ابشروا...!!...راح ترجع البراكة لان القمل رجع ...!!

[ام اسحاق]

مرحبا بناس منتدى وش راك تهدر .....توحشناكم و يا ربي رجعنالكم بالجديد المفيد ...

يا ربي تكونو باتم صحة و عافية ....

احبابنا الغايبين ربي يرجعهم على خيرو ربي يكونو بخير و الاعضاء الجدد نرحبو بيهم ...

المهم اليوم عندي حكاية ...وش من حكاية ..؟؟...!!

هادو اليومين الي فاتو تلاقيت جارتي :d..وبدينا نقصو و نحكيو كيم يقولو ناس عين البيضاء...تحية ليهم و للشاوية كامل :d

المهم حتى سقساتني جارتي و قاتلي وش من شمبوان shampoing راكي تغسلي لولادك ..؟؟..قلتلها انا mixa bébé

قالتلي او لا لا ما رانيش نحكي على الشمبوان العادي نحكي على shampoing anti poux

قتليها يا بنتي يهديك الله ....ربي يبعد علينا البلاء ..
وش من poux :s ...القمل ..؟؟.!!!!!...الgمل..؟؟؟؟.!!!!

قالتلي هيه ...او الناس كامل على بالهم راه في المدرسة يسركل ...
حتى جارتنا (...) لقات في ولادها ...

و انا

و مبعد ...
رحت نجري للعم قوقل ...و كتبت ..القمل في الجزائر ...

ياو لقيت كارثة ...

المدارس كامل عبر التراب الوطني يشكيو ..ولا ليرت راها تعيط !!

رحت نجري للتليفون بش نوصي مولا الدار كي يجي يجيب معاه الشمبوان كوقاية ......قالك هداك ما بقى نروح نفضح روحي ....

راح وصى صاحبو

راح لي فارماسيان كامل قالولو رفدوهم الصحاح راها ازمة ..الناس كامل راها تعاني ...

ما نعرف منين جاتنا هاد البلية ؟؟؟

ربي يعافينا ....

المهم كتبتلكم هاد الموضوع بش نردو بالنا كامل من هاد الآفة و نعسو ولادنا خاطر راه مصيبة في العدوى و ينقل الامراض ويدير امراض

و ما نعرف المصدر منين ؟؟؟؟؟؟؟؟؟؟

ربي يبقي الستر على وليداتنا ...........

تحيات ام اسحاق

​

 

[بنت الـ25]

رد: ابشروا...!!...راح ترجع البراكة لان القمل رجع ...!!

اهلا ام اسحاق
ايه قريت مام على الجرب في وحد المدرسة
مفهمتش من واش؟ زعما تطورنا والنظافة مفهمتش منين جا
عندك لا جابوه معاهم لي سيبورتور لي راحو لبوركينا فاصو خخخخخ ندحك برك
ايه والله ربي يستر ،، هدا وش نقول وربي يحميلك وليداتك
​

 

[Mr mino]

رد: ابشروا...!!...راح ترجع البراكة لان القمل رجع ...!!

لآَزْمً آلَدْوَلَةٌ تْكَثَرْ

{ آَلْفْلِيْطٌوْكًسْ }




​

 

[ايمن لطفي]

رد: ابشروا...!!...راح ترجع البراكة لان القمل رجع ...!!

يحلقو شعوراتهم ربما نتهناو من أفة قمل

 

[ام اسحاق]

رد: ابشروا...!!...راح ترجع البراكة لان القمل رجع ...!!

اهلا ام اسحاق
ايه قريت مام على الجرب في وحد المدرسة
مفهمتش من واش؟ زعما تطورنا والنظافة مفهمتش منين جا
عندك لا جابوه معاهم لي سيبورتور لي راحو لبوركينا فاصو خخخخخ ندحك برك
ايه والله ربي يستر ،، هدا وش نقول وربي يحميلك وليداتك
​

اهلين و مرحبتين ...مينات المينوشة :d

شفتي حنونة ؟ وش راه صاري فينا ؟ انا راني و الله ميتة بالخلعة ..بخوشة في الارض و ما نحملش نشوفها وين يا بخاخش في الشعر :-o

ربي يسترنا ..برك بصح هادي تاع الجرب وحدها ياااا لطيف !!

و نزيدك حاجة ..لي سيبورتور جابو الملاريا واقيلة ما نعرف اشاعة و لا صح ؟؟ :s
ربي يستر امة محمد كاملة يااا رب

وربي يحميك ويحفظك مينوشة البشبوشة بصح وين راح البلو سيال الازرق السماوي الي ينعش الروح
وين راحوا الابتسامات تاعك ؟؟.....راني نحوس على لومبيونص

هك ما نتفاهموش مينات


​

 

[قلمي سلاحي]

رد: ابشروا...!!...راح ترجع البراكة لان القمل رجع ...!!

ماتحيريش بالزاف مُلهمتي :d
العقول َgملتْ واللألسنْ دودّت والأفعال خمجت
يجي حتى أكثر من القمل

​

 

[zagane]

رد: ابشروا...!!...راح ترجع البراكة لان القمل رجع ...!!

السلام عليكم

لازم الدراري كامل بنات واولاد بولازيرو في المدرسة الوقاية خير من العلاج
الاولاد...
:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o:-o

البنات
:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$

 

[حسان]

رد: ابشروا...!!...راح ترجع البراكة لان القمل رجع ...!!

حل وحيد لا شمبوة و لا صابون حلق قرع و نتهنى

 

[ام راقية]

رد: ابشروا...!!...راح ترجع البراكة لان القمل رجع ...!!

أهلا أم إسحاق مواضيعك دائما غير شكل
بصراحة ضحكتيني و فجعتيني في نفس الوقت
منين جاء حاشك القمل ياخي علابالي بلي يقولو ناس بكري راح مع وقت فرانسا بكري
هو و الأمراض المعدية عافاكم الله فرنسا وقت المزيرية و الفقر
علابالك كون يعود صح كاين نصيحتي إنو يرجع الطب المدرسي و الفحوصات الدورية
وتوضع رقابة على الحلاقين و الحلاقات بصراحة من هنا تبدأ العدوى : السلاك , المقص ...البشكير
ياخاه الواحد لازم يعس روحو بصراحة رعبتيني هههههههه:s
​

 

[ام اسحاق]

رد: ابشروا...!!...راح ترجع البراكة لان القمل رجع ...!!

لآَزْمً آلَدْوَلَةٌ تْكَثَرْ

{ آَلْفْلِيْطٌوْكًسْ }




​

اهلا خويا مينو ...
بالعكس رد بالك تستعمل الفليطوكس كون يقدر عليك ربي بعدوى :-r
الله يبعد البلاء عليك و على امة محمد عليه الصلاة و السلام
خاطر الفليت يدير الحساسية في جلدة الراس و يدير مام ليgزيما ..و حتى يقدر يديرحساسية في التنفس بالاضافة انو يفسد الشعر ....

نجريو للشمبوان اونتي بو و هدا ما كان ...
​

 

[ام اسحاق]

رد: ابشروا...!!...راح ترجع البراكة لان القمل رجع ...!!

يحلقو شعوراتهم ربما نتهناو من أفة قمل

اهلا خويا ايمن ...

حل الحلق ربما يكون pراتيك للاولاد و لكن للبنات ....

شكرااا على مرورك و فكر لينا المرة الجاية في حل آخر يفرح لبنات
​

 

[ώᾄƒᾄA ħBᾄⱢ]

رد: ابشروا...!!...راح ترجع البراكة لان القمل رجع ...!!

:-o:-o:-o

يآ إلهي لم أسمع هذا الخبر قبل اليوم

ربي يسطرنا

لازملهم يديرو بولازيرو خخخخخخخ​

 

[ام اسحاق]

رد: ابشروا...!!...راح ترجع البراكة لان القمل رجع ...!!

ماتحيريش بالزاف مُلهمتي :d
العقول َgملتْ واللألسنْ دودّت والأفعال خمجت
يجي حتى أكثر من القمل

​

اهلا بالاوركيد ..شوي شذى يبعد عنا قرف القمل :p

هههههههههه...و الله صح العقول و َgملتْ و الالسن دودت ياااا لطيف و صح حتى الافعال خمجت و نتنت ...

على هاديك ربي يبلي فينا ...و مع ذلك نقولو ربي يعافينا و يبقي الستر علينا من الgمل تاع العقول و الشْعور :d
​

 

[مينة آلاء الْقُدُّوس]

رد: ابشروا...!!...راح ترجع البراكة لان القمل رجع ...!!

السلام عليكم ورحمة الله وبركاته
كالعادة مواضيع حساسة ومتميزة أختي أم إسحاق

يا أختي الجزائر راهي في نظر ( شي ناس ) متخلفة كي تهدري على لقمل تبان بلي كارثة وتبهديلة والناس تحشم كي ولادها ينصابو بيه كاين لي يقلك
من أسباب الإصابة عامل النظافة مالا راه غالط مكانش علاقة والدليل انو ينتشر عبر الاحتكاك
نرجعو للموضوع لازم نحمدو ربي لي الجزائر تحارب هاد الآفة وتعمل على عدم التحاق الأطفال بالمدارس حتى يتنقاو ارواحي تشوفي في المملكة المتحدة والله أنا اول مرة مصدقتش تشوفيهم شعرهم صفر حرير وهوما مقملين أنا أختي مسكينة باصات ببناتها نهار كامل وهي تنظف في شعرهم ودير لي برودوي والو يروحو سمانة تلقاي وحدة تحك في شعرها يروحو ليهم يقولولهم لازم تطردو التلاميذ لي مصابين كي يتنظفو رجوعهم والو يقولولهم
انتوما كونتروليو ولادكم وخلاص
أنا قلت معندهاش علاقة بالنظافة خاطر بناتها يتحممو يوميا ومرات يحكم في وحدة فيهم وتنظفها وكلش وتعاود وقلت بلي حاجة مليحة لي الدزاير راهي تحارب فيه خاطر في هاد الدولة لي راهي زعمة عظمى راه مزال حاجة وسمها القمل وعادية بالنسبة ليهم واكثر حاجة يقدرو يديروها هي ينبهوك برك ربي يستر راني نحك في راسي :p:d
يعطيك الصحة أختي أم إسحاق

 

[وجع الظلم]

رد: ابشروا...!!...راح ترجع البراكة لان القمل رجع ...!!

اولا نورتي المقام وهولتينا بالمقال:p
والله نقرا فيه ونحك في راسي:dالله يستر
ذكرتيني بوحد العجوزة ربي يرحمها اسمها"خالتي ماما"
كانت كي اتجينا اتقول لجداتي ربي يرحمهم اكل
والله اتوحشنا القمل كنا نلهاو في فلي الراس"اي تنقيتو":p
وكانت لاطونسيو ماكانش كان امص الدم الشين
كنا نشبعو ضحك عليها:d
انقولك حاجة اكبر بلد فيها القمل
هي فرنسا شفتها مرا في روبورتاج
ومgواه يا لحبيبة ما ايجينا القمل والجرب
الشعب راهو امزوق من برا برك
الشيفون جاب الجرب والجال جاب القمل
شباب ما يمشطوش اشعرهم بالشهر
بربي ماgواه ما يسكن القمل والبرغوث
ياو امزيا الي قلتي لنا انروح اندير دورة في ريسان اولادي
سيرتو بنتي الا شافت قملا اتبطل ليكول هذا اكيد
الله ابعدو علينا
بيناتنا ام اسحاق والله كانت البراكة كي كان القمل والجران
"الضفادع"
القمل ارجع والجران مسكين دخلوه كونداني في المطبخ
مشكورة على مواضيعك المميزة
"ماغي غوز"هو الي يقضي على القمل الا تاك:d​

 

[أمــ وليــد الجزائرية]

رد: ابشروا...!!...راح ترجع البراكة لان القمل رجع ...!!

انا في الاول مفهمتش الموضوع يعني بالضبط لقمل ه=ا معرفتش واش هو :d متضحكيش عليا خالتي

حتى رحت لعمي قوقل و سقسيتو ذربة وحدة جاوبني :-o عرفتو اخيرا


واش رح نديرو لازم نعسو روحتينا و خلاص و الله كارثة ولا لحقتنا :-o انا رح نهبل والله نكان نشوفو دخل لدارنا


ايماجين وحدة عندها شعر كبير الله ابارك و تحكم هذي العدوة كــــارثة

ربي و ستر برك​

​

 

[serinee]

رد: ابشروا...!!...راح ترجع البراكة لان القمل رجع ...!!

أهلا بك طاطا
صراحة منكدبش عليك
في الاول ضحكتيني ممبعد فاجئتني
ممبعد اقنعتيني
او منين جانا هدا القمل حشاكم
ايا مزية مانيش نقرا
ما تنسايش اشري شامبو للدراري و ردي بالك
الوقاية خير من العلاج
​

 

[إحْسَان]

رد: ابشروا...!!...راح ترجع البراكة لان القمل رجع ...!!

رَبي يعآفي كل مُبتلى من القمل ومشتآقته :3
​

 

[crazy of mydz]

رد: ابشروا...!!...راح ترجع البراكة لان القمل رجع ...!!

والله خلعني عنوان الموضوع وزادت كملت عليا الخلعة كي دخلت وقريته
يارب استرنا من هذه الأفة المقززة
الف شكر غالية على النصيحة ​

 

[amina-amina]

رد: ابشروا...!!...راح ترجع البراكة لان القمل رجع ...!!

OOOOOOOOOOOOOOOOOOOooooooooooooooooooo!!!!!!!!!!!!!!!!!!!!!!!!!!!!!!!!