سلسلة عواي وفوايد :شوفو الجهل وين وصلها ؟؟ الطفلة قريب ماتت !!

[ام راقية]

اليوم في سلسلة عوايد وفوائد​

جبتلكم قصة حقيقية من واقعنا اللي نعيشوه و عايشينو كل يوم
​

هاذي قصة شابة في 37 سنة من عمرها . كأي شابة عادية متوسطة الجمال​

و ذات مستوى دراسي لا بأس بيه متحصلتش على شهادة البكالوريا لكن بفضل عزيمتها و إرادتها قدرت تتحصل على شهادات معادلة و إختارت تخصص جميل
​

قادر يأهلها لوظيفة تحلم بيها كل وحدة في مكانها لكن هي محوستش على الخدمة وما تعبتش روحها لا لشيء الا لأنها تخدم و شغلها يعود عليها براتب شهري مكفيها و الحمد لله​

دارت منو الجهاز لي تحلم بيه كل عروس و الذهب و صيغت روحها من الشيء لي تلبسو والشيء لي تخبيه المهم متعت روحها .
​

هاذي البنية كأي وحدة في سنها تحلم وتتمنى دير الدار خاصة كي زادو الناس قلقوها بأسئلتهم ​

كاش خطيب ؟؟واش بيك لتو ما عرستيش ؟؟

​

و الأسئلة المحرجة من هذا القبيل و لي تخلي الواحد يبدا يتوسوس ​

و علاه غاب هذا الخطيب وما دقش الباب ولا كان دق الباب وعلاه ما ولاش؟؟​

​

المهم أختنا هاذي دخلت في واحد الدوامة والصراع النفسي متتحسدش عليه​

و لي سبابو الناس الجاهلين :راكي مسحورة راهم دايرين ليك !! راكي موقفة :s:s!!​

إجري على روحك و بدات رحلة البحث و الضياع بين الطلبة والعزامين​

هذا يقول ليها راكي مسحورة؟؟​

وهادا يقول ليها راكي موقفة ؟؟وهذا راكي بعيد الشر مسكونة؟؟​

وهي تجري كي المهبولة و تدفع في صوارد كبيرة لهاذوما المشعوذين و المحتالين .​

و أثناء الرحلة الأليمة بين خسارة دراهم و تعب و إرهاق ​

بدات حالة الطفيلة تسوء و تدهور و راحت هاذيك الضحكة والتبسيمة​

وبدا يضهر عليها غير المرض و الغبينة ​

كي تشوفها تقول هذي عندها مرض والكل يجزم إنها مريضة و هي تعاند وتقول
​

شوفو السحور واش دار فيا وين وصل بيا .:s:s​

بلا ما نطول عليكم تصورو في الأخير واش ظهر عندها ؟؟؟؟؟؟؟؟؟؟؟؟​

المخلوقة ظهرت لا بيها سحور ولا معمول ولا شي من هذا القول .​

ظهر عندها مرض اللهم عافينا و ألطف بينا​

و كون ما سترش ربي و ما زربتش يوصلها للمات .​

و الحمد لله راهي توعات و بدات رحلة العلاج مع الطبا و التحاليل ​

في النهاية نتمنى منكم تقولولنا وا ش إستخلصتو من قصتنا اليوم؟؟؟​

واش هي نصائحكم للناس كيما بطلة قصتنا اليوم ؟؟؟؟​

​

تحياتي​

​

أختكم أم راقية
​

​

​

 

[حفيد هواري بومدين]

يعني واش راح نقولك العبد يتأتر صح بكلام الناس في لحضة ضعف بصح لازم تكون شخصيتو قوية شويا والا يبقى في الحضيض
وافقت على الموضوع

 

[secret de coeur]

وعليكم السلام ورحمة الله وبركآته
ياختي الناس هدوما كون يقعد الواحد يتبع في هدرتهم راه مايسلكش
ربي يشفي الأخت هادي وحمد لله الي فاقت بمرضها تع صح مش قعدت تجري فالفاضي
ومكتوبها كي يلحق راهي تزوج ان شاء الله
​

 

[serinee]

اهلا بك ام راقية و ربي يبارك فيك على الموضع الرائع
صدقيني مجتمعنا و لا يجرح و يهدر ربرك
انا البارح برك عيطيتلي وحدة في العمل باش نوريلها حاجة قلت معليش سرين روحي مافيه والو المهم وريتلها و بدات كاش خطيب قالتلها لالا مازال ما جا لي يناسبني و لي كاتبو ربي
ايا بدات تشوف فيا بواحد النظرة انا غير نقرا القران
قالتي اي محال هدا الزين كامل و راهو قاعد قلتلها اي ربي مقتاش كتب يا مرحبا و الشغل المليح يطول
ايا كملت من هدا السوجي جيت خارجة قالتلي لالا اصبري قوليلي انتي كي نخلصو تجبدي دراهمك كامل قلتلها وعلاش قالتلي صافي انتي عويقة قلتلها اي انتي قلتيها
المهم نروحو للموضوع علابالي راني حكيت قصة حياتي
دركا الناس كامل ولاو يشوفو في البنت لي طول و ما تتزوجش بلي هدا سحر او كشما وكلوها او كشما درولها و هي في الاول و الاخير نصيب من عند ربي المهم الانسان ميتقلقش
و ثاني حاجة الحمد لله كي عرفت بلي راهي مريضة سينو حياتها كانت رايحة تروح كامل
هكدا مش ضيعت حياتها و مصاريفها في امور محرمة
ربي يشافيها ان شاء الله
مشكورة
​

 

[ماكانش]

أهلا ام راقية
يعطيك الصحة على الموضوع لمليح
والله الشعب تاعنا الي غلبان ومتخلف بزاااف
ألي تزوجت صغيرة يقولولها علاه تزوجتي وكاشما درتي معاه حتى تزوجتي صغيرة وو
ولكبيرة الي ماتزوجتش يبداو يسقسيو وهوما نيتهم خبيثة
وألي تزوجت وعام ماجابتش طفل يبداو ونتي واشربي كذا وروحي عند فلان
لوكان يقفلو فامهم برك
وماكانش قد الإسلام " من حسن اسلام المرا تركه ما لايعنيه حسنه النووي

 

[ام راقية]

يعني واش راح نقولك العبد يتأتر صح بكلام الناس في لحضة ضعف بصح لازم تكون شخصيتو قوية شويا والا يبقى في الحضيض
وافقت على الموضوع[/QUOTE

شكرا docteur abdou 24على تنزيلك لموضوعي :regards01:
فعلا تأثير الناس على الناس مفعولو كمفعول السحر أحيانا الله يثبت عقولنا

 

[benabid sifeddin]

السلام عليكم ورحمة الله وبركاته

أشكرك على الموضوع المميز
الحاجة اللي استخلصتها من هاد الحكاية
هي :
نفس الحاجة اللي نستخلصها كل يوم في كل أسبوع في كل شهر
نصيحتي لهاذ لمخلوقة هي نصيحة اي واحد قادر ينصحها
مااااااااتعمريش راسك بالناس
عيشي حياتك كيما تبغي انت ماشي كيما
حابين هوووووووووووووووووما
إرضاء الناس غاية لاتدرك
والنصيحة الثانية شوفي كاش تريكوا
كتوب فيه :
أخطووووووووووووووووووووووني يالعرب
بارك الله فيك

تـــحــيــاتي​

 

[الميزان]

الله يستر
ربي يقدر علينا كل خير

 

[بحــر]

شكرآ أختي على هده القصة و الموجود مثلها كثير بواقعنا المعاش
أما عن الشىء لستخلصتو و النصيحة لممكن نقولها موجود في توقيعك ,,,, التوكل على الله بالدرجة الأولى و الإدراك بل التيقن أنه ما شاء الله كان و ما لم يشأ لم يكن، فلمادا القلق إن كان كل شىء مسطر

​

 

[ام راقية]

شكرآ أختي على هده القصة و الموجود مثلها كثير بواقعنا المعاش
أما عن الشىء لستخلصتو و النصيحة لممكن نقولها موجود في توقيعك ,,,, التوكل على الله بالدرجة الأولى و الإدراك بل التيقن أنه ما شاء الله كان و ما لم يشأ لم يكن، فلمادا القلق إن كان كل شىء مسطر

​

أجمل نصيحة يا أخ بحر التوكل و اليقين فكل شيء مقدر ومقسوم
لبطلة قصتنا و للناس لي يستعجلو على مكتوبهم ويروحو لأشياء حرمها ديننا
الله يهدي الجميع

 

[ام راقية]

وعليكم السلام ورحمة الله وبركآته
ياختي الناس هدوما كون يقعد الواحد يتبع في هدرتهم راه مايسلكش
ربي يشفي الأخت هادي وحمد لله الي فاقت بمرضها تع صح مش قعدت تجري فالفاضي
ومكتوبها كي يلحق راهي تزوج ان شاء الله
​

وعليكم السلام ورحمة الله وبركاته
من فمك لربي يا أختي الكريمة الله يشفيها لأنها في الوقت الحالي ينفعها غير دعانا بالشفاء ليها .
الفايدة في الصحة لي ما يعوضها حتى شيء
شكرا على المرور
​

 

[الكاتبة الصغيرة]

اختي لازم الناس قاع ميامنوسش بهاذو والح تاع المشعوذين تتوكل على ربي و تستغفرو و ربي يفتحلها بيبان الخير و يوريلها الطريق الصحيح و هي ماكان خاها والو غر انها دارت على هدرت الغاشي و ملقاتش شوكن لي ينصحها و يوريلها الصح من الخطا

تقبلو مروري

 

[ام راقية]

اهلا بك ام راقية و ربي يبارك فيك على الموضع الرائع
صدقيني مجتمعنا و لا يجرح و يهدر ربرك
انا البارح برك عيطيتلي وحدة في العمل باش نوريلها حاجة قلت معليش سرين روحي مافيه والو المهم وريتلها و بدات كاش خطيب قالتلها لالا مازال ما جا لي يناسبني و لي كاتبو ربي
ايا بدات تشوف فيا بواحد النظرة انا غير نقرا القران
قالتي اي محال هدا الزين كامل و راهو قاعد قلتلها اي ربي مقتاش كتب يا مرحبا و الشغل المليح يطول
ايا كملت من هدا السوجي جيت خارجة قالتلي لالا اصبري قوليلي انتي كي نخلصو تجبدي دراهمك كامل قلتلها وعلاش قالتلي صافي انتي عويقة قلتلها اي انتي قلتيها
المهم نروحو للموضوع علابالي راني حكيت قصة حياتي
دركا الناس كامل ولاو يشوفو في البنت لي طول و ما تتزوجش بلي هدا سحر او كشما وكلوها او كشما درولها و هي في الاول و الاخير نصيب من عند ربي المهم الانسان ميتقلقش
و ثاني حاجة الحمد لله كي عرفت بلي راهي مريضة سينو حياتها كانت رايحة تروح كامل
هكدا مش ضيعت حياتها و مصاريفها في امور محرمة
ربي يشافيها ان شاء الله
مشكورة
​

أهلا بحبيبتي serinee كيف حالك إنشاء الله تكوني مليحة
فيما يخص ردك يا الحبيبة serinee والله لازم الواحد منا يدور وجهو على الناس لي يدخلو في خصوصياتنا
بحال لي كنتي تحكي عليها هي عينة منهم خطراكش الواحد منا يتعب كي يرد عليهم ويبقى يخمم في هدرتهم
كيما القصة لي حكيت فيها على الطفيلة لي تبعت هدرتهم حتى قريب طاحت في الهاوية
تبعتهم كون ما سترش ربي راي ضاعت :s .
في نهاية القول كاين برشا حوايج ملاح يستناو فينا
أولهم نهتمو برواحنا و نحاولو نسعدو أنفسنا كاين الكثير من الأمور لي فيها الفرحة .
شكرا serinee على ردك الجميل :regards01:

​

 

[ام راقية]

اختي لازم الناس قاع ميامنوسش بهاذو والح تاع المشعوذين تتوكل على ربي و تستغفرو و ربي يفتحلها بيبان الخير و يوريلها الطريق الصحيح و هي ماكان خاها والو غر انها دارت على هدرت الغاشي و ملقاتش شوكن لي ينصحها و يوريلها الصح من الخطا

تقبلو مروري

فعلا كاتبتي الصغيرة ياريت يسمعوك كامل الناس
و يتوعيو و يتوكلو على ربي و ما يغضبوشو بروحانهم للمشعوذين و الدجالين
لأن هذا الشيء راهو حرام حرام .
فعلا كاين ناس بدل ما تأخذ بيديك تزيد عليك :down::down:
المهم حتى أختنا هاذي كانت طرف في الموضوع و ضعفت أمام القيل والقال الله يشفيها
​

 

[serinee]

أهلا بحبيبتي serinee كيف حالك إنشاء الله تكوني مليحة
فيما يخص ردك يا الحبيبة serinee والله لازم الواحد منا يدور وجهو على الناس لي يدخلو في خصوصياتنا
بحال لي كنتي تحكي عليها هي عينة منهم خطراكش الواحد منا يتعب كي يرد عليهم ويبقى يخمم في هدرتهم
كيما القصة لي حكيت فيها على الطفيلة لي تبعت هدرتهم حتى قريب طاحت في الهاوية
تبعتهم كون ما سترش ربي راي ضاعت :s .
في نهاية القول كاين برشا حوايج ملاح يستناو فينا
أولهم نهتمو برواحنا و نحاولو نسعدو أنفسنا كاين الكثير من الأمور لي فيها الفرحة .
شكرا serinee على ردك الجميل :regards01:

​

و بك 100 اهلا و مرحبا
انا الحمد لله في نعمة
و انتي غاليتي كيف هو حالك
اي لازم تكوني هكدا مع الناس مع تعطيلهمش وجه سينو يدخلو في خصوصياتك
نزيدلك اليوم واحد الجون جاز بدا يسقسي فيها على عفايس جا خارج قاللو راك خاطب
انا ضحكت و خرجت قلتلها مدام معلابالكش عندو 2 و راهو يحوس على 3 و 4
و زيد لي يتبع دوما الصوالح تاع الشغودة ايمانو بربي كل ما يضعف
و يولي غير يامن بدنيا الاوهام
كي عجبني الموضوع لي وليت
ياك معليش
​

 

[ام راقية]

الله يستر
ربي يقدر علينا كل خير

أهلا بالميزان
الله يسترنا دنيا و آخرة أختي الكريمة
شكرا على المرور العطر :regards01:
​

 

[ام راقية]

و بك 100 اهلا و مرحبا
انا الحمد لله في نعمة
و انتي غاليتي كيف هو حالك
اي لازم تكوني هكدا مع الناس مع تعطيلهمش وجه سينو يدخلو في خصوصياتك
نزيدلك اليوم واحد الجون جاز بدا يسقسي فيها على عفايس جا خارج قاللو راك خاطب
انا ضحكت و خرجت قلتلها مدام معلابالكش عندو 2 و راهو يحوس على 3 و 4
و زيد لي يتبع دوما الصوالح تاع الشغودة ايمانو بربي كل ما يضعف
و يولي غير يامن بدنيا الاوهام
كي عجبني الموضوع لي وليت
ياك معليش
​

مرحبا بيك serineeحنونتي في كل وقت
و مرحبا بردودك غاليتي
كيما قتلك ما لازمش نفتحو حوار ما هاذوما الناس لأنهم لو نعطوهم فرصة تأكدي أنهم راح يتعبونا في حياتنا
ويدخلو في كل صغيرة وكبيرة :s:s
لأنو نحن الوحيدين لي قادرين ندبرو أمورنا كيما نحبو .
شكرا على مرورك عزيزتي
​

 

[مايا الجزائرية]

سلام
اختي الغالية عجبتني القصة معبرة بزاااااااف

ننصح كل واحدة كيفها تامن بمكتوب ربي وتخلي ايمانها بربي كبير
​

 

[ام راقية]

السلام عليكم ورحمة الله وبركاته

أشكرك على الموضوع المميز
الحاجة اللي استخلصتها من هاد الحكاية
هي :
نفس الحاجة اللي نستخلصها كل يوم في كل أسبوع في كل شهر
نصيحتي لهاذ لمخلوقة هي نصيحة اي واحد قادر ينصحها
مااااااااتعمريش راسك بالناس
عيشي حياتك كيما تبغي انت ماشي كيما
حابين هوووووووووووووووووما
إرضاء الناس غاية لاتدرك
والنصيحة الثانية شوفي كاش تريكوا
كتوب فيه :
أخطووووووووووووووووووووووني يالعرب
بارك الله فيك

تـــحــيــاتي​

أهلا بالأخ سيف الدين
فعلا إرضاء الناس غاية لا تدرك لذلك الواحد منا يحاول يعيش كيما سبق وقلتي لنفسو أولا
ويسمع نصائح غير لليوثق فيهم
و عجبتني نصيحتك * الثانية شوفي كاش تريكوا
كتوب فيه :
أخطووووووووووووووووووووووني يالعرب
حلوة هاذي يعني لازم نكتبولهم بالخط العريض باش يفهمو :s:s:s
​

 

[ام راقية]

سلام
اختي الغالية عجبتني القصة معبرة بزاااااااف

ننصح كل واحدة كيفها تامن بمكتوب ربي وتخلي ايمانها بربي كبير
​

سلام أخت مايا الجزائرية
الحمد لله أنها عجبتكم القصة واللي هي معبرة صح بزاف
فعلا النصيحة لكل وحدة تخلي إيمانها بربي كبير هذا هو الأهم والمهم :regards01:
​