2
- الأوسمة
- 49
ان شا ءالله راكم بخير
اليوم جيت نحكي على واحد الظاهر مكروهة بزاف في المجتمع
تتواجد عند النسا بكثرة وكاينة حتى عند الرجال
حبيت نعرف رايكم فيها وكيفاه تشوفو للبشر لي يديرها !
عندنا زوج جارات فريدة وحليمة في العمارة تاعنا
فريدة مرى خدامة على روحها عايشة لاباس بيها مع راجلها وولادها تخدم ترجع تروح ترجع ولاعلابالها بالناس .
أما حليمة هادي ديما تشوف في روحها ماش عايشة مليح ومن كثر ماهي فارغة شغل شغلها الشغال
انها تضال تهز الهدرة من ومن هيه وتموديفي في الهدرة تزوقها كيما يقول خاطرها
ايواه ،هادي الشخصية منلي كنت صغيرة وأنا حايرة فيها
منلي خلقت وهي في نفس العقلية الناس كبرت عقالت وهي قريب عرس ولدها ومازالت بنفس العقلية !
الهدرة في الناس والتقرعيج مليار والتسركيل كل يوم تخرج
عند لافامي ولحبابات ديما عندها الجديد ميفضش خلاص
والأسوأ انها تهز هدرة فلانة لفلانة
هادي فريدة بعد واش ربحت حسنات على كتافها !
لمرى تعامل فيها غير بالخير وهي فريدة دارت فريدة عملت وتخترع حكايات ماكانش منهم خلاص
وكي تشوفها وجه اخر خلاص
هيا أختي اللماوية انتي كي تشوفي قدامك ظاهرة كيما هادي واش تديري ؟ كيفاه تكون نظرتك للشخصية لي قدامك ؟
وأنت خويا اللماوي لوكان مثلا تفيق بمرتك من النوع هادا
لي يدير الفتنة ويهز الهدرة من ومن هيه ويحرّش هادي ولوخرا باه يدير فتنة واش يكون تصرفك معاها ؟
واش رايكم ؟
نتمنى تفاعل جاد مع الموضوع
