أطيــب كنــافـة كأنها فيريرو روشي من مطبخي وبالصور من كوزينتـي

[روز]

السلام عليكم ورحمة الله وبركاته ​

تحضيرا لرمضان جربت وصفة شفتها في الأنترنت البارح وخرجت امممم
تحفة في الشكل وفي الطعم ​

في الشكل
الثاني تشبه كثيرا شكولاطة فيريروروشي و رافايالو
وحتى في الطعم تشببها نوعا مآ​

نبدأ على بركة الله​

أولا نحضر الكنافة نصف كيلو
ويجب أن تكون من النوع الرقيييق جدا حتى تنجح معاكم
كنافة يعني القطايف ...
نفرم الكنافة فرم ناعم
أنا قصيتها بالمقص قطع رفيعة​

بعدها في مقلاة نضع ملعقة زبدة ونحمص الكنافة فوق نار هادئة حتى تأخذ اللون الأشقر
وبعد ماتحمص اضغطو عليها باليدين حتى تزيد تتفتت معاكم وتصير مفرومة أكثر​

​

بعدها نضيف لها ملعقة كبيرة قشطة وتقريبا علبة واحدة نستله​

وتخلطي وتعجني حتى تتلم معاك ثم نضعها في قوالب مجوفة في الوسط
ولكِ حرية الإختيار نوع دائري أو مستطيل أو مربع​

​

خليها في الثلاجة حتى تشد روحها شوية وحضري في هذ الوقت الحشو وهو عبارة عن​

ضرف دريم ويب مضروب مع نصف فنجان حليب بالباتور + علبة قشطة وتزيدي تضربيهم بالباتور حتى تصير كريمة ​

بعدها تعمليهم كحشو والديكور من فوق على ذوقك​

أنا عملت رشة فستق مع خطوط من شكولاطة نوتيلا
وهذه النتيجة​

​

​

​

​

هذا عن الشكل الأول
أما شكل الثاني وكان لا يقل روعة بـ نفس عجينة الكنافة ​

وهنا استعيني بشكولاطة مارس أو سنيكرز أو اي نوع شكولاطة من هذا النوع
وتقطعيها قطع وتعمليها حشو وتشكليها كريات
الصور توضح أكثر​

​

​

​

والشكل الخارجي أنتِ حرة
بعض الحبات غطستهم في نوتيلا ذائبة واستعملت المكسرات
وكان هذا شكلها جميل جدا​

​

​

​

​

تخليهم في الثلاجة حتى تجف الشكولاطة
إن شاءلله تكون عجبتكم طريقة عملها سهلة وناجحة وشكلها رآآقي​

رمضان كريم​

 

[السلطانة]

وعليكم السلام
يامامي يامامي تسخف
يعطيك الصحة
وصفة هايلة ومخدومة باتقان
كنافة وعليها لكلام
يسلمووو
​

 

[SAMIRA25]

يمممممم و الله شهيتيني حلوة و عليها الكلام شكلها رائع و متحوفة
و اكيد طعمها تاني رائع و سهلة ما تحكمش الوقت بزاف خاصة التانية
ان شاء الله نجربها
يعطيك الصحة اختي روز و جزاك الله خيرا على الوصفة​

 

[־●ـ‗غمــــوض ــالــورد_ـ●־]

يامي يامي ممممم هايلة ،،
متحوفة وشكلها روعة تسخف ،،
تسلم ايديك حنونة يعطيك الصحة ،،
//
​

 

[ŚσÚмĨÁ.Ďz]

يعطيك الصحة جآتك رووعة

متقوونة بالبزآآآف وآكيد المذآق رآآئع :d

ربي يبآرك
​

 

[somo_81]

مممممممممممم حرام عليك روز تشهي فيا ريوقي سالو على الشيكولا نروح نصبر روحي بنوتيلا و خلاص
يعطيك الصحة خرجولك روعة مشكورة على الوصفة

 

[أم معاد]

و عليكم السلام اختي
رمضان مبارك على الجميع
مممممم و الله شهيتينا باين تهبل من الشكل و المكونات
يعطيك الصحة

 

[firouz_sweet]

يعطيك الصحة جاو بزاف هايلين سيرتو ديكوراسيون عجبتني بزاف
​

 

[روز]

وعليكم السلام

يامامي يامامي تسخف
يعطيك الصحة
وصفة هايلة ومخدومة باتقان
كنافة وعليها لكلام
يسلمووو ​

أهلا يا أميرة اللمة
الموضوع وهو في السما تحكميه كي العادة
شكرا على الرد وعلى الإطراء
ان شاءلله تجربيها نتي تاني

مرسي بزاف
​

 

[أم أمين23]

واو الشكل هايل واكيد الطعم ثاني الله يعطيك الربح ما عندي كيفاش نجربها هههه مي معليش خبيلي برك شوي حتى نتلاقو ههههههههههههههه

 

[ام قصي]

واش راحا انقولك حتى عدت نرجف اعلاه اعليك احرام اعواشر وانت اتسخفي فينا

​

 

[hadda0425]

مممممممممممممممممم روز يشهيو
تسكتي تسكتي وطلي علينا بحاجة تجبد المخ ربي يبارك
يعطيك الصحة والله هاااااايلييين
​

 

[ام منصف]

الله الله على الجمال والاتقان
تعرفيني مغرومة باطباقك وبطريقة تقديمك الراقية
يعطيك الصحة
مع اني ما نحبش القطايف بصح بهذه الطريقة اكيد راح ندمنهم
ما تنسايناش بجديدك في رمضان
​

 

[ألاء الرحمـــن]

مممممممممممممممم من شكلهم يشهو
يعطيك الصحة روزيتا على طريقة ان شاء الله نجربها
رمضان كريم

​

 

[ملكًة الاحسآس]

يآو حق ربي من نهآر شعيت النت
مآسخفت لطبخة للدرجة هدي كمآ سخفت للكنآفة تآعكـ
تحفــة الله يبآركـ
والديكور مآنقولكش هو الي سخفني أكثر
يسلموو دوكـ اليدين حبيبتي
وبصحتكم :up:

​

 

[روز]

يمممممم و الله شهيتيني حلوة و عليها الكلام شكلها رائع و متحوفة

و اكيد طعمها تاني رائع و سهلة ما تحكمش الوقت بزاف خاصة التانية
ان شاء الله نجربها

يعطيك الصحة اختي روز و جزاك الله خيرا على الوصفة​

أهلا سميرة طعمها مقرمش من برا وهش من داخل هايلة فعلا
ماتحكمش الوقت بزاف خصوصا النوع الثاني
ان شاءلله نشوف التطبيق نتاعك في أقرب وقت

الله يسلمك حبيبتي وشكرا على الدعاء
​

 

[روز]

يامي يامي ممممم هايلة ،،

متحوفة وشكلها روعة تسخف ،،
تسلم ايديك حنونة يعطيك الصحة ،،
//​

يسلملي المرور والتعليق الحلو
شكرا على التشجيع بارك الله فيك أختي أماني​

يعطيك الصحة جآتك رووعة ​

متقوونة بالبزآآآف وآكيد المذآق رآآئع :d​

ربي يبآرك ​

أهلا وسهلا سمية نورتي
مذاقها أكثر من رائع جربيها ومش راح تندمي
يبارك فيك أخية ، شكرا


​

 

[CHOUAIB12]

اسمحولنا على التطفل ,,حبيت فقط نسجل اعجابي ,,ففي الاخير الطبخ نوع من انواع الفنون

 

[TeNtOuNa]

mmmmm سخفتيني رزروزة في رمضان ان شاء الله نجربها
عندي سؤال برك ديمة نشوف فالوصفات الخليجية الدريب ويب هدا وشي هو؟ يعني كرام شانتيي ولا حاجة اخرى
​

 

[روز]

مممممممممممم حرام عليك روز تشهي فيا ريوقي سالو على الشيكولا نروح نصبر روحي بنوتيلا و خلاص
يعطيك الصحة خرجولك روعة مشكورة على الوصفة

اسمحيلي سومو العزيزة نسيت راكي في وقت صعيب ( مع الوحم

بصحتك النوتيلا
والله يسلمك على التشجيع والرد
رمضانك كريم​