن برك استغربو نن اللهجة لا اكثر ولا اقل انا لست من الامازيغ ولكن امي مربية معاهم وتفهمها مليح وانا ثاني نفهم منها شوي واهلي منهم وممكن المشكل راه متبادل حتى القبايل كي يتلمو احيانا وتكون انت عربي في وسطهم يحقروك وولو يهدرو بلهجتهم وانت ما فهم والو فتكون ردة الفلع ربما الاستهزاء والضحك جتى تستفزهم
والحل الافضل انو كل واحد لازم يحترم لهجة ومنطقة الاخر كل واحد واصلو ولهجتو وطريقة كلامو ويبقى انو كامل يجمعنا الاسلام ولو اننا نفهم الاسلام مليح لما كانت هاته المشاكل تاع الجهوية واللهجات
 
أم أمين23
..
كلامك صحيح لازم الافضل انو كل واحد لازم يحترم لهجة ومنطقة الاخر
 
تبا راح المليح في جرة الحاير
ناس كيما هادو ما يلزمش يفرينيوك على اي حاجة انت حابها
بالعكس كون عطيتهم حقهم ودرتهم طوط على الحيوط
انا كنت نقرا فالاجمعة وكان معانا واحد اصلو امازيغي وحد نهار تناقشت معاه
قالي احنا من اللي خلقنا واحنا عايشين في قسنطينة بصح في دارنا بابا ولفنا نحكو بالامازيغية باش ما ننساوش لغة جدودنا
حسيتهم ناس يحافظو على الأصل واحترمتو ونحشم منو كي يكون يحكي بلهجتو ونغير منو
الناس مختلفين ،، امالا هاد العايلة المتخلفة كون يروحو فاكونص للترك يضحكو عليهم الأتراك؟
ياخي عقلية تفشل،، فريمون
​
 
شوف خويا الجهوية ديما كاينا
كبر قلبك برك
بالعكس اللهجة الامازيغية شابة
 
توقيع la lune rose
ba3bo3, تم حظره "حظر دائم". السبب: مخالفة القوانين
هذي عنصرية وهي لخلتنا نقعدوا توالا وهدو جوهالا أنا نبغي نسمع هدرا ماشي كما هدرتي ربي خلق ونوع وأنا نبغي نعرف ماشي غير لهدرة تاني لعادات وتقاليد نتاع الناس
خويا هادوا والله جاهلين والجاهل مايفهم مايستفهم ولوكان تبغي تفهمه يعيك
 
مانطولو مانثرو و نقولو لي في القلب

انا من وهران و هنا في وهران نشوفهم يكرهو الامازيغيين صراحة و لكن لاحظت ان السبب هو الامازيغيين يكرهونا و يكرهونا بزااااااااااااف يبانلي البداية من بعض الناس منكم و منا هوما اللي خسروها
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom