تحلية فخمة و لذييييذة من مطبخ ام نيفين

[أم نيفين]

السلام عليكم و رحمة الله و بركاته

هاذ التحلية جي بنيييينة و ماتتشبعش بشهادة اهل البيت
للامانة هاذ الوصفة شفتها أولا في منتدى خليجي و من بعد لقيت اخت من منتدى آخر معدلة فيها يعني مترجمتها هههه
نقولها بارك الله فيك

أولا الطبقة الاولى:
كيكة سوداء:
بالباتور تخلطي 4 بيض+1/2 كاس سكر مليح حتى يبياضو+1/2 كاس زيت+1 م ك كاكاو اسود+5 م ك فرينة+1 خميرة
تكبي الخليط فالمول المتحرك يكون مدهون بالزبدة و دخليها تطيب في فرن 180°
بعد ماتخرجيها خليها تبرد و من بعد فتيها مليح و عاودي رجعيها للمول المتحرك و رصيها مليح مليح بيدك
*تحضري في طبسي 3 م ك لحظة+1 م ك نسكافي او كابتشينو تبليهم بشوية ماء دافئ تتحصلي على خليط اسقي بيه الكيكة المرصوصة سابقا
و من بعد ستفي حبات بيمو او بيسكوي الزبدة (المستطيل الشكل) اقسمي الحبة على 2 و اضغطي عليها باش تلصق..و دخلي الكيكة تتماسك فالثلاجة

في هاذ الوقت حضري الطبقة 2:
في الطاس الكهربائي نحط 150غ بسكويت +كاس حليب+1/4 كاس زبدة +1 م ك نيسكافي او كابشينو و نخلطهم مليح ==(1)
2 باطات فلان فاني او كرامال نوارة+2 كيسان ماء+4 م ك لحظة نخلطهم مليح و نحطهم على النار مع التحريك حتى يغلي ..نهزو من النار و زيدلو الخليط (1) مع التحريك السريع بالفووي و هنا خلاص الطبقة الثانية وجدت ..نجبد الكيكة من الثلاجة و نكب عليها هاذ الخليط برفق و نرجعها للثلاجة ..رايحين تلاحظو بلي تتماسك بسرعة

الطبقة 3:
2 باكيات فلان فاني نوارة+2 كيسان ماء+1 م ك كاكاو اسود+ 4 م ك لحظة و نخلطهم مليح و نحطهم على النار حتى الغليان مع التحريك
و نكبها فوق الكبقة 2 برفق بعد ماتكون بردت

ملاحظة: قبل ماتحطيها فالثلاجة حاولي بكيردون نحي البالونات لي يجيو فالسطح باش يجي املس ماشي مشوه هههه

و شهية طيبة

دعواتكم لي بصلاح اولادي و تيسير اموري​

</B></I>

 

[أم نيفين]

رد: تحلية فخمة و لذييييذة من مطبخ ام نيفين

شوفي نانو شحال راهي الساعة و كاين 3 ضياف ههههه شمو الريحة

 

[NaNouS]

رد: تحلية فخمة و لذييييذة من مطبخ ام نيفين

يعطيك الصحة على الوصفة ام نيفين هبلتني هاد التارتة ان شاء الله نجربها وتصلحلي كيما انتي

 

[أم نيفين]

رد: تحلية فخمة و لذييييذة من مطبخ ام نيفين

باذن الله تصلحلك حنونة ...شكرا

 

[SAMIRA25]

رد: تحلية فخمة و لذييييذة من مطبخ ام نيفين

يعطيك الصحة اختي ام نيفين على الوصفة
تشهييي بارك الله فيك و جزاك خيرا​

 

[om mima]

رد: تحلية فخمة و لذييييذة من مطبخ ام نيفين

روعة ما شاء الله

 

[ام خديجة1]

رد: تحلية فخمة و لذييييذة من مطبخ ام نيفين

بارك الله فيك اختي ام نفين وصفاتك دائما مميزة ورائعة ربي يباركلك في اولادك ويعطيك واش تتمنايه

 

[أمونة المتألقة]

رد: تحلية فخمة و لذييييذة من مطبخ ام نيفين

وصفة رائعة وباينة بنينة

بارك الله فيكي حبيبتي و ربي يهنيك و يحفظلك ولادك ان شاء الله​

 

[ange.ange]

رد: تحلية فخمة و لذييييذة من مطبخ ام نيفين

وصفة رائعة مشكورة اختي
و ربي يسير امورك وسهلك و يصلحلك اولادك ان شاء الله

 

[شرشالية]

رد: تحلية فخمة و لذييييذة من مطبخ ام نيفين

يعطيك الصحة على هذ الشرح المبسط ان شاء الله نجربها
و ربي
يسير امورك وسهلك و يصلحلك اولادك ان شاء الله

 

[أم نورس]

رد: تحلية فخمة و لذييييذة من مطبخ ام نيفين

Baina bnina machallah

 

[nada242008]

رد: تحلية فخمة و لذييييذة من مطبخ ام نيفين

هااااااااااااايلة ام نيفين ..خسارة ماناكلش الفلان والا راني جربتها

 

[mimi53]

رد: تحلية فخمة و لذييييذة من مطبخ ام نيفين

اههههه يا ام نيفين كلختيلي مافيباليش رايحة تحطيهم في اسرع وقت
ههههه
يعطيك الصحة حلوياتك في منتهى الروعة ربي يحفظك ويخليك وينجحلك اولادك يارب

 

[حكيك]

رد: تحلية فخمة و لذييييذة من مطبخ ام نيفين

بارك الله فيكي و ربي يهنيك و يحفظلك ولادك ان شاء الله
روعة ما شاء الله

​

 

[serinee]

رد: تحلية فخمة و لذييييذة من مطبخ ام نيفين

بارك الله فيك طاطا
التحلية صح فخمة يعطيك الصحة
و ربي يحفظك و يخليلكم وليداتك يا رب
​

 

[أم نيفين]

رد: تحلية فخمة و لذييييذة من مطبخ ام نيفين

يعطيكم الصحة حباباتي ...شكرا على الردود الجميلة

 

[nassima 87]

رد: تحلية فخمة و لذييييذة من مطبخ ام نيفين

امممممممممم يعطيك الصحا تبان 4444444444 بارك الله فيك

 

[كوثر الوهرانية]

رد: تحلية فخمة و لذييييذة من مطبخ ام نيفين

مرسي ايمانوا على الوصفة بارك الله فيك

 

[masi_jiji]

رد: تحلية فخمة و لذييييذة من مطبخ ام نيفين

تبان تشهي تمنيت كون حطيتي معاها الصور شكرا ودعاء مقبول انشاءالله

 

[nassima 87]

رد: تحلية فخمة و لذييييذة من مطبخ ام نيفين

انا منحبش لفلون بصح سييتها او قع عجنتهم يعطيك الصحا او راني سرقتها درتها في لاباج ديالي فايسبوك