انا مخطوبة لشخص لا يتقبله عقلي و لا قلبي و لا تفكيري

nina17

:: عضو بارز ::
أحباب اللمة
إنضم
15 ماي 2009
المشاركات
1,004
نقاط التفاعل
91
النقاط
37
العمر
32
السلام عليكم

كما رايتم في العنوان اني مخطوبة لشخص لا اتقبله حتى فانا كنت اعرف شخص لمدة 3 سنوات و كنا متفقين على الزواج فهو يحبني حب لا يوصف و حتى لو تقدم لي فوالدي سيرفضه لانه كان في فترة تربص اي انه في بداية الطريق
و خطبني اخر هو دكتور في الجامعة فلم استطع الرفض لان صوتي غير مسموع في البيت خصوصا انه لا يوجد سبب مقنع للاهل كي ارفض اتاني بالهدايا و مهر كبير و خاتم غالي
لكن انا اليوم وصلت الى درجة لم استطع التحمل لاني مخطوبة في 7 اشهر و هذا الخطيب لم يسال عني لبدا في الهاتف و لا يتكلم معي و انا اصبحت اكرهه
خصوصا ان الانسان الذي احببته لا يزال يريدني كلم امي و اختي و اخي و لكن صدوه في كل مرة رغم اني قلت لهم اني لا اريد الزواج بالخر و قلت لابي و لكن كانت النتيجة اني ضربت و اهنت بكل الطرق من اهلي

انا الان لا استطيع ايجاد حل احس نفسي سجينة صليت صلاة الاستخارة و انا خائفة من ان اتزوج شخص لا اطيقه و اعلم اني لن اتقبله لانه تفكيره من النوع الذي يتزوج لغرض الزواج و انا بالاحرى احب اخر و هو ايضا ينظرني رغم الاهانات التي تعرض لها من اهلي
اعرف ان هذا حرام و لكن حرام ايضا ان اتزوج شخص لا ارغب به


ساعدوني و انصحوني ارجوكم
 
رد: انا مخطوبة لشخص لا يتقبله عقلي و لا قلبي و لا تفكيري

واش نقولك ختي ربي معاك برك
خاطرش انا عانيت من هاداك المشكل وقلت خلاص تهنيت منه خلاص
مي عاود حصلت في حصلة اخرى وراني راح نعقد حتى فرصة مابقات عندي
مانعرفش واش نقولك وكان جيت عارفة الحل وكان درته لروحي
الحاجة الوحيدة اللي نقولك عليها صلاة الاستخارة ماتقطعيهاش
داومي عليها وان شاء الله خير
بلاك غير حنا رانا ظاليمنهم وهوما ناس ملاح
هاديك هي غير صلاة الاستخارة وربي معانا ان شاء الله
اذا كان خير لينا راه ربي يسهل بيناتنا واذا كان لالا الله يبعده علينا بعد سما على لرض
الله يفرحك ختي ويفرج عليك
والله من قلبي راني ندعيلك حاسة بيك

 
رد: انا مخطوبة لشخص لا يتقبله عقلي و لا قلبي و لا تفكيري

أختي تيرثي ان شاء الله خير
 
رد: انا مخطوبة لشخص لا يتقبله عقلي و لا قلبي و لا تفكيري

الحرام ماتفعله عائلتك بك اختي ربي يصبرك و يقدرك وربي يجيب الي فيه الخير ان شاء الله
 
رد: انا مخطوبة لشخص لا يتقبله عقلي و لا قلبي و لا تفكيري

حقيقية الامر ليس سهلا و ما يفعله اهلك ليس جيدا خاصة اذا كان الشاب الذي تقدم لك و رفضه - وليد حلال - لعلينا عليك ان تخبري اهلك المقربين مثلا خال او عم و توضحي له الامر بكل صدق و صراحة حتى يمكنه الوقوف الى جابنك بالشكل اللازم
 
رد: انا مخطوبة لشخص لا يتقبله عقلي و لا قلبي و لا تفكيري

واش راح نقولك زيدي حاولي مع مماك اكيد لازم يجي وقت و تفهمك و هي بطريقتها تقدر تفهم الوالد نتعاك
او يفرج ربي اختي ما تخافيش و زيد صلي صلاة الاستخارة و الخيرة فيما اختاره الله اختي
 
رد: انا مخطوبة لشخص لا يتقبله عقلي و لا قلبي و لا تفكيري

في الحقيقة الأمر ماشي ساهل انك تكوني تحبي واحد ويتقدملك روطار بعد ما تتخطبي لواحد آخر مهما كانت ظروفو وراكي أكيد في موقف حرج بينك وبين العايلة ديالك وبين هاذ الخطيب اللي ما يسقسيش عليك حتى بالتيليفون
أنا من رأيي انت اللي تتصلي بهاذ الخطيب وتفهميه بأنك تحبي شخص آخر وبأنو أهلك هوما اللي مرغمينو عليك وبأنك مستعدة ترجعيلو كامل واش جابلك من ماديات اللي على حساب ظني يحسب أنو شراك بيهم ونظن ماكانش واحد يحب يرتبط بواحدة قلبها مع واحد آخر وتانيت على حساب المستوى ديالو كيما قلتي انو دكتور بالجامعة نظن أنو راح يخلي الأمر سر بيناتكم ويفسخ الخطوبة بما أنو ماكاين حتى مشاعر تجمعكم بلا ما يحسس أهلك علاش ويتفاهم معاهم باش يسترجع واش جابلك يعني يكون كل شي بالتراضي بيناتكم
وربي يقدم اللي فيه الخير أختي تحلاي بالصبر والايمان وأكيد ربي ماراحش يخلي عليك
 
رد: انا مخطوبة لشخص لا يتقبله عقلي و لا قلبي و لا تفكيري

السلام عليكم اختي
اول حاجة ربي يكون في عونك ان شاء الله
ثاني حاجة حاولي تتكلمي مع يماك بالعقل وقنعيها وفهميها قولها كيفاه نزوجو وانا منطيقوش تفضي المشكل من ذركا خير من لي تزوجي ولا قدر الله ترجعي مطلقة
وكيما قالت الاخت لي قبلي حاولي تحكي مع هذا لي تقدم لخطبتك اذا كان يفهم اشرحيلو وعك قوليلو واش كاين كامل وفهميه بلي ميجوزش زواج وانت ماكيش حاملاتو خلاص
وعليكي بصلاة الاستخارة وربي سبحانو رايح يبينلك كل شي
وان شاء الله ياربي يتحلو مشاكلك في اقرب وقت يارب ويسهلك امورك كلها ويعطيك ماتتمناي
الزهرة الحمراء
 
amel al3lm، تم حظره "حظر دائم". السبب: مخالفة القوانين
رد: انا مخطوبة لشخص لا يتقبله عقلي و لا قلبي و لا تفكيري

الاهل احيانا يكونون اسيين جدااااا على اولادهم رغم علمهم ان الشيء الذين يفعلونه حرام
ربي يجيك الي فيه الخير ختي
واش تحبي نقولك ان شاء الله ربي يكتب المكتوب وتتزوجي الي تحبيه
بويسك الحب اجمل شيء في الحياة وخصوصا حينما يصير الحب زواج

+ لا المال ولا الذهب يسعدو الانسان
انما الحب والاحترام هما سر السعادة في الحياة

بالتوفيق
 
رد: انا مخطوبة لشخص لا يتقبله عقلي و لا قلبي و لا تفكيري

شكرا ربي يخليكم

ريحتولي خاطري بزاااف بصح المشكلة انا ماما ماراهاش باغيا تسمعني على خاطر عندي اختي الكبيرة هي ليراها تعمرلها في راسها عليا كرهت و انا غي نهدر وصلت حتى ماما قاتلي تمنيت لوكان مجبتكش و يقولولي نحبو المصلحة تاعك انا اختي وصلت ضربتني حتى عيني اليمنى عندي فيها اضطراب فالرؤية و ماما دائما تعطيها الحق
يقولولي رانا حابين نفرحو و ماراهمش يخمو فيا بلي ماراحش نكون فرحانة

و هدا الخطيب الرقم تاعه منعرفهش و ماكانش لي بغى يعيتهلي

بغيت ندخل طرف من العائلة باه يهدر مع بابا بصح خفت تاني يضربوني و الله ماراه عندي القدرة باه نتحمل
 
رد: انا مخطوبة لشخص لا يتقبله عقلي و لا قلبي و لا تفكيري

قلتلهم نفسخ الخطبة درك احسن ملي نرجع للبيت مطلقة و عارفة روحي بلي نضعف و نبقى نخمم فالنسان لي نبغيه و والله اخر همي نقوم بخيانة زوجية
كررررررررهت
 
رد: انا مخطوبة لشخص لا يتقبله عقلي و لا قلبي و لا تفكيري

ربي يفرج عليك اختي
واذا كان حبيبك قسمتك راه يجيك
شدي في ربي هاذا ماكان
 
رد: انا مخطوبة لشخص لا يتقبله عقلي و لا قلبي و لا تفكيري

يا الله،، ربي يفرج كربتك حبيبتي،،
حاولي أن تتحدثي مع هذا الخطيب في الهاتف، أو حتى ابعثي له الشخص الذي تحبيه لكي يتكلم معك،
صح من الممكن أنو هوما راهم يشوفو فيها مصلحتك، بصح حرام تحصلي في واحد وقلبك مع غيرو،
حاولي بكل الطرق حبيبتي، لا تيأسي،

اذا كان صح هذا الحبيب للي راكي تحبي فيه ناويك للحلال والمشكل فيهم،خليهم يضربوك ومتبعيهمش، متفرطيش في حبك بليز،، وربي نشالله معاك
 
رد: انا مخطوبة لشخص لا يتقبله عقلي و لا قلبي و لا تفكيري

الاحت الفاضلة هناك مشكلة أسقطت كثير من النساء في الهاوية هي عدم تطبيق شرع الله في الزواج

و من شرع الله في الزواج ان يكون قبول بيد المرأة نفسها من غير تدخل من احد

هل هم من يريدون الزواج ام انت ؟؟

أذن هذا مصيرك انت


------------------------الفتوى---------------------------------------------------------
القرضاوي
هذه مشكلة خالدة للأسف، بعض الآباء يظنون أن من حقهم أن يُكرِهوا بناتهم على أن تتزوج بمن يريدون هم، لا بمن تريد هي، هذا خطأ شرعي وخطأ أخلاقي، لأن معنى أن تجبر الفتاة على أن تتزوج من لا تريد كأنك تدخلها في جحيم، فالإنسان إذا لم يتزوج برغبته وإرادته، فمعناها أن يعيش حياة غير سعيدة ولا صالحة، وليس هناك حل لهذه القضية إلا أن يعي الآباء أنه ليس من حقهم أن يجبروا البنات على ما يريدون، النبي عليه الصلاة والسلام طلب أن يؤخذ رأي الفتاة حتى لو كانت بكراً، فقالوا: البكر تستحي يا رسول الله، قال "إذنها صماتها" يعني يكفي أن تسكت فهذا دليل على الرضا، وجاءت إحدى الفتيات وشكت إلى النبي صلى الله عليه وسلم: إن أبي يريد أن يزوجني من ابن أخيه وأنا له كارهة، فقال لها: أجيزي ما صنع أبوك، قالت: إني له كارهة، قال: أجيزي ما صنع أبوك، قالها مرة واثنين وثلاثة وهي ترفض، ثم قال لها: أنت حرة، فقالت: يا رسول الله أجزت ما صنع أبي ولكن أردت أن يعلم الآباء أن ليس لهم من أمر بناتهم شيئاً، فهذا في عهد الرسول صلى الله عليه وسلم، فالبنت من عقلها وحسن فهمها أرادت أن تكسب هذا المبدأ لبنات جنسها، ولكن للأسف كثير من الآباء يزوجون بناتهم بالإجبار والإكراه، ولا تزال في كثير من المجتمعات خصوصاً في المجتمعات الخليجية، أن ابن العم هو أحق، مع أنه الآن علم الوراثة يقول أن تكرار الزواج من أولاد العمومة كثيراً ما يتسبب في تركيز العيوب الوراثية، ويحدث العوائق أو التعويقات والتشوهات في الأبناء، فمن عدة أيام عمل شخص دراسة في إحدى الصحف القطرية عن كثرة المعوقين في عصرنا بالآلاف في مجتمع مثل قطر، هذه من الأشياء المسجلة، إنما هناك أشياء غير مسجلة وهي ظاهرة تلفت النظر والكثيرون يقولون أن هذا من أسبابه من غير شك، كثرة الزواج من الأقارب وبنات العمومة.


------------------------الفتوى---------------------------------------------------------


حتولي ان تقنعي واليدك بهذه الأمور ربما يحسون بالذنب و يتفهمون اهميتك القصوى
 
رد: انا مخطوبة لشخص لا يتقبله عقلي و لا قلبي و لا تفكيري

ممكن تسمعيني شويه يا نينا ....

انتي لم تذكري لنا عمر الدكتور ولم تخبرينا عما اذا كان سبق له الزواج لكن فيما لو كان عمره مقبولا ولم يسبق له الزواج فإنني اقول .......

انتي للسا صغيره وما تعرفي مصلحتك واهلك ادرى منك بما هو خير لك ان شاء الله ...
الشاب اللي تحبينه ماهو مضمون مثل ذاك العصفور اللي على الشجره عندما تقتربي منه يطير ثم هو غير قادر على تهيئة بيت الزوجيه والزواج مسئوليه وليست لعبه تلعبوها عشق وغرام !!
وأمك وابوك لايمكن ان يكونوا لك اعداء فهم والله يحبوا لك الخير كما انفسهم واشد .. ولا بركه في زواج يجي غصب على الوالدين ابدا لايمكن ان يكون بركه ...
الدكتور الذي خطبك راجل ومتعلم ويفهم بالحياة ولديه قدره على اقامة بيت الزوجيه وقد اختارك دون سواك لتكوني شريكة حياته مع انه مهيأ ليجد من هي افضل منك ..
ولهذه الحيثيات المهمه اتكلي على الله وانسي حبيبك الشاب اللي قد لايملك من امره شيئا قد يعترض ابوه او امه على زواجه منك فيما لو طار الدكتور من يدك ...

نصيحتي لك ....

وافقي على خطيبك وانسي كل شيء وهيئي نفسك للزواج منه فالخيره فيما اختاره الاهل لك وهم ادرى بشئونك ولا تمنحي عقلك لغيرك ,, اما كون خطيبك لايتصل بك فهذه ليست حجه يمكن هو انسان عاقل ومتفهم ويمكن يكون خجول هذا امر عادي ,, هذه نصيحتي وانتي ادرى وما التوفيق الا من عند الله ....
 
رد: انا مخطوبة لشخص لا يتقبله عقلي و لا قلبي و لا تفكيري



كآنَ اللهُ في عوْنكِ أختِي الكَريمَة .. حآلكِ حآلُ الكَثيرآتِ للأسفْ ممنْ يعآنينَ في صمتْ ..
لآيحِق لوَآلديكِ إرغامكِ علَى الزَواجِ بمنْ لآ تُريدينه فَ من شُروطْ الزوَاج التَراضي بينَ الزوْجينِ .. تكَلمي معَ أحدْ أقآربكِ حَيث يكُون عآقلْ حتى يتَكلمَ معَ وآلدَيكِ بالموْضوعْ ..
تمَسكِ بحَبلِ الله وأكثرِي منَ الدُعآءْ لنْ تخيبي أبدًا بإذن اللهْ
رَبي ييَسرْ أمُوركْ ويهْدي بآلكْ يآربْ


 
رد: انا مخطوبة لشخص لا يتقبله عقلي و لا قلبي و لا تفكيري

السلام عليكم اختي الكريمة المشكلة تاعك صعيبة بويسك راهي حياة شوفي ما تخمي ما طلعي ماتهبطيي بويسك فب لخر كلش بالمكتوب و الزواج هذا قسمة و نصيب حكايتك نتيا عشتها قبل 3 سنوات و كنت نحبها و تحبني و تفاهمت معاها باش نخطبها و تفاهمنا بعد 3 اشهر نجيب والديا و يخطبولي ايماجين في 3 اشهر جا دكتور مقيم في فرنسا خطبها و قبلو والديها مانكذبش عليك تصدمت و مالقيت كيفاش ندير بمعنى تخلطت عليا مي مع الوقت بديت نفهم و نقنع بلي كل حاجة في الدنيا هادي عندها اسم قسمة و نصيب وش راح نقول اختي ربي يفرج عليك و ربي يهدي والديك و نشاء الله يكتبلك ربي لتمنتيه :)
 
رد: انا مخطوبة لشخص لا يتقبله عقلي و لا قلبي و لا تفكيري

أختي العزيزة أسمعني مليح وياريت تاخذي بنصيحتي
حبيبتي الغالية مهما كان رأي الوالدين فهو في الأخير صح تعرفي علاه نفرضو تزوجتي لي تحبيه وقبلو لكن مش راضين صدقني مهما أستمرت الحياة الزوجية ستكتشفي يوما أنهم كانو محقين في رأيهم لأن الرب أعطاهم قدرة يشفو حوايج أحنا ماشي شايفينها نحسابو رواحنا نديرو في الصح
وصدقيني هذا لي تحبيه غير مضمون مهما كان يحبك يقولك ما يدوم غير الصح
فكري حبيبتي ونتمنالك حياة زوجية رائعة مع لي كتبهولك ربي قولي ياااااااااااارب
 
رد: انا مخطوبة لشخص لا يتقبله عقلي و لا قلبي و لا تفكيري

عندكم الحق
خسرت كلش صايي لا خطيب و لا حبيب
هدرت مع خطيبي انا و لي نحبه مالا جا الخطيب لدارنا و خير عليا بابا و الحبيب ماراهش يدر عليا فالبورتابل و انا حياتي ضاعت
 
رد: انا مخطوبة لشخص لا يتقبله عقلي و لا قلبي و لا تفكيري

عسى ان تكرهوا شيئا وهو خيرا لكم و عسى ان تحبوا شيئا وهو شرا لكم
انا نقولك كملي مع صلاة الاستخارة وربي يفرج عليك و نقولك متخافيش ربي معاك مدامك مكترى من صلاة الاستخارة
و نزيد نقولك وحدة زوجها باباها واحد تكرهه نهار لي زوجاته خاصماته عام و هما متخاصمين و منبعد ولات تموت عليه مناش عارفيه واش راه مخبي و ناكدلك على صلاة الاستخارة هي المخرج الاول و الاخير عن تجربة و نقولك ربي يوفقك لكل خير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top