استفسار

[ام نوسه]

السلام عليكم

في الاول نشكركم بزاف على المواضيع المهمة لي راهي تساعد فينا
حبيت نسقسيكم اخواتي انا ابني الياس عنده 14 شهر كملهم هذا اسبوع وما زال ما يمشيش هو يوقف وحده بصح ما يقيس حتى خطوة وحتى الاسنان غير 2 لتحت اولادي الكبار تمشاو قبل العام
هل يخصه طبيب يشوفو او واش تقترحوا علي
​

 

[أمــ وليــد الجزائرية]

رد: استفسار

اولا نقلك ربي يخليلك وليدك الياس


اولا نقلك متتقلقيش على وليدك عادي


قوليلي هو يمشي كي يشد في حاجة ولا ميمدش حتى خطوة حتى و هو يمسك روحو


امي تقولك اشريلو لــvitamine D

وراح تساعدو ان شاء الله

بالنسبة للاسنان ثانيك مش مشكل

اي استفسار اخر سيدتي رانا هنا و لا داعي للقلق

يتربى في عزكم ان شاء الله ​

 

[ام نوسه]

رد: استفسار

شكراااااااااااا ليك اختي ربي يخلصك
ايه اختي هو يمشي مع الاثاث بصح وحده لا

 

[أمــ وليــد الجزائرية]

رد: استفسار

شكراااااااااااا ليك اختي ربي يخلصك
ايه اختي هو يمشي مع الاثاث بصح وحده لا

لاداعي للقلق كليا

انت برك خليه ياكل مليح اكلات صحية

و ثانيك النوم لازم يرقد مليح

و ان شاء الله عن قريب يبدى يجري تعودي انت متلحقيهش

ربي يحفضهولك ان شاء الله من كل مكروووه
​

 

[ام أمينة]

رد: استفسار

تمت الاجابة
يغلق​