السرقة فيه حلال

[أم أمين23]

سلام من جديد واش احوالكم واش اخباركم راكم يا جماعة راقدين انشطو شوي
اليوم حبيت نحكي على واحد العبارة كثير منا يستعملها وهي السرقة فيه حلال والا حلال فيه السرقة
المهم اكيد كاين بزاف منا يقولها وعلى بالكم وقتاش
بصح صح كاين عباد حلال فيهم السرقة ؟:p:p
وقتاش السرقة حلال؟ والا ماكانش منها السرقة سرقة
والا احنا برك لسانا مشى على هاد الكلمات؟:s:s
ليكم الخط كملو واحكو وان شاء الله ما ترقدوش برك :regards01::regards01::regards01::regards01:
​

 

[sahiko hamza]

رد: السرقة فيه حلال

من عندي انا سرقة سرقة ..
​

 

[ريانة]

رد: السرقة فيه حلال

يا ختي السرقة سرقة والمعنى تاعها أنك تدي حاجة خاطيتك وماشي من حقك بلاك صح نقولوها كي مثلا واحد لاباس أعليه وما يصدقش وما يعشرش ونسمعو بيه سرقوه نقولو حلال السرقة فيه ماشي معناها ربي آو يفوتها للي سرقو no . الحلال بين والحرام بين . -كاين شي علماء حللو سرقة الزوجة لزوجها كي يكون عندو وما يصرفش وما موفرش لدارو أهم متطلبات الحيات ودراهمو رايحين عالمقاهي والدخان والقماروالرفاق *****برواية الإمام البخاري في كتاب النفقات، إذا لم ينفق الرجل على زوجته فللمرأة أن تأخذ بغير علمه ما يكفيها وولدها بالمعروف.****** والله أعلم.:s

 

[أم أمين23]

رد: السرقة فيه حلال

اولا مرسي على الاعتماد اييي ويي السرقة سرقة يا سي حمزة
ويا لالا ريانة راكي بينتيلنا شوي وقتاش ممكن نقولو العبارة وتبقى ثاني السرقة سرقة

 

[مسلمة فخورة بجلبابها]

رد: السرقة فيه حلال

السرقة هيا السرقة لوكان حبة قمح بدون اذن تديها سرقة ...........المهم الشيء الذي ليس لك وأخذته بدون علم صااحبه يعتبر سرقة

 

[حكيك]

رد: السرقة فيه حلال

السلام عليكم
انا نعرف كدبة بيضة بصاح سرقة بيضاء منعرفهاش هههه
املا سرقة هي سرقة حتى ولو حبة حلوة
مشكورة على الموضوع ام امين

 

[أم عبد الله]

رد: السرقة فيه حلال

ممممممممممممم سلامي
السرقة الحلال والله هاذي المقولة اول مرة نسمع بيها ومانيش عارفة في اي غرض تستعمل
مي نعرف كيما قالت الاستاذة حكيك الكذبة البيضة وهي كل كذبة نستعملوها باه نخرجو من مشكل وتكون في الغالب كذب مي احنا نكذبو ع رواحنا ونقولو بيضة هههههههههه
عرفيني بمقصودك هاهنا لاستطيع محاورتك في الموضوع
راني رديت باه ماتقوليش فنيانين وراقدين ههههههههههههههههههههههه


سلامي​

 

[ابن ميلة البار]

رد: السرقة فيه حلال

الـــــــــــــــــمهم السرقة سرقة مافيهـــأش حلال و حرام

حرام و شرعــأ تقطع يد السارق لكن اين نحن من احكام دينـــــنا الحنيف

 

[أم أمين23]

رد: السرقة فيه حلال

مسلمة فخورة بحجابها وحكيك ونينا والاخ ابن ميلة والله على بالي السرقة حرام والسرقة سرقة بصح موضوعي ماشي على حكم السرقة انا نتكلم على استعمال العبارة في حد ذاتها ما على باليش الا انتو ما تعرفوهاش من اصلو بصح انا نسمعها كثير من المرات بقول السرقة فيه حلال في بعض الحالات كيما الي ذكرتها مثلا ريانة وطبعا انا ضد السرقة على طول الخط

 

[أم عبد الله]

رد: السرقة فيه حلال

وهو ذالك حبيبتي
نحن طلبنا شرح مبسط فقط هو المقولة او في اي سياق تستعمل لنتعرف عليها:d​

 

[أم أمين23]

رد: السرقة فيه حلال

هههه نينا يسمى انا حاطة الموضوع باش نلقى الرد عندكم نرد انا فيه خلينا نشوفو الجماعة لخرى ممكن تعرفها